الجمعة، 7 أغسطس، 2009

لحظات لذيذه يعقبها الندم !!

طب انا مش متجوزبس همووووووت واتجوز ياجدعاااااااااااااااااااااااااااان تشنج مش تشنج هاتوها بس وانا هعالجها الواحد تعبان بجد ولولا انه ماسك نفسه كان زنا
07 أغسطس, 2009 05:34 ص
ده كان تعليق على البوست اللى قبل ده الخاص بالتشنج المهبلى المرسل من أختنا الفاضله بعبعه و قد وصل من شاب يبدو أنه زيه زى الملايين غيره من الشباب يكاد ينفجر من الكبت و الشوق لرائحة أنثى .. و ده كان رد بعبعه عليه :
غير معرف الاخير
ما تستسهلش الكلمه الى لسانك يا ابنى وقول ربنا يرزقك زوجه صالحه تكون زادك فى الدنيا وطريقك للجنه ان شاء الله ادعي ربنا وبطلوا تتفرجوا على زفت وبعدين تعيطوا من الوجع امشوا زي ما ربنا قال غضوا البصر واتقوا الله كده وصوموا وصلوا وكمان اجتهدوا عشان تتجوزوا بما يرضى الله
07 أغسطس, 2009 12:36 م
طيب و الله كويس ..
تعليق الشاب ده و رد أختنا بعبعه حيفتح باب للكلام فى موضوع كان بيراودنى من فتره و هو خاص بما يمكن أن يصيب الشاب أو البنت جراء الممارسات الجنسيه غير الشرعيه و اللى للأسف أصبحت متاحه و متوفره بأشكال متعدده فى المجتمع لأسباب ليس هنا مجال مناقشتها ..
المولى سبحانه و تعالى لما وصف الزنا من فوق سبع سماوات بأنه فاحشة و ساء سبيلا ماكنش معروف بالتأكيد فى الوقت ده الأضرار الصحيه الجسديه و النفسيه اللى بتصيب الشخص جراء هذه الفاحشه اللى كانت سائده فى العصر الجاهلى المقيت و لما تطورت العلوم و أساليب التحاليل تبين بوضوح مدى صدق و اٍعجاز هذه المقوله الربانيه اللى لم يرد بها سوى الخير للاٍنسان ..
مش حأتكلم النهارده عن الزنا من وجهة النظر الدينيه لأن ده أمر مفروغ منه .. و هناك من هم أقدر منى على التحدث عنه من هذا المنظور .. لكن حأتكلم عن بعض الحقائق اللى ممكن تكون مفيده للتذكير بأضراره الصحيه و الاٍجتماعيه و النفسيه اللى بتصيب من يقترفه ..
أنا عن نفسى شخصيا عايشت حالتين أصيبتا بكارثة الاٍصابه بالمرض بسبب الزنا .. واحده فى صغرى و واحده لسه السنه اللى فاتت ..
و أما اللى كانت فى صغرى فلشاب مهذب و رقيق من جيراننا أصيب بالزهرى .. أينعم نجا منه بفضل الله و لكن هو نفسه يقول كنت أتمنى أموت و لا أعيش فى الحاله دى .. بعد أن فقد السمع و تشوه وجهه الوسيم حتى صار النظر اٍليه من الأمور المفزعه ..
و الحاله الثانيه هى مأساه بكل معنى الكلمه لصديق لى يملك معرض كبير فى شرم الشيخ متزوج من سيده تبارك الخلاق فى تدينها و جمالها و أدبها و عنده 3 منها أطفال .. كان عايش فى شرم الشيخ حياته بالطول و العرض مع السائحات الأجنبيات اللى كانوا بياخدوا ما يشاؤوا من البضاعه اللى أتلفها الهوا و يدفعوا الحساب فى الغرفه الملحقه بالمعرض .. و كثيرا جدا ما حذرناه جميعا ولكنه كان بيضحك و هو اللى يتريق علينا .. لحد ما وقعت الفاس فى الراس و أصيب بالاٍيدز السنه اللى فاتت .. و للأسف نقله لزوجته البريئه اللى ليس لها أى ذنب سوى أنها تزوجت من رجل لا يتقى الله ..
مين ضميره يقبل أنه ينقل لزوجته الطيبه بنت الناس الطيبين أمراض جنسيه و هى قاعده فى بيته بتراعيه و بتأكله و بتنضفه و بتربى له عياله و محافظه على شرفه و سمعته و ماله ؟؟
مين يقبل على نفسه أن ينقل الأمراض الجنسيه لأطفاله أو لأهل بيته لو ماكنش متزوج لأن بعض هذه الأمراض بتنتقل بالمعايشه يعنى مش شرط بالاٍتصال الجنسى زى مثلا الأمراض اللى بتنتقل عن طريق قاعدة التواليت بسبب اٍفرازات المريض عليها اللى بتنتقل للى بيستعملها بعده بدون ما ينظفها .. أو ممكن باٍستعمال الملابس الداخليه للشخص المريض أو أدواته .. و دى فرصه برضو للتحذير من اٍستعمال التواليت بالأماكن العامه بدون أخذ الاٍحتياطات الواجبه ..
و أيه أصلا اللى يجبرك تمارس الجنس مع واحده عك فيها عشرميت راجل قبلك بكل ما يحملوا من أمراض و تقرحات و بكل ما تحمل هى من اٍلتهابات و صديد و اٍفرازات مهبليه رغويه لها رائحة السمك المتعفن ؟؟
بعض الشباب الأهطل اللى فاكر نفسه شباب فتك يقولك بنستعمل الواقى الذكرى !!
الواقى الذكرى يا عم الشباب لا يحمى دائما من كل الأمراض .. هل يحمى الواقى الذكرى من اٍنتقال القمل من عانة البت ريرى لعانتك ؟؟ أبدا ..
هل يحميك الواقى الذكرى من الاٍلتهابات و الدمامل الصديديه اللى عادة بتبقى موجوده بين أفخاذ البنات دى ؟؟ برضو أبدا ..
ده غير أنه ممكن طبعا الواقى الذكرى يتمزق أثناء الممارسه زى ما بيحصل كتير و تلاقى نفسك بتمارس الجنس مع بنت مريضه بمرض خطير من غير لا واقى و لا يحزنون ..
و فيه شباب هطل تانيين بياخدوا كبسولتين مضاد حيوى قبل الممارسه مباشرة آل كده يبقوا فى الأمان .. طبعا كلام طبيا مشكوك فيه ..
و شباب تانيين برضو غير الشباب الأولانيين بتخلفهم العقلى آل أيه يكشفوا على البنت بنفسهم قبل ما يناموا معاها بأن يضغطوا بشده على المنطقه الواقعه ما بين سرتها و ما بين عضوها التناسلى و يشوفوا لو فيه اٍفرازات صفراء اللون و ثقيله بتنزل منها تبقى عيانه .. بنات الليل المرضى عارفين التكه دى و بيدخلوا الحمام الأول يفضوا نفسهم من الاٍفرازات المرضيه المتعفنه و يغتسلوا و يطلعوا لكم زى القشطه و هم جواهم السم القاتل ..
اٍعلم عزيزى الشاب الهلاس أن الجنس الفموى التيك أواى اللى أنتشر فى السيارات على الطرق السريعه و فى الأماكن المنعزله ممكن برضو ينقل لك مرض يدوخك و يلففك السبع لفات حوالين نفسك و ترجع تقول من غيظك : لو شفت البت دى تانى واقفه على الطريق أنا حأخبطها بالعربيه !!
تشوف مين يا عم و تخبط مين ؟؟
دول بنات محترفات و كل يوم فى مكان شكل .. هى خطفت منك العشرين جنيه و قالت يا فكيك و أشوفك أمس ..
الجنس الفموى ممكن ينقل أمراض خطيره و من ضمنها الاٍيدز لو أحد الطرفين مريض عن طريق الخدوش المدممه اللى على الشفايف أو اللسان أو اللثه أو عن طريق اللعاب و السائل المنوى ..
عندى كلمه عاوز أقولها للبنات ..
لاحظت من خلال اٍيميلاتكم و تعليقاتكم أنه فيه تجاوزات كثيره بتحصل بين بعض المخطوبين .. تجاوزات فيها الكثير من الأفعال اللى بتحصل بين الأزواج و ده خطأ كبير .. دينيا و اٍجتماعيا و عرفيا و كمان صحيا ..
أيوه صحيا ..
ما أدراكى عزيزتى البنت المخطوبه أن خطيبك ده مش حامل لمرض ما بسبب لفه و دورانه مع البنات اللى مش كويسين طالما أنه ليس عنده لا الوازع و لا المانع للى يمنعوه من اٍتيان مثل هذه الأفعال معاكى أنتى شخصيا و أنتى حتبقى زوجة المستقبل بل و أم أولاده ؟؟
أصلا لا تقبلى عريس اٍلا من ترضين دينه و أخلاقه عن جد و ليس عن مظاهر تخدع العين فقط حتى لا تقعى فى مشاكل أنتى فى غنى عنها ..
صونى نفسك و صونى جسمك و لا تسمحى له بأى تجاوزات لا يرضى عنها الله حتى تحصل لكم البركه و تتلموا فى بيت واحد و تريحوا بعبعه بقى من تعليقاتكم اللى تغيظ بجد ..
أحب برضو بالمره أعرض عليكم قائمه بالأمراض اللى ممكن تصيب الاٍنسان من جراء الممارسات الجنسيه غير الشرعيه اللى هى الزنا و اللى برضو أحب أنوه أنها مش شرط تنتقل من شخص لآخر بواسطة القيام بعمليه جنسيه كامله و لكن ممكن عن طريق ملامسة الأعضاء من الخارج أو بالجنس الفموى أو اليدوى أو الشرجى أو حتى باٍستعمال أشياء ملوثه باٍفرازات المريض .. و طبعا حأسيب لأصدقائنا الأطباء فى تعليقاتهم شرح أعراضها و نتائجها فهم أقدر منى على ذلك .. علما أن مش كل الأمراض اللى فى القائمه دى بتنتقل بالضروره بواسطة الممارسات الجنسيه أتفضلوا :
- السيلان
- سيلان الأطفال
- الزهرى
- زهرى السيدات الحوامل
- الهربس
- اٍلتهاب الكبد الفيروسى
- الاٍيدز
- دمامل الجهاز التناسلى
-المرض الرخوى المعدى
- القرحة الآكلة
- الترايكومونس
- الجرب
- قمل العانه
- المرض الحبيبى الاٍربى المتقرح
- المرض الحبيبى الليمفاوى التناسلى
- الفطريات العنقوديه
- مرض الخوف من الأمراض التناسليه
- مرض رايتر
- مرض بهجت و هو بالأساس مرض مناعى بيصيب أجزاء الجسم المختلفه و منها الجهاز التناسلى
- اٍلتهاب البروستاتا الحاد
- اٍحتقان البروستاتا
- اٍلتهاب الحويصله المنويه
اٍلتهاب الخصيه و البربخ
- العقم
- الضعف الجنسى
- سرعة القذف
- عدم القذف
- نزول الدم مع المنى
و بخلاف القائمه المفتخره دى توجد قائمه أخرى تصيب الشواذ جنسيا و لا بلاش تعبير الشواذ جنسيا لحسن بتزعلهم خليها المثليين زى ما هم بيطلقوا على أنفسهم .. هذه القائمه من الأمراض الجنسيه اللى بتصيبهم بتشمل :
- الاٍيدز
- اٍلتهاب الكبد الفيروسى
- الزهرى
- السيلان
- الهربس
- اٍلتهابات الشرج الجرثوميه
- التيفود
- الأميبيا
- الديدان المعويه
- دمامل و تقرحات الشرج
- الجرب
- قمل العانه
- فيروس السايتوميجالك اللى ممكن يؤدى لسرطان الشرج
- المرض الحبيبى الليمفاوى التناسلى
ربنا يعمى عينينا و أفئدتنا و حواسنا عن الحرام و يجعلنا من العاملين بقوله سبحانه و تعالى (( وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لَا يَحْتَسِبُ (3) ))
( سورة الطلاق )
مع تحياتى و ربنا يبعد عيالنا عن كل سوء ..

هناك 53 تعليقًا:

حبيبة جوزها يقول...

عمرو
انك لامتمكن فعلا من ادواتك
وبتكتب بحرفيه وشياكه في موضوع حساس جدا وخطير
اغلب الشباب اليومين دول فعلا فاكرين ان دي فتاكه وهو خايب وبيضر نفسه واهل بيته زي امه واخته وكل محارمه الستات
وكمان بيجيب لنفسه الامراض
مش عارفه الاهالي فين برافوا عليك ياعمرو ياريت بوستك ده يتنشر في مجله يقراه اغلب الناس وخصوصا موضوع المخطوبين ده
الولد من دول يخطب البنت ويفضل يدحلب لحد ما تعمله اللي هو عايزه تحت بند الحب وبعد كده يايسبها ويقول اكيد عملت كده مع غيري يايقول زي ماسلمتني نفسها وعملت معايا كده مش هتصون شرفي
وغيره وغيره
ده غير الامراض عشان الخطيب اللي بيعمل كده اكيد كان بيعط مع بنات من اللي انت بتتكلم عنهم
مش عارفه اقول لك ايه انت هايل ربنا يكرمك علي البوست الصرخه ده
و عاوزه اضيف ان الخطيب اللي يعمل كده او يطلب كده ده شخص غير امين علي البنت ولازم تفك الخطوبه فورا

ام كريم يقول...

روح يا استاذ عمرو ربنا يكرمك فى صحتك و فى اولاد حضرتك و يباركلك و يجعل لك قصر فى الجنه لانك عملت خير يمله البحر
بدعيلك من قلبى و الله

غير معرف يقول...

السلام عليكم ورحمة الله وبركاته
أستاذ عمرو
لدي استفسار عن بروز الحلمتين بالنسبه للفتيات غير المتزوجات
قرآت موضوع في مدونة أخرى يقولون أنه يدل على أن الفتاة غير عذراء .. هل هذا صحيح؟؟؟؟

فأنا لدي بروز دائم في الحلمات وتشتد قساوه عندما اتعرض لبروده أو أثارة أو عندما أسبح

والله تعالى وحده يعلم أنني شريفه ولم يمسسني رجل

فهل كلامهم صحيح؟؟؟ ارجوكم أخبروني فزواجي قريب

غير معرف يقول...

اسلوبك يجنن هنا والا فى مدونتك الفلسفيه مع ان مافيهاش اى فلسفه
هههههههههههه
اوعى تزعل انا بقول راى بصراحه
بس باردون مش فاهمه الجنس الفموى التيك اواى
ياريت توضح بجد شكه فى حاجه و عايزه افهم

سلاااااام

reem يقول...

استاذ عمرو

جزاك الله كل خير عن هذا الموضوع المهم

والشائك

واللى قدرت بكل براعة انك تعرضه بكلمات سهلة وفي غاية الاحترام

ماشاء الله عليك

وفعلا زى ما قالت حبيبة جوزها ياريت البوست دا يتنشر لانه فعلا في غاية الاهمية

تحياتى لك

مى يقول...

استاذ عمرو
مشكور على الجهد العظيم و اسمح لى اوصف مشكلتى
انا فتاة انسة عندي 19 سنة وشهر بالضبط وبدرس في كليه من كليات القمة والحمد لله متدينه وعارفه ربنا. بس للاسف انا من 5 سنين بالضبط بدأت مشكلتي.
انا اسفه ان كنت هاقول الفاظ غير لائقه او هابوح بمشكلتي بصراحه بس والله لولا اني بكتب لحضرتك ما كنت قلت كل ده. انا من3 سنين كنت لما بتفرج على فلم عادي في منظر بوسه او اي شئ جنسي بس مش فيلم جنسي للتوضيح كنت بحس بشيئ من تحت بس مش الرعشه الجنسيه بس ماعرفتش ايه هو ده وكنت عارفه عن الغشاء وانه لو دخل شئ لفتحة المهبل يتفض بس وكمان كنت عارفه الاساس بتاع العلاقه الزوجيه يعني الايلاج بس من غير تفاصيل فكنت بيبقى عندي فضول اعرف ايه الاحساس اللي هشعره لو احتك بي شئ من الخارج. وللأسف سألت ماما قالت ده كلام مش وقته اعرفه. فلجات للعاده السريه واقسم بالله اني ماكنتش اعرف ان في حاجه اسمها كده للبنت كنت فاكره انها للاولاد بس لحد اما سمعت عنها في برنامج وعرفت انها حرام وانا هاقول على اللي كنت بعمله وحضرتك تقولي ده خدش الغشاء ولا لا.
انا كنت بجيب مخده وبضع السن بتاعها بين رجلي عند البظر مع العلم اني كنت بكون لابسه هدومي بالكامل يمكن لحد البنطلون كمان وكنت بنام عليها واحتك بيها لحد اما حسيت لاول مره بالرعشه الجنسيه وهي زي نبضات في المنطقه اللي تحت لكن مش عارفه فين بالضبط وطبعا عجبني الاحساس فبدأت اكرره وفي مره كانت قبل الدوره نزل دم بس مساحته كات قد عقله الصباع ولونه كان بيج غامق او بني فاتح من قلقي ساعتها وريتها لماما طبعا من غير ما تعرف انا عملت ايه قالتلي بلاش الوساوس دي الغشاء ما يتقطعش الا من غير لما يدخل حاجه جوا فانا اطمنت لانه كان احتكاك خارجي من عالهدوم زيه زي الهرش بالظبط.
بدأت انحدر في اخلاقي واشوف افلام جنسية. مره انقطع ومره لا ومره ربنا يهديني ومره الشيطان يتغلب عليا.
طبعا حضرتك هاتقولي روحي لدكتور او دكتوره تقولي هو انخدش او لا بس انا ممكن اموت ساعتها من النظره اللي هايبصوهالي. اني ممكن اكون منحرفه في نظرهم كمان اخاف اروح لوحدي ولا حتى حد من اصحابي وماما لو عرفت حاجه زي كده ماعندهاش ياما ارحميني ده غير اني والله مكنتش اعرف ان ده ممكن يحصل ولا ان اللي بعمله ده عاده سريه. المهم ياريت حضرتك تقولي على اني ازاي ممكن اشوف انه موجود و لا لا انا بنفسي.
يعني بمرايا مثلا اكيد لما بنروح للدكاتره بيشوفوه اذن فهو مرئي كمان انا مش عارفه هو ده عباره عن ايه ماما بتقولي ان فتحه المهبل وراها الغشاء ويعني فتحه صغيره اوي ووراها جلد رقيق هو ده اللي بيتقطع وقريت عالنت والكتب انه عباره عن فتحه صغيره ولما قضيب الرجل بيدخل فيها بتوسع كده هو اتفض لما وسع يعني اشبه لحضرتك اللي انا فاهماه زي عروه القميص لو دخلت صباعك فيها جامد هتنقطع وده كده الغشاء وفي الحالتين بينزل دم.
ارجو من حضرتك ترد علي و يار يت بسرعه لان الكمبيوتر مش هايتوفر عندي خلال يومين.
انا اسفه للاطاله.

بعبعه يقول...

مي المستعجله

الى انتى عملتيه ده مالوش اي علاقه بالغشاء يا ستى

وما تشغليش بالك خالص مالص بالموضوع

ما دام كان قبل الدوره ونزل بقعه بني ده عادي جدا

وبالنسبه لموضوع العاده السريه احنا اتكلمنا فيه بما فيه الكفايه اي حاجه اتفضلي ارجعي للموضوعات والتعليقات عليها

وما تكشفيش على نفسك وحياة ابوكي مش عايزين قلق

وكويس اوي ان في لنك بينك وبين ماما

وطبعا طبعا حاولي تبطلي تتفرجي على افلام من دي يا بنتى وانوي التوبه من قلبك


ورمضان جاي اهو عايزه احلى شغل مع ربنا وتدعي ان ربنا يثبتك ويبعد عنك كل شر

العاده السريه فى حد ذاتها فيهااختلاف فى الراي ناس بتقول حرام وناس بتقول حلال

انما الافلام الجنسيه حرام بالثلاثه مافيهاش كلام

فهمتينى ؟؟؟

ربنا يصلح حالك يارب

بعبعه يقول...

بالمره بقى

بالنسبه للاخت الغير معرفه الى مش كاتبه برضه اسمها

الى بتسأل عن بروز الحلمتين

انتى عبيطه يا لولو ؟؟

هههههههههههههههه

طيب الى انتى بتقوليه ده عادي

بينتصبوا ويبرزوا فى حالة البرد او جسمك قشعر او احتكاك ا و اثاره وبيرجعوا تاني

سيبك من الرغي الفاضي ده

يا جدعان بتفكروا تفكيرات غريبه

غير معرف يقول...

أشكركم على المدونة الروعه و ديه أول زيارة لى
بصراحة أنا كانت لي علاقات مع شباب سؤالي انهم كانوا يمارسون الجنس معي عن طريق اللحس وتحريك بالاصبع وتزحلق العضو على من الامام وتدخيل طرف اللسان. هل هذا يؤدي الى أمراض جنسية ؟

.. هعزف لنفسي يقول...

الاستاذ عمرو
أني احبك في الله
والله عندما علم بالمدونة بصراحة اضايقت جدا
لاني دخلت قبل كدا مدونة كانت بتاعتة واحدة
وكانت بتذكر الفاظ غريبة جدا وقذر
بس هنا بجد جزاك الله عنا خير
واجمل ما فيها انك تربطها بالدين
ربنا يبارك فيك وفي اسلوب الراقي المتحضر
ويعفوا عنا وعن كل الشباب والبنات
اللهم اهدي شباب وبنات المسلمين

hasona يقول...

السلام عليكم

ان شاء الله تتم المنفعة للجميع
بما يكتب من مادة علمية بالاضافة الي المناقشات
وأن تتعدي الامور الشخصية الي الحاجات المهمة والتي تحدث للجميع

لأن هناك أمشلة كثيرة

يعني الخطيب مع خطيبته تحت أي مسمي لا ينبغي أن يختلي بها

وعلي الجانب الاخر نري واحدة مخطوبة تفسخ خطوبتها لأن خطيبها مش بيتحرك ومش متحرر أو مش حرك كده يعني

وهكذا تتوالي المصايب والبلاوي تح مسميات غريبة علينا
ولا تمد الي الاسلام بشئ

عمرو يقول...

حبيبة جوزها
أشكرك على متابعتك المستديمه للمدونه و اٍهتمامك بمواضيعها و تعليقاتها ..
و هلى فكره كنت سألتك فى بوست سابق عن الأشياء اللى ممكن تكون مش عجباكى فى زوجك أو اللى ممكن تعتبريها عيوب فيه ..
بس ما ردتيش :)
أشكرك كمان على الاٍطراء و موضوع النشر بقى أهو أدينا بننشر هنا و المهم أن الفائده تعم ..
كلامك بالنسبه لطريقة تفكير الخطيب اللى خطيبته بتسلمه نفسها فيه شىء كبير من الصحه أو على الأقل بيعمل شرخ فيما بعد فى علاقتهم ببعض ..
متشكر ليكى جدا و ياريت برضو تتابعى التعليقات و تناقشيها ..
لك كل التحيه و التقدير ..

عمرو يقول...

ام كريم
اللهم آمين
اٍحنا و أنتى يا رب و كل من يحاول يمد أيده بالخير لأى مخلوق ..
متشكر ليكى جدا ..
تقبلى تحياتى و تقديرى

عمرو يقول...

غير معرفه بتاعت باردون
متشكر جدا لاٍطرائك ربنا يخليكى ..
بالنسبه لمدونتى التانيه حبشتكنات فلسفيه فالأول بس أحب توضحى أيه هو مفهومك للفلسفه ؟؟
من وجهة نظرى الفلسفه الحقيقيه مش أنك تلغزى فى الكلمات و تناقشى المواضيع بأسلوب معقد و متعالى لا يفهمه اٍلا الصفوه أو الأكاديميين .. لأ ..
الفلسفه عندى هى تبسيط المعقدات النظريه بس مش لدرجة الوصلول للاٍسفاف و التبسيط و مناقشة المسائل بأسلوب سهل ممتنع مش كتير اللى يقدروا عليه بس كتير اللى يفهموا المقصود منه ..
بالنسبه للجنس الفموى التيك أواى فدى ظاهره غريبه شويه على مجتمعنا و لكنها منتشره جدا فى الدول الغربيه و أمريكا ..
و هى ممارسة الجنس الفمى فى السياره على الطرق السريعه و المنعزله نوعا و خاصة بالليل مقابل مبلغ مادى بيدفعه قائد السياره للبنت المنحرفه اللى بتقوم بهذا العمل ..
و هو شكل من أشكال الدعاره المقيته و لكن لا تتم فيه ممارسه جنسيه كامله و يكتفى الطرفان بالجنس الفمى فقط ..
تقبلى تحياتى و تقديرى ..

عمرو يقول...

reem
أهلا و سهلا بحضرتك و متشكر ليكى جدا و جزانا الله و جزاكم عنا كل الخير ..
أرجو أن تعم الفائخ لكل القراء و الله المستعان ..
تقبلى تحياتى و تقديرى ..

عمرو يقول...

غير معرفه اللى لها علاقات مع شباب
يعنى أنتى سبتى المشكله الأساسيه و بتسألى عن العواقب ؟؟
اللى بتعمليه ده يغضب ربنا منك لا شك و لا جدال فى ده .. و كمان بتمتهنى جسدك و بتحقرى اٍنسانيتك و بتعملى من روحك كأنك حاجه حقيره الناس بتستعملها و بعد كده بترميها بعد ما بيكونوا خلاص أستوفوا غرضهم منها ..
أكيد رغم ممارساتك الخاطئه دى أنتى لسه جواكى و لو نقطة خير صغيره .. شىء من الاٍنسانيه .. شىء من الكرامه ..
أرجعى لربك و هو حيفرح بيكى أوى و توبى بجد و هو حيقف جنبك و حيساعدك و حياخد بأيدك ..
أنوى أنك تطهرى روحك قبل ما تطهرى جسمك الممتهن و اللىرغم كده برضو أنتى خايفه عليه من الأمراض و اللى أيوه ممكن تصيبك ولو باٍحتمال ضعيف و لكنه اٍحتمال موجود و قائم ..
أنوى و قولى يارب ساعدنى :)

عمرو يقول...

هعزف لنفسى ..
و أنا كمان أحبك فى الله و بعد ما زرت مدونتك حبيتك أكتر ..
ربنا يزيدك من فضله و يثبت قلبك الشاب على حبه و حمده و حسن عبادته ..
أيوه فعلا فيه مدونات بتناقش هذه المواضيع اٍما بألفاظ و أساليب غير لائقه أو بألفاظ و أساليب الغرض منها الخير و لكن بطريقه لا تجذب الشباب بل و ربما تنفرهم منها ..
أشكرك و ربنا يبارك فيك و ستجيب لك ..
تقبل تحياتى ..

عمرو يقول...

hasona
أهلا و سهلا و مشكور على متابعتك و تعليقاتك الثريه ..
ما هو ربنا سبحانه و تعالى وضع أسس و نواميس لا يجوز للبشر أن يتخطوها لأنهم مهما بلغوا من قوه ذهنيه فلا يمكن بأى حال أن يصلوا للمعرفه الربانيه اللى هى أساس الحق و الخير و الجمال ..
سبحانه و تعالى عما يشركون ..
اٍحنا بقى للأسف كبشر كل واحد فينا حط لنفسه القانون اللى يرتضيه و اللى بيتناسب مع ميوله و أهواءه و شهواته و ده عمل خلل فى البناء المجتمعى لأن المقوله الاٍجتماعيه المتعارف عليها ضاعت و ربما تلاشت بين القوانين الخاصه لكل فرد ..
يعنى أيه مثلا خطيب ياخد خطيبته يفرجها على شقة الزوجيه اللى لسه بتتشطب ؟؟
و بموافقة و بمباركة الأهل !!
بأضرب لك مجرد مثل بسيط ..
أو يعنى أيه مثلا خطيبه تقول مش عاوزه خطيبى ده علشان باين عليه قفل !!
تعرفى منين أنه قفل ؟؟
و حاجات بقى من دى كتير قلبت الموازين و المعايير و ربنا يستر و يهدى الناس ..
تقبل تحياتى أخى الفاضل ..

غير معرف يقول...

سؤال من فضلكم هل ممكن حمام السباحه ينقل امراض جنسيه؟
و شكرا لكم

بعبعه يقول...

اخر غير معرف

سألت الدكتور وقالي لا ما ينقلش حمام السباحه امراض جنسيه

mahasen saber يقول...

ربنا يعافى اولادنا وبقويهم على البعد عن الحرام

المدونه دىلو فضلت موجوده لما بيرو يكبر اكيد هخليه يقراها ويستفاد من مواضيع فيها زى الموضوع الخطير ده

ربنا يجعله فى ميزان حسناتكوا

غير معرف يقول...

السلام عليكم
اولا اشكركم على هدا المدونة الرائعة واتمنى لها الاستمرار.
صديقتى تبلغ من العمر 42 سنة متزوجة مند ثلاثة سنوات وتمارس مع زوجها الجنس من الدبر لكن بعد كل ممارسة تشعر بالم شديد اتناء التبرز كما انها اثناء الممارسة لا تشعر بالرعشة او اي شئ.
فهل هى مريضة؟
وشكرا

غير معرف يقول...

لوسمحتوا انا عايز اعرف تكاليف عملية دوالى الخصيتين فى حدود كام علشان حجم الخصيتين صغير جدا وعايز اعرف التحاليل المطلوبة قبل العملية

صفاء يقول...

انا عندى 26 سنه ومش متزوجه ولما بنام احيانا بقوم فجاه على هزة فى جسمى وانقبضات وتقلصات جامده فى الجهاز التناسلى لمده ثوانى وبنام بعدها بس بشعر الصبح بالام شديده اسفل الحوض ممكن اعرف سببها من ايه ولماذا تحدث لى علما انى لا امارس العادة السرية
و لحضرتك الشكر

غير معرف يقول...

الأخ العزيز عمرو

شكرا على هذا البوست الرائع

اريد فقط ان اوضح بعض النقاط الهامة التى اشار إليها عمرو

النقطة الاولى : ليست جميع الامراض المذكورة امراض تناسلية بالضرورة

فمرض الفطري العنقودى والتريكمونس يمكن ان توجد فى المهبل بشكل طبيعى وتزيد كثافتها اثناء انخفاض مناعة المراة

و الاٍفرازات المهبليه الرغويه التى لها رائحة السمك المتعفن هى عرض لمرض الالتهاب المهبلى البكتيرى اللاهوائى وهو مرض فى الاغلب غير تناسلى ويعبر عن عدم الاهتمام بالنظافة الشخصية اكثر من علاقة غير شرعية

الجرب مرضى جلدى معدى ينتقل بالملامسة لفترة طويلة ويمكن ان ينتقل اثناء ممارسة الجنس

مرض بهجت مرض مناعى غير تناسلى عبارة عن تقرح على المنطقة التناسلية والعين

برجاء عدم التسرع بالقول ان اى اصابة هى تناسلية وتعبر عن علاقة غير شرعية بدون استشارة طبيب

لأنى رايت العديد من المصائب بسبب هذا التسرع مما ادى إلى انفصال عرى زوجية واتهمات اخلاقية غير صحيحة

النقطة الثانية : الامراض التناسلية تنقسم حسب نوع المسبب إذا كان بكتيرى او فيروسى أو أخرى

الالتهابات البكتيريا كانت الاكثر شيوعا وخطرا قبل وجود المضادات الحيوية مثل الزهرى والسيلان و التهابات مجرى البول غير السيلانية

بعض هذه الامراض اصبح فى غاية الندرة لدرجة ان بعض اطباء التناسلية لم يناظر اى حالة فى حياته العملية مثل الزهرى

بعضها مازال شائعا لكن لأن الاعراض المرضية والتقيحات والالام المبرحة اثناء التبول تجعل المريض يلجأ إلى العلاج مبكرا فمن النادر ان تترك للتطور لمرحلة لاحقة
وامثلة على هذا السيلان و التهابات مجرى البول غير السيلانية

لكن الامراض الاكثر خطورة حاليا هى الأمراض الفيروسية

من الفيروسى الحلمى الورمى المسبب للسرطان
فيروس الهربس الجنسى المسبب للألام المبرحة
الالتهاب الكبدى بى الذى من الممكن أن يؤدى إلى سرطان الكبد
الايدز

اغلب هذه الامراض لاعلاج شافى لها وتعطى كارنية عضوية مدى الحياة
( بإستثناء الالتهاب الكبدى بى)

و هذه الامراض بالذات لا اعراض منظورة يمكن ان تلاحظ فى اغلب الوقت فلا افرازات متغيرة اللون ولا إلتهابات قبيحة

واول اثنين منهم يمكن ان يتواجدوا فى الجلد خارج المنطقة التناسلية ولذلك كما قال لنا الاستاذ عمرو لن يفيد معها الواقى الذكرى

فى حالة التعامل مع العاهرات الذين يمارسون الجنس بطرق مختلفة فهذه الامراض سواء البكتيرية او الفيروسية يمكن ان تتواجد فى الفم والحلق فى فتحة الشرج والمستقيم

ولذلك فإن ممارسة الجنس بالفم او من الدبر يمكن ان تنقل نفس الامراض

ملحوظة : هذه الأمراض تنقل نتيجة اصابة احد طرفى العلاقة الجنسية بالعدوى وليس لأن هذه الطرق معدية فى حد ذاتها

أتفق مع الاستاذ عمرو انه يجب على الفتاة ان تختار ذا الدين الذى صان نفسه عن الوقوع فى المعاصى على الاقل حتى تصون جسدها من انتقال العدوى

مع خالص تحياتى

عباس الاول

غير معرف يقول...

ردود سريعة

مياه حمام السباحة لاتنقل الأمراض التناسلية لكن استعمال فوط مشتركة غير نظيفة يمكن ان تنقل بعض هذه الامراض

بالنسبة للممارسة الجنس من الدبر توجد اعصاب حسية جنسية فى منطقة الدبر لكن عدم إستمتاع الزوجة بالممارسة من الدبر لا يعنى انها مريضة بالبرود الجنسى فأصل المتعة الجنسية لدى المراة هو الفرج
الممارسة من الدبر يمكن ان تؤدى إلى البواسير والشروخ الشرجية والناسور الشرجى جميع هذه الامراض يمكن اتؤدى إلى الام فى منطقة الشرج مصحوبة بنزول دم

عملية دوالى الخصية عملية بسيطة تحتاج إلى يوم واحد فى المستشفى قيمة العملية تتراوح من 1500 جنيه حتى 3000 جنيه حسب مهارة الطبيب ومكان اجرائها
تحتاج إلى عمل 2 تحليل سائل منوى بفارق اسبوعين و اشعة دوبلر على الدوالى قبل العملية

الأخت صفاء اعتقد ان ما تحسى به هو رعشة جنسية وتحدث هذه الرعشة اثناء فترة الاحلام العميقة اثناء النوم وهذه ليست حالة مرضية وهى تماثل إحتلام الذكور

ملحوظة اقتصرت الردود على الجانب الطبى فقط وهناك من هم اجدر منى لأى رد
دينى

تحياتى

عباس الاول

ديجه يقول...

مساء الخير للجميع
الموظوع لذيذ و به معلومات مفيدة ينقصها من يفهمها
عايذه اطلب الايميل حق عمرو لو امكن علشان اشوف موظوعى
وعايذه اقول للكل مافي مشكله ومشكورين

بعبعه يقول...

الغير معرفه الى فرستنى الى صحبتها عندها 42 سنه


ايه فى ايه ؟؟؟

هو انتى جايه من كوكب تاني ؟؟

من الصبح بنقول ان الجماع من الدبر ده حرام

وبعدين ما لازم يحصل لها كده ما دام شيء ضد طبيعة البشر لازم تبقى تعبانه

مش فاهمه انا كلامك كأن المفروض والطبيعى انها تكون مرتاحه كده وعايشه عادي يعنى

وعشان هى مش مرتاحه كده يبقى هى كده مريضه ؟؟

ارجوكم يا ناس اعرفوا دينكم كويس

ده لو كنتم مسلمين انا معرفش المسحيين عندهم ده حلال ولا حرام

بعبعه يقول...

عباس الاول

متشكره اوي يا دوك ما نتحرمش منك يا باشا

بعبعه يقول...

ديجه

واحنا متشكرين لحضرتك ونورتينا

واميل المدونه مكتوب على صفحة المدونه بره

فوق بالاحمر على اليمين

غير معرف يقول...

عايزه معرفة ما اثار السحاق ان كان بين بينتين فقط وليس كتير
هل لازم سيحدث امراض للطرفين
هل ممكن حدوث مرض من اصابة احد البنتين
و لو البنتين سلام مجرد السحاق هل سيؤدي لظهور مرض وماهي الامراض المحتمللة

غير معرف يقول...

الأمراض التناسلية لا تنشأ من العدم لكن تنتقل من طرف مريض او حامل للمرض لطرف سليم

وكماسبق فإن الامراض التناسلية لايقتصر وجودها على المهبل و إفرازاته بل قد يكون الجلد المحيط بالمنطقة التناسلية حامل للمرض وخاصة الأمراض الفيروسية كما انها يمكن ان توجد فى الفم وحول فتحة الشرج

إذا كان أحد الاطراف حامل للمرض فلا تظهر عليه اى اعراض مرضية لكن تحتاج إلى تشخيصها إلى تحاليل طبية بعضها متقدم

فإحتمالية حدوث الأمراض التناسلية اثناء علاقة سحاق بين بنيتن وارد

وخصوصا ان تعدد العلاقات الجنسية شائع الحدوث فى هذه العلاقات الشاذة

عباس الاول

غير معرف يقول...

موضوع حلو قوى ربنا يعفا عن الناس
عندى حاجة تعبانى انا كثير اجى اقعد او اقوم يخرج من المهبل صوت هوى و كانه صوت خروج الريح فاكون محرجه جدا
بالزات لمه القاعدين جمبى يسمعوه و يفتكروا انى اخرج ريح
صاحبتى قالت انى واسعه اسفه للكلمه
هل كلامها صح و زوجى مش حيمبسط معايه؟
ام هذه اعراض مرض فى المهبل؟
ارجوكم سرعة الرد فانا مخنوقة قوى

غير معرف يقول...

تحية من قلبى على المدونة الممتازة و ارجوك ان تستمر.
احب اخد راى حضرتك فى موضوع.
انا لون بشرتي بيضاء جدا لكن في المناطق الحساسه غامقة بشكل واضح بحيث انها اغمق من لون باقي جسمي و ايضا فى الخلف حتى انى اخاف يكون مرض جلدى.
فأرجو منك النصيحة

غير معرف يقول...

الاخت غير المعرفة

صاحبة مشكلة اسمرار المناطق الحساسة

توجد خلايا صبغية فى الجلد و عند حدوث تهيج للجلد الذى يحدث نتيجة للإحتكاك المستمر للفخدين وخاصة فى حالة السمنة

تنشط خلايا الصبغة وتؤدى إلى اسمرار هذه الاماكن

للوقاية يمكن تخفيض الوزن وإرتداء ملابس داخليه بيضاء و قطنية تفضل على هيئة شورت لمنع احتكاك الفخدين

كما يمكن استعمال بعض الكريمات المرطبة لنفس الغرض

فى حالة الرغبة فى علاج سريع بجب الذهاب إلى طبيب امراض جلدية لوصف بعض الكريمات الطبية

فى حالات نادرة يعبر اسمرار المناطق التناسلية عن ذيادة فى هرمونات الغدة الكظرية

تحياتى

عباس الاول

غير معرف يقول...

الأخت غير المعرفة

صاحبة مشكلة الهواء الخارج من المهبل

فى الاغلب الاعم لا يعبر خروج الهواء من المهبل عن حالة مرضية

لكن هناك بعض الظروف التى تؤثر على تشخيص اسباب الحالة

اهمها السن و الزواج وإنجاب الاطفال

لايشترط ان يكون المهبل متسع لتحدث هذه الحالة

فى حالات نادرة يكون وجود إلتهاب فى المهبل سبب لهذه الحالة ووقتها يكون لهذا الهواء رائحة سيئة

برجاء ارسال إيميل شخصى للأخت بعبه على ايميل المدونة للإستفسار منك عن بعض ظروف هذه الحالة

تحياتى

عباس الاول

غير معرف يقول...

جزاكم الله كل خير يا استاذ عمرو مع احترامى لشخصك المهذب المحترم
بصراحه انا مخطوبه و عمري 24 سنه عندي من المشاكل ما يجعلني لا انام والاهم اني ضعفت امام سواق مكروباص لا اعرفه لكن الحمد لله لم افعل معه اي شئ سوى انى وضعت قضيبه داخل فمى لمده لا تزيد عن دقيقتين لكي امصه مع العلم انى من شدة خوفي من الله لم اشعر باى متعه حتى اثناء وضعى للقضيب داخل فمى
هل من الممكن ان تنقل اي عدوى لي وما هي الاحتمالات وما نوع العدوى وكيفية التاكد
سامحنى لوقاحتى و لكن تبت و الله

بعبعه يقول...

يا ناس هاتفرس خلاص من التعليقات

انت فين يا عمرو تعالى حوش عني شويه

الاخت بتاعة السحاق ناويه تستمري ازاي مع نفس الرفيقه حضرتك ؟
هاتعقدي عليها ؟؟

ربنا يتوب عليكى يا بنتى ويهديكى وارجوكي اقري فى الدين واعرفي حكم الى انتى بتعمليه واعرفي مضاره الطبيه كمان عليكى وعلى حياتك كلها

ربنا يتوب عليكى وعلى المسلمين اجمع من كل المعاصي

داليا يقول...

____##########*________________________
__*##############______________________
__################_____________________
_##################_________**##*______
__##################_____*##########___
__##################___*#############__
___#################*_###############*_
____#################################*_
______###############################__
_______########ألف ألف ألف شكر######
________=##########################____
__________########################_____
___________*####################=______
____________*##################________
_____________*###############__________
_______________#############___________
________________##########_____________
________________=#######*______________
_________________######________________
__________________####_________________

عمرو يقول...

د. عباس الأول
بجد يعجز اللسان عن شكر حضرتك لمجهوداتك القيمه فى المدونه و تفصيل ما يجب تفصيله و تصحيح ما يجب تصحيحه ..
بارك الله فى حضرتك و زادك علما على علم و جعلم دايما خير عون للجميع ..

عمرو يقول...

عاوز أقول حاجه بعد اٍذنكم ..
لاحظت فى التعليقات و الرسائل الخاصه أن فيه كثير منها بيدور حول مواضيع معروف أنها محرمه دينيا و اٍجتماعيا مرفوضه أيضا و لا تتماشى مع الفطره السويه و المقوله الاٍجتماعيه الشرقيه ..
يعنى مثلا هل فيه حد النهارده مش عارف اٍن الوطأ فى الدبر حرام ؟؟
حد مش عارف اٍن العلاقات الشاذه حرام ؟؟
حد مش عارف أن التجاوزات الجنسيه فى فترة الخطوبه حرام ؟؟
حد مش عارف اٍن ممارسة الجنس الفموى مع سواقين الميكروباصات حرام ؟؟
حد مش عارف أن العلاقات الغير شرعيه حرام ؟؟
فيه أيه ؟؟
يعنى اللى بيسألوا هل أصيبوا بأمراض من جراء هذه الممارسات و بيتكلموا كده عادى جدا و كل خوفهم من اٍنهم يصابوا بالأمراض و مش خايفين من حاجه تانيه يعنى ده يتسمى أيه ؟؟؟!!!
الحقيقه اٍنى كده تكشفت لى حقائق بالتأكيد كانت غايبه عن ذهنى و بجد حاجه مرعبه !!!
لما كتبت البوست ده حبيت فقط أنى أذكر و أنبه الناس اللى بيأتوا مثل هذه الأفعال مفترض فيهم أنهم على بينه من أمرهم لكن العجيب أنه تبين لى أنهم أصلا مش عارفين هل الأفعال دى حلال و لا حرام و مسموح بها اٍجتماعيا و عرفيا و لا لأ !!!!
رمضان داخل يا جماعه و كل سنه و أنتم طيبين و تعالوا نخلص النيه لله عز و جل أننا نحاول ما أستطعنا نعبر للمولى عن عميق حبنا و اٍجلالنا لذاته و شكراننا لفيض نعمائه علينا بغير حدود رغم ما نقترفه و هو برضو صبور و كريم و عفو يحب العفو ..
ربنا معانا و يقوينا على شرور أنفسنا و سيئات أعمالنا ..

غير معرف يقول...

انا متزوج و زوجتى ترضع واسال الرضاعه من الزوجه اثناء الجماع حلال ام حرام و لو حلال ما الضرر الصحى لى او لها ؟

غير معرف يقول...

الرضاعة المحرمة يجب ان تكون فى سن الرضاع أفل من سنتين

الرضاعة بين الزوجين غير محرمة

لا توجد اى اضرار صحية من رضاعة لبن الام

بشرط ان لاينتهى الموضوع إلى انه يخلص لبن الطفل

تحياتى

غير معرف يقول...

مدونة جامدة و جريئة فتحية لاستاذ عمرو و بعبعه هانم.
فحوصات قبل الزواج مهمة قوى للعروسين و الناس مش مهتمة بها.
لابد من جعلها شرط اساسى لعقد القران.

مع اطيب تمنياتى.

غير معرف يقول...

فحوصات قبل الزواج اصبحت احد شروط عقد القران الان

لكن تحديد ما هى الفحوصات اللازمة قبل الزواج ما زالت محور خلاف كبير بين الاطباء

اغلب الفحوصات التى تتم الان لا معنى طبى ليها وغير مفيدة او غير عادلة


تحياتى


عباس الاول

غير معرف يقول...

السلام عليكم و رحمة الله
كل عام و حضرتك بخير يا استاذ عمرو رمضان كريم

انا متزوجه من ثلاثه سنوات وانا مش بأقصر فى حق زوجى ولاكن هو اصلا مش بيطلب منى حاجه الا قليل ودائما المبادره بتكون منى وهو حجته فى قله طلبه ليا انه مش فاضى للحاجات دى انا حاسه انى بضيع كرامتى كل مره بأبدء انا فيها اعمل ايه اجيبنى افادك الله

نورا يقول...

بعد التحيه
انوه ان الكشف الطبي قبل الزواج يتضمن
سجل التاريخ المرضي
الكشف السريري
تحليل الدم وأي فحوصات أخرى للكشف عن الأمراض المعدية: مثل التهاب الكبد الوبائي والأمراض الجنسية
فحوصات مخبرية للتأكد من صحة الزوجين وقدرة المرأة الجسمية على تحمل أعباء الحمل والإنجاب
ويمكن إجراء بعض الاختبارات مثل الأشعة الصوتية للإطمئنان على حالة الأجهزة التناسلية وسلامتها


ملخص الفحوصات المخبرية
فحص كريات الدم والهيموجلوبين والترسيب و الأنيميا المنجلية
وظائف الكلى والكبد وأملاح الدم
فحص فصيلة الدم
فحص الالتهاب الكبدي الوبائي والزهري
وأي فحوصات أخرى يراها الطبيب بعد استعراض التاريخ المرضي للزوجين وعائلتيهما

غير معرف يقول...

السلام عليكم ،،
أنا فتاة في العشرين من عمري
قبل سنة ونصف ظهر لي حبوب على الشفرتين ويبلغ عددها 9 تقريباً
لونها يشبة لون الجلد و بدون هرش
وهي صغيرة ،،
ولكن بدات أهتم بها كثيراً حالياً وأنا خائفة أنها تكون شيء خطير لان اخى له علاقات كتير مع بنات و يستعمل دورة المياه فى البيت ,,
فما العمل هنا ؟؟؟

غير معرف يقول...

الاخت العزيزة نورا

فى المملكة العربية السعودية يتم اجراء الفحص للمقبلين على الزواج لمعرفة وجود بعض أمراض الدم الوراثية (فقر الدم المنجلي والثلاسيميا) وبعض الأمراض العدية (الالتهاب الكبدي الفيروسي ب,سى / نقص المناعة المكتسب "الإيدز") وذلك بغرض إعطاء المشورة الطبية حول احتمالية انتقال تلك الأمراض للطرف الأخر في الزواج يتم التحليل مجانا

فى البحرين يتم إجراء فحص أمراض الدم الوراثية فقط يتم التحليل مجانا

فى مصر يتم إعطاء شهادة صحية للعروسين بعد توقيع كشف طبى ظاهرى يقرر فيه الطبيب انهم يصلحوا للزواج
بعض الاطباء يطلب من العروسين عمل تحليل سكر فى الدم وتحليل سائل منوى للعريس يدفع العروسين مبلغ يترواح مابين 20 جنيه إلى 200 جنيه حسب مكان اجراء الكشف

فى الولايات المتحدة الامريكية بيطلبوا ان يتم تطعيم العروسة ضد فيروس الجيدرى المائى الذى يمكن ان يسبب تشوهات الاجنة إذا حدث اثناء الحمل

ملحوظات عامة

تحليل ال VDRL الخاص بمرض الزهرى الذى يتم عمله مع العلم ان مرض الزهرى اصبح منذ فترة نادر الحدوث فى مصر

لاتوجد اى تحليل او اشعة لدى المراة تستطيع ان تقيم الحالة الأنجابية لها مثلما يقيم تحليل السائل المنوى الرجل
فينتهى الموضوع إلى وضع الرجل فى موقف غير عادل امام الزوجة يعنى بطريقة مبسطة لنعرف كلنا احنا نستطيع الانجاب او لا نعرف خالص

الأمراض الوراثية كثيرة جدا ويصعب فحصها كلها وايضا الكثير من هذه الأمراض ليس لها تحليل لكن فى حالة وجود مرض وراثى فى العائلة يمكن ان نجرى الفحص الخاص به مع معرفة احتمالية الانتقال للطفل

واحنا بندور على الامراض المعدية خلينا نفكر براحة

حضرتك ذكرتى الالتهاب الكبدى الوبائى بى وهو مرض يمكن ان ينتقل بين الزوجين عن الطريق الجماع بس المرض ده فيه ميزة ان ليه تطعيم ممكن الطرف التانى ياخده فلا تنتقل العدوى

زى ما انا كتبت السعودية بتعمل الايدز و ده مرض مهم وملهوش تطعيم ونسبته فى مصر اكبر من الزهرى مثلا

الالتهاب الفيروسى سى مرض لاينتقل فى المعتاد عن طريق الجماع لكن فيه فرص ينتقل فى حالة التعرض لدم المريض هل يتم عمل هذا التحليل فى مصر التى تعتبر من اعلى نسبة اصابة فى العالم

الفيروسى الحلمى الورمى لو عند الزوج ممكن يوصل الزوجة لسرطان عنق الرحم نختبره ولا لأ مع العلم ان ليه تطعيم مكلف جدا

عمل جميع التحاليل و الاشعات للتاكد ان صحة العروسين سليمة تماما سيكون مكلف جدا فوق طاقة اغلب الناس

فيه نقط اخرى بس مش عايز نشغل البوست بتعليق خارج الموضوع

تحياتى

عباس الاول

غير معرف يقول...

ما الامراض الممكن تنتقل بواسطة القبلة و واحد من الطرفين مش يستعمل فرشاة الاسنان و المعجون؟
هل نزع شعر العانة للبنت يحفظها من البكتريا خاصة فى الصيف؟

تقبل مرورى

غير معرف يقول...

دة اشاعة على الخصيتين تفسيرها اية
theright .theleft testis seen intra -scoratal with noevidences of cysticor solid mass

right testis =35.9mmx2302mm

.left testis =37.1mmx23.1mm
no evidences of hydrocele seen

x dilated tortous leift side pampini from plexus of veins of caliber=2.9min left side
showing reversed flow on straining proved by color boppleri
study conclusion

غير معرف يقول...

theright .theleft testis seen intra -scoratal with noevidences of cysticor solid mass

right testis =35.9mmx2302mm

.left testis =37.1mmx23.1mm
no evidences of hydrocele seen

x dilated tortous leift side pampini from plexus of veins of caliber=2.9min left side
showing reversed flow on straining proved by color boppleri
study conclusion

mlid left varicocele

غير معرف يقول...

الاخ العزيز صاحب اشعة الخصية

يظهر التقرير انك تعانى من دوالى متوسطة على الجانب الايسر

لو كانت مصحوبة بتاثر تحليل السائب المنوى يمكن عمل عملية الدوالى للناحية اليسرى

تحباتى

عباس الاول