الأحد، 30 أغسطس، 2009

رساله من m


طبعا اليومين بتوعي طولوا شويه معلش بقى رمضان كل سنه وانتم طيبين


جاتلي الرساله دي يا جماعه من الاخ m من فتره طويله بس احنا كنا مستغرقين فى مناقشات ورا بعضها ما كانش فى فرصه انى انشرها


و m هو شاب عنده 18 سنه واتفضلوا نشوف قايل ايه فى رسالته نصا


السلام عليكم


ازى حضرتك يا استاذة بعبعة؟وازى استاذ عمرو واستاذة اعترافات ؟


انا بتابعكم من زمان من ساعة مافتحتم بس من بعيد لبعيد


شفت مدونتكم بعبعة بالصدفةالحقيقة مدونة جميلة وربنا يكرمكم بجد ويمكن الناس يتصلح حالها على ايديكم


انا ممكن احكيلكم تجربتى مع المراهقة وكل حاجة عنها لو حبيتم


وممكن اكلمكم عن احاسيس الذنب والنشوة والاكتئاب والتوهان والحوارات دى كلها اللى بتحكو عنها


بس انا هأجل الموضوع شوية


كنت عايز اقول حاجة صغيرة بس انتم كنتم بتقولوا ان المراهق ممكن يكون عارف حاجات الكبار نفسهم ميتخيلوش ان يعرفها


عايز اقولكم انكم متعرفوش حاجة خالص من اللى احنا نعرفها ولو قلتلكم حاجات انا عرفتها وانا عندى 13 و 15 سنة ممكن تموتوا فيها

اقولك على حاجات على سبيل المثال لا الحصر ؟


بداية من الرعشة بتاع الستات وبتحصل ازاىوايه المناطق اللى بتثير المرأة وايه المناطق اللى توصلها لقمة الاثارة والاورجازم

وطبعا ممكن اكلمك على جسم المرأة احسن ماهى تتكلم عنه

وعن صوت القضيب وهو بيدخل فى المهبل كزا مرة ورا بعض وانه بيبقى عامل زى صوت السقفة وعن ايه اللى يخلي المرأة ترقع بالصوت الحيانى زى فى الافلام السكس


وانه كل الستات مش زى بعضها فى مناطق الاثارة


واننا لازم نكون بالراحة ليلة الدخلة مع الزوجة علشان متتخضش وتبقى كويسة وميحصلش تشنجات مهبلية واننا لازم نبدأ ابالحوار والمداعبة والملامسة وفى الاخر ندخل عالجماع

تعرفى اننا بقينا نتكلم بالعلم والطب فى الحوارات دى مش مجرد بنثير بعض .. لابنتناقش ونتحاور ونعرف المعلومات الجديدة والقديمة عن المواضيع دى؟

يعنى بقينا عارفين الامراض التناسلية واعراضها وعلاجها ودورتها وايه اللى يقلل منها وازاى نقى نفسنا منها وحاجات كتير وكتير

بمعنى اصح احنا ممكن نشتغل دكاترة وعلى فكرة كل ده معرفناهوش من افلام السكس ابدا


كلنا عارفين ان الافلام دى كلها فبركة والسلام وتهييس وحاجات غبية ولا حتى عمرنا نمنا مع ستات ولا عملنا حاجة حرام

كل ده من حكاوى الناس اللى جربت من حوالينا

فى ناس متجوزين بيحكولنا الحوارات دى تصورى !

وغصب عنك بتسمعى الفضول قتل القط ..مش كده ؟


وطبعا غير ان حاجة بتقرأ تقع تحت ايدينا وبتتكلم عن المواضيع دى كنا بناكلها من كتر القراية


وعايز اقولك ان صعب الواحد يحكى لأهله حاجات زى ده

لأن الواحد بيبقى فضولى وعايز يعرف تانى وتالت ومليوون


انا مش عارف ايه اللى خلانى اكتب الرسالة دى من اساسه انا بس اتخنقت من كتر ماالناس مش حاسة بينا وفاكرينا حيوانات وماشيين ورا اعضائنا التناسلية


مش قصدى على نفسى لوحدى انا بكتب الرسالة دى بإسمى وبأسم كتير من الشباب اللى ملقاش حد ينصحه الا متأخرالمراهق


غلبان وربنا وغصب عنه

تعرفى ان اما بنمارس العادة مش بنمارسها كمجرد تفريغ طاقة جنسية لأ لو متضايقين ممكن نمارسها لو مخنوقين


ممكن برده لو غضبانين بنمارسها

حاجة بتخرج اللى جوانا والسلام


زى اللى مخنوق وبيشرب سجاير مع كل نفخة دخان بيخرج الزهق اللى فيه


عارفين بنوقفها امتة ؟


اما بنكون فرحانين او حد مشجعنا او عملنا حاجة ترفع من معنوياتنا وحماسنا


وده طبعا بيحصل كل سنة مرة لأن على طول احنا متكدرين ودايما الكبار يعلقو علينا وخد تعالى وروح


غير ظروف البلد والواحد نفسه يحقق حاجات كتير واحلام وده بيشيل الواحد هم وهو صغيرطبعا هتقولو ايه الكلام الاهبل ده على كده كل المراهقين شعراء وفلاسفة؟


هقولكم لأ طبعا متبوصوش للعيال اللى بتسقط البناطيل وتحط جل على الشعر وتبين البوكسر وماسكين موبايلات اخر موديل لمجرد التباهىدول حالات شاذه

او بيحاولو يكونوا


اللى انا بتكلم عليهم دول وانا منهم ناس ليها طموح والبلد والدنيا مش مساعدة


على فكرة احنا مش فقراء او كده الحمدلله محدش بينام جعان


بس صوابعك مش زى بعضها ولا المراهقين زى بعضهم

هتقولو فين الأهل من كل ده؟

هقولك من كل عشر مراهقين بتلاقى واحد ولا اتنين بالعافية اهلهم ممكن يحكولهم كده ويثقفوهم ومش بيحكو كل حاجة طبعا والباقى فس !

طبعا العيب مش على الأهل ابدا بس هم اتربو فى زمن كان كويس ومكنش فيه الفجور ده

بالتالى صعب عليهم نوعا ما انهم يواجهو مواقف زى دى

وطبعا انتو واهلنا غلابة مجربتوش ولا هتجربو اللى احنا فيه اللى انتو جربتوه ميجيش واحد على مليون من اللى احنا جربناه والباقى عرفتوه اما تزوجتم

انما احنا بقى لو اتجوزنا هنبقى خبرة اوى اوى اوى وهنعرف نتعامل صح هههههه


عارفين زى مابيقولو ايه هى فايدة الفشل والضياع؟

الخبرة

انك تقدر تساعد اى حد بيمر باللى فشلت فيه

وتاخد بإيده وتخرجه

انا الأخ الأكبر وعندى 18 سنة وليا اخ صغير 15 سنة

وطبعا لازم يمر بالمراحل اللى مريت بيها

وبما انى فضلت انى اجرب عن انى اسمع واتعظ من ابويا

فأنا الحمدلله على قد ما اقدر بأنصحه وبيلاقى كلامى صح ويجي يشكرنى

ابويا نفسه بقى مش خايف على اخويا من الناحية دى لأنه عارف انى ماسكه كويس وفاهمه وبنظرة واحدة اعرف هو بيفكر في ايه

ومش بشد عليه لو مارس العادة مرة ولا حاجة لأنى عارف انه وحش جواه وعايز يخرج


لأ بنصحه واقوله اخطارها وخليته ينزل يلعب رياضة ويحفظ قرآن ويشيل حديد ويشغل نفسه بمليون حاجةعلشان ميفكرش كتير فى العادة

طبعا مدمن العادة احسن واحد يكلمك عن اضرارها وبالتفصيل وبالكلام االعلمى والطبى والدينى لدرجة ان ابويا واخويا بيبقو قاعدين حسين نفسهم مع دكتور

انا دلوقتى فى كل صلاة بدعى ربنا يحمى اخويا واللى زيه ويبعدهم عن الحرام وميخلهموش يمشى فى طريقى ومش يخليهم يبقو زيى

ولا زى الناس اللى بحكى عنها

تفتكرى لو انا مكنتش مارست العادة وعرفت كل الحاجات دى كنت هقدر اساعد اخويا؟؟او اوعيه ؟

اهلنا لم يمرو باللى احنا بنمر بيه

علشان كده معذورين ومش عارفين يلاقو منين ولا منين شغل ولا مصاريف ولا ايه بالظبط ربنا يكرمهم يارب ويساعدهم ويدخلهم الجنة

الواحد بجد يبقى حيوان لو قال انه اهله السبب

انا السبب المراهق السبب المراهق قط والفضول قتل القط


واسف عالتطويل واسف ان الرسالة ملخبطة اوى كده وفى كذا اتجاه وده لأنها نقطة فى بحر من اللى انا عاوز اقوله


ربنا معانا جميعا

=================================


دى كانت نص رسالته وانا طبعا رديت عليه من خلال الاميل لكن هارد عليه هنا عشان كمان تشوفوا الرد وتقولوا رايكم



يا m انت جدع ما شا ء الله بس انا ليا شوية اعتراضات على كلامك



أولا عايزاك تعرف وتتاكد برضه ان المعلومات الى عندك دي مش لازم تكون صح ميه فى الميه امثلتك الى انت قلتها فى كلام مش حقيقى بس مش مجال لمناقشته دلوقتي


مين قال ان احنا نكره انكم تعرفوا وتتعلموا وانتم فى السن ده ؟؟ بالعكس طبعا


المهم تعرفوا وتتعلموا منين ومن مين مش اي واحد متجوز هايقولك كلام صح


ليه ؟ اولا لان فى فروق فرديه وخبرات شخصيه مختلفه تخلي دماغك غير دماغ اي احد وجسمك غير جسم اي حد وبالتالي حياتك وتجربتك غير اي حد


وكمان لان نص الرجاله ولله الحمد فى الموضوع ده بالذاااااات فشارين حلو اوي وبيحبوا يعملوا نفسهم خبره اوي اوي اوي


فمش عايزاك تعتمد على معلوماتك الى واخدها من بؤ اي حد كده


ثانيا : مش عاجبنى نغمة احنا بنمارس العاده السريه عشان ضغط الاهل عليكم وحال البلد والكلام ده مش عايزه شماعات عايزاك تكون انت والشباب كلهم تحاسبوا نفسكم قبل ما تحاسبوا اي حد .

وشايفه انك بتتكلم على انك ضايع وكلام كبير اوي كده هل كل ده عشان ممارسه العاده السريه فقط ولا فى بلاوي تانيه؟


طيب هاقووول تاني العاده السريه فيها اختلاف فى الراي فى درجة حرمانيتها وفيها كلام كتير اتكلمنا عنه قبل كده

لكن الى مافيش عليه خلاف هو ان الافلام والصور وكل السكه دي هى الى حراااااااام فبطلوا الاول الى مافيش عليه خلاف وبعدين نتفاهم فى الباقي


لكن برضه ابص بعينى التانيه للاهل واقولهم خلوا بالكم من عيالكم ارجوكم


ثالثا : مين بقى ضحك عليك وقالك ان فايدة الضياع الخبره ؟؟


طبعا الى غلط غلطه لو كان عنده مخ هايتعلم منها عشان كده مش شرط طبعا انى الى يغلط غلطه يتعلم منها


وكان ممكن انت تنصح اخوك وتقف جمبه لو كنت سمعت النصح وقريت واتعلمت وفهمت قبل ما تكون انت نفسك صاحب المشكله .


رابعا :خلي بالك الرياضه والقرآن والانشغال ده يكون كويس معاك برضه ما تفتكرش انك عديت المرحله دي


ولو كنت مؤمن فعلا بالكلام الى بتقوله لاخوك اولى انك تطبقه على نفسك مش تقول خلاص بقى انا وقعت والى كان كان


خامسا : الاهل معذورين عندهم مشاكل كتير وعليهم ضغط كبير اوك معاك لكن مسؤليتهم انهم يقروا ويتعلموا ويتكلموا معاكم ويفهموكم لا هما مش معفيين من المسؤليه زي ما بيروحوا يسألوا من احسن مدرس كمياء فى البلد وينحتوا فى الصخر عشان يدوكوا ثمن الدروس عشان تجيبوا مجموع ولا تنازل ولا استسلام لازم كلية القمه


كمان نقدر نعمل كده فى التربيه من جميع النواحى ونعتبرها من اولويتنا والى ما نعرفوش نسأله فيه ونتعلم عشان نعرف نربي عيالنا .


وربنا معاك يارب انت وكل الى الشباب ويصلح حالكم ويهديكم للصواب دايما



يلا سمعوني رايكم يا جماعة الخير

هناك 10 تعليقات:

أبو كريم يقول...

على فكره دى اول زياره للمدونه

وعلى فكره الكلام الى قاله الولد ده فى دماغ مراهقين كتير انا سمعت مجمله من اخويا الى فى الثانويه انه واصحابه خبره والى ما بيعملش العاده السريه بيعيروه وقعد انصحه بس لا حياة لمن تنادى


اللهم اهد شباب المسلمين واربط على قلوبهم وقلوبنا واغسلها بالماء والثلج والبرد ونقها كما ينقى الثوب الأبيض من الدنس


اللهم أمين


تقبل مرورى

عمرو يقول...

هو ميل صادم شويه للى مش متعمق فى نفسية المراهقين المعاصرين ..
و لكنه فى الحقيقه بيعكس الحاله اللى عايشها الغالبيه العظمى من الشباب القادم ..
المشكله الأخطر هو غياب دور الأسره تقريبا بشكل كامل لأسباب كتيره من أهمها نقص الوعى عند الأهل أصلا و أيضا اللهث المضنى ورا لقمة العيش و توفير سبل الحياه ..
بس حقيقى ردك عليه مقنع و وافى و منطقى ..
هو الزمن أتغير ليه كده ؟؟

ستيته حسب الله الحمش يقول...

دور الأهل
دور الأهل
والله ما انا عارفة نعمل ايه علشان ربنا يلطف بينا وبعيالنا

عزيزي m بعد التحية
الا بالمناسبة انت بتتكلم بلغة فيها تشائم .. واللي ضاع ضاع .. وانا انتهيت واستويت
طيب انا مش موافقة خالص انك ضعت ولا حاجة
يمكن جربت شيء وعندك احساس بالذنب منه ولكنه مش نهاية العالم

اولا لأن ربنا قابل التوب غافر الذنب

ثانيا لأنك لسه صغير يا بني وياما لسه ها تجرب حاجات تنبسط من نفسك فيها وحاجات تخاصمها وتقعد تقول لها قطيعة تقطعك يا نفس يا أمارة بالسوء

الجميل في رسالتك انك عرفتني حاجات متعلمهاش المدارس وهي ان الدنيا فعلا رايحة بصاروخ لحتة منعرفهاش

وياريت انا كمان اعرفك حاجة وهي ان نفسك اللوامة بتلاعب نفسك الأمارة بالسوء ماتش بوكس وهي اللي ان شاء الله ها تغلب في الماتش

ها تقول لي عرفتي منين؟
اقول لك رسالتك دي بتقول كده وبصراحة

اصلحك الله انت وكل الشباب اللي زيك وحفظكم لينا ولمصر لأنها محتاجاكم قوي الأيام الجاية

Sharm يقول...

الولد لسة صغير

بعبعه يقول...

ابو كريم

لا لا ما تفكرش ابدا ان النصيحه بتروح فى الهوا

ارجوك استمر وتابعه لو ما اثرتش النهارده هاتاثر بكره صقدنى

وطبعا لازم تكون متوقع انهم يعايروه كويس ان جت على اد العاده السريه بس

نورت المدونه وان شاء الله تنورنا على طول

بعبعه يقول...

عمرو

والله ما انا عارفه هو الزمن الى اتغير ولا احنا الى اتغيرنا ولا ايه الى غير كل حاجه

متشكره لك ونورت ويلا بقى جهز لنا موضوع حلو

بعبعه يقول...

ستيته

ايه النور ده يا ولاد

تمام سلم لسانك يا قمر

بعبعه يقول...

شارم

الى هو مين بالظبط

Mr.M يقول...

ايه ده ؟
انا اللى كاتب الرسالة دى, مش كده ؟

بصو انا اسف ان كانت الرسالة متشاائمة شوية وسوداوية
وده لأنى كنت كاتبها فى مود زففففففت

يعنى مش عارف اقول ايه

انا كان عقلى اللاواعى هوه اللى بيكتب

الخلاصة برده ان الحقيقة اكبر واعمق وازفت بكتير

الشباب ضااااااااااااااايعين ياجماعة
انا كتبت الرسالة دى من شهر

ويشاء ربنا انى فى الشهر ده اعرف حاجات ازفت بكتيييير من اللى قلتله

ربنا يسترها يااااااارب
مش مهم انا يارب
اخويا يارب احفظه
واحفظ كل اللى زيه

وشكرا لكل الناس الجميلة اللى سابت رد
بجد كلام حلو
وادعولنا ياجماعة

الدنيا وحشة اوى معانا والمفسدين كتير اوى اوى اوى اوى اوى
ان كان عادة سرية ولا ستات ولا زنا ولا سجاير ولاحشيش لا حتى سرقة ونصب

كتير اوى

ربنا معانا

واسف مرة تانية انى ببين الدنيا وحشة قدامكم

بس مش بإيدى

واكيد هاجى هنا كتير اوى ان شاء الله
وشكرا لبعبة على استضافتها دى


كل سنة وانتو طيبين

بعبعه يقول...

مستر ام

ايه ده ياعم انت مش فاكر كلامك ولا ايه
هههههههههههههههه

ده انا واخده اذنك فى النشر ولما نشرت بعتلك رساله

وايه مين قالك ان احنا من كلامك شوفنا الدنيا سوده ؟

خالص والله بالعكس

ومين قالك برضه ان احنا ما نعرفش ان المفسدين كتير كتير كتير من كل صنف ولون

طول عمر الزنا موجود والسرقه موجوده والفاحشه عموما موجوده

جايز تكون زايده شويه عشان بعدنا عن ربنا وحالتنا المنيله حاليا

انما هى برضه كانت موجوده وما زلنا احنا مخيرين بين الصح والغلط
الخير والشر


اعرف كل حاجه واتعلم تنقي طريقك الصح النضيف

ومش مهم انت ليه يا سيدى مهم طبعا

امال مين هايقرا مدونة بعبعه ؟

لا عايزاك تدعي لنفسك بالتوبه والثبات

وتبعد بالمشوار عن رفقاء السوء ارجوك

وافتكر كويس حاجه

من حام حول الحمى وقع فيه

ربنا يسترها معاك ومع اخوك وولادنا وكل الناس ان شاء الله

وانا الى متشكره لك