الأحد، 19 يونيو، 2011

رساله من حواء لآدم



جالي رساله من اخت وصديقه عزيزه عليا اوي وعليكم برضه :)  وبعتتلي موضوع جميل اوي زيها وطلبت مني انشره عندي لانها مش عايزه تنشره عندها لاسباب كتير منها التخلف الطافح للمجتمع :)


الموضوع انا اخترتله اسم انه رساله من حواء لآدم ..الحقيقه انا زودت عليه شويه باذنها


خلينا نقراه وبعدين نعلق عليه


قبل الجواز بشوية
--------------------



هاتى ايدك دى و خليها معايا
انتى عاوزاها فى حاجة ؟!!


لما بتفرج ع الحاجات دى
 ف فيلم أو  فترينة بتخيلك فيها


احنا هنبقى دايما صرحا
  و مش عاوزك تنكسفى منى ابدا


الرجال مش بيدورا على مزاجهم بس
ويهمنى تكونى سعيدة قدى تمام


الواحد بيجيب معلوماته من رجالة اللى حواليه
اومال هسأل مين يعنى ؟


انا عمرى ما هزهق من حبك
و لا هشبع منك

انتى فى عنيه احلى واحده فى الدنيا
 كل حاجه فيكى حلوه مش شايف حد غيرك

امته بقى اخدك فى حضنى
ونغمض عنينا وننام واحنا فى حضن بعض


امتى هنتجوز خلااااااص مش قادر
 تبعدى عنى اكتر من كده







بعد الجواز بشوية
-------------------


انتى بتوحشينى حتى
و انتى ف حضنى


القميص ده يهوس
و لونه يجنن عليكى


لو اى حاجة نفسك فيها نعملها سوا  
قوليلى ومتنكسفيش


انا اسف لو كنت فى وسط لهفتى
 مسألتكيش انتى .. مبسوطة


أصل الرجالة لما بتتلم بيقعدوا
يتكلموا ف الحكاية دى و ينصحوا بعض


يا حبيبتى انتى حلالى
 و عمرى ما هتبطر علي النعمة و الا تزول

حد يبقى معاه القمر ويبص للنجوم


ما باشعبش منك ابدا

لأ الحاجات دى بتتعمل بروقان
اوعى تقوليلى انك تعبتى  

يلا تعالى فى حضنى عشان اعرف انام

الله .. انتى نمتى بسرعة كدا ليه ؟
 اصحى عاوز اقولك على حاجة  


بعد الجواز بشويتين
-----------------------


انتى مش شايفة اننا عدينا مرحلة
مسك الايدين و التسبيل دى خلاص ؟


لازمتها ايه الحاجات العجيبة
اللى انتى بتلبسيها  .. ما كله هيتقلع !


انا ميت م التعب متنسيش الله يكرمك
تصحينى بكرة عشان عندى معاد ضرورى


لو تبطلى بس تسمعى كلام صاحباتك
 اللى هيودوكى فى داهية


انا طول النهار شقيان و ضهرى مقسوم  
و انتى قاعدة فى البيت رايقة و فاضية
شايفه الحريم الى تفتح النفس ؟؟


طب معلش المرة دى بسرعة كدا عشان الحق انام
 والمرة الجاية هعوضهالك



يلا احضنى عشان ننام .... نامي يا وليه بقى


ما تطفى التلفزيون و تنامى
انتى ايه اللى مصحيكى لحد دلوقتى يا شيخة؟

************************************

لحد هنا خلصت الرساله 

الكلام ده حقيقى يا جماعه وبيحصل
لا والله بيحصل ابشع منه وارخم منه 

ساعات باحس ان الراجل من دول بعد كام سنه جواز يبقى ماسك مكرسكوب وحاطط مراته تحته يطلع منها الوحش كله ويفضل يعد فيه 
وينسى اي ممزات او صفات تانيه هو حبها فيها زمان

وبيتحول الى آلة نقد فقط

وده صدقوني بيضره هو اولا قبل ما يكون بيزعج مراته او يضرها

اتمنى تكون رسالة صديقتنا العزيزه افادتكم ونورت لكم بعد الطريق

شكرا ليكى يا صديقتنا الجميله اوي ويارب دايما منورانا

هناك 22 تعليقًا:

أبو ملك يقول...

سبحان مغير الاحوال...... دة حقيقى لكن الاسباب كثيرة و مختلفة من رجل لرجل و من امرأة لاخرى لان هذا الموقف ليس مقصور على الرجال و لكن هناك مواقف عكسية بالتاكيد اى ان المرأة هى التتى تتغير و تزهد فى الرجل . عموما الحل لا يأتى الا بعد ان نعترف ان هناك مشكلة بالاساس .

بعبعه يقول...

ابو ملك

اتفق معاك تماما لكن الحقيقه من خلال خبرتي فى المشاكل الى زي كده باحس ان الرجل مؤثر اكبر احيانا وخصوصا ان الست فى مجتمعنا غالبا ما بتاخدش الخطوه الاولى دايما

لكن اتفق معاك بشده فى ان الحل لا ياتى الا بعد ان نعترف ان هناك مشكله

اهلا بك

فارس عبدالفتاح يقول...

التخلف الطافح للمجتمع ....

وحضرتك تملكين مفاتيح المعرفة وباب العلم .. وفي إيه المعرفة دي والعلم ده في الجنس احط الوظائف البيولوجية في الكائن الحي ، التي تأتي مرتبتها في المرتبة القبل الاخيرة قبل عملية الاخراج .


واللى حضرتك عايزه تقليينا ان الرومانسية الحالمة التي كان يتمتع بها الرجل يفقدها بعد فترة من الزواج .

هذا هو الطبيعي فالحركة والتغير اساس فيزيائي للوجود ، ولكن الفتاة او المراة تظل قابعة في ضلالها البعيد .

عن الحياة الحالمة الرغدة التي تنعم فيها بالعاطفة الجياشة التي لا تمتنع ولا تنقطع ولا يصيبها الفتور .


هذا هو الوهم في عين ذاته ( جوهره ) ان يتخيل العقل البشري ( المرأة ) انه هذا الحال دائم وانه مستقر وسرمدي .

اصحوا من الخيال والوهم الذي تعيشون فيه يا بنات حواء .

غير معرف يقول...

سورى يابعبعه انا مش قادرة اقرا الكلام المتخلف ده ومش اعلق عليه...
استاذ فارس عبد الفتاح...
لو سيادتك شايف ان الجنس هو احط الوظائف البيولوجيه قبل عملية الاخراااج....بلاش سيادتك تمارسه اصلا ولا تقرأ مواضيعه..ولا تتكلم مع اصحابك المتخلفين زيك فيه ..وتتفشخر انت واصحابك بقدراتكم اللى ماحصلتش فيه...وان كل واحد فيكم راجل ماحصلش فى بيته..وطبعا فى الاخر كله كلااااام فى كلاااام...انت سيادتك شايف ان الزوجه مالهاش حق تحلم ان جوزها يبقى رومانسى فى الجنس معاها ..ويعيشوا مع بعض زى الكنبه اللى عايشه مع الكرسى؟؟؟؟
من غير احاسيس ولا مشاعر ولا..جنس بالمرة بقى مادام ده حاجه يييييععع
ومقرف ...الجنس بين الزوجين هو ارقى حاجه فى المشاعر الانسانيه..جايز سيادتك مش بتحبه لأسباب خاصه..اعف عن ذكرها..وربنا معاك
وسورى تانى يابعبعه....
تحياتى...زوجه..

fafy يقول...

هاى يا جميل بصى انا اخصائيه نفسيه فى مدرسه ثانوى وبصراحه انا لسه ماتجوزتش عشان كده البنات ساعات بيسالونى على حاجات وبجاوب عليها ساعات مش بطريقه مستفايضه وهى كالاتى:
هو يا مس العاده السريه حرام؟
هى بتنقض الوضوء؟
طب ايه اثارها على الست؟
طب هى مش بتخليها تحمل؟او بتاثر على الحمل؟
جاوبى بقى:)مستنيه ردك

بعبعه يقول...

فارس عبد الفتاح
الحقيقه انا شوفت كلامك من زمان بس يعنى طنشت وما رضيتش لا ارد ولاامسحه وقلت خلي كلامك كدهووون تحت اسمك عشان كل من يعدي على البوست يشوف رايك ويعرف افكارك الوذعيه

والحقيقه رغم الزوجه الى اتنقطت من كلامك ياحبة عين امها والى ردت عليك دي داست شويه على الرابع بس الحقيقه مش قادره اشيل تعليقها ولا اقولها انتى غلطانه
اصل قالت جزء مما فى نفسي

اه جزء اجارك الله لو انا الى رديت عليك بقى

وانا امنية حياتي انك تقلع عن القراءه عن الجنس المقرف اليع ده وتعتقنى يا اخويا

بعبعه يقول...

زوجه
ههههههههههههه انتى عسل

نورتي

بعبعه يقول...

فافي

عندنا باب كامل على المدونه عن العاده السريه ومرحلة المراهقه ارجعي للبوستات القديمه من فضلك هاتلاقي تربيه جنسيه لكل مراحل الطفوله والمراهقه

على يمينك كده هاتلاقي التبويبات والارشيف لو ما عرفتيش توصلي قوليلى وانا هاجيلك اللنكات واي سؤال انا معاكي واحب اسمعك جدااااااا

بوبو يقول...

انا كمان عاوزة اعلق على البوست اولا وعلى الاستاذ فارس ثانيا
اما تعليقي على البوست فانا من متابعتي لاحوال اغلب المتزوجات بلاقي ان دا بيحصل معاهم فعلا.. بيتهيالي عشان الرجالة فاهمين الجواز غلط.. انا بقالي خمس سنين متجوزة وعندي طفل عمره اربع سنين.. جوزي لحد دلوقت على عهدي الاول بيه في الرومانسية ومراعاة مشاعري واحتياجاتي النفسية والجسدية.. بس لما بحكي عنه لحد بيحسسوني انه كائن خرافي
ودا ينقلني للاستاذ فارس عبد الفتاح.. طبعا الزوجة اللي ردت عليه قالت برضه كتير من اللي كنت عاوزة اقوله لكن احب اضيف ان النبي عليه الصلاة والسلام وهو من هو كان لاخر لحظة في حياته يجاهر بحبه للسيدة خديجة والسيدة عائشة رضي الله عنهما ، ومات وراسه في حجر زوجته السيدة خديجة ، وكل اداب الجنس بين الزوجين نقلت عن اداب النبي مع زوجاته وخاصة عائشة رضي الله عنها لانها كانت اقرب زوجاته لقلبه صلى الله عليه وسلم ، واغلب انبياء الله تزوجوا وانجبوا واكيد مش بالمراسلة يعني العلاقة الجنسية بين الزوجين مش حاجة مقرفة ولا يع ولا دليل على الانحطاط او التخلف والا كان دا معناه انك كمان بتصف انبياء الله بهذا الوصف
ويا ريت تقرا شوية في سيرة النبي صلى الله عليه وسلم مع زوجاته عشان تعرف ان الرومانسية مش وهم عايشة فيه المراة ، لكنها مطلب اساسي عرفنا ان النبي صلى الله عليه وسلم وفره لزوجاته فادركنا - نحن النساء - انه حقنا على ازواجنا.. وشكرا

بوبو يقول...

تصحيح.. النبي صلى الله عليه وسلم مات وراسه في حجر السيدة عائشة رضي الله عنها

بعبعه يقول...

بوبو

حياتي انتى يا جميل هاتي بوسه بقى

بصي هاتي باقي الحريم الى فى بلوجر كله وتعالوا ردوا على عمك فارس ده هههههههههههههههه

نورتي يا حبيبتى وعندك حق فى كل كلمه قولتيها

فارس عبدالفتاح يقول...
أزال المؤلف هذا التعليق.
فارس عبدالفتاح يقول...

للعلم والاحاطة .. مش اكتر


لست انا من رتب الوظائف البيولوجية للكائن البشري ( الانسان ) من وضعوا تلك القائمة ورتبوها ترتيبا تنازلياً كانوا علماء البيولوجيا وعلماء والاجتماع .

وعلى فكره .. على راس القائمة كان العقل .. اي الفكر البشري .



يرجى العلم والاحاطة

غير معرف يقول...

مسا الخير على الجدعنين ....
انا بصراحه مبسوط انى لقيت البلوج بالصدفه و صراحه زود المعرفه شويه ( من غير ضرب يا بعبوه على شويه دى) ..... بالنسبه لرسالت حواء لادم احب اقول لادم دا كتكو نيله مليتو البلد ....ام هند انا دلوقتى عندى 23 سنه و عندى امل اتجوز على 28 سنه فكنت بسال على الحلول اللى تصبر البنى ادم مننا الخمس سنين دول... و شكرا

maxman

بعبعه يقول...

الغير معرف
لا لا يا راجل عيب انا ما باضربش خالص
انا باعض على طول ههههههه
يا سيدى يا رب الناس كلها تبقى عندها كل المعلومات الى انا باقولها وساعتها ابقى انا اسعد واحده واكتب بس عشان اعلم الصغنين الى لسه مش عارفين

وبالنسبه للطلب الى انت قولته يعنى مافيش ابلغ من كلام الرسول عليه الصلاة والسلام
من استطاع منكم الباءه فليتزوج ولم يستطع فعليه بالصوم فانه له وجاء

وربنا يسترها معاك يارب ويعفك ان شاء الله بالحلال

اقولك هانوزع عليكم زيت كافور :)))

الاسير يقول...

الغيبة طولت خير ان شاء الله

بعبعه يقول...

الاسير

الله يكرمك ان شاء الله خير

معلش شوية حاجات كده معطلاني بس والله هحاول اجهز موضوع جديد
اصل تجهيز موضوع ده مش متخيلين بياخد وقت وبحث وكده بس ان شاء الله حاضر
ومتشكره اوي اوي على سؤالك بجد

غير معرف يقول...

ميرسى جدا على الموضوع الجميل وعلى المدونة كلها انا سعيدة جدا بها ..
وكان لى رد على الاستاذ فارس عبد الفتاح

ارجوك يا استاذ تراجع معلوماتك وتعيد تقيم نظرتك للحياة والمجتمع لان ما تقولة هو سبب تخلف المجتمعات وليست هذة المدونة لان من يسعى الى تقوية المشاعر والاستمتاع بالحياة بالحلال وكذلك يسعى الى تقديم المعرفة بصورة محترمة يؤدى الى الافادة وليس الخراب .. وكمان يا استاذ مش معنى ان الحياة صعبة والعمل مجهد اننا ننسى نفسنا ونتحول الى الالات او حيوانات ناكل ونام وبس .. وبعدين ربنا وسيحانة وتعالى امرنا بتعمير الارض فكيف سنعمرها برأيك؟؟ بالاسلكى ولا بالبلوتث ولا بالعلاقات البرادة الخلو من الاحساس ؟؟ ارجوك رفقا بأمرأتك سواء كنت متزوج او ستتزوجك وسع افقك واخلع عنك عباءة الجهل المغرور وتعلم كيف تعامل الانثى حتى تسعد فى حياتك وتدخل بها الجنة ان شاء الله ..شكرا .. حبيبة

ذو الوجه المبتسم يقول...

السلام عليكم
بصراحة الموضوع مفيد جدا وياريت فعلا الستات تجاوب بدون تردد طبعا اجابة بكلام علمى وعملى ومنطقي
اشكر الاخت بعبعة على اثارة الموضوع
اما بالنسبة للتعليقات والردود مش عارف اقول ايه اسكت ولا اضحك ههههههه فكرتونى بجملة " كلكو عليا ولا ايه " كلكو على فارس ولا ايه هههههههه الراجل مش هيدخل هنا تانى - حرم خلاص هههههه
اشكرا الاخ ابو ملك لتعليقه والحل الايجابي ومتفق معه
تحياتى
ذو الوجه المبتسم

الاسير يقول...

نتمنى الغياب خير ان شاء الله

Uouo Uo يقول...


thx

شركه تنظيف

Uouo Uo يقول...


thank you

سعودي اوتو