دلوقتي يا جماعه اختكم ما زالت مزنوقه ومحتاسه فى الجزء بتاع الولاد من جلسة ما قبل البلوغ
فانا قلت عشان يعنى ما نضيعش وقت ومش تزهقوا مني اعرض عليكم رساله جاتنى بتعرض مشكله مهمه جدا
وهى انحراف الاطفال جنسيا
هما اساسا ما بيبقاش عندهم لسه متطلبات جنسيه حقيقيه الا انهم بيقلدوا حاجات بيشفوها بالصدفه او بالغباوه من الكبار
لان الاطفال بطبعهم فضوليين وبيقلدوا الكبار فى الوحش والحلو
المهم هى صديقتنا هنا هاتعرض موقف وعليكم بقى يا حلوين تقولوا من وجهة نظركم هى تتصرف ازاي وانا طبعا هاقول رايي
الى الرساله
بصي يا بعبعة
بما اننا لسة فى المشاكل او معلومات الصغيرين
ولسة ان شاء الله بوست الولاد قادم
بما اننا لسة فى المشاكل او معلومات الصغيرين
ولسة ان شاء الله بوست الولاد قادم
الولاد بقى بيبقوا حتى قبل البلوغ بيبقى عندهم فضول رهيييييييييييييييب
ومننساش الولاد الصغيرين اللي ماشاء الله عليهم بيقفوا قدام مدارس البنات يتحرشوا بيهم وببنات الجامعة كمان
انا عايزة أقولك ان الولاد من أول سن المدرسة 6 و7 سنين بيتعرضوا لانهم يشوفوا أفلام أباحية سواء مع اصحاب واخوات أو بالصدفة
وبالمناسبة انا عايزة اذكرلك موقف كان هيجيبلي حالة شلل الأطفال وانا شحطة كدة
ومننساش الولاد الصغيرين اللي ماشاء الله عليهم بيقفوا قدام مدارس البنات يتحرشوا بيهم وببنات الجامعة كمان
انا عايزة أقولك ان الولاد من أول سن المدرسة 6 و7 سنين بيتعرضوا لانهم يشوفوا أفلام أباحية سواء مع اصحاب واخوات أو بالصدفة
وبالمناسبة انا عايزة اذكرلك موقف كان هيجيبلي حالة شلل الأطفال وانا شحطة كدة
من كام سنة كدة اتنين من ولاد خلاني الكتير لقيتهم في البلكونة في وضع غير لائق وبيبوسوا بعض
طبعا الاتنين ولاد وفى نفس السن وهم ولاد عم
انا بصراحة معرفتش اعمل معاهم ايه ولا عرفت اخد رد فعل
ونفسي اعرف رد الفعل الصحيح المفروش يبقى ايه؟؟؟
انا عارفة ان اللي بيعملوة دة نوع من أنواع الفضول والتقليد.. بس لما هم بيعملوا كدة وهم 7 سنين.. امال هيعملوا ايه لما يبلغوا بقى
ربنا يعينا ده احنا هانشوف ايام سوده
لحد هنا وخلص الاميل
انا هاقول رايي فى الموقف وكان ممكن تعمل ايه
اولا لاول وهله لازم كان كل واحد فيهم ياخد قرصه من ودنه جامده وتحذير رهيب كده بعنين قويه بتبرق
وفى اقرب فرصه تزنقيهم ويستحسن كل واحد لواحده وتكلميه عن اللواط والفعله الشنعاء دي والفرق بينها وبين الوضع الطبيعى بين ست وراجل من خلال الجواز طبعا
بشكل مبسط من غير الدخول فى تفاصيل العلاقه لان سنهم صغير
وكمان توضيع الجانب الدينى ومافيش مانع من قصة قوم لوط
وكمان فى الجلسه دي يبقى فى قرصة ودن بان لو حصل ده تاني هاتقولي باهاليهم وكده يعنى
وارجوكم ارجوكم ارجوكم الولاد هما كمان صغيرين فى السن مش عشان هو ولد يبقى مش مهم يتفرج على اي حاجه وتقولوا قدامه اي حاجه وتعملوا قدامه اي حاجه
لا نفسيه بتتاثر زي البنت بالظبط
وكمان خدوا بالكم العيال اذكى منكم وعندهم فضول فظيع
عايزه اسمع رايكم فى الموقف وفى التصرف فيه والى شايف اي تصرف تاني ينفع يتفضل يقول
تحياتي لكم ولصاحبة الرساله
هناك 19 تعليقًا:
مممممممممم
بصراحة مش عارفة أقولك ايه ؟؟
يعنى هو بالتأكيد لازم توضح لهم ان الامر دا غلط
لكن الكلام هيكون ايه بالظبط ؟؟
مش عارفة
بس يا بعبعة
ماعدتش فى صغيرين فعلا الايام دى
انا باشوف اطفال العيلة اللى فعلا فى السن دا مخهم مستوعب كل حاجة
و بتكلموا كأنهم أدك أو اكبر منك كمان
و انتى اللى مش فاهمة حاجة
هما بالتأكيد بيعملوا كدا تجربة
بس النقطة إزاى نغير فكرةاترسخت جواهم
و بعد كدا مايعملهاش عن اقتناع؟؟
بجد احنا اللى عاوزين كورسات فى معاملة الاطفال
دمتى بود
سول
ايه ده انتم هاتسألوني
ههههههههههههههههه
لا انا عايزه انتم الى تقولوا
لان فعلاااااا احنا محتاجين كورسات
خلينا يا سول انا وانتى نقعد على جنب نستنى الناس هايقولوا ايه
العدالة وجهة نظر
الكل يطالب بالعدالة ولكن من وجهة نظره
فالقاتل يطلب البراءة باعتبار القتل قدره
ويتناسى ســــــفكه للدماء وظلمه وغدره
ويتباهى بنفسه لتخليص القتيل من كدره
ويعتقد ان هذا دوره المعشعش فى صدره
فلا يخجل من ازهاق الارواح على مدى عمره
ولا يدرى انه بقتله للاخر بيستعجل حفر قبره
وسينال العقاب المناسب ولن يطول صبره
==========
ناجح يوسف فهمى
صباح الخير يا بعبعتي
اخباراتك ايه؟
لي ملحوظتين على البوست
اولا فيه راجل خطير وعنده بوستين تخصصين عن الجنس والطفل ياريت تنزلي الرابط بتاعهم لمن اراد الفائدة
http://a7nawahoma.blogspot.com/
ده رابط مدونته
ثانيا يا بنتي انت هالكة نفسك بدون اي فايدة
لما دخل الناس في الأول دخلوا فاكرين ها يلاقوا أباحة فانهمروا على المدونة
اول ما لقوا كلام علمي ينفعهم هم وخلفهم ما شاء الله كله راح قعد في بلوجه
بوستات الأسرار وال 69 هي بس المطلوبة في هذا المجتمع اللي نفوخه شمال طوالي
صباحو قشطة
بصراحة الموقف ممكن يجيب للى تشوفة صدمة
يعنى الواحد هيخاف يعنفهم ليتعقدوا.. وكمان المشكلة الأكبر لو الواحد للأسف معندوش من معرفة القصص الدينى انه يحكى قصة قوم لوط.
وعايزة أقولك على حاجة.. الولاد الصغيرين فى السن دة بيبقوا عارفين فعلا يعني ايه لواط.. أو معظمهم بيبقى عارف.. لان براءته اتجرحت من لامبالاة الكبار.. واتعرض لانه يشوف او يسمع حاجات أبيحة وهى دي المشكلة.
يبقى المفروض الواحد يتعلم ويتثقف الاول علشان يبقى قادر على حماية الصغيرين وتثقيفهم علشان ميقعوش فى الغلط.
Salam
I want to make clear 2 points before comment on the situation it self
First that could happen and even more than that but we shouldn’t be shock simply because kids don’t know that is wrong they just want to do it.
Second with respect it’s not good not tell kids if you do that next time I’ll tell your parents that sound like parents job is punish .
When anyone see situation like that should talk to kids and ask them why you do that and their answer will make big deference so they could just try to see how that feel or one tell another what he seen in TV or one of them ask to be kissed (some kids and adult too like to be touched like hugs and kissing .etc if parents don’t give them that they try to get that from other kids or anyone around them) and whatever their answer will be tell them you will tell their parents to explain that to them, That simply teach kids parents are no# 1 source for information.
Salam
كلام على بلاطه
نورت
بازورك على فكره دونت وري
ستيته حبى انا
بالنسبه للبوس الى انتى قلتي عليه اووووووك هاشوفه طبعا واهتم بامره ان شاء الله
والنبى يا ستيته قوليلى اعمل ايه فييييييهم البلوجريه جنوني يا اختي
اهم هما عايزين حد يقعد يقولهم 69 والبتنجان ده وبرضه يشتموه عادي
هههههههههههههههه
نورتي يا جميله
ما قولتيش رايك فى مشكلة البوست
بتهربي؟؟!!
عودي على هنا من جديد وقولي رايك
مانوش
ما انا قلتلك بقى المفروض تزنقهم بعد كده فى جلسه وتحكي لهم القصه يا ستى تبقى تروح تقراها من اي مكان
هو المفروض طبعا تقول لاهاليهم بس ده لو كان اهاليهم بتفهم
وفعلا احنا بنغتال براءه الاطفال يو رايت
عماد
انت صح على فكره
بس المشكله ان احنا الى غلط
انت بتقول انا عارفه ان المفروض الى يتعامل مع العيال اهاليهم
بس المشكله ان الاهالي هنا تحف نجف يعنى مالهمش فى اي حاجه
وممكن حد اهبل يمسك العيال يرنهم علقه موت
انا معاك كمان فى ان الاطفال فى السنه ده ممكن يفتقدوا لمسات الحنيه من الاهل
ودي حاجه خطيره اوي على فكره
كتير بانبه على الامهات والاباء انهم ما ينشوش الطفل الكبير بالطفل الصغير
وما يحرموش ابدا الطفل من البوسه والحضن وكلمة باحبك
هما ما يعرفوش ان ده غلط اه
لكن لازم نعرفهم
وكمان لما ان برائتهم اغتيلت خلاص
يبقى لازم يفهموا ولو حاجه على ادهم يعنى
تحياتي لك ونورت
بعبعة هانم
شوفي بما أني لم اتعرض لهذا الموقف تحديدا فمقدرش احكم ها اعمل فيه
لكن مثلا
كنت عارفة ان البنت طالما داخلة على التين إيدج ممكن تسمع أو تجرب العادة السرية مثلا
بقعد أتكلم معاها حقيقي وبهدوء شديد عن الموقف وممكن تكون ايه مشاكله وممكن الناس تفهم بعض بلاوي على انها حقائق واننا اكتر شعب بيفتح صدره ويعمل فاهم
وبجيب رأي العلم ببساطة ورأي الدين وبس هسسسسسسسسسسسسس مش بضغط ولا بدخل مناخيري ولا بقول لها سمعتي ايه
طيب الولد بيعمل دايما ومن قبيل التجربة حاجات صادمة وان كانت مش جنسية
بخفي صدمتي خالص
واهدأ الأول
وأتحين وقت مناسب نكون فيه صحاب
ويكون هو غير دفاعي
واتكلم بهدوء شديد وبنبرة حيادية ولو لقيته متعصب اسيبه واطنش
وتاني يوم نتكلم تاني
شوفي لا يمكن بفضل الله اسيب نقطة الا لما اوصل فيها لرأي نتفق فيه ولما بنتفق هو بيعمل اللي اتفقنا عليه
يعني مصاحب واحد من اللي يصيبوكي بالذهول
اقول له اصدقاءك مقدرش افرض عليك رأي فيهم ولا أختارهم ليك دي حرية شخصية
ينبسط هو اديته برستيجه
وبعدين بهدوء اقول له البلاوي اللي الاخ ده بيعملها واللي لما انا شفتها صدمتي تخليني معقودة اللسان
الأول طبعا هو يدافع ويتعصب
اسيبه وارجع له تاني
انا مش بقول له انا بفرض عليك وضع معين بس هل انت واثق انك شوية شوية مش ها تتحول للشخص ده
تلاقي الدفاع قل شوية
طالما انت بتتكلمي بالحق
وطالما بتعاملي ولادك على انهم كبار من يومهم
بتكوني الصديقة الأقرب للقلب
وكذلك الأب
انا لا اوافق على السخرية
ولا اوافق مطلقا على العنف والعقاب
المسائل اللي ممكن تتعمل من ورايا لازم صاحبها هو شخصيا يكون فيها رأي علشان يكرهها امام الناس ومن خلفهم
طولت عليك
صباح الفل
الاخت بعبعه
مدام الموضوع دخل فالجد يبقي انا هاحول
ابسط الكلام قوي ما هي اسباب الانحراف الجنسي عند الاطفال
انا هقولك كان زمان الاب والام لما يحبوا
يعملوا سيكو سيكو كانوا يستنوا لما مايكونش حد موجود فالبيت ويعملو اللي هما عاوزينو حتي لوكانو عايشين مع العيلة تعالي دلوقتي نشوف اية اللي بيحصل الاب والام قفلين عليهم الباب
شغالين الله ينور والاطفال عارفين ان بابا وماما جوة بيحطلها قطرة ديه اول غلطة
الغلطة التانيةالمدعبة المنزلية بين الزوج والزوجة اصبحت بلا احترام ولا خشا
الام تستحمي والباب بتاع الحمام مفتوح
والاب يدخل يدعكلها ضهرها وحدث ولا حرج
ناهيك عن القنوات المتنيلة اللي فالتيلفزيون وانا بقا هاقولك من اهم
الانحرفات الجنسية للاطفال الاطفال نفسهم
كل واحد فيهم عاوز يبلغ بسرعة ومعني ذلك انو كل يوم هيجرب اذاي يمارس العادة السرية علشان في واحدصحبة قالوا انو بلغ يعني بالعربي الثقافة الجنسية معدومة فالمدارس والبيوت
والتوت والنابوت والكل كليلية
والسلام علي من اتبع الهدي
ستيته
انتى تطولي تقصري تعرضي براحتك خالص
وكلامك تمام
بس هى هنا مش ام لكن اتحطت فى الموقف ده
وانت جامد يا باشا وان شاء الله هاندبسوكي فى بوست
وجايز اكتر
سف الدين اليزل
انا اتفق معاك فى بعض نقط
زي التلفزيون والقنوات والبلاوي ا لى فيها
زي البجاحه فى التعبير عن المشاعر قدام الولاد
لكن مش معنى كده نمنع اي مظاهر لمشاعر حلوه بين الام والاب
ومش لازم صوتهم يطلع
لكن مافيش مانع يقفلوا عليهم حتى لو نايمين عادي
احنا مش عايزين نعزلهم عن حياة الكبار والحقائق الى فيها لكن مش عايزنهم يعشوها بس
وطبعا طبعا ثقافات العيال لبعض او ثقافة الشارع دي كل ده غلط فى غلط
واحنا فعلا ما عندناش ثقافه جنسيه حقيقه وصحيحه فى المجتمع ككل
الى الأخ سيف الدين اليزل
حاولت اني مردش عليك معرفتش خالص
حقيقتا لا ارى اي علاقة مباشرة او غير مباشرة بين علاقة الأب والأم الحميمة وما يحدث للأطفال
ففي الزمن الغابر اللي انت بتشكر فيه اللي الاطفال مشافوش بابا وماما والأهم كمان اللي بابا وماما مكنوش بيعرفوا اصلا يعملوا حاجة انا شفت ميول جنسية عند اطفال صغننين في عيلتي
ولما الاهل سألوا طبيب قال ان ده شيء عادي جدا وميخوفش وما يستلزمش اي تعليق من اي نوع
وفعليا اللي كانوا فيهم الحاجات دي بقوا ناس زي الفل منهم واحد طبيب ممتاز والتاني مهندس
مش هو ده اللي انا عاوزة اتكلم فيه
انا اللي استفزني الكلام العجيب اللي انت مورده
والله حلو ان البابا والماما لما يحبوا يمارسوا حياتهم الطبيعية ورغباتهم الغريزية لازم يخلوا المنطقة ويوقفوا المارينز على الباب
الحقيقة ان ظهور عواطف بين الأب والأم شيء طبيعي جدا وزي ما ولادي بيشوفوا هم الخناقات والمناقشات البيزنطية من حقهم يشوفونا واحنا بنشكر في بعض وبندلع بعض وبنبوس ونحضن بعض
عمري ما اخفيت مشاعري امام ابنائي وهم بشكل فطري فهموا ان ده لأن بابا وماما متجوزين
وكمان بينبسطوا ويفرحوا جدا من هزارنا مع بعض وبيحاولوا يدخلوا ويقولوا احنا بنغير وبتبقى لحظات حلوة
عمر ما كان اظهار الأب والأم لمشاعرهم سبب انحراف
التوخولف العقلي والجهل هم دول اللي جابونا ورا الف سنه
معلش يا بعبعة
يرضيكي يعني اطق
ستيته حبى انا
لا يااختي ماتطقيش
سيف الدين اليزل اخ عزيز عليا لكن انا اختلفت معاه فى النقطه دي
اه مش لازم نعمل سيكو سيكو قدام العيال
لكن لازم نظهر لهم مشارعنا ودايما باقول كلمتك دي
يعنى العيال يشوفوا الخناق فى بعض الاسر وما يشفوش بقىا لمعامله الطيبه والحب ؟؟
انا بنتى بتقول لابوها بكل حقد عشان هى سوده من جوه
هههههههههههههه
بتقوله نفسي اشوفك بتزعق لماما
ولا ماما بتزعقلك اشمعنا بتزعقولنا احنا
شوفى البت الحقوديه يا اختي
انا متفقه معاكي يا ستيته تماما
بس والنبى بلاش تقطعي سيف عشان صديق عزيز
ههههههههههههههههههه
سيف الحاجه ستيته كلامها ماشي على رقابتي يا معلم
او عى تزعل
ههههههههههههههههههههه
نورتوا يا اصدقائي الاعزاء
السلام عليكم
اعجبنى جدا تعليق الاخت
ستيتة
ومتفق معها فى الكلام
لان الامور دى فعلا طبيعية جدا وجميع الاولاد بيمرو بها
لكن النقطة المهمة هى تقويم الاولاد دى قبل تضخم العملية
بمعنى
مينفعش لو عرفنا انهم بيعملو كده نسكت
لازم نفهمهم بالراحة
ورد الاخت بعبعة زي العسل
بس قولى لى يا بعبعة
هو انتى دايما كده مبتسمة
والله خايف يجي اليوم وتاخدى مني اللقب بتاعى
هههههههههههههههههههه
مش عارف وقتها اسيبه لك ولا لا
ربنا يبارك فيكى
وتفضلى على طول مبتسمة
تقبلو تحياتى
انا جيييييت يا ناس
الاول بقى عايزة اقول ان الموقف دة حصل من يجي 5 او 6 سنين
بس انا حبيت افهم الواحد لو اتعرض تاني لموقف زي دة يعمل ايه
أولا انا مش وليه امر حد من الأطفال.. ومقدرتش اقولهم حاجة علشان أهلهم ميفتكروش ان الواحد بيبوظ تربيتهم
وبعدين النقطة اللي الاستاذ سيف الدين بيقول عليها مهى متحققة فى الحالة دي.. يعني الاهل كل المعلومات اللي بيدوها لولادهم انه عيب وحرام.. علشان كدة العيال عايزين يستكشفوا المتعة اللي بيشوفوها من الافلام الأبيحة المقندلة اللي الكبار بيتفرجوا عليها.
والاب والام عمرهم ما بيظهروا مشاعر حميمة قدام الولاد دول.
بس انا بعترف اني فعلا كان لازم اكلمهم واعرفه ان ده غلط.. لاني اتصدمت وقلتلهم انتوا بتعملوا ايه؟؟ انا مش لاقية كلام اقولة.. وهم اتكسفوا وضحكوا.. يعني فعلا بيجربوا بدون اى فهم.
يللا ربنا يستر عليا فى تربيه عيالى لو ربنا رزقنى بعيال.
الاخت ستيتة
انا كمان حاولت اسكت مقدرتش
مع اني تعبان قوي
احنا بنتكلم علي الانحراف الجنسي عند الاطفال مش بتكلم عن العلاقات الاسرية في البيت في فرق كبير قوي بين زوج بيغازل زوجتة واولادة موجودين وزوج تاني بيمسكها من اماكن حساسة في جزء من الثانية في غفلة الاولاد وانتي فهمة قصدي وزوج تاني اتغدي ودخل يريح شويةالضهر والهانم لازم تدخل تريح جنبة
وتديلو حقة الشرعي كل دة والاولاد
موجودين في البيت انا مش هتكلم من الناحية الدينية علشان دة مش موضوعنا اناهتكلم علي بداية الانحراف الجنسي الاطفال بتسال بعض هو بابا بيعمل اية مع ماما جوة علشان لو مسالش مش هيكون طفل طبيعي علشان كدة
الانحراف الجنسي بيبدا من البيت لو الاب والام قدرو يحافظوا علي العلاقة الاسرية داخل البيت وعلموا اولادهم العيب واللي مش عيب وكانو قدوة مع العلم بان لكل قاعدة شواز زي المثال اللي انتي قلتية واساس القاعدة بيقول
ان لم تستحي فا افعل ما شئت
والسلام علي من اتبع الهدي
إرسال تعليق