الأربعاء، 29 أبريل، 2009

ابحث عنى

ازيك يابعبعتي ياحبيبتي والله ياخوتشي وحشاني  خالص 


النهارده طبعا هحكي حكاية رجل في الاربعين من عمره  هو لحد الان مش لاقي نفسه ويسال دايما اعمل ايه 

**********
انا زي اي شاب في مقتبل عمره لا راح ولاجه عاش  وكبر علي حب بنت الجيران 

اعشقها وفي كل نظره يكاد قلبي يقفز من قفصي حتي يقول لها بهمس انا احبك انا اعشقكك 

وفي يوم  من الايام كنت واقف معاها شافني اخوها وكلمني قولتله انا عاوز اتجوزها وساعتها كنت في السنه النهائية من الدراسة 

فقال ليا هقول لبابا وارد عليك

استنيت يومين  وكلمني اخوها  وقاللي ان بابا رفض قولتله ليه قالي عشان عرفنا ان اهلك رفضوا 

قولتله خدلي معاه معاد  وانا هتصرف

وقعدت مع والدها وقالي كل حاجه عليك حتي لبسها قولتله موافق ولو اهلي قالو اي اتفاق انا متكفل بيه 

وحددنا سنه للارتباط 

ضغطت نفسي شغل كنت بنام اربع ساعات لاني كنت بشتغل وبدرس 

وقبل انتهاء السنه بشهرين كنت خلصت دراسة وجهزت بالكامل 

وكانت مقابلاتي  بيها قليله عشان شغلي وفي يوم لاقتها بتقولي ان جيالهاعريس جاهز 

ايه رايك

قولتلها والله مبروك

قالتلي دا ردك قلتلها انتي لابسه دبلتي وبتقوليلي عريس امال انا ايه قرطاس لب مثلا 

وغابت اسبوعين سالت عنها قالوا بايته عند اختها وكل يوم استناها في نفس المكان

 لحد اما لاقتها في يوم بعد اسبوعين  بتديني الدبله وبتقولي كل شي نصيب 

طلعت اوضتي ومش حاسس بحاجه وبعد اربع ايام قعدت اعيط ياااااااااااه كان احساس مؤلم 

جت والدتي وقالتلي انا هجوزك ست ستها وفوجئت انها راحت لخالتي وطلبو بنتها 

واشترو الشبكة بعد 3 ايام 

يعني في 6 ايام بعد اما حبيبتي ادتني الدبله كنت خاطب بنت خالتي ودا كان اكبر غلط 

كلمت بنت خالتي وقلتلها علي اللي مريت بيه قالت انها عارفه

قلتلها انا عاوزك تخيلني انسي المده دي احس اني مش عشتها 

 وقاتلي انا مش بعرف اطبخ او اكنس او اي حاجه قولتلها كل حاجه ممكن تتعلميها 

وبعد شهر كنا اتجوزنا وبدات نار الجحيم 
انا ساكن كنت في منطقة مش فيها اي عمار ولو حبيت انزل اشتري اكل امشي مشوار بالعربية نص ساعه 


فكنت كل يوم بروح لا بلاقي اكل ولا شرب ولا اي حاجه لازم اشتري الاكل وانا جاي الغسيل في 

الدراي كلين الاكل والشرب انا اللي بعملهم 

جربت كل الطرق اشتكيت لاهلها ضربت طبطبت 

هددت اني هتجوز 10 سنين مش فيه اي اهتمام ودا لانها اكبر مني ب8 سنين 

كمان مش فيه تكافؤ هيا عندها الحب دا لعب عيال والمشاعر دي اخر حاجه وانا عندي الحب دا اول حاجه

قررت اتجوز تاني بس كل اما ارتبطت بواحده تحسسني انها شارياني في الاول 

وبعدها مش عارف بيحصل ايه مره مش هقدر اتجوز عشان لو ابو الولد عرف هيياخده ومره لازم تجبلي شقه

 في المكان الفولاني 

انا نفسي استقر وتعبت من عدم الاستقرار دا نفسي ارتاح

اخر اما زهقت 

بت برا اربع ايام ولما سالتني قولت اني اتجوزت

برغم ان دا مش حصل 

واتعمل مجلس للعيله 

وكل همهم اني اطلق وبعدها لما جت تتكلم ابوها وامها واخوتها قالولها وانا قاعد انتي اللي وصلتيه لانه اتجوز 

لانك لامهتميه بيتك ولا اي حاجه ناقصك ايه 

انا فعلا مش لاقي الاستقرار والامان لا زوجه مهتميه بيا ولا مدياني ابسط حقوقي وهي حتي اني شي في حياتها لكن انا لاشي 

اعمل ايه اتصرف ازاي انا مش بتاع لفلفه وكمان عاوز احس بالاستقرار 

********

استوووووووووووب هنا بقي ياريت تقولوا رايكم


مع تحيات اعترافات هااااااااااااااااااااانم 

هناك 8 تعليقات:

جنّي يقول...

السلام عليكم

بصراحة يستاهل اللي جراله بسبب الاستعجال .. والعلاج صعب وهو التخلص من قبضة العيلة واذا كانت هي لا تحافظ على العشرة فلا تستحقها ..

بعبعه يقول...

نعمممممممممممممممممممم


يعمل ايه ؟؟

يطلقها الصبح انتى ما قلتيش هى معاها عيال ولا لا

لكن يعنى ما دام الحكايه كده ولا حتى العيال

يطلقها ويتجوز واحده تانيه

بس لو كانت الحقيقه فعلا كده

احنا برضه ما سمعناش الا من طرف واحد

انما الى مش مرتااااااح يدور على الراحه يا ابنى

انت مش مرتاح معاها ايه الى جابرك عليه
باكي على الشقه الى هاتاخدها لو كان معاك منها عيال ؟

طيب خلاص خليك بقى مرهون فى الشقه يا حلو

وايه دبسوني وجوزوني دي ؟؟

وايه الاهالي دي ؟؟

واكبر منك ب 8 سنين ليييييييييييييه

هى الناس مخها تعب ولا ايه

ياريت يا اعترافات لو كان هو هايقرا الموضوع خليه يا بنتى يرد علينا ويتفاعل معانا

اخيرا جيتى يا اختي

وانتى كمان وحشاني يا لولو والله

reem يقول...

اكبر منه ب 8 سنين ؟

يعنى لما بنت الجيران سابته ومامته زعلت اوي وقالت هاجوزك ست ستها كانت فعلا تقصد ست ستها في السن طبعا .. لانها اختارت بنت خالته اللى اكبر منه ب8 سنين

هو طبعا غلطان من الاول لكن اللى حصل حصل
بس انا شايفه انه صعب يتوافقو لان 8 سنين بين راجل وست كتير لما تكون هى الاكبر طبعا

وكمان هو معاها بقاله 10 سنين يعنى لو كان في امل تتغير كانت اتغيرت فيهم

انا شايفه انه لو فعلا صادق في حكايته لازم يدور على حد يريحه ويدور على سعادته ويتجوز بس من غير ظلم لمراته اللى اعتقد بردو انها مش سعيدة معاه لانها لو سعيدة كانت حاولت تسعده وترضيه
يعنى الحل هايكون مريح للاتنين

تحياتى

اعترافات هانم يقول...

جني

******

هو معترف انه اخطا بس لحظات الضعف صعب نقول فيها احكام وانا كنت ضده في كدا

لكن احنا في الان المشكله حصلت وخلاص
احنا في الحل يتصرف ازاي ؟

اعترافات هانم يقول...

بعبعه حبيبتي

***********

يطلقها ازاي وهيا بنت خالته كمان فيه عيال بينهم

ومبدا الطلاق مرفوض لسبب انه مش بيحب الغدر ولما بيتقدم لحد بيقول انها هتكون علي ذمته وحقوقها كلها هتاخدها

اما بالنسبة للشقة الموضوع مش مساله شقة هو لما هيتجوز هيعيش الزوجه التانيه في شقة لوحدها وهيا لوحدها الشقة مش مساله خالص

اما بالنسبة للسن فانا اتصدمت زيك

اقولك كمان اني لما شفتها قلتله دي مامتك ابتسم وقالي دي مراتي قولتله مش ممكن واستغربت جدا

طيب احكيلك عن اخر موقف

عيد ميلاد ابنهم راح البيت ومعاه التورته وعلق مع العيال الزينه وقعد يرقص وهما يرقصو وهي قاعده ساكته وبتبص

طفو الشمع وهي مش طفته معاهم بيقولها هاتي الاطباق والسشوك تقوله مش هجيب حاجه

راح الطفل عيط ماما مش عاوزه تقولي كل سنه وانا طيب

قاله روح جيب الاطباق وقطعوها واكلوا بيديها لطبق قالت مش عاوزه

بس اليوم خلص وراح كوي لبسه اللي هينزل بيه وشال الاجه بتاعت العيد ميلاد ونام

اما بالنسبة للتعليقات فهي بتوصله اول باول

وانتي وحشاني خاااااالص :)

وانا جيت اهووووووو

اعترافات هانم يقول...

ريم

*****

هو فعلا بيقول انه طبع وصعب يتغير

بس مين اللي تقدر ان عنده بيت تاني ومش هيسمح لنفسه انه يخل بوجباته نحيته

هو فعلا بيدور وتعب من التدوير

واعتقد انها مش سعيده لانها لو سعيده كان بان علي الاقل

الفراشة الصغيرة يقول...

على فكر احتمال كبير قوى

لو فكر يتجوز تانى
ميقدرش يعدل بينهم

لان للاسف مش بيحبها ومش لاقى راحته معاها
ولا هى كمان بتحبه

هى غلطه وتصليحها شىء صعب

لان الاولاد هما اللى هيتظلموا
بس مفيش حل الا الطلاق للاسف
لانه بيفكر فيها وانه ازاى يكون سعيد معاها
وهى مش بتفكر غير فى نفسها
وصعب اى ان الانسان ياخد وميديش

كيــــــــــــارا يقول...

كان لازم فتره نقاهه

الحل بصراحه موش عارفه

الموضوع ملعبك بس لازم يبدا حياته من غير مايضر حد