السبت، 13 ديسمبر 2008

ترحيب باعترافات هانم .....وطالب تحكيم

باديء ذي بدء نحب نرحب بالاخت اعترفات هانم والى انضمت ليا فى المدونه دي وشرفتني واعترافات الله يسترها وافقت تنضم ليا وتساعدني فى المدونه شويه عشان انا مش فاضيه ومش عاطياها حقها بصراحه المدونه بس غصب عني
ويااااااااارب تفضل معانا اعترفات هانم بكل خير وحب
ونفضل نبعبع ونعرفت لحد لما نرتاح تماما من العقد والشراشيب الى عملها الزمن

أما الان سيداتي آنساتي سادتي اعضاء البولجر العظماء معانا اول مشكله وصلت لبعبعه من قنوات خاصه جدا ولنا الاحتفاظ طبعا بسرية مصادرنا وهاسيبكم تقروا كلام الاخ طالب تحكيم (كما اطلق على نفسه)

السلام عليكم
اكتب لكم موقف حدث بينى وبين زوجتى وارجو منكم الحكم الواضح فى الموقف ده

فى احدى الليالى بعد نوم الاولاد تمت محادثه بسيطه بيننا وكنا نجلس معا اما م التليفزيون وبيننا مسافة مترين تقريبا
وبصراحه الكلام كان مش على هوايا وعلشان كده غيرت اتجاه نظرى للتليفزيون محاول الطناش وقفل الموضوع فتم الاتى :

الزوجه : قذفت قذيفه موجهه الى راس الزوج بمخده صغيره بتاعت الانتريه ( هزار )
الزوج : (ماسك راسه وهوه دايخ من الخبطه وعينه مزغلله) غبيه
الزوجه : انت بتشتمنى ...... وقامت القيامه
الزوج : (بعد ما هدى من الخبطه ) قام بالاسف الشديد محاولا امتصاص الخطأ وتداركه فى نفس الليله حتى لا يكبر الموضوع ويكون فيه زعل يبات لليوم التالى ( حسب اتفاق الزوجين طول فترة الزواج تصفية اى خلاف فى نفس اليوم ولانوم قبل الصفاء الكامل) .... تم القسم والحلف للزوجه بان الخبطه كانت جامده جدا وان راسى لفت وعينى زغللت والشتمه خطأ غير مقصود نتيجة رد الفعل للخبطه مع الاسف الشديد و الوعد بعدم العود مرة اخرى ..... ولكن هيهات البكاء والزعل وعدم قبول الاسف.....

والان بعد يومين من الزعل ( على فكره الزعل فى الخفاء لايخرج ولا يعرف عنه اى شخص حسب اتفاق الزواج الاساسيه)يعنى بنتكلم عادى والزعل مدفون بالقلب

تم الصلح ولكن...
الزوج يطالب بحقه من الاسف هوه الاخر والزوجه ترى انه لا اساس لطلب الزوج
الزوج يبلع طلبه ولكن على اساس اخذ حقه بيده( ضربه مماثله لضربة زوجته بنفس المخده الصغيره) او الاسف من الزوجه

رجاء مناقشة الموضوع وابداء الراى بموضوعيه وهل للزوج الحق او للزوجه الحق فى فعله

ملاحظه : لاتحسبوا الموضوع هزار ولا انه هيافه فيه بيوت بتتقفل لاسباب اقل من ذلك مع تصغير عقل الازواج
فترة زواج قاربت عدد اصابع اليدين ويوجد اطفال منورين البيت

ولكم جزيل الشكر
أخوكم طالب تحكيم

وطبعا احنا هنا كبلوجاريه شكلنا فاضي ومش لاقيين حاجه نعملها عشان كده هناقش مخدة الانتريه بس زي بعضه الاخ طالب تحكيم بيقول انها عملت مشكله كام يوم وان ممكن البيوت تتقفل عشان مخدة الانتريه الصغيره الى اتزقلت

وطبعا هاقول رايي بعد ما اسمع رأيكم

يلا بسرعه الصبح الاقي هنا كل واحد فيكم قايل رايه

واعترافات هانم منورنا فى القاعده تملي

هناك 19 تعليقًا:

عمرو يقول...

أولا أهلا باٍعترافات هانم و ربنا يقويها بقى فى البلوج المدهش ده
ثانيا مبروك النيولوك و حقيقى ده أحلى من القديم يعنى شكله شيك كده و باين عليه اللمسه الأنثويه الساحره اللى يخللى الواحد نفسه تنفتح للكتابه
موضوع التحكيم بقى : يعنى بين الأزواج بتحصل حاجات كتير بعضهابهزار و بعضها بجد و بعضها ممزوج بالأتنين .. بس كده لو الزوج أصر على أنه يضرب زوجته بالمخده زى ما هى ضربته يبقى معلش يا زوج أنت غلاوى و مش بتعرف تسامح لأن كده الموضوع أنقلب من هزار و صلح لأخد بالتار يعنى الموضوع تحول لشكل تانى خالص
بأنصح الزوج لو عاوز يهزر يهزر لكن ما يخدش الموضوع بشكل اٍنتقامى و يا أما كده يا أما دمى حيفضل يغلى لحد ما أضربها زى ما ضربتنى !!
و بعدين يا زوج خليك ناصح و أنتقم من الضربه دى بطريقه تانيه مستتره من تحت لتحت بس بطريقه لذيذه ههههههه
فاهمنى طبعا !!

اعترافات هانم يقول...

ربنا يخليكي يابعبعه ايه الكلام ده صدقيني ده شرف ليا اني اكون مع بعبعه


بالنسبه للزوج بقي

انت مكبر الموضوع اوي ياسيدي المسامح كريم وبعدين اكيد اضايقت لما تجاهلتها واكنها متكلمتش الموضوع ده بيضايق

طب عارف اخويا في مره بيكلمني وكنت بقرا حاجه مهمه المهم انا سمعاه وبقرا برده افتكرني متجهلاه وزعل وصالحته

ياسيدي بقي هزر معاها مره وارميها بالمخده بس مش بغباه بهزار ودلع

كبر عشان المركب تمشييييييييييييييييي

مجرد وجهه نظر

بعبعه يقول...

عمرو

يعنى من غير عمرو ما يرد على بوستاتي بابقى مقلقه بصراحه

بالنسبه للزوج انا برضه شايفه ان هو الى قلب الهزار جد لما شتمها وضيع حقه لو كان له حق

ومن موقعي هذا باقوله احنا ما نقدرش نحكم برضه اوي عشان هى مش هنا ومش سمعنا منها

بعبعه يقول...

اعترفات هانم

يا بنتى ده انتى بصماتك على المدونه شنيعه ده انا ما عرفتهاش لما دخلتها هههههههههههههههههه

على راي عمرو لمسه انثويه ومش اي انثويه يا عمرو رايقه وصغننه وهاتعمل جو يعنى

غير معرف يقول...

عرفت بقى انك مكبر الموضوع

يا جماعه انا زوجة الاخ ده

وعادة لما بتحصل حاجه زي دي اهزر معاه ويقولي وجعتني بابوسه راسه وابوس الواوه كمان ههههههههههههههههه
واتاسفله وكل حاجه

بس يرضيكم انه يبصلي بجد مش هزار ويقولي غبييييييه ؟؟؟

عيب يعنى بعد العمر ده كله يشتمني
ليا احق ازعل ولا لا ؟؟؟

عمرنا ما شتمنا بعض ولا قلينا ادبنا على بعض
اه بنهزر ويمكن نشتم بعض بس هزار هناك فرق
وبعدين جه يصالحني قلتله اوك بس انا نفسي صعبانه عليا فيها حاجه دي ؟؟؟

هو بقى عايزنى كده بعد دقايق اقوله اه خلاص سامحتك وايه كماااااااان

اعتذرله واصالحه عشان المخده قال وجعته بالذمه بقالنا كام سنه بنزقل بعض بمخدات
اشمعن انا دلوقتي بقين هرقل بقى والمخده بتاعة الانتريه الفبر عورته ولا دوخته ؟؟؟؟؟؟؟؟


وبعدين اه احنا متفقين اننا ما نبيتش الزعل لكن كمان احنا بنتصافى لكن نعمل ايه طيب لما يكون الواحد خلاص بقى نفسه شالت

وبعدين من احنا متفقين كمان الادب والاحترام وان العصبيه مش مبرر للغط؟؟؟!!!!


احكموا انتم بقى انا كده غلطانه

ده غير انى راضيه انه يحدفنى بالمخده بس اعتذار مش معتذره مالوش حق عندي بعد ما غلط فيا .

ويا عمرو والله هو مش غلاوي ولا حاجه ههههههههههههه

واحنا اتصالحنا بس هو مصمم انه له حق عندي وقالي هايحكمكم بقى عشان عارف انى باحبكم هههههههههههههههههههههه

بس كده

اعترافات هانم يقول...

هههههههههههههههههههه

والله انتوا الاتنين زي العثل

مش تحبكها بقي

اقصوصه يقول...

مدونه جميله

سررت بالمرور من هنا

وبانتظار الجديد دوما :)

بعبعه يقول...

شكلهم بيشتغلونا يا اعترفات

بعبعه يقول...

اقصوصه

انتى الى جميله ونورتي

بعبعه يقول...

طيب صاحب الليله دي فين مش بيجى يرد على الناس ليه ؟؟؟

يا بتاع القذايف يا طالب التحكيم تعالى رد على الناس

انا عارضه المدونه دي للبيع حد يشتري

زهقت منكم انا

اعترافات هانم يقول...

هو فين اللي طالب التحكيم

وحدوووووووووووووووووووه

hasona يقول...

بكل الادب
فعلا فيه بيوت ممكن تغلق بسبب أشياء صغيرة تترك لتكبر
معظم المشاكل من التليفزيون باين- كان اخرها حالات الطلاق المتسبب بها مسلسل نور- وبعدين الزوج لازم يركز أكتر بقي
مخدة ايه دي اللي تهزه - هو كان عداها المرة دي - انا بأنصح الزوج انه يهزر و بلاش رد الفعل السريع ده -شكله كان بيفكر يخبطها بكرسي ولا ايه ؟؟؟

قولها ربنا يسامحك وأمرك لله
تحياتي لكم

بعبعه يقول...

حسونه

حلوه حكايه يخبطها بكرسي دي ههههههههههههههههههههههههه

نورت البعبعه يا حسونه ونورت المحكمه

غير معرف يقول...

اهو الراجل قال بنفسه اهو شكله كان عايز يحدفنى بكرسي

يعنى تخيلوا الموقف انا باهزر معاه واحدفه بمخده الانتريه

بصوا عارفين مخدة الانتريه دي الى دوخته قاااااال

هاوصفها لكم والى عايز صورتها يقولي وانا ابعتهاله على الاميل
هههههههههههه
يعنى هي بالظبط 25 سم فى 25 سم ومحشيه الياف صناعيه ومكسيه قطيفه
ههههههههههههه

انا حدفتها من على بعد تقريبا مترين حد يقولي يا جدعااااااااااااان اعمل في ايه الراجل ده

ما لقوش فى الورد عيب قاله احمر الخدين

وابقوا اسألوه كمان هو ما كانش عاجبه كلامي لييييييييييه

وعلى فكره هو مش راضي يرد عليكم ههههههههههههههههههه

كل ما اقوله يقولي ماااااااشي هابقى ارد ماهو ماحدش قال حاجه

ويقولي انتى موحياهم عليا شكلك ههههههههههههههههه

بعبعه هاتضربنا على فكره

اعترافات هانم يقول...

لالالالالالالالالالالالالالالالالالا


ده كدا بقي نزعلوا خالص


نحن نطالب بالزوج انه يجي يرد

المدونه حياديه خالص ومش فيه اي
انحوياز

احنا بنقول اللي شيفينه

والمفروض ترد بقي هه بس

وهترد يعني هترد

انذار موجه من اعترافات هانم للزوج

غير معرف يقول...

ازاى ده يحصل
زوجه تحدف جوزها بمخده
احمد ربنا انها مش من النوع اللى بيقطع و ب تكيس
دى ملاك يا عم
و انت اكتفيت بالرد ده بس انتوا
ماعندكوش قطط؟؟؟؟؟
طير رقبه قطه و قطعها قدامها و لا تأخذك بها رأفه او شفقه و لا تسمح لها انها تنونو
و لو نونوت اكتم نفسها بايشارب حريمى و اقطع رقبتها و علقها على باب زويله لتكون عبره لمن يعتبر ...

و طلع الغل اللى جواك
يلا روح نفذ و ادعيلى
إمضاء
(تهدئه للنفوس)
ابقي فكرنى ابعتلك كتيب معامله الزوجات الحديث المطور
و ده للرجال المتزوجين و الشباب المقبلين على الزواج
بعنوان (لا تحزن على ما مضى)
قصدى ايام العزوبيه

غير معرف يقول...

عموما انا متشكر للجميع على اهتمامهم بالموضوع ولو انى كنت متوقع عدد اكبر من كده وعلشان كده اخرت الرد علشان اعرف اكبر عدد من الآراء

الى جميع الاخوة و الاخوات

احب اوضح انى الحمد لله واخد الموضوع ببساطه واحنا بعدها على طول كل شيئ صافى بس كل الى الى حاصل انى حبيت اوضح لها ان جميع افعال الناس تحتاج للرد اذا اخطأ يصلح الخطأ ببساطه تامه يعنى هزار تقيل شويه يلزمه كلمتين معلش مكانش قصدى ( بدون تكبر )وطبعا رد فعل على الهزار التقيل لفظ بالخطأ لم اتكبر وفى نفس الوقت اعتزرت مباشرة ولكن انا شايف الردود كلها واخده الموضوع من باب تانى انى اعمل الى انا عاوزه بدون ما يبان انه علشان الموضوع ده..... وده الى انا مش عاوزه انا عاوز اعرفها ان كل فعل ترتب عليه حق فيلزم رد الحق لصاحبه حتى ولو كان صاحب الحق اخطأ بشكل اخر
بالنسبه لتكبير الدماغ اسالوها عنى انا اكبر مكبر دماغ وبالنسبه لضياع الحق يا بعبعه مافيش حق بيضيع ابدا وانتم عارفين الحقوق بتتاخد يوم القيامه بالقسطاس
وياعم بيبرس ارحمنى من نصايحك الكبيره دى وانا فى انتظار كتبك كلها لعلها تنفع فى حاجه

اعترافات هانم يقول...

والله كل ده ومش مكبر الموضوع

ومش تنسي انك قولتلها ياغبيه يعني برده

بس انا ليا طالب من طالب تحكيم وصاحبه القذيفه

انسووووووووووووووووو وكبرو والله انتوا الاتنين زي الثكر

وانسووووووووووووووووووووو

dreem يقول...

سلامو عليكو
انا عايزة اقول حاجة يا جماعة : الزوج زى ما اتفق مع مراته انه ما يخليش زعل يبات بينهم يتفق معاها برضه ان مفيش هزار بالايد او بحدف اى حاجة
كنا زمان واحنا بنهزر مع بعض بالتلطيش احنا وولاد خالاتنا امى تقولنا الهزار هيقلب جد .. وكان فعلا بيقلب بخناقة .
وفيه حاجة كمان : لو كانت مراته بتهزر فعلا ما كانش اتوجع كده !!
من الواضح ان فيه حاجة جواها منه مضايقاها وحبت تطلع غلها بطريقة غير مباشرة
ربنا يهدى
على فكرة حلوة المدونة دى
تحياتى