أنا حلوه وعارفه ان انا حلوه :)

لا مش انا يعنى انا  لا يعنى استنوا هاتفهموا ...

ايه ده  ؟؟ لا  ماهو ده ما يمنعش برده ان انا حلوه وعارفه ان انا حلوه هههههههههههههههه

 ندخل فى الموضوع بقى 

تعالوا النهارده نتكلم عن عقده لاحظتها عند البنات

والله هى مش عقده واحده دى عقد كتير كتير وبشنيطه كمان

بس العقده الى هاتكلم عنها النهارده هى عقده هبله جدا جدا

وهى هيفا وهبي ونانسي عجرم

ايوه صدقوا بتحصل  فى اهبل المجتمعات

مش عارفه البنات مخهم تعب تقريبا ولا هو الشعب كله اصلا مخه تعبان مش عارفه والله

بيجيلى رسايل كتير من بنات الى تقولي انا متعقده من نفسي اصل انا رفيعه والى زعلانه  اصلها تخينه

والى بتقولي مش عارفه اصل طالعلي حبايه تحت حاجبي الشمال

والى بتسأل على عمليات النفخ والشفط

هبل فى هبل  من الاخر

وده كله لييييه

بسبب قاعدة البنات قدام التلفزيون يتفرجوا على الممثلات والمغنيات الى بيطلعوا على الشاشه قدامهم ملمعين اخر حاجه

والاهبل من كده ان الشباب كمان عايز واحده تكون زي الي بيشوفهم فى التلفزيون برضه ومش عاجبه أي حاجه

افهم فى دول ودول يا شوية هبل الممثلات دول عشان يطلعوا على الشاشه ياخدوهم سكينه معجون كامله  ده غير انهم بيشدوا وشهم على القالب اد اسبوع قبلها

وشغالين ولا العجلاتيه نفخ وشد وعمليات وبلاوي سوده

بكل بساطه يا بنات احنا مخلوقين كده مختلفين

مختلفين فى الشكل والتفكير وكل حاجه مافيش حد فينا زي التاني ابداااا

ما تبصيش للهبل بتوع التلفزيون الله يصلح حالك وتعقدى نفسك دول فى الاساس ما تحبيش تبصي فى خلتهم

انا كل من شوفتهم من الفنانين على الحقيقه  قلت يا لهوي ده احنا كنا بنتاكل على قفانا زمن بحاله

صور الفنانين قبل وبعد عمليات التجميل ماليه الدنيا ابقى دوروا عليهم وشوفوهم

ولاي راجل عبيط بيبص على الستات بتوع الهشك بشك وبيلعن ابو اليوم الى شاف فيه وش ام العيال

اصرف على مراتك  يا اخ توم كروز المتنكر ربع الى بتصرفه أي واحده من دول على مظهرها  وهى تبقى احلى منهم كلهم

والاقرع ياكل حلاوه بفلوسه  يا حليله   ايوووه وده تلقيح صريح على انك اقرع وبكرش اصلا فما تتكلمش منك له  له

البنات الهبل العبط الى معقدين نفسهم اصل والنبى عندي حبايه فى مناخيرى اصل عندي شعر كتير فى قفايا

اصل انا سمرا  شويه اصل انا رفيعه اصل انا هبله  كل ده عااااااادي كل الديفوهات دي وارده

ممكن لو عندك مشكله تروحي لدكتور مثلا ممكن تتعالج وممكن لا

حبي نفسك زي ما هى .. حسى بجمالك ا نتى اولا .... عمر ما حد هايبصلك ولا يحس بجمالك الا لما تحسي انتى اصلا بجمالك

عيشى فى الدنيا بمبدأ  انا حلوه وعارفه ان انا حلوه 

مش باقولك اتغري بنفسك انما حسى بقيمة نفسك... يا بنتى ان ما كانش يجى الشاب الطرب بتاعك بسلامته وانتى عاجباه زي ما انتى كده ويحبك زي ما انتى يبقى بلاش منه

ما تقلقيش كل فوله ولها كيال زي ما بيقولوا

مره واحده من البنات دول قالتلى بصراحه كده انا حاسه انى مش سكسي وانى لو اتجوزت مش هاعجب جوزي

اه طبعا لازم عشان تحس انها سكسي انها تكون نافخه وزارعه سيلكون ويا حبذا لو كانت بترقص بلدي

اه ماهى بتيجى كده فى الافلام

نرجع تاني للامثال مش عارفه طالبه معايا خالتي بمبه ليه

المثل بيقول يا وحشه كوني نغشه يا اختي

وانتى اصلا اصلا مش وحشه انتى حلوه وكل  حاجه بس مش واخده سكينة معجون لو يريحك تاخدي سكينة معجون اوك ناخدك سكينه

القصد من المثل ان مش الجمال الى حسب المقاييس العالميه هو الى يعتبر مؤثر بس

بس يعنى حكاية سكسي دي يعنى مش عايزه اقولك انها تكاد تكون مالهاش علاقه بالشكل

قد تكون واحده مثيره فى نظر واحد لكن فى نظر حد تاني يشوفها شبه ام السيد الشغاله

واكم من ناس تبصيلهم وتقولي عاجبه فيها ايه الاهبل الى هايموت عليها ده

ده حتى سوده وبضب وعرقوبها يدبحوا به الفرخه

عادي انتوا مالكوا الراجل عاجبه كده

المهم فهمتوا يعنى ولا ايه  ... عندي احساس انكم مش فاهمين حاجه

الهي يخليكوا يارب بلاش تفكروا فى الفنانات خالص

ولا الفنانين برضه عشان ترضوا تجوزوا الرجاله الى متوفرين دلوقتي

ويا بابا انت وهو قبل ما تبصوا على نانسي وهايفا واخواتهم فى الرضاعه ابقى كل واحد فيكم يهز نفسه كده لحد المرايه اولا ويشوف احلى يمامه هاتتجوز الغراب  على ايه

وكمان يضرب ايده فى جيبه كده ويشوف معاه كام من حق نيو لوك واحده بس للمودام لو كانت شبه نانسي

انتهى  ... الى بعده

فضفة صديقاتي

اولا وقبل ما نبدأ كلام

عايزه اقولكم حقيقى انكم وحشتوني اوي  اوي وحقيقى كان نفسي ارجع اكتر من زمان

وصدقوني نويت اكتر من مره لكن كل مره ما كنتش باقدر مش عارفه ليه

لاسباب كتيره اوي

اولا كان عندي شوية ظروف  وثانيا لانى بعد فتره من الكلام مع الناس على الفيس بوك الى خلانى احتك بالناس مباشرة مش مراسلات على عكس ما انا متعوده معاكم وحسيت نفسي انى دايما فى وضع المدافعه عن نفسي وافكاري ومبدأي ومدونتي وحقيقى زعلت اوي من الناس

لكن عموما انا نفسي ارجع اكتب تاني وياريت اي حد عايز يعرف اي حاجه عن اي حاجه او عايز يتكلم فى اي موضوع او عنده اي مشكله يبعتهالي

بجد يا جماعه نفسي احس انكم معايا تاني  افتقدتكم

نبدأ فى موضوع النهارده

والى جايز مالوش علاقه مباشره بالبوستات الى  فاتت والى كانت عن الثقافه الجنسيه

لكن فى الاساس ا لمدونه هنا كانت معموله للفضفضه  او البعبعه زي ما انا سميتها

المهم يا اخواني احدى صديقاتي المدونات ونسميها الصديقه   (ص)   قالتلى مره عايزاكي تكتبي عن موضوع على مدونتك وتناقشيه

الى هو ايه

قالتلى ليه على  الفيس بوك او على النت عموما بمجرد ما حد يعرف انى متجوزه يبدأ كلامه معايا عادي بعدين يفضل يلف ويدور شمال ويمين عشان يوصل فى الاخر  انه يتكلم عن الناحيه الجنسيه ولا سيما انها شغلها له علاقه شويه بالطب !!!!

وسؤال مباشر هو يعنى عشان انا متجوزه يبقى لازم ابقى قليلة  الادب واتكلم فى العلاقه الجنسيه مع اي حد كده ؟؟؟؟!!!

طبعا لا يا حبيبتى بس هما عقلهم مقضيهم على كده

صديقه ليا تانيه ونسميها (ش) لما كلمتها عن موضوع البوست قالتلى لااااااا تعالى بقى وانا احكيلى الى اكتر واكتر

واسمعوا بقى قصتها

هى متجوزه وعندها اطفال وهى ست محترمه  لا شك  وبقالها سنين بتدخل النت ويبدو انها شافت بلاوي سوده

تقولي بصي بمجرد ما اقول لاي حد فى  اي مكان انى متجوزه يبقى انا كده وقفت فى قفص اتهام على طول

وسبعين  فى الميه منهم بيعتقد الآتي

انا ست احتمال اكون بطاله وقليلة الادب

والاحتمال التاني  انى اكون غلبانه ومنكسره ووحيده وغلبانه وجوزها بيضربها كل يوم علقه

والاحتمال الثالث ان جوزها مسافر وسايبها تعاني من الحرمان

لا شك ان فى ناس بتحترمها  طبعا وتقدرها بس السؤال هو ليه كده ؟؟

اشمعن لما يكون واحد متجوز وعلى النت مش بتعملوا معاه كده يا جماعه

وهل الى اخلاقها مش كويس تفرق معاها متجوزه ولا مش متجوزه ؟؟

قالتلى كمان حاجه برضه تتفق تماما مع رواية الصديقه (ص)

وهى ان السبعين فى الميه برضه الى بيعتبروها بطاله او غلبانه او محرومه

بيفضلوا يلفوا ويدوروا ويجسوا النبض هل هى عندها استعداد تتكلم معاهم عن السيكو سيكو ولا لا

حتى قالتلى ان فى واحد تكبد مشاقة انه يعمل نفسه بنت لمده سنه وشويه وعمل معاها كل الحيل عشان يوصل فى الاخر انها تتكلم معاه عن خصوصياتها خاصة على الجانب الجنسي

بس الحمد لله هى كانت حريصه فى الكلام حتى مع البنات

السؤال الموجه من الصديقتين (ص) و (ش)   ومني انا كمان والله

ليييييييه يا بشر ؟؟

لييييييييييه يا مجتمع سيء النيه ؟

ليييييييه يا رجاله كده ؟؟

وعلى فكره الحاجات دي تخلينى اتاكد ان المجتمع ده  عنده كبت ومشاكل فى  الناحيه الجنسيه فعلااااا محتاجه علاج

من غير ما ندفن راسنا فى  الرمل

ارجوكم يا جماعه عيب كده

انا عارفه ان فى بلاوي سوده على النت وعارفه ان البطاله والوحيده والغلبانه والمحرومه كلهم على النت برضه

بس برضه نتقى  الله

ما نرميش الناس بالباطل

وكمان ما تتصيدش المحرومه والغلبانه والوحيده  وتستغل النقطه دي فيها

يارب اكون وصلت الرساله صح يا صديقتي  العزيزتان

وشكرا لكل  الى سأل عني وانا غايبه  هنا وعلى الميل وعلى  الفيس بوك

رساله من m

طبعا اليومين بتوعي طولوا شويه معلش بقى رمضان كل سنه وانتم طيبين

جاتلي الرساله دي يا جماعه من الاخ m من فتره طويله بس احنا كنا مستغرقين فى مناقشات ورا بعضها ما كانش فى فرصه انى انشرها

و m هو شاب عنده 18 سنه واتفضلوا نشوف قايل ايه فى رسالته نصا

السلام عليكم

ازى حضرتك يا استاذة بعبعة؟وازى استاذ عمرو واستاذة اعترافات ؟

انا بتابعكم من زمان من ساعة مافتحتم بس من بعيد لبعيد

شفت مدونتكم بعبعة بالصدفةالحقيقة مدونة جميلة وربنا يكرمكم بجد ويمكن الناس يتصلح حالها على ايديكم

انا ممكن احكيلكم تجربتى مع المراهقة وكل حاجة عنها لو حبيتم

وممكن اكلمكم عن احاسيس الذنب والنشوة والاكتئاب والتوهان والحوارات دى كلها اللى بتحكو عنها

بس انا هأجل الموضوع شوية

كنت عايز اقول حاجة صغيرة بس انتم كنتم بتقولوا ان المراهق ممكن يكون عارف حاجات الكبار نفسهم ميتخيلوش ان يعرفها

عايز اقولكم انكم متعرفوش حاجة خالص من اللى احنا نعرفها ولو قلتلكم حاجات انا عرفتها وانا عندى 13 و 15 سنة ممكن تموتوا فيها

اقولك على حاجات على سبيل المثال لا الحصر ؟

بداية من الرعشة بتاع الستات وبتحصل ازاىوايه المناطق اللى بتثير المرأة وايه المناطق اللى توصلها لقمة الاثارة والاورجازم

وطبعا ممكن اكلمك على جسم المرأة احسن ماهى تتكلم عنه

وعن صوت القضيب وهو بيدخل فى المهبل كزا مرة ورا بعض وانه بيبقى عامل زى صوت السقفة وعن ايه اللى يخلي المرأة ترقع بالصوت الحيانى زى فى الافلام السكس

وانه كل الستات مش زى بعضها فى مناطق الاثارة

واننا لازم نكون بالراحة ليلة الدخلة مع الزوجة علشان متتخضش وتبقى كويسة وميحصلش تشنجات مهبلية واننا لازم نبدأ ابالحوار والمداعبة والملامسة وفى الاخر ندخل عالجماع

تعرفى اننا بقينا نتكلم بالعلم والطب فى الحوارات دى مش مجرد بنثير بعض .. لابنتناقش ونتحاور ونعرف المعلومات الجديدة والقديمة عن المواضيع دى؟

يعنى بقينا عارفين الامراض التناسلية واعراضها وعلاجها ودورتها وايه اللى يقلل منها وازاى نقى نفسنا منها وحاجات كتير وكتير

بمعنى اصح احنا ممكن نشتغل دكاترة وعلى فكرة كل ده معرفناهوش من افلام السكس ابدا

كلنا عارفين ان الافلام دى كلها فبركة والسلام وتهييس وحاجات غبية ولا حتى عمرنا نمنا مع ستات ولا عملنا حاجة حرام

كل ده من حكاوى الناس اللى جربت من حوالينا

فى ناس متجوزين بيحكولنا الحوارات دى تصورى !

وغصب عنك بتسمعى الفضول قتل القط ..مش كده ؟

وطبعا غير ان حاجة بتقرأ تقع تحت ايدينا وبتتكلم عن المواضيع دى كنا بناكلها من كتر القراية

وعايز اقولك ان صعب الواحد يحكى لأهله حاجات زى ده

لأن الواحد بيبقى فضولى وعايز يعرف تانى وتالت ومليوون

انا مش عارف ايه اللى خلانى اكتب الرسالة دى من اساسه انا بس اتخنقت من كتر ماالناس مش حاسة بينا وفاكرينا حيوانات وماشيين ورا اعضائنا التناسلية

مش قصدى على نفسى لوحدى انا بكتب الرسالة دى بإسمى وبأسم كتير من الشباب اللى ملقاش حد ينصحه الا متأخرالمراهق

غلبان وربنا وغصب عنه

تعرفى ان اما بنمارس العادة مش بنمارسها كمجرد تفريغ طاقة جنسية لأ لو متضايقين ممكن نمارسها لو مخنوقين

ممكن برده لو غضبانين بنمارسها

حاجة بتخرج اللى جوانا والسلام

زى اللى مخنوق وبيشرب سجاير مع كل نفخة دخان بيخرج الزهق اللى فيه

عارفين بنوقفها امتة ؟

اما بنكون فرحانين او حد مشجعنا او عملنا حاجة ترفع من معنوياتنا وحماسنا

وده طبعا بيحصل كل سنة مرة لأن على طول احنا متكدرين ودايما الكبار يعلقو علينا وخد تعالى وروح

غير ظروف البلد والواحد نفسه يحقق حاجات كتير واحلام وده بيشيل الواحد هم وهو صغيرطبعا هتقولو ايه الكلام الاهبل ده على كده كل المراهقين شعراء وفلاسفة؟

هقولكم لأ طبعا متبوصوش للعيال اللى بتسقط البناطيل وتحط جل على الشعر وتبين البوكسر وماسكين موبايلات اخر موديل لمجرد التباهىدول حالات شاذه

او بيحاولو يكونوا

اللى انا بتكلم عليهم دول وانا منهم ناس ليها طموح والبلد والدنيا مش مساعدة

على فكرة احنا مش فقراء او كده الحمدلله محدش بينام جعان

بس صوابعك مش زى بعضها ولا المراهقين زى بعضهم

هتقولو فين الأهل من كل ده؟

هقولك من كل عشر مراهقين بتلاقى واحد ولا اتنين بالعافية اهلهم ممكن يحكولهم كده ويثقفوهم ومش بيحكو كل حاجة طبعا والباقى فس !

طبعا العيب مش على الأهل ابدا بس هم اتربو فى زمن كان كويس ومكنش فيه الفجور ده

بالتالى صعب عليهم نوعا ما انهم يواجهو مواقف زى دى

وطبعا انتو واهلنا غلابة مجربتوش ولا هتجربو اللى احنا فيه اللى انتو جربتوه ميجيش واحد على مليون من اللى احنا جربناه والباقى عرفتوه اما تزوجتم

انما احنا بقى لو اتجوزنا هنبقى خبرة اوى اوى اوى وهنعرف نتعامل صح هههههه

عارفين زى مابيقولو ايه هى فايدة الفشل والضياع؟

الخبرة

انك تقدر تساعد اى حد بيمر باللى فشلت فيه

وتاخد بإيده وتخرجه

انا الأخ الأكبر وعندى 18 سنة وليا اخ صغير 15 سنة

وطبعا لازم يمر بالمراحل اللى مريت بيها

وبما انى فضلت انى اجرب عن انى اسمع واتعظ من ابويا

فأنا الحمدلله على قد ما اقدر بأنصحه وبيلاقى كلامى صح ويجي يشكرنى

ابويا نفسه بقى مش خايف على اخويا من الناحية دى لأنه عارف انى ماسكه كويس وفاهمه وبنظرة واحدة اعرف هو بيفكر في ايه

ومش بشد عليه لو مارس العادة مرة ولا حاجة لأنى عارف انه وحش جواه وعايز يخرج

لأ بنصحه واقوله اخطارها وخليته ينزل يلعب رياضة ويحفظ قرآن ويشيل حديد ويشغل نفسه بمليون حاجةعلشان ميفكرش كتير فى العادة

طبعا مدمن العادة احسن واحد يكلمك عن اضرارها وبالتفصيل وبالكلام االعلمى والطبى والدينى لدرجة ان ابويا واخويا بيبقو قاعدين حسين نفسهم مع دكتور

انا دلوقتى فى كل صلاة بدعى ربنا يحمى اخويا واللى زيه ويبعدهم عن الحرام وميخلهموش يمشى فى طريقى ومش يخليهم يبقو زيى

ولا زى الناس اللى بحكى عنها

تفتكرى لو انا مكنتش مارست العادة وعرفت كل الحاجات دى كنت هقدر اساعد اخويا؟؟او اوعيه ؟

اهلنا لم يمرو باللى احنا بنمر بيه

علشان كده معذورين ومش عارفين يلاقو منين ولا منين شغل ولا مصاريف ولا ايه بالظبط ربنا يكرمهم يارب ويساعدهم ويدخلهم الجنة

الواحد بجد يبقى حيوان لو قال انه اهله السبب

انا السبب المراهق السبب المراهق قط والفضول قتل القط

واسف عالتطويل واسف ان الرسالة ملخبطة اوى كده وفى كذا اتجاه وده لأنها نقطة فى بحر من اللى انا عاوز اقوله

ربنا معانا جميعا

=================================

دى كانت نص رسالته وانا طبعا رديت عليه من خلال الاميل لكن هارد عليه هنا عشان كمان تشوفوا الرد وتقولوا رايكم

يا m انت جدع ما شا ء الله بس انا ليا شوية اعتراضات على كلامك

أولا عايزاك تعرف وتتاكد برضه ان المعلومات الى عندك دي مش لازم تكون صح ميه فى الميه امثلتك الى انت قلتها فى كلام مش حقيقى بس مش مجال لمناقشته دلوقتي

مين قال ان احنا نكره انكم تعرفوا وتتعلموا وانتم فى السن ده ؟؟ بالعكس طبعا

المهم تعرفوا وتتعلموا منين ومن مين مش اي واحد متجوز هايقولك كلام صح

ليه ؟ اولا لان فى فروق فرديه وخبرات شخصيه مختلفه تخلي دماغك غير دماغ اي احد وجسمك غير جسم اي حد وبالتالي حياتك وتجربتك غير اي حد

وكمان لان نص الرجاله ولله الحمد فى الموضوع ده بالذاااااات فشارين حلو اوي وبيحبوا يعملوا نفسهم خبره اوي اوي اوي

فمش عايزاك تعتمد على معلوماتك الى واخدها من بؤ اي حد كده

ثانيا : مش عاجبنى نغمة احنا بنمارس العاده السريه عشان ضغط الاهل عليكم وحال البلد والكلام ده مش عايزه شماعات عايزاك تكون انت والشباب كلهم تحاسبوا نفسكم قبل ما تحاسبوا اي حد .

وشايفه انك بتتكلم على انك ضايع وكلام كبير اوي كده هل كل ده عشان ممارسه العاده السريه فقط ولا فى بلاوي تانيه؟

طيب هاقووول تاني العاده السريه فيها اختلاف فى الراي فى درجة حرمانيتها وفيها كلام كتير اتكلمنا عنه قبل كده

لكن الى مافيش عليه خلاف هو ان الافلام والصور وكل السكه دي هى الى حراااااااام فبطلوا الاول الى مافيش عليه خلاف وبعدين نتفاهم فى الباقي

لكن برضه ابص بعينى التانيه للاهل واقولهم خلوا بالكم من عيالكم ارجوكم

ثالثا : مين بقى ضحك عليك وقالك ان فايدة الضياع الخبره ؟؟

طبعا الى غلط غلطه لو كان عنده مخ هايتعلم منها عشان كده مش شرط طبعا انى الى يغلط غلطه يتعلم منها

وكان ممكن انت تنصح اخوك وتقف جمبه لو كنت سمعت النصح وقريت واتعلمت وفهمت قبل ما تكون انت نفسك صاحب المشكله .

رابعا :خلي بالك الرياضه والقرآن والانشغال ده يكون كويس معاك برضه ما تفتكرش انك عديت المرحله دي

ولو كنت مؤمن فعلا بالكلام الى بتقوله لاخوك اولى انك تطبقه على نفسك مش تقول خلاص بقى انا وقعت والى كان كان

خامسا : الاهل معذورين عندهم مشاكل كتير وعليهم ضغط كبير اوك معاك لكن مسؤليتهم انهم يقروا ويتعلموا ويتكلموا معاكم ويفهموكم لا هما مش معفيين من المسؤليه زي ما بيروحوا يسألوا من احسن مدرس كمياء فى البلد وينحتوا فى الصخر عشان يدوكوا ثمن الدروس عشان تجيبوا مجموع ولا تنازل ولا استسلام لازم كلية القمه

كمان نقدر نعمل كده فى التربيه من جميع النواحى ونعتبرها من اولويتنا والى ما نعرفوش نسأله فيه ونتعلم عشان نعرف نربي عيالنا .

وربنا معاك يارب انت وكل الى الشباب ويصلح حالكم ويهديكم للصواب دايما

يلا سمعوني رايكم يا جماعة الخير

جسدي مشكلتى ... من بارقة نور

احبائي المدونين وزوار المدونه كلهم

كل سنه وانتم طيبين ورمضان كريم وربنا يتقبل منا ومنكم ان شاء الله صيامنا وصالح اعمالنا

الحقيقه الاستاذ عمرو بيعتذر عن البوست بتاعه النهارده لانه مشغول شويه ومنفضلنا

فانا قلت نعرض مشكله من المشاكل الى جاتلي على الاميل بعد ما اخدت اذن صاحبتها طبعا

تعالوا نشوف مشكلة صديقتنا الى هى سمت نفسها بارقة نور

السلام عليكم ورحمة الله وبركاته

عزيزتي بعبعة
أحييكي على مدونتك الرائعة
قرائتي لمدونتك شجعتني على أن أحكي لك مشكلتي عسى أن أجد عندك حلا لها


منذ صغري أعاني من سخرية قريباتي وتعليقاتهن السخيفة على جسدي
جسدي نحيف مثل عائلة أبي
ولم أرث شيئا من عائلة أمي لا شكلا ولا مضمونا
وعائلة أمي كانت مصدر السخرية الدائم
لأنني لست ممتلئة ولا أملك "مظاهر أنثوية" وأظنك تفهمين ما أعنيه بالمظاهر الأنثوية
لم أكن أعرف ماهي المشكلة في أن اكون نحيفة خاصة وأنا أرى الجميع يسعون للتخسيس وليس العكس
وكيف أتصرف وهذه هي طبيعة جسدي وليست شيئا بيدي

بدأت أكره نفسي
خالاتي وبناتهن كن يقلن لي أنني لن أعجب زوجي
وأن ركبتاي نحيفتان ويذكرن دائما اسودادهما واسوداد المنطقة تحت عيني
جربت أخذ ملعقة عسل يوميا لمدة شهور
وجربت مغذي حول العين كيميائي وآخر طبيعي
ولم يختف السواد
صديقتي كانت تحكي لي عن أخيها الذي تزوج فتاة نحيفة وقالت لي إنها لا تملأ عينيه

كل ذلك ساهم في خوفي الشديد الواصل مرحلة الرعب من الزواج
وعدم قدرتي على تحمل مجرد احتمال ألا أعجب من سيشاركني حياتي
وألا "أملأ عينيه" وقلبه

تحمليني قليلا لأكمل لك وسوستي الشديدة في موضوع النظافة
لدرجة استخدامي الكلور والديتول باستمرار حتى مع حساسيتي من المنظفات
لكني بقرف جدااااااااا
مما يصيبني بهستيريا
تجعلني أرفض كل من تقدموا لي لأسباب غير حقيقية
لا أعرف هل تعرضي للتحرش في صغري سبب كرهي للذكور
أم ما أراه وأسمع عنه ممن حولي عمن هم ذكور وليسوا رجالا
أم هو خوفي من أن يراني رجل بجسدي الذي أخجل منه

هل أبقى كما أنا حتى لا أظلم أحدا معي ؟

تحياتي

بارقة نور

ده كان نص رسالتها

والحقيقه انا رديت عليها فى اميل هاقول ردي باختصار

هو انها ما تسألش عن الناس دي لانهم حتى بينقدوها بطريقه سخيفه وطبعا مش كل الناس زي بعضها

ودايما انا باقول جايز يكون الجمال عموما مهم لكن مش اهم حاجه لا فى الحياه ولا فى الجواز والحب

ياما الواحد شاف واحد متجوز واحده وبيحبها وبيموت فيها والواحد يقول فى سره سبحانه مقسم الارزاااااااق

والعكس ياما رجاله ستاتهم ملكات جمال والحقيقه بيبقوا مش طايقيين يبصوا فى خلقتهم

وكل فوله ولها كيال زي ما بيقولوا فى الامثال

لكن طبعا انتى ممكن تروحي لدكتور لعلاج النحافه وبرضه حكاية السمار تحت العنين

وكمان الوسواس

وحتى لو كان التحرش القديم الى ما نعرفش تفاصيله فما نعرفش ممكن يكون اثر عليكى ازاي

برضه له علاج لو كان اثر عليكى

هانستنى نسمع راي الدكتور عباس الاول بقى تابعي التعليقات

والحقيقه بارقة نور كانت ردت عليا فى رساله تانيه والى فهمته منها يا جماعه ان الموضوع مش نحافه فقط موضوع انها شايفه ان المناطق الانثويه عندها هى الى اقل من الطبيعى .

وانا كنت قلتلها حاجه عشان تريح نفسها من الهاجس ده خلاصة الامر يعنى :

سيبك منهم وما تخليش كلام ناس هبل يزعزعوا ثقتك بنفسك

ولما يجيلك واحد يتقى ربنا وشافك ورضى بيكى
خلاص هو عاجبه الجثه بقى انتى مااااالك

كل واحد بياكل اللقمه الى على هواه

عايزه اسمع رايكم بقى فى الموضوع

وان شاء الله يومين كده وهانزل برضه رساله من الصديق (m) هو حابب انكم تقروها وتقولوا رايكم ان شاء الله

انحراف الاطفال

دلوقتي يا جماعه اختكم ما زالت مزنوقه ومحتاسه فى الجزء بتاع الولاد من جلسة ما قبل البلوغ

فانا قلت عشان يعنى ما نضيعش وقت ومش تزهقوا مني اعرض عليكم رساله جاتنى بتعرض مشكله مهمه جدا

وهى انحراف الاطفال جنسيا

هما اساسا ما بيبقاش عندهم لسه متطلبات جنسيه حقيقيه الا انهم بيقلدوا حاجات بيشفوها بالصدفه او بالغباوه من الكبار

لان الاطفال بطبعهم فضوليين وبيقلدوا الكبار فى الوحش والحلو

المهم هى صديقتنا هنا هاتعرض موقف وعليكم بقى يا حلوين تقولوا من وجهة نظركم هى تتصرف ازاي وانا طبعا هاقول رايي

الى الرساله

بصي يا بعبعة
بما اننا لسة فى المشاكل او معلومات الصغيرين
ولسة ان شاء الله بوست الولاد قادم

الولاد بقى بيبقوا حتى قبل البلوغ بيبقى عندهم فضول رهيييييييييييييييب
ومننساش الولاد الصغيرين اللي ماشاء الله عليهم بيقفوا قدام مدارس البنات يتحرشوا بيهم وببنات الجامعة كمان

انا عايزة أقولك ان الولاد من أول سن المدرسة 6 و7 سنين بيتعرضوا لانهم يشوفوا أفلام أباحية سواء مع اصحاب واخوات أو بالصدفة


وبالمناسبة انا عايزة اذكرلك موقف كان هيجيبلي حالة شلل الأطفال وانا شحطة كدة

من كام سنة كدة اتنين من ولاد خلاني الكتير لقيتهم في البلكونة في وضع غير لائق وبيبوسوا بعض

طبعا الاتنين ولاد وفى نفس السن وهم ولاد عم
انا بصراحة معرفتش اعمل معاهم ايه ولا عرفت اخد رد فعل
ونفسي اعرف رد الفعل الصحيح المفروش يبقى ايه؟؟؟

انا عارفة ان اللي بيعملوة دة نوع من أنواع الفضول والتقليد.. بس لما هم بيعملوا كدة وهم 7 سنين.. امال هيعملوا ايه لما يبلغوا بقى

ربنا يعينا ده احنا هانشوف ايام سوده

لحد هنا وخلص الاميل

انا هاقول رايي فى الموقف وكان ممكن تعمل ايه

اولا لاول وهله لازم كان كل واحد فيهم ياخد قرصه من ودنه جامده وتحذير رهيب كده بعنين قويه بتبرق

وفى اقرب فرصه تزنقيهم ويستحسن كل واحد لواحده وتكلميه عن اللواط والفعله الشنعاء دي والفرق بينها وبين الوضع الطبيعى بين ست وراجل من خلال الجواز طبعا

بشكل مبسط من غير الدخول فى تفاصيل العلاقه لان سنهم صغير

وكمان توضيع الجانب الدينى ومافيش مانع من قصة قوم لوط

وكمان فى الجلسه دي يبقى فى قرصة ودن بان لو حصل ده تاني هاتقولي باهاليهم وكده يعنى

وارجوكم ارجوكم ارجوكم الولاد هما كمان صغيرين فى السن مش عشان هو ولد يبقى مش مهم يتفرج على اي حاجه وتقولوا قدامه اي حاجه وتعملوا قدامه اي حاجه

لا نفسيه بتتاثر زي البنت بالظبط

وكمان خدوا بالكم العيال اذكى منكم وعندهم فضول فظيع

عايزه اسمع رايكم فى الموقف وفى التصرف فيه والى شايف اي تصرف تاني ينفع يتفضل يقول

تحياتي لكم ولصاحبة الرساله

تجربتى .... من خالد

الحقيقه يا جماحه انا جالي رساله حلوه وحبيت انكم تقروها معايا

الرساله دي من الاخ خالد الى حب يشاركم تجربته

اتفضلوا الاول نقرا الرساله وبعدين انا هاعقب عليها

السلام عليكم

أحب أولا أهنيكي عالمدونة الجميلة دي

واتمنى انها تفيد كل الناس بالتجارب المفيدة الموجودة فيهاوأنا نفسي أحكي تجربتي الشخصية ..

يمكن حد يستفيد منهاأنا هحكيها لأني مؤمن ان تجربتي دي مش مجرد صدفة سعيدة

أنا مؤمن تماماً ان مفيش صدف في الحياة((ما أصابك لم يكن ليخطئك , وما أخطأك لم يكن ليصيبك )) صدق الرسول الكريم صلى الله عليه وسلم

تجربتي بدأت لما التقيت بفتاة أحلامي في الجامعةاعجبنا ببعض .. والاعجاب تطور الى حب عميق جداًتفاهم ملوش حدود , وسعادة غامرة عشناها لما كنا بنبقى مع بعض

إلا ان كان فيه حاجة بتميز علاقتنا عن علاقة كل (الحبيبة) اللي معانا في الجامعةوهي الحدود الصارمة اللي حطيناها لنفسنا ولعلاقتناعلى الرغم من المشاعر الفياضة اللي كنا بنحس بيها لبعض

,الا اننا كنا بنعبر عنها بتحفظمكناش بنخرج مع بعض ..مكناش بنقعد نرغي ونحب في التليفون بالساعات ..لم أسمح لعيني (على ما أتذكر ) بأن تتجاوز وجه حبيبتي الجميل إلى ما دونه ..طوال فترة الجامعة وحتى التخرج ( 6 سنوات ) لم ألمس حبيبتي .. نعم .. لم ألمس حتى يدها

كنا نعين ونشجع بعضنا على مختلف الطاعات والعبادات

كنا مثار اعجاب وحسد كل من حولنا .. حتى الدكاترة والمعيدين بالجامعة

كان الجميع يرى فينا النموذج الطاهر النقي للحب , واللهفة الشديدة في عيننا عندما نكون بعيدين عن بعض

وكنا مثار سخرية من البعض , مثلاً عندما نكون مع بعض في الجامعة ثم يؤذن للصلاة , فنقوم ونصلي , ونعود لنكمل حديثنا

نعم , لم نكن ملائكة , ولم نكن معصومين من الخطأكانت هناك بعض التجاوزات , ولكنها كانت بسيطة (نسأل الله المغفرة )

و لكننا نجحنا في اجتياز اصعب اختبارات الشيطان

مررنا بجميع الفرص للزلل والخطيئة التي وضعتنا فيها الظروف

واجتزناها بنجاح والحمد لله

أعلم جيداً ان علاقتنا كانت قد تبدو للبعض أنها تجاوزات غير مقبولة من اناس ملتزمين , مع أن الغالبية العظمى من الناس ترى التحفظات اللتي وضعناها تشدداً و تحفظاً زائداً لا داعي لهالا اننا كنا نحاول .. ونجتهد

, لنرضي الله نصيب ونخصئ .. ولكننا لم نستسلم

وتخرجنا من الجامعة بعد مصاعب عديدة , وخطبت حبيبتي

واستمر مسلسل التحفظات بيننا , حتى بعد الخطوبة

لم نكن نطيل في محادثات الهاتف , و منعنا على أنفسنا أن نتكلم في الهاتف بعد منتصف الليل

واكتفينا بالزيارات الرسمية من الخاطب لخطيبته في بيتها

وجاء موعد فرحنا

وضعنا كل الاحتياطات والترتيبات لعدم حدوث ما يغضب الله في حفل الزفاف لم نحضر راقصين أو مغنيين .. و نبهنا على كل المعازيم عدم الرقص .. واكتفينا بموسيقى هادئة طوال الحفل وارتدت حبيبتي فستاناً جميلاً محتشماً لا يظهر أيً من مفاتن جسمها وانتهى الحفل , وودعنا أهلنا , وتوجهنا الى عشنا الجميل .

وجاء موعد قطف الثمار ....لا أجد ما أصف به المرحلة القادمة

الا انه يمكنني أن أقول اني أحسست ببركة الله سبحانه وتعالى تنير لنا كل ما حولنا

واحسست بمعنى قوله صلى الله عليه وسلم (( من ترك شيئاً لله عوضه الله خيراً منه ))

لا أعتقد ان أحداً من الازواج بدأ حياته الجنسية بتجربة بديعة استمرت ما يقارب الخمس ساعات , كما حدث معنا ! .

ولا اسمع ان أحداً من الازواج قد مارس ما لم يمارسه أزواج اخرون طوال حياتهم من فنون الجنس , في ليلة لدخل

نسينا حرمان الست سنوات في ليلة واحدة!

سعادة أسأل الله أن يديمها

و حلم جميل بدأ منذ ليلة الدخلة ولم نفيق منه حتى الان بعد مرور سنة على زواجنا

كل يوم فيه اجمل من اللي قبله

نعيش حياة سعيدة مليئة بالحب والرضا والبركةنتبادل الاحضان والقبلات أكثر من مائة مرة في اليوم

نشتاق لبعضنا البعض حتى ان غبنا بضع ساعات

اجتهدنا لرضاء الله , فأرضانا الله

أسأل الله العفة لجميع المسلمين

تحياتي

خالد

احم احم

امسكوا الخشب يا جودعان وبلاش الحقد الى بيفط من عنيكم ده وانت يا ابنى روح بخر نفسك انت والمدام والمعوذتين الصبح وبليل ايوه العيال دي عينها وحشه وانا عارفاهم كويس

انا كمان مؤمنه جدا جدا جدا بالمبدأ ده ان الى بيسيب حاجه نفسه فيها مرضاة لله والى بيعف عن الحرام طول عمره ربنا بيعوضه باجمل حلال فى الدنيا

والحديث الى انت ذكرته برضه رائع الحمد لله

بس هى فى حاجه مهمه عايزه انبه لها

خالد ومراته يا جودعان حاله خاصه ما حدش يعمل فيها شجيع السيما ويعمل كده مع مراته يوم الدخله يا شباب

لان ده فعلا مش صح فى حالات بتكون البنت عندها الغشاء قوي وفضه بيعمل جرح ممكن يكون قوي ولو استمرت العلاقه ساعات كده يا فالح البت هايجيلها نزيف وتموت منك

فلو سمحتم ما حدش يعمل زي خالد

فوق ان لو واحده من البنات الى انا حكيت عنهم فى اسرار البنات عملت طلبت منها وضع 69 ده بالصلاه على النبى هاتبلغ عنك الانتربول

وطبعا يا اخ خالد بنتمنالك سعاده وهنا ميت سنه قدام بس ما تنساش بقى الى قلتلك عليه وربنا هايحسدوك انا عارفاااااااهم

ويارب يسعدكم كلكم اميييييييييييين