الجمعة، 17 يوليو، 2009

خلاصة القول فى العاده السريه

بصوا بقى انتم طلعتم مجانين فى اليومين الى فاتوا والواحد بجد احتار فيكم


واسألتكم صعبه بجد ومتعبه بجد ونسأله الاجر والثواب


والواحد ساعات يتخبط المشكله من دول يفضل كام يوم يفكر فيها


والحقيقه انا كنت مجهزه بوست من فتره عن العاده السريه للبنات


لكن بعد نقاش مرير وخناق ومطاوي مع صديقنا الطبيب


وكمان متابعة الحالات الى ظهرت فى التعليقات والاميل عندي الحقيقه رايي اتغير شويه وقررت ما انزلش الموضوع ده


وكمان لقيت اننا غطينا اغلب وجهات النقاش فى التعليقات اصلا


المهم بالنسبه للعاده السريه هاقول كلمه اخيره بعد النقاش الطوييييييييييييييل الى حصل فيها


العاده السريه المشكله الوحيده المتعلقه بها ان البنى ادم يعتبرها هدف فى حد ذاتها ويستبدلها بالزواج او الزوجه او الزوج طبعا


العاده السريه قد تكون باب الهروب من الوقوع فى جرائم اكبر وافظع


العاده السريه ما نقدرش نمنعها بتاتا انما نقدر نحد منها بالطرق الى قلنا عليها
(نشغل وقتنا واعلاء مبدأ نفسك ان لم تشغلها بالحق شغلتك بالباطل
نبطل نستهبل ونتفرج على افلام سكس وبعد كده نقول هو احنا مثارين ليه ؟؟!!1
نستعين بالصبر والصلاه والصوووووووووووووووووم )


ولما نقول بدون اسراف الى يحدد الاسراف ده الشخص نفسه وهو وضميره مع ربنا بقى


لان الحاجه الجنسيه متفاوته بين الاشخاص وبعضها


لا مش بس بين شخص والتاني


الرجل بيختلف عن المرأه


والرجل بيختلف عن الرجل

وكذلك المرأه طبعا


وكمان ايه الشخص نفسه سواء ـ الست او الرجل ـ هو نفسه ممكن حاجاته تتفاوت من وقت للتاني ومن مره للتانيه


والى سبق له الجواز غير الى ما سبقش والى عمره 15 سنه غير الى عمره 25 سنه



انا كن ليا راي فى العاده السريه بالنسبه للبنات وانها تعتبر مش ملحه زي الشباب


لكن الحقيقه زي ما قلتلك رايي اتغير وببساطه فكرت


ما دام فى رجل ممكن يحتاج لممارسه الجنس اكتر من مره فى اليوم وراجل ما يقدرش يمارسه غير مره واحده فى الاسبوع ولهم نفس العمر طبعا


يبقى كمان انا ما اقدرش احكم على الستات ككل


لكن لظروف اجتماعيه ونفسيه وبرضه جسديه الرجل فى رايي بيتحوج للعاده السريه اكتر


لكن هى حكمها ومضارها ونوافعها ودوافعها واحد للجنسين


الحقيقه اتغاظت اوي اوي من البنات الى خايفين انهم لما يتجوزوا اجوازهم يعرفوا انهم كانوا بيمارسوا العاده السريه


فى حين الراجل بكل بساطه بيقول اه مارست العاده السريه ده لو ما قالش اكتر من كده


واتغاظت اكتر من الرجاله الى بيدوروا فى حاجه زي كده


يعنى اشمعن هو تسعين فى الميه مارس العاده السريه وطول عمره وجاي يحاكمها عليها ؟؟


الحقيقه كمان اقريت ان الاثنين زي بعض بالاكثر لما اعترف الرسول عليه الصلاة والسلام بالاحتلام لست


ودي حاجه مساويه للحاجه للعاده السريه من وجهة نظري (حيث انها تفرغ طبيعى للشحنات الجنسيه )


المهم عشان ما نقولش كلام معاد


احنا كده ناقشنا موضوع العاده السريه من كل الجوانب


واعرفوا ان العاده السريه فى حد ذاتها مش مشكله كبيره


المشكله بقى فى مصايب تانيه

زي الى بقت عنده العاده مرض نفسي وبيمارسها 8 مرات فى اليوم


وزي الى بتمارس العاده بعد اعتداء جنسي


وزي الى بيعترفوا بتحرشات ومصاايب كتير اوي اوي سوده
وزي الى بيمارسوا العاده السريه رغم انهم متزوجين فى حالة عزوف تقريبا عن ممارسة الجنس بشكل طبيعى مع زوجاتهم وازواجهم


اعتقد العاده السريه لو اخدناها باخف الضررين تبقى اووووووك



خلاااااااص نقفل بقى الموضوع ده ارجوكم وخلونا نتكلم فى حاجه تانيه



بس ليا رجاء من فضلكم اتنيلوا اتجوزوا بقى عشان قرفتوني بصراحه


اتنازلوا شويه عن احلامكم الماديه الورديه واتجوزوا


القرآن بيقول كده الى ما يقدرش على العالي يتجوز على اد ايده


ومن لم يستطع منكم طولا ان ينكح المحصنات المؤمنات فمن ما ملكت ايمانكم من فتياتكم المؤمنات والله اعلم بايمانكم بعضكم من بعض



وانتى كمان الرحمه حلوه يا جدعان ارضوا ببعض وعيشوا واسعدوا بعض واتنازلوا مش كده حرام عليكم نفسكم وغيركم


يعنى مش معقول ابدا كم المشاكل الى سببها ان كل واحد مستنى لما يعمل شقه تتكلف بس فرش وتوضيب 100 الف جنيه غير تمن الشقه نفسها

واحنا اساسا شعب مش لاقي ياكل


يارب يفهموااااااااااا بقى يارب




اه وطلب اخير للجميع من فضلكم الى عايز يكتب بغير الحساب بتاعه بلاش غير معرف دي عشان اللخبطه فى الردود من فضلكم


كل واحد يخترع لنفسه اسم حلو كده فتكات عباس اي حاجه ويكتبه عشان اعرف اميزكم من بعض


ومتشكره للجميع واغلق باب النقاش فى العاده السريه خلااااااااص بعد الموضوع ده ومش عايزه صداع



شكرا يا عمرو وشكرا يا دكتور


وشكرا لكل الى شاركوا بالمناقشه والكلام معانا على التعليقات


ودي الموضوعات الخاص بالعاده السريه هاحطهالكم على تبويب واحد ان شاء الله





















هناك 14 تعليقًا:

غير معرف يقول...

شكرا على هذا البوست الجامع المانع

عباس

بعبعه يقول...

العفو اي خدمه يا عباس


ههههههههههههههههههه

وبعدين لما كل الرجاله الى تدخل تمضي عباس دلوقتي انا اعمل ايه

ঔღঔ نـــوارة ঔღঔ يقول...

الله ينور عليكي ياجميل

جبتي المفيد وانا زيك صدعت وزهلت من الي قراته والنقاش بالعادة السرية عمره ما هيخلص

عجبني كلامك اووووووي وانا متفقة معاكي

ومن موقعي هذا بؤيد كلامك وبقووووول

من فضلكم اتنيلوا اتجوزوا وبلاش خنقة حرام عليكم خنقتوا الشباب بطلباتكم الي مش بتخلص واهو عريس يكون محترم وشاريكِ احسن ما تعنسوا وتقضوها عادة سرية طول عمركم :]

وتحياتي للجميييع

عمرو يقول...

أشكرك يا أختنا العزيزه بعبعه على مجهودك و آرائك السديده ..
بس بعد اٍذنك لى ملاحظه صغنونه خالص ..
أنتى بتشجعى على الزواج و التنازل عن شىء من الطلبات المبالغ فيها و الأحلام الورديه اللى بتعطل مسيرة الزواج للجنسين مما يدفع الجميع لممارسة العاده السريه ..
طيب ..
الغرض من الزواج ليس فقط ممارسة الجنس ..
و الغرض من الزواج ليس فقط الاٍمتناع عن ممارسة العاده السريه ..
و اٍلا كان أغلب المتزوجين أنفصلوا بمجرد حدوث خلل ما من أحد الطرفين فى العلاقه الجنسيه ..
أرجو أن تكون فكرتى واضحه ..
الغرض من الزواج اٍقامة أسره ثم مجتمع ثم وطن ..
و أحب أوضح برضو للى حياخدوا الكلام من زاويته الجنسيه فقط أن الزواج العرفى برضو مش هو الحل لممارسة الجنس و الاٍبتعاد عن العاده السريه لأن الزواج العرفى لا تستقيم مع طبيعته الغرض الأصلى من الزواج ..
و ده بطبيعة الحال لا ينفى كون الممارسات الجنسيه بين المتزوجين ركن مهم فى العلاقات الزوجيه و لكنه مش الركن الأساسى بدليل اٍستمرار الحياه الزوجيه بين المتزوجين رغم اٍنفصالهم الجنسى لسنوات طوال ..
شكرا ليكى و دمتى دائما مستنيره ..

بعبعه يقول...

نواره

الله يكرمك يا رب

بس على فكره مش البنات بس الى بيطلبوا طلبات مبالغ فيها والشباب لا

هو كمان مش عايز يتجوز جوازه اي كلام وان ما كانش يقطم ظهر ابو العروسه مع ظهره ما بيستريحش يا ست الكل

زي ما العروسه ما ترضاش تتجوز فى شقه غرفتين وصاله صغيره فيها انتريه وسفره صغيره وغرفة نوم وحاجات متواضعه وفى مكان متواضع

كمان العريس ما بيرضاش الحكايه متبادله

بعبعه يقول...

عمرو

لا لا لا

مش المقصود طبعا اننا نبص للجواز على انه كيان جنسي فقط

انما انا اختلف معاك فى نقطة استمرار الزواج مع الانفصال الجنسي

فين الاستمرار بقى ؟؟

سميها اي حاجه تانيه غير جواز

كل الحكايه انهم ما سجلوش الطلاق فقط


عندنا فى الشرع استمرار الزواج وثبتوه بممارسة العلاقه الجنسيه

زي بالظبط لما اثنين يطلقوا ويمارسوا الجنس فى فترة ا لعده يبقى مجرد ممارسة الجنس يبقى هو كده ردها لذمته تاني

اثنين اتفقوا على الانفصال جنسيا فقط ده موضوع تاني

لكن اؤكد لك انهم مش هاعيشوا زوج وزوجه طبعيين

لكن فى حال الاثنين عجزوا بقى وكحكوا وخلصت الشغلانه ده موضوع تاني


وطبعا الجواز العرفي ده موال كبير

الجواز العرفي الى هما بيعملوه ده اصلا مش جواز ده عقد باطل

الاشهار مش شهود بس
والجواز بولي من عدمه مش معناه انها تتجوز وتخبي على اهلها ويتجوز ويخبي على اهله

العد اصلا بيكون باطل واستهبال طبعا

لكن يعنى يا عمرو واحده مطلقه وقاعده من غير جواز وواحد مش متجوز وقاعد من غير جواز
والاثنين بيمارسوا العاده السريه وحياتهم مش مستقره
فيها ايه لما يتجوزوا وتكون الجوازه يا سيدى ناقصه حته

بس يعنى من غير عقد ومن غير ما يفضل طول عمره حاسس انه ناقص حته

الموضوع كبير ومحتاج نقاش طويل اوي اوي

وان شاء الله نتكلم فيه تاني

وما انا ما قلتش يتجوزوا عشان يمارسوا الجنس بس

لا طبعاااااااااااا

ماهو برضه هايتحرى ذات الدين
بس مش لازم تكون ذات كلية قمه
وذات اب يقدر يدفع عليها دم قلبه
وذات هبل بالمره

شويه تنازل عن الاحلام الورديه ببببس قد يكون فى صالحه وصالحها من كل النواحي


متشكره اوي لتوضيحك لكلامي

منور يا باشا

داليا يقول...

اقتراحى تقفلوا المدونه و بلاش تتقرفى زى ما كل كلامك قرفتونى قرفتونى
الناس بيتكلموا عن حاجات مش يقدروا يتكلموا عنها و بيفضفضوا زى ما طلبتم منهم فيكون ردك علينا تهزئينا و تعايرينا بمشاكلنا الى فينا بدال ما تساعدينا لو تقدرى

قرفتونى قرفتونى جاتكم القرف ايه القرف ده هو ده كلامك لنا
عيب يا بعبعه قرفتينى من المدونة

بعبعه يقول...

داليا

انتى اخششك فى هذا الموضوع الناس هنا واخدين على كلامي وعارفين اني باهزر معاهم

ولو كنت قرفانه منهم ما كنتش سمعتهم وحاولت احل مشاكلهم

وان كنت باقسوا شويه على بعض الناس فى الردود ده لان فى حالات من ضمن علاج مشكلتهم انى اقسوا عليهم وحطهم قدام الحقيقه
ما بيكونش العلاج ابدا الطبطه


واظاهر ان انا مره اتكيت عليكى جامد

ويا ستى الى يقرف من المدونه هابقى اديله لمونه
هع هع هع


انتم زعلانين يا ولاد ان بالكم داتكم القرف


اهم قالوا لا

ههههههههههههههههههههه

داليا يقول...

فين الناس الواخدين على كلامك و مش زعلانين منك؟؟
مفيش حد منهم عبرك و علق عشان تصدقينى اما اقولك هم نفسهم قرفانين من اسلوبك فى الكلام
نصيحتى تعتزرى لكل الناس على طريقتك الوحشه وبلاش تضحكى على نفسك

بعبعه يقول...

داليا يا اموره

مش عاجباك المدونه ما عدتيش تيجى المدونه تاني

انتى البلوجاريه موكلينك عنهم


داليا ما تقرفنيش بقى

نيها ها ها ها

احمد بدر الدين يقول...

السلام عليكم
وبدأت حملة ( مين هيفطر أكتر )
هل ستشاركنا وتأخذ الأجر معنا
هيا اذن لنشمر السواعد ولنعلى الهمم
ولنخلص لله النوايا
الم تسمع قول النبى صلى الله علية وسلم ... عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء "
أدخل على هذا الرابط وشاركنا
http://3amood.blogspot.com

بعبعه يقول...

احمد بدر الدين

والله يا اخويا انا عندي ناس كتير اوي بافطرهم بمسؤليه شخصيه وعائليه

بس حاضر هانروح نشوف ايه الموضوع

غير معرف يقول...

الاخت العزيزة داليا

بصراحة احلى حاجة فى المدونة هنا الجو الانسانى إلى بيجمع الجميع سواء المدونين او القراء

زى ماقالتلك الأخت بعبعة الاغلبية هنا عارفين الاسلوب بتاعها وفيه زى مابنقول عشم مشترك

واحنا لو كنا عارفين انك حتقيمى الاخت بعبة بكمية الردود المؤيدة كنتى حتلاقى منها كثير بس احنا عارفين ان الاخت بعبه بتاخد حقها بمطوتها اول باول
(بصراحة اشفقت عليكى انتى )

انا شخصيا بعتبر اسلوب المدونة هو الافضل لأن القائمين عليها يجمعهم اخلاص وتفانى وجدية فى كل ما يكتبوه
(لا يوجد اى رد بغرض الاستهزاء باحد )

و اعتقد انتى لو تابتعى الممدونة فترة اكبر ممكن تحسى بده (وهذا ما اتمناه )

لكن ممكن يبقى فيه نقطة للتفكير بما ان المدونة للجميع فمن الممكن ان اى قارئ جديد ان يأخد الموضوع بحساسية

هل من الممكن ان يكتب اى شخص جديد بجانب اسمه مستجد للتفريق

فى هذه الحالة تصبح الردود عليه اكثر رسمية

تحياتى

عباس الاول

بعبعه يقول...

عباس الاول

ههههههههههههههههههههههههههههه

انا باضحك على الاسم مش على الرد

ومتشكره اوي على الكلمتين الحلوين دول فى حقنا


وكمان ضحكت اوي على المطوه اه طبعا ما بتفارقش جيبى

بس الموس بقى يضايقنى وانا بامضغ لبان فشلته
هههههههههههههههههههههه



متشكره اوي وانت بجد ايد مهم اوي فى المدونه دي يا دوك

داليا ما تزعليش لو كانت الغزه وجعتك يا اختي ده زغزغه يعنى



وليكم كلكم

والله العظيم لله ورسوله والله اعلم بالنوايا والقلوب

لا انا عايزه منكم مدح ولا ذم