الثلاثاء، 30 ديسمبر 2008

الاسم حب والفعل امشيييييير

في البدايه ده اول بوست انزله هنا في المدونه وهو مشكله اتبعتت ليا
الكتكوت :بحبك اوي ياحياتي
الكتكوته :وانت قلبي وحب عمري
الكتكوت :مش باين
الكتكوته: ازاي ياحبي
الكتكوت :لو كنتي بتحبيني كنتي وافقتي تقابليني

الكتكوته: بحبك اد حبات الندي بس الظروف مش بعرف اقابلك

الكتكوت :منا حلتهالك

الكتكوته: طب حبيبي نسبها للظروف

الكتكوت : انا مشتقالك اوي ياحياتي

الكتكوته: وانا كمان ياعمري

الكتكوت :طب تعالي في حضني نفسي اضمك

الكتكوته: وانا نفسي اضمك

الكتكوت :لما نتجوز هنعمل والرقابه تقص

الكتكوته: سكوووووت

الكتكوت :انتي مش معايا

الكتكوته: معاك ياحبي بسمعك

الكتكوت :جتلي فكره ايه رايك نتقابل في شقتي مش فيها حد وهنبقي براحتنا ومش نخاف ان حد يشوفنا

الكتكوته: هي سكوووووووووووووت

الكتكوت :مش بتردي ليه ده انا احافظ عليكي برموشي انتي خايفه مني

الكتكوته: لا ياحبيبي انا اخاف من العالم الا انت

الكتكوت :خلاص نتقابل امتي

الكتكوته: وهي سكووووووووت برده

الحوار ده فحواه حصل بالفعل واتبعتلي علي اساس اني هقول رايي
هي خايفه تعمل اي تصرف تخسره وده حبيب عمرها زي مابتقول
ومش تقدر تعيش من غيره
رايي انا هقوله زي زيكم في التعليقات

هناك 12 تعليقًا:

عمرو يقول...

شكلها كده دى مابقتش كتكوته دى خلاص بقت فرخه و محشيه كمان :)))
و لا بلاش لحسن حد يزعل
قصدى يعنى أن أستغلال الحب فى مثل هذه العمليات البيولوجيه من أشد الأمور اٍجراما فى حق الكتكوتات اللى أهاليهم سايبينهم بدون توعيه و لا يحزنون و هم بيخوضوا معارك ضاريه ضد تغير الهرمونات فى الجسم و ما لها من تأثيرات مفزعه وحشيه فى هذا السن
نسأل الله الهدايه لكل كتاكيتنا و كتكوتاتنا
آمين يا رب

Kiara يقول...

وتفتكري في حد بيحب حد هيشوفه رخيص كدا

ماهو بدل اما يفكر ازاي يتقابلوا لو بيحبها وبيخاف عليها يبقي يفكر ازاي يتجوزوا ويكونوا مع بعض في حلال ربنا

وزي ماقال عمرو

ربنا يهدي ويستر كل الكتاكيت والكتكوتات

غير معرف يقول...

انا شايف انه ديب مش كتكوت بيخطط علشان يوقع الفريسه
و يتلذذ بطعمها
احسن لها تقطع علاقتها بيه فورا و الا ستنجرف معاه ف التيار
و تتحول لفرخه و مكسوره الجناح كمان

جنّي يقول...

ادعي لاخوانك في غزة

اللهم سدد رميهم

غير معرف يقول...

جاءتني معتذرة
تطلب النسيان و المغفرة
قالوا للتوبة شروط - إقلاع و ندم و عزم - فهل تراها أوفت بشروطها
أم هي استراحة تلبي نداء الجسد
قد كانت حلما جميلا أصبحت تفزعني رؤيته
قد كانت حضنا دافئا بت أهرب من ضمته
قد نفد رصيدها في قلبي أو كاد ما عاد به إلا ظل ابتسامة و شبح ذكرى.

ما ذنب زهراتي أن يكون هذا منبتها و كيف أحميها حتى تؤتي ثمرها.

momken يقول...

هو المثل بيقول كده

بس فى حب بيخلى الدنيا ربيع جداً



تحياتى

بعبعه يقول...

يا نهار اسود

لا يا اعترافات دى يا هبله يا بتستهبل

وعايزه حد يقولها لا ما تضعيش حب يا قطه وروحي معاه

يعنى بتهيئلي ما حدش عاد اهبل اوي كده

قالي تعالى شوفي ماما وشربني حاجه اصفره مش هانستهبل بقى

ولا العيال عادوا عايزين يبرروا لنفسهم

اقولك قوليلها ما تروحيش معاه الا لما تضربوا ورقه عرفي


طبعااااا المفروض تبعد عنه وتنضف وتتنيل تقعد فى بيت ابوها لما يبقى يجيلها عدلها وكفايانا صرمحه فى الشوارع بقى

بعبعه يقول...

عمرو

لوما كناش فى بعبعه كنت عورتك يا عمرو
ههههههههههههه

بعبعه يقول...

حد هاصدقنى

ايه العباااااااااره ؟؟

شد شويه عليها يا معلم بليز

mahasen saber يقول...

اسماعيل ياسين ليه منلوج بيقولفيه
الحب بهدله خلانى قندله
بهدلى صحتى ولا حول ولاا

انا بحب المنلوج ده قوى
بس الكتاكيت زى ما عمرو بيقول ننصحهم بضبط النفس زى ما مجلس الامن بيقول

يعنى الحب السوى بيرقى بينا لفوق مش بيجيبنا بالقاضيه لتحت

بعبعه يقول...

لا يا محاسن ده مش حب حرام نسميه كده

ده واحد بيفكر بنصه التحتاني وبيحب بنصه التحتاني برضه وده مش حب ده ..............

koukawy يقول...

من رأي في القصتين ان مش المفروض يبقي فيه كسوف بين الزوجين خالص
كل اللي هما عايزينه يعملوه عشان محدش فيهم يروح يدور علي اللي ناقصه بره
و الحلال بين و الحرام بين في العلاقه الزوجيه طالما مقربتش من اللي حرمه ربنا يبقي مفيش كسوف و هبل