الجمعة، 19 فبراير، 2010

Oral sex الجنس الفموي


شايفه فى ناس بتصوت وناس بتصرخ ناس بتقول اه يا بعبعه يا قليلة الادب وناس هناك كدهون بتقول اه يا بعبعه يا مقرفه

وفى ناس تانين واقفين فاتحين بؤهم كما نفق شبرا وبيقول هه يعنى ايه ؟؟؟ يعنى الى هو ازاي

اما انا فمش فى دماغي كل هؤلاء وهاكمل كلام عادي

ما هو الجنس الفموي الاول( عشان الناس الى بتقول هه )

الجنس الفموي هو عباره عن مداعبات للاعضاء الجنسيه بالفم (اكيد من قبل الطرف التاني يعنى )
وهو بيتم فى الاتجاهين

بمعنى
مداعبة المرأه لقضيب الرجل بالفم

مداعبة الرجل لفرج المرأه بالفم


احب بس اقولكم ان انا اخدت قرار بالكتابه عن الموضوع ده واهتميت به عشان الاساله الكتيييييييره جدا الى بتجينى عنه على الاميل وفى الردود والى تقريبا كلها بتدور فى اتجاه واحد

خلينا نبدأ باول سؤال بيجينى وهو هل الجنس بالفم آمن صحيا ؟؟

والاجابه على السؤال ده : هو نعم ولكن بشروط

اولا : الصحه والخلو من الامراض للطرفين

ثانيا : النضافه الشخصيه عموما وخصوصا طبعا الاعضاء الجنسيه


لو حققنا الشرطين دول مافيش أي مخاطر صحيه ان شاء الله

ونقدر نقول ان القضيب اقل عرضه للامراض من المهبل الا ان المهبل الصحيح بيكون فيه بيكتريا نافعه مطهره فعلا وافرازات خاصه به بتخلي الوسط غير صالح لنمو كائنات مضره


السؤال برضه الى بيتكرر دايما
هل الممارسه الجنسيه بالفم حرام ؟؟
طبعا انا هنا مش دار افتاء انما اختكم الفقيره الى الله عملت الى عليها ودورت كتير فى الموضوع ده وبامانة الله بانقلكم ما توصلت له ان مافيش أي ذكر للمارسه الجنسه بالفم بتحريمها فى الدين الاسلامي

وزي ما باقول دااااائما ما قابلنيش حاجه حرام فى العلاقه الجنسيه وفيها نص قرآنى او حديث صحيح الا الجماع فى الدبر وجماع الحائض

وعليه الجنس الفموي مش حرام .
(وده بدون ما ندخل فى مهاترات من نوع تقليد الغرب والبدعه والضلاله والجدال العقيم ده )

الحاجه التالته هو القرف من فكرة الجنس الفموي

كتير بتجينى رسائل من زوجات بيقولوا ان ازواجهم بيطلبوا منهم الجنس الفموي لكن هما بيرفضوا او بيعملوا ده على مضد وانهم قرفانين من ده جدا وحتى انهم كمان بيقرفوا من الزوج فى حال هو الى عمل لها ممارسه بالفم

(ما جاليش لسه رسائل من رجال بالمعنى ده او انهم قرفانين من ده او مضايقين منه )

المهم الناس دي بقى انا اتكلمت عنهم فى البوست الى فات والى هما الناس الى قرفانين من الاعضاء الجنسيه سواء الى تخصهم او الى تخص الطرف التاني ياريت نرجع للموضوع الى فات لو ناسينه
موضوع تقبل النفس والاعضاء الجنسيه

ومن هنا باقول للستات بالذات عشان هما الى لحد الان وصلنى منهم رسائل القرف يا ستى ابقى خدي جوزك فومين غسيل قبلها عشان تضمنى انه نضيف فله. وزي ما قلتلكم فى البوست الى فات العضو الجنسي جزء من الجسم عادي جدا . زي ايدك مثلا يعنى لو ايدك جه عليها حاجه مش نضيفه هاتقطعيها ؟؟؟ ابسلوتلى نوت

وارجوكي ما تقرفيش منه كمان لما هو يعملك لان انتى مش مقرفه ولا حاجه هو مش شايفك كده بالعكس تماما فارجوكي ما تنقليش قرفك له


السؤال برضه الى باسمعه من الستات وبعض الرجاله : ولييييييييييه اصلا ما احنا بنمارس علاقه عاديه لازمته ايه ؟؟!!!

ده بقى الى فيه كلام كتير

الجنس الفموي شأنه شأن العلاقه الجنسيه بكل اشكالها وفصولها لازم يكون بيتم برضا الطرفين
وكذلك برضه شأن كل حاجه فى العلاقه الجنسيه المفروض انه يحقق متعه للطرفين معا

لكن طبعا فى حال رضا الطرفين برضه ممكن يحقق متعه لطرف واحد دائما او للطرفين لكن بالتناوب يعنى مش مع بعض فى نفس الوقت وده ممكن طبعا بتبادل الجنس الفموي بينهم

وفرضا ان احد الطرفين عايز الجنس الفموي والتاني مش عنده اعتراض لكن مش مستمتعه به

عشان أي علاقه تنجح وخصوصا العلاقه الجنسيه لازم يكون فى ايثار (يعنى تفضيل مصلحة الطرف الاخر ) وفى العلاقه الجنسيه تحديدا بيكون فى استمتاع بمتعة الطرف الاخر

يعنى مثلا فرضا انتى ما بتحبيش الباميا لكن بتطبخيها عشان جوزك بيحبها صح ؟؟

طب فرضا انت ما بتحبش السبانخ بس تشتريها عشان مراتك بتحبها وهكذاااااااا


فى برضه كلام بيتقال فى الموضوع ده

الى هو واحنا برضه نعمل كده حاجات من الى بتحصل فى افلام البورنو وقلة الادب وقلة الحيا دي نعملها فى بيوتنا مع ستاتنا المحترمين (ده الرجاله يعنى )

السؤال مني انا لهم : يعنى امال عايز تعمله فين ولا مؤخذه يعنى حضرتك ؟؟ يعنى تفضل تعمله فى احدى بيوت الدعاره ولا ايه ؟؟ ده حتى يبقى هو ده القرف بعينه بتهيئلي تعمله مع مراتك احسن حتى من انك تتفرج عليه في افلام بورنو (اباحيه ) مش بس احسن من انك تعمله مع حد تاني


الاخوه الستات :

انا لا يمكن اعمل القرف ده يعععععع ايه ده . وبعدين ده حتى بتهيئلي يبقى حرام دى بدعه وتقليد للاجانب الكفار ولاد ا لتيييييت ( اه بتتفرج على قنوات تاخذك الى الجنه مش أي حاجه )

يا ستى أي حاجه مش حرام ما نزلش فيها تحريم يعنى تبقى حلال والله ومافيش قرف ولا بتاع بقى احنا اتكلمنا فى الموضوع ده البوست الى فات

كمان فى سؤال يعنى مش هاقول هو كتير انما اتكرر كذا مره : وهو عن القذف فى الفم وهل ده غير مضر صحيا وهل ده حلال

طبعا مافيش منه أي خطر صحي عادي جدا . وطبعا مافيش فيه برضه تحريم (طبعا فى حال رضاه الطرفين برضه ) .
وبرضه السائل المنوي باحس برضه انه الستات احيانا بيعتبروه قرف ويع وكده واعتقد ده محتاج لواحده بوست عشان نتكلم عنه ان شاء ا لله . لكن هو مش حاجه مقرفه ولا مضره صحيا ولا أي حاجه طبعا .

فاضل نقطه واحده بس عايزه اوضحها فى الجنس بالفم

وهى انى باعتبر دائما ان الجنس بالفم هو نوع من المداعبه يعنى مش وضع جنسي او طريقه جنسيه منفصله انما هى نوع من المداعبات المفروض انها غالبا تؤدي الى اثاره اكتر ومن ثم استكمال العمليه الجنسيه بشكل طبيعى بايلاج و قذف عادي فى المهبل .

ولكن لو حصل قذف فى الفم او حتى خارج المهبل عموما واحتمال يكون ده حاجه بيحبها احد الطرفين مثلا أو لاي اسباب تانيه قد تكون اضطراريه مثلا

مفيش مشكله بشرط ان ده ما يتحولش لاساس العلاقه بدون سبب صحي مثلا او ظروف معينه بمعنى ما تكونش دايما كده ( الى هو الاستعاضه عن العلاقه الكامله بالجنس الفموي فقط)

بتظل العلاقه الطبيعيه لها اهميتها طبعا وتكون هى الاساس فى العلاقه الجنسيه

وفى النهايه برضه من وجهة نظري ان الجنس بالفم بيتطلب علاقه خاصه جدا بين الاثنين وحب بينهم فعلا عشان يكون ايجابي فى العلاقه ومحتاج كمان توافق نفسي وتقبل الشخص لنفسه اولا .

أتمنى اكون افدتكم فعلا
وشكرا يا بلو عشان سالت عليا لما غبت
طب اسألوا عليا يا اندال افرضوا بعبعه اتقلبت ماتت مش تيجوا تعزوا
اندال اندال يعنى .. اخس عليكم ده انا مهنياكم ... ده انا شمعه تحترق من اجل الاندال
يلا مش مهم
شكرا جداااااااا للدكتور عباس على مراجعته وتوجيهاته ومساعدتي فى الرد على اميلاتك ما نتحرمش من افضالك يا دوك

هناك 28 تعليقًا:

ঔღঔ نـــوارة ঔღঔ يقول...

ههههههههههه

سكتيها وحش في الاخر

امشي يابت اش عرفنا انك موتي كنت قولتي عشان نجي نعزي :]

**اندال اندال يعنى .. اخس عليكم ده انا مهنياكم ... ده انا شمعه تحترق من اجل الاندال

هههههههههههههههه

حلوة شمعة اوعك تحترقي ياختي

عثثثثل وربي

البوست جامد جدا وانا زيك تقريبا بتقهر من التساؤلات الغريبة والقرف من اي حاجة دول غاويين يقرفوا ويقرفوا الي حواليهم

عجبتني النقاط دي

** يا ستى ابقى خدي جوزك فومين غسيل قبلها عشان تضمنى انه نضيف فله

ياريت الرجالة ياخدوا بالهم من الموضوع دا ويهتموا بنظافتهم والستات طبعا النظافة مهمة سواء بالجنس الفوي او غيره :)

**
عشان أي علاقه تنجح وخصوصا العلاقه الجنسيه لازم يكون فى ايثار (يعنى تفضيل مصلحة الطرف الاخر ) وفى العلاقه الجنسيه تحديدا بيكون فى استمتاع بمتعة الطرف الاخر

يسلملي نافوخك لو كل طرف تعامل بمبدا الايثار هيبقى زي الفل

بجد انتي هايلة

منتحرمش منك يا شمعتنا المحترقة

دمتي بود

Mr.V يقول...

عشان أي علاقه تنجح وخصوصا العلاقه الجنسيه لازم يكون فى ايثار (يعنى تفضيل مصلحة الطرف الاخر ) وفى العلاقه الجنسيه تحديدا بيكون فى استمتاع بمتعة الطرف الاخر


لا لا
دى تستحق برافو كبيرة ليكى يابعبوعة

تسلم ايدك عالبوست ده بجد

بعبعه يقول...

نواره

ايوه يا اختي ما حدش سأل عليا خالص ايه ده نداله رسمي

تقوليش خلاص ما صدقوا

متشكره اوي يا نوار على كلامك الجميل

وانتى الى عسل والله

بعبعه يقول...

Mr.V

الف شكر يا باشا ربنا يخليك

طب حد يسقفلي وكده يعنى اي واجب معايا

مطلق يقول...

حتعلمي في مين يا بنتي دول خلاص عقدوا علي كده

غير معرف يقول...

هفكرك بنفسى الاول انا الراجل ( المتغاظ ) وسبق لى الحديث مع حضرتك على الايميل بجد انتى انسانه رائعه بس فين الستات اللى بتفهم ؟؟؟؟؟؟؟

بعبعه يقول...

مطلق

ادينا بنحاول يا سيدى لما نشوف اخرتها معاكم

بعبعه يقول...

المتغاظ

يا فندم ايوه طبعا فاكراك

ربنا يخليك انت الاحسن والله متشكره لك

بس ادينا بنحاول نفهمهم اهو لما نشووووووووف

غير معرف يقول...

انا بستمتع بالجنس الفموي بس المشكلة المنطقة دي عند زوجتي سمراء جدا اعمل ايه

اميره يقول...

ايه يا بعبعه الغيبه الطويله دى
حمدالله على سلامتك وان شاء الله ما تغيبى تانى
شوفى ياستى انا معاكى ان الموضوع ده ممكن يكون له تمتع خاص
لكن بصراحه انا متهابه الموقف عموما
والموقف ده خصوصا
ازاى اتجرأعلى المنطقه دى بدون ما احس ان ممكن ده يسببله مشكله صحيه فيما بعد
وشكرا يا بعبعه يا هايله

بعبعه يقول...

الغير معرف

هو السمار فى المنطقه دي عادي خصوصا فو فى احتكاك فخدين وحراره وده بينشط الخلاليا اللونيه

ولا ايه يا دوك كده خليك معايا اصل اكون بالف

عموما هى لازم دكتور جلديه يشوفها ويعطيها علاج
وان شاء الله ترجع عادي

بس بعد كده تستخدم كريمات ترطيب وتلبس دايما شورتات قطن وكده يعنى

بس الحقيقه انا ليا كلمه هنا

يعنى السمار ده مش مرض جلدي ده عادي زي ما حد وشه يسمر من الشمس

حاجه لا تبعث على القرف برضه وطبعا شوف الدكتور هايقولك ايه

بعبعه يقول...

اميره

معلش يا جميل والله كنت مشغوله شويه

قولي يارب

بالنسبه لكلامك
على فكره معلش انا نسيت انتى متجوزه ولا لا

وعموما هو لو ما حصلش قبل كده بينكم هو ممكن ده يحصل تدريجى اثناء العلاقه نفسها مع مراقبة رد فعله

اووووو لو في بينكم كلام ممكن تكلميه مباشرة او بشكل غير مباشر بطرح الموضوع عامة للمناقشه

وعموما لو عايزه ايضاح اكتر عفوا راسلينى على الميل

والعفو يا جميل متشكره ليكى اوي

غير معرف يقول...

تقولى إيه يا بعبعة فى زوج بيقول لمراته حبيبته إن "موضوع الجنس ده هو الجانب الوحيد الحيوانى فى الإنسان..مع إن ربنا كرمه..و إن الأعضاء التناسلية بطبيعتها شكلها مقرف ومقزز"!!!

أنا أول ما إتجوزت ما كانش عندى الأفكار دى خالص..و الحمد لله أهلى ناس متفتحين ...حاولت كتير معاه و كنت بتناقش معاه وكنت بحاول أوريله عملى إنى بحب كل حاجة فيه..تصدقى إنى كنت بعمله الأورال وهو على عينه..كإنى بأغتصبه بالظبط..كنت بقول يمكن مع الوقت يتخلص من الأفكار السلبية دى و يحاول هو كمان يحسسنى إنه بيحب كل حاجة فيا..
هو إنسان طيب و محترم..إنما بعد عشرة معه 11 سنة..خلاص حاجة جوايا إتكسرت..ما بقيتش أحاول..و ما بقاش فارق معايا أى ممارسات حيوانية بعيد عنك و عن السامعين.

آسفة لو كنت طولت عليكى ومتشكرة للمواضيع المهمة اللى بتعرضيها


تحياتى و دمتى بخير

أختك تقى

kh يقول...

موضوع مهم جداً و غاية فى الحيوية لإنى برأى المتواضع إنة لذة منفصلة فى حد ذاتها خصوصاً لما تكون بين إتنين بيحبوا بعض لكن فى طبعاً شروط يجب توافرها فى الناس إللى بتعمل كدة ..
أولاً النظافة الشخصية و دى أهم حاجة و طبعاً الكل عارف يعنى إية
ثانياً الرغبة المتبادلة بين الطرفين
ثالثا و من المهم جداً إن إللى حايعمل كدة يكون عارف بيعمل أية مش أى عبط و خلاص لإنة ممكن الموضوع يقلب العكس لو حصل عنف أو إستخدام خاطىء أو مبالغة

الجنس الفموى من المرأة للرجل بيكون أفضل للطبيعة التشريحية للأعضاء خصوصاً أن المنطقة دى عند المرأة بتكون داخلية و رطبة و من المحتمل حملها لبعض الفيروسات الضارة و من الممكن اللإستعاضة عن الفم بالأصابع حيث أنها ستفى بنفس الغرض بل بأفضل منة

أخيراً
إمتاع الزوج لزوجتة و العكس هوا نوع من المتعة التى تتحقق ذاتياً و بذلك تصل العلاقة إلى زروتها و تكون علاقة ناجحة .. و هوا المطلوب إثباتة

غير معرف يقول...

اولا احييكوا على المدونة الروعة دي
2/ انا مش متجوز بس يعني كان لي تجارب وانا في مصر زي اي شاب
وموضوع الجنس الفموي دة بيثيرني جدا ولما حبيت اجربة ماقدرتش خالص ودة بسبب نهر الافرازات اللي افاضت بيه الشريكة عليا
بمجرد ما ابتدأت تثار كمية سوائل كتيرة جدا دة غير الريحة اللي شبة زفارة السمك
فعلا الوصف الدقيق هو كأني واقف في محل تنضيف سمك دة غير انها لما بتوصل معايا للاورجازم ما تتخيليش كمية السوائل دي
اسف على الاطالة انا بس سؤالي هي كل الستات كدة ولا (فلانة) دي حالة فردية
لان الريحة كانت بتقفلني

هاتجنن يقول...

انتي فين يا بعبعة

بعبعه يقول...

انا اهو يا هاتجنن

خيرا ؟؟؟

بعبعه يقول...

تقى

الحقيقه جوزك حاله فريده من نوعها اينعم بس موجود طبعا

زي ما فى ستات كده انا عارفه ان فى رجاله كده بس نادرين عشان مشاكلهم مع الجنس اقل عشان المجتمع سامح لهم باحترام الجنس

طبعا مؤكد جوزك عنده مشكله مع الموضوع فحاولي تعرفي ايه المشكله

طالاما مافيش بينكم توافق ليه ما حاولتوش تلجأوا لدكتور ؟؟
انا عارفه ان ده مش من ضمن ثقافاتنا بس خلينا نحاول نعمل كده

وبعد اذنك ياريت تراسلينى على الميل عندي كلمتين بخصوص موضوع حيوانيه دي هاقولهاك جايز تساعدك فى اقناع جوزك بتغيير فكره
انا كنت مستنيه مش عايزه ارد عليكى الا لما اخد راي دكتور عباس


بس هو مش فاضي برضه هاخد رايه ولو قال حاجه انا ما قلتهاش هاقولك بس تابعي الردود من فضلك

بعبعه يقول...

kh

متفقه معاك فى كل الى قلته

فيما عدا

بالنسبه للفرج انه منطقه رطبه واحتمال ما يكونش صحي
وانه ممكن نكتفي بالايد

ليه بقى

اولا لو الفرج صحيح مافيش امراض ولا حاجه ونضيف يبقى مافيش منه خطر صحي وانا قلت الكلام ده

والاكتفاء بالايد حضرتك ده موضوع وده موضوع تاني
ماهو القضيب كمان ممكن نكتفي بالايد وبلاش الاورال برضه

الفكره مش بنفس التاثير الجسدي
انت قلت انها لذه منفصله من حقها هى تتوق لها برضه زي ما الرجل بيتوق لها

وبعدين الاورال اصله له معنى نفسي مش جسدي بس
معنى بيقول انا باحبك بدرجه كبيره ومش قرفان من اي حاجه فيك وشايف عضوك الجنسي حاجه مثيره وجميله

وضحت الفكره ؟؟

نورت يا باشا

بعبعه يقول...

الغير معرف الاخير

على فكره انا ساعات باشك ان القراء بتوعي قاصدين انهم يجبولي الضغط والسكر

يا ابن الحلال مين قالك ان كل الشباب لهم تجارب منيله كده ؟؟

وبعدين يا ابنى فى حد فى الدنيا يروح يعمل اورال مع واحده من هذا النوع ؟؟

يخربيت كده

انت شايف انا كتبت ايه فى الموضوع

الشروط
النضافه والخلو من الامراض والحب

تسمح تقولي علاقتك دي كان فيها ايه من دول ؟؟

والريحه البشعه دي اعتقد انها مرض معين بس انا مش فاكره اسمه هابقى اسألك الدكتور عباس

وطبعا مش كل الستات كده ولا حاجه انت الى رايح تشم راس القرد
مشيها راسه


كلمه اخيره

من فضلك توب الى الله واستغفر على اد ما تقدر واعزم عدم العوده

واعرف انك عملت كبيره من الكبائر

وربنا يغفرلك ان شاء الله ويبدلك الخبيث بالطيب

هايجنوني الناس دي

غير معرف يقول...

انسان يقول
============

الغير معرف اللي فات
ربنا يهديك ويتوب عليك من الحاجات اللي انت بتعلمها دي

توب الى الله , لان اللي بتعمله ده كبير جداً عند ربنا

على فكرة , أنا بامارس الجنس الفمي مع زوجتي , ومفيش الروائح اللي انت بتتكلم عليها دي , بالعكس الرائحة بتكون جميلة ومثيرة جدا .
والحلال طعمه أحلى بكتير من الحرام

بعبعه يقول...

انسان

انا اسفه جدا جدا

بس انا عدلت الرد بتاعك وطبعا اضطريت انشره انا تاني

متاسفه جدا

بس ما اقدرش افتح التعليقات كساحة حوار على مدونتى للناس يعلقوا على بعض بالشكل ده

انا مفقوعه منه مافيش كلام بس معلش كلنا ذو خطأ وما ينفعش نغلط فى بعض

ياريت ماتزعلش انى عدلت تعليقك

هاتجنن يقول...

ابداً
بس وحشتينا

بعبعه يقول...

هاتجنن

ياااااااه معقوله ايه الحلاوه دي يا ناس

موشكرين يا باشا الف شكر والله


احنا تحت النظر يا باشا

نورتنا

kh يقول...

تعقيب لبعبة

يافندم الفكرة واضحة وضوح الشمس
ههههههههههههههههههههه

أعتقد إنك واخدة الموضوع من ناحية الأنانية بمعنى لية الراجل يستمتع بدة و الست ماتستمتعش ... ؟؟
و نسيتى إن الموضوع من أساسة قبول من كلا الطرفين و ليس من طرف واحد

إنتى بتقولى
****************
وبعدين الاورال اصله له معنى نفسي مش جسدي بس
معنى بيقول انا باحبك بدرجه كبيره ومش قرفان من اي حاجه فيك وشايف عضوك الجنسي حاجه مثيره وجميله

**********************

دة كلام جميل خالص و متفقين علية ولية كذا طريقة لتوضيحة و مش شرط أبداً إنة يكون عن طريق الأورال خصوصاً لو كان الزوج بشنب و دقن أو دقنة منبتة
ساعتها الزوجة هيا إللى حاترفض

ههههههههههههههههههههههه

أظنها وضحت أكتر
ولا أية ???

بعبعه يقول...

kh

ههههههههههههههههههههههههه

ماشي وضحت

بس لعلمك الخاص هى مش بترفض عشان الشنب والدقن بس

انما المشكله ان فى حالات حضرتك بتيجى تشتكي انه هو نفسه نفسه يعمل اورال لمراته بس هى مش راضيه
نكلمها مش راضيه ليه يا قطه

تقولك يع ده يبقى مقرف اوي لما يعمل كده
كان فى واحده مشكلتها انها بتقرف من جوزها بقى ومش عايز بوس بعد ما يعملها اورال

اه الراجل مقرف ياعم بيعمل حاجات مقرفه
طب هى ليه شايفه نفسها مقرفه ؟؟؟
ده السؤال

وده الى انا اتكلمت عنه فى البوست الى فات الى هى فكرة تقبل النفس

مالناش دعوه بقى بالشنب والدقن المنبته
ههههههههههههههههههه

اه وفى سبب تاني لرفض الزوجه برضه بيكون ساعات الخجل او خوف من اعلان الرغبه
حاجات كتيره الحقيقه احنا ملعبكين نفسيا شويه

وطبعا طبعا الحكايه فى الاخر رضا الطرفين
يرضوا تبقى خلصت نطلع احنا منها على طول

نورت يا kh

وسعيده بمناقشاتكم ليه والله

هاتجنن يقول...

لا لا لا لا مش هاينفع كدة
الغيبة بقت بطول قوي
لا وكمان ايه دكتور عباس لسه ما شاركش
برايه العلمي اللي بنستناه عشان ينورنا

بعبعه يقول...

هاتجنن

انشاله يخليك يا اخويا يا رافع من معنوياتي


شايفين يا انداااااااال
ناس بتسأل عليا اهو مش زيكم

كتبت بعبعه نقرا غابت بالسلامه وخلاص

انداااااااال

حالا يا هاتجنن هاينزل البوست جديد


والدكتور عباس موجود الحمد لله وقرى ردودي ومتابعنا لو فى حاجه ها يقول على طووووول