الجمعة، 19 يونيو، 2009

نقطة نظام يا بشر



اييييييييييييه ده

نقطة نظام يا جودعان مش كده
فى ايه ؟؟ سمك لبن تمر هندي ؟؟!!

التعليقات عشان مناقشة البوست نفسه والاسأله بشأن موضوعه

واي حد من فضلكم عنده سؤال او عنده اقتراح او اي حاجه من هذا القبيل يتفضل ويتكرم ويبعتلي على الاميل بتاع المدونه
لان فى اسأله خطيره وما ينفعش الاجابه عليها ببساطه

وبتكون محتاجه لاستشاره طبيه اونفسيه
لونفسيه احنا ممكن نلطش ماااااااشي

انما لو طبيه هانكون محتاجين اجابه من طبيب
وجاري البحث حاليا عن مصدر طبي للاجابات عشان نحمله كامل المسؤليه (مافيش متبرعين يا اخوانا )

بس من فضلكم الاسأله تتبعت على اميل المدونه وانا وعمرو هاناقشها ونشوف ينفع احنا نجاوب ولا لا
ونشوف راي المستشارين الى هانستوردهم ان شاء الله

ونرد عليكم على اميلاتكم او على صفحات المدونه زي ما تقرروا انتم

بس مش عايزه غلاسه كل واحد يبعت يقولي ما تنشريش مشكلتي
ايه ده بقى ماليش دعوه امال انا انشر ايه انشاء الله
اقعد كده ارد فى الخفاء على الجميع ولا ايه

هاقترح عليكم اقتراح ان الى مش عايز ينشر مشكلته يسمحلي انا اغير في تفاصيلها وانشرها مع ردي عليها
عشان الناس تستفيد من فضكلم وده الهدف اساسا من مناقشتي مشاكل الناس هنا

فى حاجه كمان
اثنين من اصدقائي قالولي انتى قلبتيها طبيبك الخاص كده يا بعبوعتي ما ينفعش كده اقفليها احسن واقعدي على تلها
طبعا انا ما اعرفش الصراحه طبيبك الخاص دي كانت ايه

سألت بقى خبير فني فقالي انها كانت مجله بتصدر زمان وكان فيها باب للمشاكل الجنسيه وبتتكلم بشكل طبي
قلتله طب امال بيقولوها كانها تهمه ليه كده ؟؟ طب ما كانت تبقى كويسه وتمام وميه ميه .

قالي اصل المراهقين كانوا بيشتروها بقى كلهم وكده يعنى ؟؟

الله طب هو عشان المراهقين بيشتروها تبقى قلة ادب ؟؟ طب ما يشتروها اهم يفهموا مش احسن ما يشتروا مجلات سيكو سيكو ؟؟!!!

قالي يعنى اصل المجله كانوا بيستهبلوا وينزلوا بقى شوية شطه كده على المجله عشان تتباع بالطريقه دي صورتين بتاع كده يعنى .

انا بقى باقول حتى لو كانت كده طب واي يعنى ؟؟!!!

اتوقع انها كانتش صور جنسيه يعنى كانت صور توضيحيه جايز بس احنا كشعب متخلف وعبيط شوفنا انها قلة ادب يعنى .
وعليه حتى لو تحول الامر فى المدونه هنا لطبيبك الخاص بتاعتكم دي ما عنديش مانع بس لما نلاقي طبيب الاول .
وبعدين مش قافلاااااااااها ماشي بقى ؟؟؟

والبوست الجديد للبنات ان شاء الله بكره هاينزل بس قلت اقولكم الكلمتين دول جايز حد يفهم .
الى اللقاء يا اصدقاء

هناك 15 تعليقًا:

ستيته حسب الله الحمش يقول...

متعرفيش طبيبك الخاص
ده انت صغنونة بقى
ماشي فكرتيني بالذي مضى

كانت دايما بتيجي بصورة دورية في بيت جدي ووالله كانت مجلة اكثر من رائعة

ثم فوجئت من بنات ثانوي بعد سنين طويلة جدا ان ذكر اسم المجلة يعد من باب قلة الأدب
هههههههههههههههههههههههه

وقالوا الكلام اللي اتقال لك ده قعدت اضحك
وكم بك يابلدي من نكت
بس بدل ما نضحك عليها فعلا نبكي من التخلف العقلي

انشري ع البركة
قال تقفلي قال
هي فوضة؟

تحياتي

Bola 7elmi يقول...

مسمعتش عن المجله دي غير هنا
بالمناسبه بقى .. انا بتابعك مش من زمان .. بس بجد بهنيكي على كدا مدونه عرفت فيها حاجات بجد أول مرا أعرفها وحسيت أد ايه الجهل وحش :S
وكمان حلو انها تكون طبيبك الخاص .. طالما بتعالج مشاكل وبتفهم الناس بأسلوب مفهوش خدش للحياء

سلامي ليكي بعبعه :)

بعبعه يقول...

ستيته

مش انا قلتلك ان شعب عبيط ومتخلف وجاهل ؟؟

هههههههههههههههههههه

وبعدين انا اه صغنونه طبعا هههههههههههههههههههههه
خماشر سنه يادوب

بعبعه يقول...

بولا حلمي

اه والنبى يا اختي الجهل وحش
هههههههههه

متشكره ليكى يا قمر

عمرو يقول...

طبيبك الخاص أيام مراهقتى كانت لها مكانه عاليه جدا و كان بيكتب فيها صفوة الأطباء المحترمين ..
أوافقك يا أختنا بعبعه على مقترحاتك بخصوص الاٍستفسارات و الاٍميلات و يا ريت فعلا التعليقات تلتزم بموضوع البوست علشان الموضوع الأصلى مايتوهش ..
تقبلوا تحياتى جميعا ..

غير معرف يقول...

طبيبك الخاص
دى احسن مجله ممكن تشتريها للثقافه الطبيه عموما
و هيا لسه بتصدر حتى الان
ممكن تشتريها بسعر بسيط
هيا بقت شبهه ؟؟!!
عجبت ليك يا شعب
ربنا يعينك يا بعبوعه

MaNoOoSh يقول...

انا فى انتظار المجله
وبردو كل اسئلتي عن الموضوع اللي فات هبعتها فى الايميل ان شاء الله فى اقرب وقت

ههريكوا اسئلة وبالذات عن مراهقة الشباب وازاي الاهل يساعدوهم يعدوها بأمان
بس اتحملي بقى
هههههههههههههههههههه


فى انتظار البوست الجديد ان شاء الله

هبه يقول...

بعبعه بعتلك ميل.........
صباح الخير يا بابا عمرو.....

mahasen saber يقول...

مستنينك يا جميله

بس مجلة طبيبك الخاص دى كانت مفيده جدا

عارفه واحده صاحيتى مكان باباهم اليى بيشتريهالهم
كان عنده ست بنات وربنا يبارك فى عمره
كان بينمى عندهم الثقافه الجنسيه وفعلا اعتقد انه ربا بنات بمليون راجل
ومنهم صحبتى

mahasen saber يقول...

مستنينك يا جميله

بس مجلة طبيبك الخاص دى كانت مفيده جدا

عارفه واحده صاحيتى مكان باباهم اليى بيشتريهالهم
كان عنده ست بنات وربنا يبارك فى عمره
كان بينمى عندهم الثقافه الجنسيه وفعلا اعتقد انه ربا بنات بمليون راجل
ومنهم صحبتى

بعبعه يقول...

عمرو

تحياتي لك ويارب يسمعوا الكلام

بعبعه يقول...

غير معرف

فعلا عجبت لك يا شعب

بعبعه يقول...

مانوش

انتى بتغيظينى يا بت بتقوليلى فى انتظار المجله
هههههههههههههههه
ماشي ماشي

وابعتي اميلات زي ما تحبي ولا يهمك يا جميل

بعبعه يقول...

هبه

عنيه حاضر هاروح اشوفه

بعبعه يقول...

محاسن

على فكره كان عندي منها زمان كذا عدد وما كنتش شايفه ان فيه حاجه اوفر يعنى

وكان بابا الى جايبهم برضه