الجمعة، 31 يوليو، 2009

التشنج المهبلي



الحقيقه يا جماعه بتجينى اسأله كتير جدا مضمونها احساس الزوجه بالالم العضوي عند الجماع
واغلب الحالات دي بتكون يا اما حديثة الزواج يا اما مش حديثه لكن الالم ده مستمر من بداية الزواج اصلا
وطبعا وجود الالم ده عند الست حاجه مش سهل ابدا لان المكان حساس وآلامه بتكون صعبه وفوق تعرضها للالم ده ممكن كمان يحصل عندها ارتباط شرطي بين الالم والعلاقه وهاتكره العلاقه من اصلها
وطبعا في وجود الالم بتنتفي اي متعه عنها ويمكن تاثر على متعة الزوج واداؤه الجنسي لو عارف انها بتتالم .
طبعا الالم عند الجماع بالنسبه للست له اسباب كتير النهارده هانتكلم عن سبب مهم اوي :



وهو التشنج المهبلي (Vaginismus)

ايه هو التشنج المهبلي ؟

هو ان العضله الدائريه المحيطه بفتحة المهبل بتتشنج وتقفل على بعضها تماما والتشنجات دي بتكون لا اراديه (عشان بس ما نلومش الست عليها ونقول دى بمزاجها )
زي ما الصوره الى قدامنا كده شرحاه بالاسهم العضله بتقفل على بعضها

وده سبحان الله زي وسيله دفاعيه للمرأه فى حالة الاعتداء عليها

وده يفسر ان كتير من حالات الاغتصاب بيلاقواا لغشاء موجود وما حصلش اقتحام
والتشنجات دي بتخلي فتحة المهبل تقريبا مقفوله بحيث لا يمكن للعضو الذكري انه يفوت فيها وبالتالي ما بيتمش الجماع
وطبعا بتتفاوت قوة التشنجات دي ومدى اغلاقها للفتحه بحيث ان ممكن اوي يحصل جماع لكن جماع مؤلم جدا للطرفين يمكن كمان وقد يسبب نزيف للمرأه كمان
وكمان احيانا بيكون التشنج المهبلي ده بيصحبه تشنج عضلي برضه فى عضلات الفخذين الداخليه

والتشنج المهبلي ده ممكن يحصل لواحده فى ليلة الدخله بالاخص من الخوف والتوتر الى ممكن تكون متعرضه له والخبرات السابقه الى سمعتها عن كونها هاتتألم نتيجة فض غشاء البكاره وصاحبتها الى صوتت والى اغمى عليها وكده يعنى .
وجايز البنت تتخض من فكرة اقتحام جسم غريب بالحجم ده لجسمها وما تقدرش تتقبل الفكره .

ونسمع بقى افتاءات كتير الى يقولك اصله باين عليه مربوط او هى مربوطه ايوه يا اختي الستات بيتربطوا انتى ما تعرفيش ؟؟؟؟؟!!!!!. والمثقف بقى ممكن يطلع ويقولك تقريبا الغشاء بتاعها مطاطي
او حد يفتكس ويقولك ان حجم القضيب كبير على المهبل
مع ان نفس المهبل ده ممكن ينزل منه طفل
وهكذا افتاءات ما لهاش اي اصل

وكمان التشنج المهبلي ده ممكن يحصل بسبب وجود التهابات شديده فى المهبل فيحصل تشنج فى العضلات المحيطه كويسيله دفاعيه من الجسم لتقليل الالم
طبعا فى الحالتين المفروض بدون معافره جامده عشان ما تأذوش بعض تروحوا لدكتور متخصص وهو يفتيكم ويقول الحاله ايه بالظبط
ولو كان التشنج المهبلي ده بسبب نفسي زي ما قلنا من الخوف والتوتر يبقى الحل انها لازم تعرف الاول حالتها عباره عن ايه
والمفروض ان الطبيب المعالج يهيئها نفسيا لتقبل الامر
وانا شايفه ان ممكن الزوج لو هو واعي وبيفهم يقوم هو بالمهمه دي تحت ارشاد طبي ويطمنها ويفهمها وياخدها بالراحه كده والهداوه

ما يبقاش همه وتركيزه الاول والاخير انه يثبت انه راجل وطاخ طاخ يا بوي وكده يعنى
كانت فى واحده سألتنى فى الردود على الام الجماع فى بداية الجواز
وان كانت عاديه ولا ايه ياريت يكون البوست ده جاوب عليكى

هو ممكن يكون اول كام يوم فى الم خفيف انما مش طبيعى الالم الشديد اثناء العلاقه
ومافيش حاجه اسمها هاتتعودي على الالم

العلاقه الجنسيه ما لهاش صله بالام شوفي انتى واي حد زيك شوفي جايم يكون عندك التهابات مثلا او تشنج مهبلي او مافيش سائل ترطيب و قد تكون كلها مجتمعه وشورتكم تبقى جاز



بس كده ارجو انى اكون أفدتكم فعلا

ملحوظه على جنب
الاخت الى كانت فى ردود الموضوع الى فات الى عمرها 28 سنه ومتجوزه من خمس سنين وعندها طفلين كانت لها مشكله يا ريت تتفضل وتراسلنى على اميل المدونه
هاتلاقيه عندك على اليمين فوق اهو
عندي كلمتين عايزه اقولهم ليكى على جنب نصيحه من صديقنا العزيز والمستشار الطبي للمدونه


هناك 45 تعليقًا:

عمرو يقول...

الله ينور يا بعبعه ..
بسبب التشنج المهبلى شهدت بعينى من سنه كده حالة طلاق لشخص أعرفه كانت زوجته تعانى من هذا التشنج .. و كان كل ما يقرب لها تعيط و تدفعه بعيد عنها بأيديها و رجليها و تقول له و النبى و النبى !! رغم أنها مخلفه منه ولد ولكن ظل هذا التشنج ملازمها طوال فترة زواجهم و بجهلها و بجهله لا راحوا لدكتور و لا حاجه و أكتفوا بتبادل الاٍتهامات !!
لحد ما تيقن الزوج أنها بتكرهه و هى بتنفى ده و فى الآخر أنفصلوا و الطفل أخده أبوه ..
و الأم ..
الأم تزوجت تانى من 3 أسابيع بالظبط بس مش عارف بقى التشنج ده لسه عندها و لا لأ ..
يا ريت اللى عندهم مشكله حقيقيه و مش عارفين يحلوها ما يهملوهاش و يتوجهوا للطبيب و أكيد حيلاقوا المساعده ..
تقبلى تحياتى و تقديرى ؟؟

ميار يقول...
أزال أحد مشرفي المدونة هذا التعليق.
غير معرف يقول...

بعبعه السلام عليكم
عاوزه انبه ان على الزوجة استشارة الطبيب إذا ما أصيبت بالتهابات متكرّرة، أو إذا كانت تعاني من جفاف المهبل في مرحلة ما قبل انقطاع الدورة الشهرية، أو إذا كان الجفاف يؤدي إلى ألم قوى أثناء المعاشرة الزوجية لأن كل هذه الأعراض بتعمل تشنج مهبلى.
و فى النهاية هى مسألة نفسية لو الزوج نكدى و مزعل زوجته بالنهار لازم حيلاقيه مقفول بالليل مادام نكد بنكد بقى.
تحياتى

داليا يقول...

أنا خائفة جدا عندي 24 سنة و خطوبتى كمان كام يوم لدي مشكلة كبيرة تؤرقني أخاف من الزواج والعلاقة الجنسية التي بها جدا وعندما أنظر لخطيبى و حبيبى أشعر بالخوف وأبكي كثيرا وبحرقة أشعر أنني لا أريد من أي شخص أن يلمسني ولا أعلم ماذا أفعل؟

مصرية مغتربة يقول...

السعاده الحقيقيه ان يكون فيه حب وتفاهم وموده واحترام والال كانت سعدت كل عاهره مع من يؤجرها لبضع ساعات ولاكن ان يوجد رحمه وموده وتفانى بين الزوجين

سيكون اقل كلمه واقل حركه واقل لمسه تسعد كل منهما الاخر مادمت تتغطى بغطاء الحب والود فالتشنج و الوجع ليس له وجود فى وجود الحب

الجنس ما هو الاغريزه وتنتهى بنهايه متعتها وبعد ذالك لايوجد الا الود والحب ولن يتفانى كل من الطرفين فى اسعاد الاخر ويكون شىء كبير فى نظره واحسن واجمل من اى طرف خارجى حتى لو يملك اكثر فتنه من الطرفين

شكرا لبعبعه و استاذ عمرو على مجهودهم القوى

غير معرف يقول...
أزال أحد مشرفي المدونة هذا التعليق.
غير معرف يقول...

بعبعه انتى فين؟
لما بتغيبى بتوحشينى

غير معرف يقول...

اوبا اوبا الدنيا حر يا جودعان
مش عايزين تعليقات سبايسي

غير معرف يقول...

ميار
يا ميااااااااااار الرحمه حلوه

غير معرف يقول...

موضوع فى غاية الافاده للمدامات و اللى مقبلات على الزواج
دلوقت اناابلغ من العمر20سنة مخطوبق من سنه ولكن بظري طويل و تخين نوعا ما بطريقه ملفته ولكن ليست ملفته للغايه بس بضايق منه لما ينتصب غصبن عنى لما امشى
سالت ماما ماذاافعل قالت لي اذهبي لدكتوره
اود ان استفسر اذاحدث تجميل في هذه المنطقه هل تعتبر ختان ام تجميل وهل تؤثر وتجعلني بارده في علاقتي الزوجيه ام لا؟
وهل اصل الي زروه المتعه مع زوجي؟ ارجوكم جاوبوني انافي شدة الحيرة ومقبلة علي الزواج

بعبعه يقول...

عمرو

مش عارفه تقريبا بيخافوا من الدكتور زي العيال ولا ايه

وفى ناس بتعتبرها عيبه بقى ونروج لدكتور ليه هو انا مش راجل قصدك يعنى ولا ايه

بس ظريف اوي والنبى والنبى دي

ههههههههههههههههههه

الله ينور عليك يا لورد

بعبعه يقول...

ميار

كلامك تمام وفعلا لازم يكون الزوج واعي جدا فى الوقت ده ووعيه اهم بكتير من وعي الزوجه حتى

انما برضه لما بتكون هى حماره بتبقى الحكايه رخمه

نورتي

بعبعه يقول...

غير معرف

وعليكم السلام

اه تمام طبعا مش عارفه ليه بيستبعدوا خيار الطبيب مش عااااااااارفه

بعبعه يقول...

داليا

طيب خايفه من ايه عايزاكي تقعدي مع نفسك كده وبكل صراحه تردي على السؤال ده وتقولي لنا

خايفه من ايه تحديدا ايه الى بيجى على بالك يخليكى تخافي ؟؟؟

انت بتحبيه اهو خايفه من ايه بقى ؟؟

بعبعه يقول...

مصريه مغتربه

تمام فعلا وشكرا لكى على متابعتك لنا

بس التشنج ده ممكن يكون لحاله نفسيه وترسبات عندها جايز الزوج ما يكونش له دخل فيها

لكن اعتقد انه لو عنده وعي كافي وحب لها هاتخطوا المشكله دي

بعبعه يقول...

غيره معرفه بتاعة يا مامي

هامسح تعليقك يا شاطره مش عايزه مياعه وحياة ابوكي مش هانتدلع هنا

بعبعه يقول...

غير معرف

متشكره انا ما غبتش ولا حاجه الموضوع لسه نازل اول ا مبارح

وانتم كمان بتوحشوني للاسف
هههههههههههههههههه

بعبعه يقول...

الغير معرف بتاع سبايسي

بلاش خفه يا امور

المدونه دي للكبار فقط

ما تبقاش انت تيجى بقى

بعبعه يقول...

غير معرف

ميار عملت ايه يا ابنى ؟؟؟؟؟؟؟؟؟

بعبعه يقول...

الغير معرفه الاخيره
صاحبة مشكلة البظر

مش هافتي من عندي فى وجود المستشار الطبي بتاعنا

هسأله واقولك ان شاء الله

غير معرف يقول...

الموضوع نفسى بحت
لو الست نفسيتها حلوه مش ممكن حيحصل عندها الحاجه ديه
و لو نفسيتها مش حلوه مش ممكن حتنبسط مع اى رجل
و جايز الالتهبات تعمل كدهو فى المهبل

سلمى عابدين يقول...

يا بعبعه انتى و اللورد عمرو ناس كويسين جدا وبلاش حد يوقفكم عن اللي بتعملوه لانكم بتفيدوا ناس كتير بسطاء او حتيبعيد عنكم وميعرفوش يوصلولكم وممكن سؤال؟
انا متزوجة حديثا من شهرخ 2009 وبحس انا عايزة جوزي قوي لكن لما احس اني هيقوم بالجماع احس بخنقة واذا تم الجماع لم يستغرق سوي دقائق بسيطة وهذا ما يحدث وانا بكون لسة محستش باي شئ خالص ولو حاولت اتحرك بيحدث ارتخاء عند زوجي في ثواني فهل هذا طبيعي ارجو الافادة لاني نفسي أكون أم وحاسة اني الموضوع دة هيعكس مهايا ارجو الافادة لاني عندي جهل في العلاقة الزوجية

و فى الختام باحييكم و باشكركم

نور يقول...
أزال أحد مشرفي المدونة هذا التعليق.
غير معرف يقول...

الأخت الفاضلة

صاحبة مشكلة زيادة حجم البظر

البظر هو عضو إحساس اصيل لدى المرأة فى حين ان ختان الذكور يزيل قطعة جلد زائدة

الاصل فى حجم البظر انه طبيعة ومثلما يختلف الرجل فى حجم القضيب تختلف النساء فى حجم البظر

تقييم حجم البظر وهل هو حالة مرضية او احتلاف حجم طبيعى يجب ان بقيم من طبيب محتص

لو حدث تدخل جراحى يمكن ان يعتبر خفاض او تجميل للبظر حسب خطوات التدخل الجراحى

ملحوظة فى بعض الاحيان يخضع الاطباء لرغبة المريض او اهل المريض قى تغيير حجم البظر الطبيعى خارج المقاييس الطبية

مع خالص تحياتى

عباس الاول

غير معرف يقول...
أزال أحد مشرفي المدونة هذا التعليق.
غير معرف يقول...

ياااه
الدنيا لسه بخير طول ما في ناس بالرقي و الأحترام و الثقافه بتاعتك دي
مساعدتك غاليه جدا .. شكرا ليكي
متجدده

مروه يقول...

لو سمحت انا عايزة اعرف ازاى الزوجه تثير زوجها يعنى الست معروف ايه اللى بيثيرها زى المناطق المعينه
لكن الرجل ؟
استاذ عمرو ممكن يفيدنى ؟
وسؤال تانى هو تعليق على كلام بعبعه
ازاى الست تقول لجوزها انا بثار من منطقه معينه ده الواحده تتكسف جدا تقول كده

بعبعه يقول...

الاخ نور

مسحت تعليقك عشان هنا مش منتدى تعارف ومالكش دعوه هى محرومه ولا متنيله

ارحمونا وحياة ابوكم

بعبعه يقول...

والاخ الخفيف الغير معرف الى عارف نفسه

والى انا برضه مسحت تعليقه

بداية باستك عقربه ومن بؤك ان شاء الله

الكلام هنا له شكل تاني غير الى انت بتتكلم به ده

نقي اسلوبك وخليك على مستوى الحوار القائم انت مش قاعد على المسطبه هنا

hasona يقول...
أزال المؤلف هذا التعليق.
غير معرف يقول...

اولا بحب اشكر الاخت الفاضلة بعبعة على عرضها الاكثر من رائع لمشكلة غير مشهورة لكنها كانت السبب فى الكثير من المشاكل الزوجية بل وحالات الطلاق

التشنج المهبلى ليس له علاقة بمستوى الاثارة الجنسية للزوجة واغلب المريضات الذين يعانون من هذه الحالة تحدث لديهم اثارة جنسية طبيعية اثناء المداعبة الجنسية تتحول إلى تشنج مهبلى مع محاولة الزوج إدخال القضيب للمهبل

اغلب هذه الحالات يتسبب فيها معلومات جنسية وطبية مغلوطة مع تربية جنسية معدومة او عكسية

زى ما الاخت بعبعه شرحتلنا فى اوقات كثيرة يساء تشخيص الحالة بالربط او بغشاء البكارة المطاطى

الحالات البسيطة من التشنج المهبلى يمكن بالثقة المشتركة بين الزوجين يتم التخلص منها

لكن الحالات المتقدمة منها تحتاج إلى تدخل طبيب مختص وقد تحتاج إلى فترات علاج تستمر لفترة شهرين

تعتمد على علاج نفسى جسمى

وفى هذه الحالة يجب على الزوج ان يقدر ان هذه حالة مرضية وان التشنج خارج إرادة الزوجة

نصيحة اخيرة التعاون المشترك بين الزوجين والطبيب فى غاية الاهمية فى الألتزام بالتعليمات العلاجية

مع خالص تحياتى

عباس الاول

بعبعه يقول...

سلمى

انا بعد ما استشرت الدكتور فى كلامك
وصلنا للاتي



الاول قوليلى يعنى ايه بتحسي بخنقه ؟؟

وليه ؟؟

انتى جايز بس لسه مكسوفه شويه

وكمان ابقوا سموا باسلم الله كده قبل ماتبدأوا



اما بالنسبه لموضوع الارتخاء ده

ففى ناس من اقل حركه او صوت جنبها بتفقد تركيزها ولو فقد التركيز الانتصاب بينتهي

بيحصله تشتيت يعنى فانتى بلاش تشتتيه

انتم لسه فى الاول ومحتاجين تثقوا فى نفسكم اكتر


واصبري لان فى بداية الجواز الست بتكون احساسها بالجنس لسه مش نشط


وجايز يكون زوجك عنده مشكله سرعة قذف او ضعف انتصاب

لكن صعب تحكمي انتى دلوقتي نصيحتى اصبريه شويه وحاولوا دايما تسعدوا سوا

واتكلمي معاه وخليه هو كمان يتابع المدونه معانا ياريت

بعبعه يقول...

مروه

سؤالك الموجه لعمرو يجاوبك هو عليه


وبالنسبه لسؤالك ليا

مش لازم تقولي لكن تقدري تخليه يحس ده

ولو ان مش شايفه ان فيها حاجه لو قلتليه على حاجه عاجباكي

ايه المشكله ؟؟؟؟؟؟؟؟؟؟

غير معرف يقول...

ارجوكم خلونى اسال سؤالى بدون ما تشتمونى
هل هناك بنات مدمنه الجماع من الشرج حتى انها لا تقدر تبطله و تستعمل حاجات زى الخيار احيانا؟
ولو فيه ايه الحل فيها
بس محدش يقول هذا شيئ مخالف لكل الاعراف والديانات والفطره برجاء الاهتمام

غير معرف يقول...

نفسى اتجوز
عاوزه اتجوز
و مش يحصل لى تشنج مهبلى بس اتجوز
هههههههههههههههههه

بعبعه يقول...

الغير معرف بتاع الخيار

يا ستى ولا يا سيدى احنا مش بنشتم حد هنا

لكن ممكن نغزه مطوه


بالنسبه لموضوع الجماع من الخلف بما ان كترت الاسأله عنه حاااااااضر هاعمل بوست عنه


ويعنى ايه ما نقولش ان ده مخالف للشرع والفطره ؟؟

لا هانقول

وايه خيار ده ؟؟؟
(وش بيشد شعره وبيقطع فيه )

بعبعه يقول...

الغير معرفه الى عايزه تتجوز


تبقى عبيطه لو ما اتجوزتيش اول واحد يجيلك يتقى الله

وطز فى اي حاجه

غير معرف يقول...

مش بقولك سبايسي تقوليلي لا
اتفضلى يا ستى

استحملى الضغط اللى هايجيلك من القرايه لانى حاسس ان ضغطى بقى اوفر اوى
البوست القادم ربنا يستر
تحياتى يا بعبوعه هانم

غير معرف يقول...

ملاحظه فى تعليقات البنات جراه اكتر من الولاد
هل ده مؤشر لشىء معين ولا ايه؟

بعبعه يقول...

غير معرف السبايسي


يا سيدى ارحمنا هايبقى انت وهما ايه سبايسي دي ياعم هو انا بافرجكم على افلام

عوض عليا عوض الصابرين يارب

بعبعه يقول...

غير معرفه

جرأه ؟؟ هى فين الجرأه

دول مستخبيين وهما بيتكلموا

وعشان كده انا فاتحه التعليقات المجهوله عشان مش عايزه اعرف انتم مين

عايزاكم تتكلموا عشان تعرفوا ايه مشكلتكم تحديدا

وان كان ده دليل على حاجه
فده دليل على الكبت الى البنات فيه ومش قادرين يتكلموا ولا يعبروا ولا يتصرفوا فى مشاكلهم
طبعا بالمقارنه بالشباب

وده العادي فى المجتمع عندنا

بعبعه يقول...

يا جدعان امضوا تحت تعليقات غير معرررررف عشان اعرف اوجه لكم الكلام


صعبه دي ؟؟؟؟؟؟؟؟؟؟؟؟؟؟؟؟

غير معرف يقول...

طب انا مش متجوز

بس همووووووت واتجوز ياجدعاااااااااااااااااااااااااااان


تشنج مش تشنج

هاتوها بس وانا هعالجها

الواحد تعبان بجد ولولا انه ماسك نفسه كان زنا

بعبعه يقول...

غير معرف الاخير

ما تستسهلش الكلمه الى لسانك يا ابنى

وقول ربنا يرزقك زوجه صالحه تكون زادك فى الدنيا وطريقك للجنه ان شاء الله


ادعي ربنا وبطلوا تتفرجوا على زفت وبعدين تعيطوا من الوجع

امشوا زي ما ربنا قال غضوا البصر واتقوا الله كده وصوموا وصلوا وكمان اجتهدوا عشان تتجوزوا بما يرضى الله

Morgan يقول...

لو سمحتى يا بعبعه عايز أسالك هى الست لما تتجوز وخلفت 5 اطفال وجوزها مات وقعدت فتره 9 سنوات لا تمارس الجنس المهبل عندها ينقبض ويقفل ولا بيفضل زى ما هو شكراا ...امير الاحساس