السبت، 11 أبريل، 2009

وردة على جسدي .... بقلم عن العشق والهوى

تحديث هاااااام

البوست ده للكبار فقط فوق ال 18 سنه

حلو كده ؟؟؟

امخاخ غريبه فى ا لعالم ده الى مش عاجبه ما يكملش وما يقراش

انا ما باتكلمش الا فى الجنس يا ولاد اللالي ؟؟ طب حتى لو كان كده وايه المشكله ؟؟

خلاص هابقى اوزع مع البوستات الى زي دي منخل هديه عشان الى يتكسف يبقى يحط على وشه منخل

على راي صديقى العزيز (مش عايزه اقول ابويا احسن يضربني ) عقول مريضه

اقروا وانتم ساكتي بقى





الحقيقه يا جماعه انا ترددت فى نشر الموضوع ده جدا





الا انى رجعت تانى لبروتكول المدونه


وهو ان هنا تقدر تنشر الى مش عايز اومش قادر تنشره فى مدونتك


لكن طبعا من غير اباحيه ولا الفاظ خارجه ولا شتيمه




وعملت اميل مخصوص للمدونه للمراسله بس وباكرر ذلك




المهم جالي من : عن العشق والهوى




وصاحبته بتقول انها لها كتابات ما بتحبش تنشرها


وانها شايفه انه تعتبر كتابات تعد من وجهة نظرها قد تكون مفيده لبعض الناس


خصوصا وانها تشهد مشاكل زوجيه وحالات من الملل والشكوى المستمره من الطرفين


فقالت يمكن بعض كتابتها دي تكون ملهمه للناس دي




اتفضلوا معانا


ومع العشق والهوى :




ورده على جسدي




فى حياة كل منا يوما لا ينساه


يوما قد يكون غير مجرى حياته او طبع بخاتم من ذهب او حديد على نفسه فشكلها ببريق الذهب او قساوة الحديد


وهذا يوما لا انسى ذكراه ابدا




كنت احيا


فقط احيا


احب حياتي؟


لا اعلم ولكنى لم اكرهها


اشعر بمن حولي؟


نعم ولكني لا اجيد التعبير لهم عن شعوري حلوه ومره




حتى انني لم اكن اعلم شعورهم الحقيقى نحوي ولا استطيع ان اسألهم ايضا




يوما دخل على زوجي ويحمل شيئا فى يده


ولما سأله الاولاد


قال : انه شيء يخص العمل


وتعجبت فلم يكون شكل ما يحمله ملفات او ما شابه




وبعد ان انتهى اليوم وانتهيت انا كالعاده وهو ايضا فنحن ندور فى دوامة الحياه




ذهبت الى سريري منهكه ابحث عن النوم




فنظرت الى زوجي الجالس على السرير مبتسما


ماذا بك أ لن تنام ؟


فقال : بلى سأنام


ولكن تعالى اريد ان اقول لكي شيئا مهما




خيرا يا زوجي الغالي




فجاء بصندوق للهدايا جميل وقال لي : هذا لك


بحثت فى عقلي سريعا عن المناسبه قد اكون نسيت شيئا


ولكنى لم اجد




لي أنا ؟ ما هذا ؟ هديه ؟؟ لما وما المناسبه ؟؟




فقال لي بحنان بالغ : لانى احبك




فقلت باستنكار : او لو تك تعلم انك تحبنى الا اليوم ؟؟!!




فقال حبيبى : بلى يا حبيبتى ولكنى اكتشفت انى احبك اكثر مما كنت اعتقد




فتظاهرت الرضا ولكنى لما اقتنع


وفتحت الصندوق




فاذا به اولا وردة حمراء بديعه ذات رائحه فواحه


والورده ربطت بشريط احمر مخملي رائع


فامسكت بها


وقربتها من انفي استنشق عبيرها ونظرت له فى خجلمن نفسي لاستنكاري قوله




وقلت له رائعه يا زوجي


ونظرت فى الصندوق فوجدت ايضا قميص نوم بلون احمر خاطف ففتحته ورأيته


وكم اعجبنى ولكن لساني لا ينطق دائما بما تهواه نفسي


فقلت: انت تعلم انى لا احب هذه الموديلات فاين سارتديها امام اولادنا ؟؟!!




فقال لي : حبيبتى عدينى أنك لساعه واحده ان تفعلي ما احبه انا واوعدك انك لن تندمين


اتعدينى ؟؟


انا : امممممممممم نعم اعدك




وفعلت كل ما قاله لي




ارتديت هديته


فى غرفتنا بالطبع وباحتياطات امنيه


وجلست الى جواره فاخذ مني الورده التى يعلم انى مفتونه بها وبالورد عموما


وفك الشريط الذي ربطت به


وقال لي : لا تنسين وعدك


قلت لم انسى




فقال اغمضي عينيكى


ورب على عيني الشريط الاحمر الناعم


وقالي : اريدك ان تضعي كل تركيزك مع هذه الورده الجميله والتى انت اجمل منها




اغمضت عينى فشعرت بالورده بقرب انفي فتنشقت هواها بكل ما املك من صدر


ورايتها بعقلي


وحضتنها بقلبي


وبعد لحظات حرك الورده على خدي ووجهي كله وشعرت بنعومتها ونداها على جلدي


وبعد لحظات شعرت انى احلق فى سماء مع الورده الجميله


التلى التصقت بجلدي وبعد لحظات اكتشفت ان معها اصابعه التى يمسك بها الورده تتلمسني بدفء يضاهي جماله جمال ندى وردته الرائعه


وفى لحظات وجدتنى اذوب بجسدي مع وردته واصابعه الاتى تلمساني بحنان وحب ورغبه


شعور غريب تملكني


لا ادري ما هو ولا كيف انا عليه


ولم اشعر بما حولي



غير ان عبير وردته التى تلمست معه انحاء جسدي حتى اطراف اصابعي

وبعد ما عدت ادري هل ما اشعر بنداه على جسدي هو ندى وردته
ام ندى شفتاه

هل هو رحيق وردته
ام رحقيق قبلاته ما ارتشفه


اذاب روحي فى هواه


وتفجر بداخلي بركان حب


بركان شوق له


بركان رغبة فيه



وكان لقائنا فى هذه الليله لقاء عاشقين




كانت هذه الليله نقر فى جدار الملل في حياتي


اتبعناها بحبنا بنقرات عدة فتصدع الجدار وانهار


وبنينا مكانه روابط الوصال والحب


وبنينا فى نفوسنا قصور حب من ذهب


كانت يوما اطلالا او شبه اطلال






هناك 17 تعليقًا:

عمرو يقول...

أمممممممممم !!
يعنى الجدع كتر خيره جايبلها هديه و ورده و ما أعرفش أيه و حركات كده و لطيف و ذوق معاها و هى برضو تتلامض و تقعد تلابط معاه و تقوله يعنى ماكنتش عارف أنك بتحبنى قبل كده ؟؟ و كلام من اللى يسد النفس على عادة الزوجات الأوغنديات مش حنقول المصريات لحسن تقوموا تاكلونا ..
طيب ما من الأول كانت تقوله ميرسى يا جملى ربنا يخليك ليا يا أبو عيالى تعيش و تجيب لى يا روح قلبى .. و مدد يا سبعاوى و تبجى ليله يا عمده ..
لكن اٍزاى ؟؟ لازم طبعا تسم بدنه بكلمتين الأول و تخليه يندم و يضرب نفسه بالقبقاب على أنه فكر فيها و حب يفرحها و لو حد غيره بقى كان قال لها : ماشى يا أم الباتعه خليكى فاكراها يا رخمه و تصبحون على كل خير ..
المهم يعنى ..
طبعا اللفتات الحلوه بين الأزواج بتكسر برود العلاقات اللى ممكن بمرور الوقت و التعود بتبقى حاجه آليه اٍعتياديه لا طعم لها و لا لون و لا ريحه و أدينا بنحرق 2500 سعر حرارى و خلاص ..
و لكن طبعا ما أجمل أن يشعر كل طرف أنه محط اٍهتمام و حب الطرف الآخر و لو حتى فعلا بورده ليس اٍلا لأن ده حيرفع الروح المعنويه للغايه بس للى بيفهم و بيقدر و مش لازم أبدا كلمتين الغلاسه اللى قالتهم الزوجه لزوجها فى الأول لما قدم لها الهديه لأن ده بصراحه بيعمل اٍحباط غير مستحب بالمره و بيكون له مردود سىء للغايه ..
تقبلى خالص تقديرى ..

بعبعه يقول...

عمرو

انا برضه عجبني الفكره والله يا عمرو
وشوفت انها حاجه فعلا لطيفه ومليانه بجد مشاعر صادقه جدا

من الاخر هى عجبتنى وعشان كده نشرتها
ولو ان انت عارف الامخاخ ممكن تقول ايه على ده

وعارفه ان فى ميت واحده هاتقراها وتنفض وتمشي

بس مش مشكله المهم تقراها يمكن تفهم

تحياتي لك يا عمر يا منورنا

بعبعه يقول...

بس جديده حكاية 2500 سعر حراري دي ما كنتش اعرفها

ده كلام تقديرى فقط ولا علمي ولا ايه

عمرو يقول...

2500 سعر ده كلام علمى للحد الأدنى من المجهود و بيوصل ل 3000 سعر مع المجهود الأشد و ده لمدة 15 دقيقه

بعبعه يقول...

طيب يا عمرو افادكم الله

مقتنعه تماما اننا خلقنا فى اكمل صوره وكل شيء جوانا من غرائز وحاجات لها اسباب اشمل واعمق مما نعلمه

عن العشق والهوى يقول...

مش عارفه اشكرك ازاي يا بعبعه على انك فعلا نشرتي الموضوع بتاعي

وانا عارفه انتي ليه ترددتي

بس والله انا مش عارفه ليه حسيت انى عايزه انشر الكلام ده

وبصراحه مش عارفه انشره عندي لدرجة انى فكرت اعمل مدونه ما حدش يعرف انها بتاعتي وانشر فيها

لكن قلت يمكن ما حدش يشوفها ولا يقراها




وعمرو

والله انا برضه ياما عملت ام الباتعه كتير بس هو الله يصلح حاله صبر عليا

وكنت رخمه كتير وكان هو بدأ يبقى رخم معايا برضه

لكن الحمد لله هدانا ربنا لحاجه كويسه


شكرا لاهتمامكم يا جماعه

وكده يا بعبعه هاتطمعينى ابعتلك الباقي واكتب جديد

Sweet Violet يقول...
أزال المؤلف هذا التعليق.
بعبعه يقول...

عن العشق والهوى


اكتبي يا حاجه ولا يهمك اي خدمه

انتى تكتبي

واحنا نتهزأ بدالك شوره جاز

بس انا ولا يهمنى

اكتبي اكتبي

بعبعه يقول...

سويت فيوليت

هما كده يا اختي دايما

بيدوروا بره زي ا لقرع يمدوا لبره

رجاله قليلة الادب
هههههههههههههههههههههه

رئـيس التحـرير يقول...

السلام عليكم
ازي حضرتك
يشرفني جدا دعوتك للمشاركة معانا في مجلة رؤية مصرية
افتتاح الموقع الرسمي بعد شهر من إصدار المجلة على بلوجر الليلة بعد منتصف الليل ممكن تزوري المدونة الي عليها المجلة القديمة وهتلاقي اللينك الجديد وبإذن الله تعجبك وتشاركي معانا
أنا منتظرك بجد ويارب تردي عليا
ده اللينك القديم الي هتلاقي عليه اللينك الجديد بس بالليل يعني عشان تفضا مفاجأة
http://roayahmg.blogspot.com/
مودتي

mahasen saber يقول...

مع ان دخلته كانت منتهى الشياكه والرقه ورد فعلك كان منتهى الغلط والخبطه

بس النهايه حلوه عرفتوا تسوا الارض بجدار الملل
ربنا يسعدكم دايما وميظهرش اى جدارات اخرى بعد كده

بعبعه يقول...

محاسن صابر


منوره يا اختي

فينك من زمان

بعبعه يقول...

رئيس التحرير

اوك يا اخي الفاضل

انا الى اتشرفت بك

وانا باروح رؤيه فعلا

الفراشة الصغيرة يقول...

احترم ذكاء الرجل

وفعلا يا بعبه

هو ذكى جدا بالرغم من البدايه المحطمه للزوجه
الا انه برضه عرف ازاى يشدها له

وازاى فى نفس الوقت يشعرها بانثوتها
وبدون ملل
بست لذيذ واكيد الفكره بتاعته حلوه

انت تسال والكمبيوتر يجيب يقول...

دعوه

تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo

بعبعه يقول...

الفراشه الصغيره

اهلا وسهلا ونورتينا يا فراشه

ادم المصرى يقول...

انا عن نفسى بحب احسس ديما حببتى او زوجتى او خطبتى احسسها بأنوثتها

واحسسها انها فقط لا غير

هيه بديتو كانت محبطه بس اتحسنت مع استمرار العلاقه ايد الحب بيزيد بتدريج

مع الايمام ورد الافعال العشره ليها تأثير كمان بيكون غريب

بس لناس الى عندها شعور بس
هههههههههههههههههههههههه

بوست رائع