التربيه الجنسيه للاطفال حتى عمر 9 سنوات

بسم الله يا جماعه هانبدأ الكلام عن التربيه الجنسيه

وفى الاول احب افهمكم يعنى ايه تربيه جنسيه

لان زي ماانتم عارفين ان احنا اول ما نسمع اي عباره فيها كلمة جنس على طول نتكهرب ونقول اااااااااه قلة ادب بقى
التربيه الجنسيه مسمى مش ملحوق على الجنس الى هو العمليه الجنسيه نفسها

ابسلوووووووتلي لاء

انما التربيه الجنسيه نسبه للجنس من حيث الذكر والانثى يعنى
من اول الطريق الى هنبدأه النهارده ان شاء الله لحد لمااااااااااا نوصل لاخر فصل من فصول التربيه الجنسه وهو العلاقه الجنسيه

اه صدقوا هو ده اخر فصل

ودلوقتي بقى نبدأ فى الموضوع

وهو نقول ايه للاطفال عشان نبقى بنربيهم جنسيا

فى البدايه هانتكلم عن العمر من

سنتين او حتى اقل لحد سن الست سنوات

فى الفتره دي بقى تعملي ايه

اولا لازم دايما توجهي الطفل لجنسه

بمعنى يا حبيبى انت ولد ما تلبسش توكه زي البنات

انت رااااجل خليك نااااااشف اخشوشن ياااااض كده يعنى

وللبنت برضه انتى بنوته حلوه فى بنوته تلبس كرفته بابا انتى هبله يا قطه

لازم الطفل يعرف جنسه وانه يفترق عن التاني

ولما يوصل لسن 3 سنين لازم يعرف ان يحافظ على نفسه وجسمه خصوصا لو هايروح الحضانه

تقولي له يا حبيبى ده البوتي ولا التوتي ولا اي اسم بقى انتى حره عيب اي حد يشوفه غير ماما او بابا حد غريب لا

والى يقولك غير كده اديله بالبوكس فى وشه

ونفس الكلام للبنت طبعا

فى السن ده كمان لازم تعلميه يستأذن قبل الدخول عليكى او على اي حد قافل الباب ويخطب على الباب ويفهم معنى

الخصوصيه ولما تيجى تغيري هدومك تقوليله اطلع بره عشان اغير هدومي

وهايقولك طب اشمعن بابا عادي قوليله عشان هو جوزي

ونفس الحكايه للبنت نفس الاجابه

وطبعا هنا يبدا الاب يدخل فى الموضوع ويتكلم هو كمان ويقول عشان هى مراتي

لازم يعرف ان الزوج والزوجه لهم خصوصيه ووضع خاص

(ناخد بالنا ان دي اساسا من التعاليم الاسلاميه الايه دي :
يا ايها الذين امنوا ليستاذنكم الذين ملكت ايمانكم والذين لم يبلغوا الحلم منكم)

لازم كمان من سن خمس اربع وخمس تبدأي تعليمه يهتم بنضافته ذاتيا وبنضافة اعضاؤه التناسليه بعد الحمام خصوصا

لان ده بيسبب مشكله طبعا مره دكتور مسالك بوليه قالي انه للاسف نادرا ما تجدي طفله فى عمر الخمس سنين مثلا وما عندهاش التهابات حاده مجرة البول والاعضاء التناسليه الخارجيه

وده بسبب ان الامهات بيهملوا نضافتهم ومش بيعلموها تنضف نفسها كويس وكمان بتصل الموضوع انهم بيخافوا ينضفوا البنت كويس عشان غشاء البكاره

وطبعا ده هبل وتخريف هو يعنى غشاء البكاره مرمي فى الشارع كده
لا طبعا
(ده هانعمله بوست لواحده غشاء البكاره )

ونفس الحكايه الولد برضه بيكون موجود ثنيات على العضو الذكري وبيتكون حواليها فطريات نتيجه لانه مكان رطب دايما ودافي والفطريات تعمل التهابات ومشاكل تانيه فيما بعد

كمان ناخد بالنا ان دي من احكام الطهاره عندنا فى الاسلام :التطهر بعد الحدث الاصغر (بعد الحمام)


بعد كده نيجى لسن الست سنين او سبع سنين هايبدا بقى الطفل ينتبه لحقائق الحياه زي مثلا انه لازم لازم لما مامته

هاتكون حامل او حد قريب لهم هايسأل مامته ويقولها

ماما هو ازاي البيبى جه جوه بطنك ؟؟؟

طبعا مش عايزه اسمع اجابات غبيه بقى وجبناك من جنب الجامع واشتريناك من سوق المعيز والحركات دي المفروض تشرحي العمليه كما يلي :

شوف يا حبيبى انت عارف بيضة السمكه شوف صغننه ازاي اهو الست بيكون عندها فى بطنها بيضه صغنونه كده زي بيضة السمكه وبعدين عند الراجل فى كمان حاجه صغيره كده لازم الحاجه دي تيجى تدخل جوه البيضه الى عند الست وبعدين بامر الله ربنا ينفخ فيها من روحه وتبقى بيبى صغنن اد صباع ماما كده وبعدين تفضل تكبر

فى الغاااااالب خصوصا لو كانت بنت هاتسألك وازاي بيطلع البيبى من بطن ماما ؟؟

بكل بسااااطه قوليلها الستات بيبقى عندهم فتحه كده تحت بطنهم بيطلع منها البيبى

طب هو انا هايطلعلي الفتحه دي امته

لا يا حبيبى الفتحه دي عندك فعلا بس لسه صغنووونه اوي وهى مكانها جمب الفتحه الى بينزل منها البيبى بس ايه خدي بالك اوووووووعى تدوري عليها ولا كلام من ده احسن تتعوري يا حبيبتى احنا بس ننضف نفسنا بعد البيبى بالراحه .

بهدووووء وبساطه من غير ما تجرأيها على المكان ولا تخوفيها خوف مرعب منه

ولو الولد الى بيسأل برضه عااااادي قولي نفس الكلام

ولو اتزنقتي اوي بقى فى سؤال مش عارفاه وخلاص بقى هاتموتي يعنى ما تالفيش هبل بقى لا قوليله طب بعدين اقولك السؤال ده واعملي حسابك انك تدوري فيه فعلا وتلاقي اجابه مقنعه وتاجبي عليه لو سألك تاني او جت مناسبه للكلام
واي سؤال فى الدنيا له اجابه مبسطه

جاوبي ما تتكسفيش من ابنك ولا بنتك بالعكس جرأيه انه يكلمك ويحكيلك
ده من مصلحته ومصلحتك
تعالى على نفسك شويه

ده الى ممكن تعلميه لابنك او بنتك وهو فى السن ده
اه واوعى تفكري انك هاتقولي الكلام ده مره وخلصت
لا طبعاااااا
ده انتى هاتفضلي تعيدى وتزيدى فيه بدل المره مليون مره
خصوصا تحذيرات السلامه
والنضافه كذلك
الطفل بينسى احيانا وبيستهبل احيانا اخرى

مش عشان انتى مكسوفه وقلتي الكلمتين بالعافيه تقوليه مره وتقولي خلصت ضميري

وخلي دمك خفيف وهزري وانتى بتتكلمى فى الموضوع ده ولكن بجديه
عشان الولد او البنت ما تتكسفش منك
يعنى خلي الموضوع يبدو عادي وهاديء ودمه خفيف

حاسه ان الموضوع طول مني لكن ماليش دعوه انتم الى عملتم كده فى نفسكم

عايزه بقى التعليقات من فضلكم تكون مش شكرا وكتر خيرك
عايزه تعليقات تضيف للموضوع وتشاركونا خبرتكم ومعلوماتكم الخاصه بالمرحله دي من التربيه الجنسيه

اتكلم انا بقى

دلوقتي انا مش عارفه انتم عايزين ايه بالظبط

المدونه دي انا عملتها عشان انتم الى تتكملوا فيها انا بدأتها بس فى الاول بكذا بوست يادوب افتح الموضوع والمفروض ان الناس هى الى تتكلم ولو ما كانش حد وقتها بيجى المدونه كتير بس مش مشكله

بعد كده انا بقيت فعلا باكتب الى انتم بتقوله فى حاجات اصحابها اصروا انى اصيغها انا واكتبها وفى بوستات انا نزلتها حرفيا كوبي من رسايلهم

فما دام ده كلامكم ما حدش يقولي نص كلمه بقى

ثانيا ايه بقى مالكم الدنيا قامت وما قعدتش ليه على خالد انتم ليه كل ما تسمعوا كلمه جنس او اي حاجه تشير لها تتكهربوا كده ؟؟؟

هو انا قاعده فى برنامج سينما الاطفال انا شبه ماما عفاف ؟؟ اطلاقا

المفروض انا باتكلم مع ناس كبار وعملتلكم المدونه اهو كمان للكبار فقط عشان تستريحوا

الناس زي عماد وغيره بيقولوا ليا انتى بتعرضي المشكله من غير حل

طيب ما تقدموا انتم حلول اما انا باقول ليه المشكله ؟؟ الى عنده اقتراح يتفضل فى الردود او فى الاميل وانا هانشره بكل امانه

انا عايزه اسمعكم مش عايزه اتكلم انا .

لكن الاخ عماد واثق انى اقدر اتكلم واغير حاجه طيب حاضر هاحاول لكن حقيقى انا مش عارفه هاقدر ولا لا .

هاعمل مجموعة بوستات عن التربيه الجنسيه على الاقل بدايتها وبعد كده تفرج

لان محاسن صابر طلبت مني برضه ازاي تثقف ابنها جنسيا وهو لسه صغير

ما اسمعش ولا نفس اكيد مش هاتفهمه يعنى ايه 69 الى خلاكم اتنطتم كلكم لا طبعا التربيه الجنسيه موضوع تاني خالص

بس لازم قبل ما ابدأ كلام اقولكم يا جماعه ارجوكم ما تتكلموش عن الجنس كأنه حاجه عيب وما يصحش نتكلم فيها

حاجه اتكلم فيها القرآن يبقى مش حرام ابدا نتكلم عنها يعنى انا مثلا لو قاعده باقرا قرآن مع بابا وتقابلي الايه فى سورة البقره:

نساءكم حرث لكم .......... قوم انا بقى اتكسف واقول لا مش هاقرا قرآن مع بابا ؟؟؟

الاحاديث ملياااان كلام عن مشاكل جنسيه وبادق التفاصيل فى الردود انا قلت حديث معلش هاقوله تاني

ماحدش يقولي هنا مش مجال للدين . لان الدين بالنسبه ليا حياه مش كلمتين بنقولهم فى الجامع

أن رفاعة طلق امرأته ، فتزوجها عبد الرحمن بن الزبير القرظي ،

قالت عائشة : وعليها خمار أخضر ، فشكت إليها وأرتها خضرة بجلدها ، فلما جاء رسول الله صلى الله عليه وسلم ، والنساء ينصر بعضهن بعضا ،

قالت عائشة : ما رأيت مثل ما يلقى المؤمنات ؟ لجلدها أشد خضرة من ثوبها .

قال : وسمع أنها قد أتت رسول الله صلى الله عليه وسلم ، فجاء ومعه ابنان له من غيرها ،

قالت : والله ما لي إليه من ذنب ، إلا أن ما معه ليس بأغنى عني من هذه ، وأخذت هدبة من ثوبها ،

فقال : كذبت والله يا رسول الله ، إني لأنفضها نفض الأديم ، ولكنها ناشز ، تريد رفاعة .

فقال رسول الله صلى الله عليه وسلم : ( فإن كان ذلك لم تحلي له ، أو : لم تصلحي له ، حتى يذوق من عسيلتك ) .

قال : وأبصر معه ابنين له ، فقال : ( بنوك هؤلاء ) .

قال : نعم ،

قال : ( هذا الذي تزعمين ما تزعمين ، فوالله ، لهم أشبه به من الغراب بالغراب ) .

الراوي: عكرمة المحدث: البخاري - المصدر: الجامع الصحيح - الصفحة أو الرقم: 5825خلاصة الدرجة: [صحيح]

فهمتوا الحديث ولا محتاج شرح ؟؟؟

وعلى فكره فى روايه تانيه ان الكلام ده كان على مسمع من الصحابه مش فى السر يعنى ولا حاجه

والرسول عليه الصلاة والسلام قاعد يحكم ما بين واحد وزوجته شوفوا هى قالة ايه عن جوزها وهو رد قال ايه والرسول لا نهاهم ولا قالهم يا قلالة الادب عيب تتكلموا كده

حتى فى روايه تانيه بتقول
فتبسم رسول الله صلى الله عليه وسلم وقال : أتريدين أن ترجعي إلى رفاعة ؟

يعنى كما ابتسم فى وشهم عااااااااادي

هما صحيح اتكلموا فى الجنس لكن مش بقلة ادب بطريقه محترمه وفيها توريات من وجهة نظري فى رقي فى الحديث

انا مسلمه وباتكلم من وجهة نظر دينى

الى من ديانه سماويه تانيه وعايز يضيف حاجه تبعه يتفضل

وعليه اي حد مش عاجبه كلامي من فضلكم يعرف ان دي وجهة نظري ويحترمها ولو مش عايز يقرا يتفضل ما يقراش

اول ما اكتب حاجه جديده هانزلها والى عنده حاجه مفيده فى الموضوع يبعتهالي على الاميل ساعدوا اختكم الغلبانه الى اتدبست فى الموضوع ده .

ده انتم رخميييييييييين باقولكم اتكلموا انتم تدبسوني برضه

يلا مش مهم انشاله ما حد حوش

تجربتى .... من خالد

الحقيقه يا جماحه انا جالي رساله حلوه وحبيت انكم تقروها معايا

الرساله دي من الاخ خالد الى حب يشاركم تجربته

اتفضلوا الاول نقرا الرساله وبعدين انا هاعقب عليها

السلام عليكم

أحب أولا أهنيكي عالمدونة الجميلة دي

واتمنى انها تفيد كل الناس بالتجارب المفيدة الموجودة فيهاوأنا نفسي أحكي تجربتي الشخصية ..

يمكن حد يستفيد منهاأنا هحكيها لأني مؤمن ان تجربتي دي مش مجرد صدفة سعيدة

أنا مؤمن تماماً ان مفيش صدف في الحياة((ما أصابك لم يكن ليخطئك , وما أخطأك لم يكن ليصيبك )) صدق الرسول الكريم صلى الله عليه وسلم

تجربتي بدأت لما التقيت بفتاة أحلامي في الجامعةاعجبنا ببعض .. والاعجاب تطور الى حب عميق جداًتفاهم ملوش حدود , وسعادة غامرة عشناها لما كنا بنبقى مع بعض

إلا ان كان فيه حاجة بتميز علاقتنا عن علاقة كل (الحبيبة) اللي معانا في الجامعةوهي الحدود الصارمة اللي حطيناها لنفسنا ولعلاقتناعلى الرغم من المشاعر الفياضة اللي كنا بنحس بيها لبعض

,الا اننا كنا بنعبر عنها بتحفظمكناش بنخرج مع بعض ..مكناش بنقعد نرغي ونحب في التليفون بالساعات ..لم أسمح لعيني (على ما أتذكر ) بأن تتجاوز وجه حبيبتي الجميل إلى ما دونه ..طوال فترة الجامعة وحتى التخرج ( 6 سنوات ) لم ألمس حبيبتي .. نعم .. لم ألمس حتى يدها

كنا نعين ونشجع بعضنا على مختلف الطاعات والعبادات

كنا مثار اعجاب وحسد كل من حولنا .. حتى الدكاترة والمعيدين بالجامعة

كان الجميع يرى فينا النموذج الطاهر النقي للحب , واللهفة الشديدة في عيننا عندما نكون بعيدين عن بعض

وكنا مثار سخرية من البعض , مثلاً عندما نكون مع بعض في الجامعة ثم يؤذن للصلاة , فنقوم ونصلي , ونعود لنكمل حديثنا

نعم , لم نكن ملائكة , ولم نكن معصومين من الخطأكانت هناك بعض التجاوزات , ولكنها كانت بسيطة (نسأل الله المغفرة )

و لكننا نجحنا في اجتياز اصعب اختبارات الشيطان

مررنا بجميع الفرص للزلل والخطيئة التي وضعتنا فيها الظروف

واجتزناها بنجاح والحمد لله

أعلم جيداً ان علاقتنا كانت قد تبدو للبعض أنها تجاوزات غير مقبولة من اناس ملتزمين , مع أن الغالبية العظمى من الناس ترى التحفظات اللتي وضعناها تشدداً و تحفظاً زائداً لا داعي لهالا اننا كنا نحاول .. ونجتهد

, لنرضي الله نصيب ونخصئ .. ولكننا لم نستسلم

وتخرجنا من الجامعة بعد مصاعب عديدة , وخطبت حبيبتي

واستمر مسلسل التحفظات بيننا , حتى بعد الخطوبة

لم نكن نطيل في محادثات الهاتف , و منعنا على أنفسنا أن نتكلم في الهاتف بعد منتصف الليل

واكتفينا بالزيارات الرسمية من الخاطب لخطيبته في بيتها

وجاء موعد فرحنا

وضعنا كل الاحتياطات والترتيبات لعدم حدوث ما يغضب الله في حفل الزفاف لم نحضر راقصين أو مغنيين .. و نبهنا على كل المعازيم عدم الرقص .. واكتفينا بموسيقى هادئة طوال الحفل وارتدت حبيبتي فستاناً جميلاً محتشماً لا يظهر أيً من مفاتن جسمها وانتهى الحفل , وودعنا أهلنا , وتوجهنا الى عشنا الجميل .

وجاء موعد قطف الثمار ....لا أجد ما أصف به المرحلة القادمة

الا انه يمكنني أن أقول اني أحسست ببركة الله سبحانه وتعالى تنير لنا كل ما حولنا

واحسست بمعنى قوله صلى الله عليه وسلم (( من ترك شيئاً لله عوضه الله خيراً منه ))

لا أعتقد ان أحداً من الازواج بدأ حياته الجنسية بتجربة بديعة استمرت ما يقارب الخمس ساعات , كما حدث معنا ! .

ولا اسمع ان أحداً من الازواج قد مارس ما لم يمارسه أزواج اخرون طوال حياتهم من فنون الجنس , في ليلة لدخل

نسينا حرمان الست سنوات في ليلة واحدة!

سعادة أسأل الله أن يديمها

و حلم جميل بدأ منذ ليلة الدخلة ولم نفيق منه حتى الان بعد مرور سنة على زواجنا

كل يوم فيه اجمل من اللي قبله

نعيش حياة سعيدة مليئة بالحب والرضا والبركةنتبادل الاحضان والقبلات أكثر من مائة مرة في اليوم

نشتاق لبعضنا البعض حتى ان غبنا بضع ساعات

اجتهدنا لرضاء الله , فأرضانا الله

أسأل الله العفة لجميع المسلمين

تحياتي

خالد

احم احم

امسكوا الخشب يا جودعان وبلاش الحقد الى بيفط من عنيكم ده وانت يا ابنى روح بخر نفسك انت والمدام والمعوذتين الصبح وبليل ايوه العيال دي عينها وحشه وانا عارفاهم كويس

انا كمان مؤمنه جدا جدا جدا بالمبدأ ده ان الى بيسيب حاجه نفسه فيها مرضاة لله والى بيعف عن الحرام طول عمره ربنا بيعوضه باجمل حلال فى الدنيا

والحديث الى انت ذكرته برضه رائع الحمد لله

بس هى فى حاجه مهمه عايزه انبه لها

خالد ومراته يا جودعان حاله خاصه ما حدش يعمل فيها شجيع السيما ويعمل كده مع مراته يوم الدخله يا شباب

لان ده فعلا مش صح فى حالات بتكون البنت عندها الغشاء قوي وفضه بيعمل جرح ممكن يكون قوي ولو استمرت العلاقه ساعات كده يا فالح البت هايجيلها نزيف وتموت منك

فلو سمحتم ما حدش يعمل زي خالد

فوق ان لو واحده من البنات الى انا حكيت عنهم فى اسرار البنات عملت طلبت منها وضع 69 ده بالصلاه على النبى هاتبلغ عنك الانتربول

وطبعا يا اخ خالد بنتمنالك سعاده وهنا ميت سنه قدام بس ما تنساش بقى الى قلتلك عليه وربنا هايحسدوك انا عارفاااااااهم

ويارب يسعدكم كلكم اميييييييييييين

اسرار واوجاع الرجال

ما ينفعش الكلام ده يا بلوجاريه الاميلات قليله كده ليه

مافيش مساعدات كفايه ليه

ايه ظلم الانسان لاخته الانسانه ده

المهم
انا برضه ليا مصادري الخاص واجريت احاديث مطوله مع اصدقائي
وبصراحه خلوني عايزه اغير اسم البوست بدل اسرار الرجال

اخليه اوجاع الرجال

يا عين امهم قطعوا قلبي

انا فى البوست الى فات اتكلمت عن البنات الى مش عارفين حاجه عشان الرجاله تعرف ان الى معاهم دي فى الاصل حماره واترقت وجوزوهاله

النهارده بقى الازواج هما ليهم شكوى مره منكم يا حريم

يلا نسمع الاسرار والاوجاع


اولا :
فى اكتر من شخص الحقيقه قالي انه بيحس ان مراته مش فارق معاها اذا ان مارس معاها الجنس من عدمه ولما قلتله اكيد بيتهيئلك وهى مكسوفه كلهم تقريبا كانوا هايقتلوني

وقالولي انهم جربوا يسبوها شهر واكتر ما يلمسوهاش وبرضه لا حياة لمن تنادي ولا بتعبر حتى لما اقام معاها علاقه ما كانش فى اي بوادر انها مشتاقه حتى .

وبرضه كلهم اكدولي ان دي كانت نقطة تحول فى العلاقه انه خلاص بقى ريح نفسه منها وبطل يفكر فيها وفى اسعاده وراحتها اثناء العلاقه لانها مش فارق معاها
وبقى ينجز ويتخمد ينام وخلاص (على حد قوله )


(اؤكد لكم ان الزوجات لا يعلمن اي حاجه وكانوا فاتحين بؤهم ومستغربين هو الراجل ده ماله مش بيعمل ليه ؟؟!!!
وشايفين انه عيب انها تطلب ومكسوفين ليس اكثر )


ثانيا :
صديق اكدلي ان اغلب الرجاله قبل الجواز بيكون عندهم هسهس من حاجتين حجم العضوا لذكري وسرعة القذف
وده طبعا لانهم بيتفرجوا على زفت افلام فيها حاجات مش طبيعيه بالمره ماهو افلام تجاريه لازم يكون فيها ابهار
ولا سيما انهم بيبدأوا الفرجه والمقارنه بدري وهما لسه مراهقين اصلا لسه نموهم ما اكتملش

وبيفضل الهاجس ده معاهم لحد بعد الجواز واحيانا بيتاكدله الهسهس لما يلاقي مراته مش باين عليها استمتاع ولا بترقع بالصوت الحيانى زي البت الى في الفيلم فيتعقد زياده ويتكلكع زياده والموضوع يبقى كومبلكس على الاخر


ثالثا :
فى اكتر من شخص الحقيقه اكدولي ان فى مطلبين لا تنازل ولا هواده فيهم لاغلب الازواج والزوجات ما يعرفوش عنه حاجه احيانا واحيانا اخرى بيرفضوه رفضا باتا او بيظهروا ضيقا منه

المطلبين بقى هما : تغيير الاوضاع واستخدام الفم فى العلاقه الجنسيه من الطرفين

ثالثا : فى واحد قال انا مراتي بتقرف !! ايوه كل ما اطلب منها حاجه تقولي انا باقرف ممنوع ايدك تتمد وبعدين ما تطولش . ايدك لا وبؤك لا (اعتقد ناقص تقوله وخلصنا يا عم المقرف )
وعقب الراجل يا عينى صارخا : عايز اجررررررررب يا ناس عايز اعيش ولا انا انكتب عليا اعيش محروم ؟؟!!!

رابعا :فى صديق برضه حكالي انى فى واحده انشدت من لسانها وقالت لخطيبها انها مش مختونه فهو بقى ركب دماغه وقالك ماليش دعوه انا عايزها مختونه يهديك يرضيك قالك لايونكن ابدا يا كده يا مش متجوز . معقبا على احدى جلسات الاقناع وانا مالي ياعم احسن ما اقدرلهاش .
عيل سييييييس

خااامسا : على الصعيد المقابل فى كمان فريق من الشباب عنده هسهس تاني ان البنت المختونه فى الغالب بارده وما بتحسش مع ده مش حقيقى تماما . الختان الوحيد الى ممكن يجعلها بارده الى هو الى بيسموه الختان الفرعوني لانه جائر جداااا . للي ما يعرفش بيشيلوا كل حاجه على سطح الارض

سادسا :بدى لي قناعه عند بعض الرجال ان الستات المحترمات الى في بيوتهم خلقوا ليكونوا امهات فقط ما يعرفوش ازاي يبقى انثوات فاتنات . وقالك احنا نتفرج بقى من بعيد واحنا ساكتين وخلاص .

سابعا : فى حين على صعيد اخر فى رجاله كتير شايفه ان الجواز التاني حل مثالي للتجديد وكسر الملل وهو ده الامل والمنى عندهم والخلاص الحقيقى . فى حين ان فى واحد من الى فى سادسا الى فوق دي كان متجوز اثنين وقالي ان الثانيه بمجرد ان انجبت تحولت الى صوره من الاولى .

(يبقى المشكله مش فى الستات بقى لواحدهم ؟؟ ايوه طبعا دي مشكله مشتركه )


ثامنا : فى اخ تاني بقى قالي ان مراته وجهة نظرها ان العلاقه الجنسيه دي حاجه حيوانيه ومقرفه ومقززه

(وبرضه تقريبا كان ناقص تقوله ومش عايزه اشوف وش اهلك بقى )

وعقب يا حبة عين ماماته والله انا بدأت احس زيها كده باين ولا ايه ؟؟!!!

مع ان العلاقه الجنسيه ذكرت في القرآن وربنا محللها ومحبب فيها كمان والاحاديث والقرآن بيحترم الشهوه وبيحرص على اشباعها بطريق حلال .



وكفايه كده اوجاع النهارده

ولو جالي اميلات تاني هاعرضها لكم لان انا جالي اميلات من الستات بعد البوست الى فات

وانشاء الله انا هافتحها برنامج حياتي للمتجوزين الى مش عارفين يتكلموا مع بعض

ارجو انكم تكونوا قريتوا الكلام ده وفهمتوا انا ليه باعرضه

وارجو من الستات الى تقرا البوست ده تفكر كويس ان ممكن يكون جوزها واحد من دول فاحترمي نفس وافهمي من فضلك

كل واحد ناوي يقول كلمه مش مظبوطه فى التعليق ليا يبلعها احسنله احن اناا لى بيجى عليا ما بيكسبش

اسرار البنات

ايه رايكم فى العنوان

مش الفيلم بتاع اسرار البنات لا لا ده هايبقى كذا فيلم فى بعض

بصراحه يا جماعه انا لاحظت ان فى هوه واسعه جدا بين افكار البنات والشباب فى حاجات كتير

واعتقد ان احنا محتاجين ان كل فريق محتاج يعرف الية الفريق التاني والتفكيره عشان فى النهايه هما بيعيشوا مع بعض ويكونوا لبنة فى بناء المجتمع الى هى الاسره

عشان كده انا قلت اعمل كلم بوستين ان شاء الله

واحد بعنوان اسرار البنات والتاني ان شاء الله بعنوان اسرار الشباب

اه وقبل ما انسى البوست ده برضه للكبار فقط فوق امممممممم 18 برضه

ماشي كده ؟؟

الى شايف نفسه صغنن يطلع بره

على راي واحده مش فاكره كانت مين فى فيلم ايه بتقوله ايييييييه انا بت بطاله

المهم هاقولكم مجموعة مواقف بعضها انا كنت طرف فيها وبعضها اتحاكتلي من ثقات

طبعا مش محتاجه اقولكم على كمية الخزعبلات الى موجوده فى عقل البنات عن الجواز والجنس والرجاله كمان

عشان كده تقريبا كل الكلام على اسرار من النوع ده

ايه مش انا مش باتكلم الا فى الجنس يا ولاد اللذذذذذذذذين

نمبر وان

واحده مره ودي عمرها كان وقتها 19 سنه تقريبا وكان ده تاني يوم كتب كتابي قالتلى مبرووووك يا مدام قلتلها الله يحرقك هاتجبيلى تهمه يا بت مدام ايه ؟؟

قالتلي ايه هو مش المفروض انك انتى كده اتجوزتي ؟؟

قلتلها لا ياناصحه لما تكبري هايقلولك انهم بيقولوا مدام للي بتجوز مش يتكتب كتابها

ففتحت بؤها فتحه تنم عن غباء متقع

طب وهو ايه الفرق ؟؟ انا فعلا من زمان باستغرب هما الى بيكتبوا كتابهم دول بيبقى موقفهم ايه يعنى وليه ما بيخلفوش الا لما يعملوا فرح

قلتلها كده اصل العيال دول بيصروفهالهم مع الزفه كده حلواني

نمبر توووو

واحده مره قالتلي هو الا في سؤال محيرنى بس دي كانت كتكوته صغيره كده بتاع 13 سنه

امي قالتلي ان الدوره الشهريه دي بيبقى دم فاسد والجسم بيتخلص منه طيب هما الرجاله بيتخلصوا من الدم الفاسد الى فى جسمهم ازاي ؟؟

قلتلها لا هما بيحطوه فى التلاجه عشان ما يبوظش وبين قوسين داتك داهيه فى امك

نمبر ثريييييي

خفيفه اخرى قالتلى انا اكتشفت وانا عمري 13 سنه ان الرجاله عندهم جهاز بولي وتناسلي مختلف عننا وده طبعا من كتاب المدرسه فى الباب الى ما حدش بيشرحه ده ما فهمتش اوي بس اهو نص العمى

نمبر فور

اه اه ما الهبل كتير

قالتلى تعرفي انا اول ما كتبت كتابي جوزي جه يبوسني استغرررررربت جدا ايه ده هو بيعمل كده ليه ؟؟؟(بيطلع لسانه) يععع اوي

يكون مريض نفسيا ؟؟؟ طب يكون هو ده الشذوذ الى بيقولوا عليه ؟؟؟

وفضلت فى ازمه نفسيه كام شهر لحد ما سألت واحده صاحبتى وضحكت عليا لما قالت بس .

نمبر فايف

كان عمرها حوالي 20 سنه ومكتوب كتابها . فجأتنى وانا باكلمها كلام علمي بحت بحت يعني فى محاوله لشرح الجهاز التناسلي بتاعها الى ما تعرفش هو جاي مع مين

فجأتنى بسؤال خلاني عايزه احدفها من الشباك لما قولتها التلقيح قالتلى ااااااااااه ازاي بقى بيجوا عند بعض

قلتلها نعم ؟؟؟

قالتلى يعنى ازاي الحيوان المنوي بيجى عند البويييييييييضه ؟؟؟

قلتلها انتى هبله يا بت ؟؟

قالتلى لا انا عارفه ان فى حاجه بتحصل اكيد يعنى بس هى اييييييييييييييه بقىىىىىىىىى؟؟؟!!!!!!

نوووووووره اوي

نمبر سته (بلاش سكس اصل انتم نيتكم وحشه )

واحده قالتلى انها كانت حماره كبيره (وما زالت والله ) ويوم الدخله لقت جوزها حافظ مش فاهم وبيقولها ما تعرفيش الطريق منين يا اختي

فاحتاروا بقى ومش عارفين يطبقوا الى قروه فى الكتب العلميه على الواقع وقعدوا يبحثوا بقى في ارض الوادي

اه وربنا

نمبر سفن

قالتلى انا لحد الان باعتبر اول اسبوع فى جوازي ده اسوووووود اسبوع فى حياتي حتى جوزي بيقول كده برضه اصل كنت فاكره انه مجنون وبيعمل حاجات غريبه وعيب يعنى .

نمبر اييييييت

سألتنى بكل رعب هو البنت الى ما بتعملش ختان بيحصلها ايه ؟؟

قلتلها ولا حاجه لما توصل لعمر 20 سنه الى هو عمرها بيدفنوها بالحيا

والله العظيم برقت وكانت هاتصدق لولا انى انفجرت فى الضحك

قلتلها فى ايه يا بت

قالتلى اصل انا سمعت ان ا لى مش بتتختن بتبقى قليلة الادب ومسيرها الانحراف

وبعدين بيقولوا ما ينفعلهاش صلاه

وقالت كام بؤ حامضين كده

سمعتهم من واحده كانت بتقنع امها انها تختن البت وكان عمرها يوم ما سمعت الكلام ده 12 سنه

شوفوا قعدت كام سنه بتتعذب بالكلام ده ؟؟

وطبعا ما كانتش بتصلي تقريبا الله مش قالولها مش هاينفع لها صلاه ؟؟؟!!!

بس الحمد لله كانت لسه ما انحرفتش

تتوجعوا فى لسانكم يا حريمات ما تتكلموش قدام العيال

نمبر ناااااااين

مره واحده كلمتنى عايزاكي فى موضوع مهممممم . ده بعد مناقشه كده دارت بينى وبينها حول حادثة اغتصاب لقوا البنت بكر وفى نفس ذات الوقت البنت طلعت حامل طبعا البت جالها حول فى معلوماتها الهبله اصلا .

المهم بعد المناقشه بقى بيوم كلمتنى عايزاكي ولما اتقابلنا قوليلي هو الحيوانات المنويه دي بتمشي ؟؟؟

قلتلها بترمح رمح

ايه بتمشي دي يا بنتى انتى عبيطه ؟؟

هى بتتحرك اه بش مش بتمشي امتار يعنى دي لا ترى بالعين المجرده هى دوده يا هبله

المهم لقيت البت مرعوبه من كونها فى المحاضرات وفى الدروس بتقعد مكان ما بيقعدوا الولاد وجايز جنبهم

وحتى فى البيت يا نهار اسود اخواتي

على اعتبار ان الرجاله ماشيين يوقعوا حيوانات منويه

اكيد جاوبتها وطمنتها قبل ما يجيلها هسس الحيوانات ا لى بتمشي

نمبر تن والاخيره بقىىىىىىى

دى بقى الزغلوله الكبيره

شخصه فى الثلاثينيات من عمرها اي والله كده بس لسه انسه

اكتشفت انها تعتقد ان الولاده بتكون من فتحة الشرج

اي والله العظيم ان ده حصل

وتقولي وانا اعرف منين اللللللللللله

اصل انا سمعت بابا مره بيقول لاخويا الى متجوز هى يعنى الولاده ايه ما كأن الواحد عنده امساك

وجامعيه اه اه جامعيه

اقولها طب يعنى ازاي دخلتي الجهاز الهضمي على التناسلي تقولي مش عاااااااارفه الله بقى مش كله فى البطن

زنقتها فى جنب وورقه وقلم وقعدت اشرح وهى مش عارفه تودي وشها فين ومكسوفه وانا باشرح لها الجهاز التناسلي الانثوي

ااااااااه ياني

عارفه انى طولت عليكم بس انا حره بقى

عارفه كمان ان فى ناس هاتقول يا سلااااااااام ده البنات بقوا يندب فى عنيهم رصاصه وعارفين كل حاجه وربنا يخلي الدش والنت والموبايل

او باين بعبعه دي عندها خمسين سنه وبتحكي على زمان

او البنات دول شكلهم بيستهبلوا على بعبعه

اؤكد لكم انى قلتلكم نص المواقف الى عندي بس

واؤكد لكم كمان ان الدنيا مليانه هبل والله

والتلفزيون والنت والموبايل ما بيعلموش

بيبوظوا بس

حاجه اخيره بقى

طب منكم يا رجال البلوج المحترمين

انا طبعا عملت بوست اسرار البنات

وانا الحمد لله عندي اسرار بنات مصر والوطن العربي

المشكله بقى فى اسرار الشباب

الى عندي ما يعملوش نص البوست ده

عايزه مساعده يا ولاد الحلال

اميل المدونه اهو

b3b3a2008@yahoo.com

طبعا ما حدش يقولي هو مين ولا مين الي بتكلم عنه

وغيروا فى الروايه بس ما تبوظوهاش

المهم يوصلني الموقف

بس خلاص اقعدوا بالعافيه امووه

ممنوع قلة الادب فى التعليقات والاميلات