السبت، 24 أكتوبر، 2009

نصائح للرجال


بداية احب اقول لدكتور عباس الاول نووووورت البلوجر ونورت المدونه

عشان احنا بقى لقيناه رجله مش عايزه تيجى ابدا فى البلوج ويعمل مدونه اضطرينا ناخده عنوووووه ونضمه لفريق المدونه عشان يفضل منورنا ان شاء الله طول
ومتشكره اوي لك يا دكتور عباس يا منورنا

نيجى بقى لموضوع النهارده

كنا اتكلمنا قبل كده عن نصائح للستات تقدر تحاول بها انها توصل لتوافق

الحقيقه هو الطرفين تقريبا مطالبين بنفس الحاجات بس انا فى النصائح دي باتناول النقط الاكثر اولويه والى كمان الطرف المقصود بالنصيحه بيكون غافل عنها احيانا

بمعنى ان النصائح الى انا هاقولها النهارده للرجاله هى كمان برضه للستات بس تاتي فى الاولويه بعد النصائح الى انا قلتها للستات المره ا لى فاتت

وكمان العكس
الى قولناه للستات ينفع برضه يكون للرجاله بس بعد الى هانقوله النهارده

اهم تاهو مني ومش فاهمين حاجه

طيب خلاص ركزوا بقى نقول للرجاله كلمتين يحطوهم حلقه فى ودانهم

اولا : اعرف ان الست اهم عضو جنسي عندها هو دماغها . ايووووووه اثر انت على دماغها يبقى كله تمام بعد كده

بمعنى لازم تكلمها تعرف افكارها من ناحية الجنس (ما تكونش عندها عقد نفسيه مركبه من الى عند تسعين فى الميه من بنات الشعب بسبب تربيه خطأ او غيره)

وبمعنى انك تقول كلمه حلوه وتحسسها بانوثتها قبل ما حضرتك تحس بفحولتك اثناء العلاقه

ثانيا : ما تستعجلش بالراحه من فضلك
سواء ان كنت عريس جديد ولسه مكسوفين ومش عارفين السما من العما (مهما كنتم فتكين برضه مش عارفين مش عايزه فزلكه ) وطبعا حاول تفهم ان العروسه ما ينفعش تنفذ عليها ال 500 فيلم الى انت شوفتهم يا بطل . ما ينفعش اصبر وواحده واحده قدامك 30 سنه وجايز 50 انت وظروفك بقى
جرب فيهم كل حاجه بالراااااااحه يا معلم

ولو كنت مش عريس جديد ومتجوز بقالك خماشر سنه بس طلعت فى دماغك تغير حياتك
انت بقى مش بالراحه لااااا انت سلحفاه ماشيه على الارض
خد بالك انت هاتهد جبل من الجليد اتبنى بينك وبين مراتك لو سيحته مره واحده هاتغرقوا فيه
وجوه الجبل ده بقى فى كل سيخ حديد واخوه ( اه غباوات من الطرفين متراكمه ومرشوقه فى حياتكم )
يبقى برضه واااااااااحده واحده ما تتخيلش الى بنتوه فى عشر سنين مثلا تهدوه فى يوم ولا شهر حتى

ثالثا : نقطة اشتكت منها ستات كتير ان لما كون زعلان مع مراتك من فضلك بلاش تجامعها الا لما تتصافوا لان ده بيجرحها جدا . وتبدأ كتاكيت بقى تلعب فى دماغها ( ده كل الى يهمه السيكو سيكو ده بيعاملنى كانى جاريته ده مش معبر احساساتي .... والخ الخ الخ )

وطبعا هذه الكتاكيت ينتج عنها تصرفات غبيه منها يقابلها تصرفات اغبى منك ونبدأ فى سلسلة غباوات بقى تبوظ الدنيا كلها
انا عارفه ان فى رجاله احيانا بيعتبروا ان العلاقه نفسها هى الصلح ودي حاجه ما قابلنيش ولا واحده ست بتقبلها
جايز فى وانا ما اعرفهومش

رابعا : الخجل خلينا نقول ان اكتر الرجاله بيكون عندهم استعداد اكتر لكسر الخجل وساعات بيبقى ما عندهمش منه خالص مش مشكله
انما مواجهه بقى خجل الزوجه يا افاضل بالرااااااحه بالهدوء وبالصبر

قبل ما تفكر انت ازاي تتجرأ علمها هي تتجرأ عليك بس وهى فى حضنك مش بالعصايه
ما تبقاش فظ
تجرأها على ايه ؟
جرأها على التعامل معاك جسديا بالراااااحه وواحده واحده جرأها تتكلم وتحكيلك عن خبراتها وما كانت تعتقده وعن احساسها
وابدا انت واتكلم عن نفسك وهى هاتعمل زيك شجعها دايما تقول وتقول وتقول

اتكلموااااااااااا


خامسا : خليك واثق فى نفسك وبلاش الهسهسات المختلفه الى بتكون عند الرجاله من يوم ما يتولدوا بسبب نخع الرجاله على بعض والفرجه على الافلام الاباحيه المبتذله

خلينا لما يبقى يقابلنا مشكله نبقى ندور على حلها مش نتوقعها اوانطه ونخسر ثقتنا فى نفسنا
وفى نفس الوقت لو عندك مشكله روح عادي اتعالج مش عيب ولا حاجه والله

وحاول تتعلم وتقرا واعتبر نفسك انت مايسترو الموقف كله على الاقل مؤقتا


سادسا : اعمل حسابك انك متجوز كتله من العقد النفسيه تابعه للعمليه الجنسيه ( ده غالبا ) فى مجتمعنا كمصريين بالذااااات البنت دماغها بايظه خالص من ناحية الجنس سواء التربيه من الاهل
او الافكار الى اتساقتها من الاعلام وحرية المرأه والحب الافلطوني والماديه البشعه وهذا الهبل الي ملوا بيه دماغ الخلايق
فبراحه كده وحاول الاقناع بالدين والعلم والعقل وقبل ده كله بالحب

سابعا : الحب
الرجاله ممكن يعملوا علاقه جنسيه من غير حب من غير ما ياثر ده على نفسيتهم
الستات غالبا (مش دايما ) الوضع ده ما ينفعش معاهم حط ده فى اعتبارك لو سمحت
والحب ما ينفعش يبقى افعال بس يا اخينا والكلام بتاع مش محتاج اقول عشان تعرفي

لا بقى محتااااااااااج


وكفايه كده اوي عليكم انا طولت عليكم اوي

والى يحب يزود حاجه يتفضل يزود

يا ستات قولوا الى فى نفسكم عشان الرجاله يسمعوكم

هناك 54 تعليقًا:

هـــدية يقول...

يسلم فمك يا بعبعة
أهو ده الكلام
أقول أنا بقى ع اللي في نفسي
نفسي النسب تتقارب
يعني ما يبقاش تفكير الراجل في الموضوع ده 100 % - 200 % والست 0% -20 %
وده ييجي بإن الراجل يقلل شوية من اندفاعه المادي ويستدرج مراته لغاية ما يبقى هو 70 وهي 50 % والدنيا تبقى جميلة

تاني حاجة بقى
الست بتكون قاعدة لا بيها ولا عليها كده ومش بتفكر في حاجة خالص
لكن لو جه الراجل بدأ يلمسها ويفتح عندها حنفية المشاعر وهو عنده القدرة إنه خلاص ما يكملش الست بتتعب جدا بجد ومش بتقدر زي الراجل كده توقف اندفاع مشاعرها اللي بسلامته حركها بعد أن كانت في سبات عميق فياريت الرجالة تنتبه للموضوع ده

د.عباس الاول يقول...

الاخت العزيزة بعبه

بوست جديد اكثر من رائع لتقريب وجهة نظر النساء والرجال تجاه العلاقة الزوجية

تحياتى

د.عباس الاول يقول...

الأخت الفاضلة هدية

بصراحة التعليق بتاعك هدية فى حد ذاته

لأنه بيبن لينا اد ايه سوء التفاهم وعدم المعرفة بطبيعه العلاقة الجنسية عند الرجل والمرأة بيسبب مشاكل مستعصية

لا يوجد اى مبرر لرجل فتح حنفيه المشاعر لدى الزوجة انه ميكملش غير سببين

الاول حدوث مشكله فى حدوث او استمرار الانتصاب

ثانيا حدوث سرعه قذف

محدش بيعمل كده علشان يقول لمراته انا جدع او علشان يقرفها فى عيشتها

الرجل بيبقى فى موقف لا يحسد عليه

طبعا الحل السحرى انه يكلم مع شريكة حياته

بس اى رجل مصرى اصيل يعرف ان الحديث عن حاجة تمس فحولته ومع مراته بالذات تبقى نهاية العالم

تحياتى

غير معرف يقول...

موضوع جميل بجد
استفدت كتير منه

جزاكى الله فيكى ياافندم

top

hasona يقول...
أزال المؤلف هذا التعليق.
زينب يقول...

تسلمى يا بعبعه على البوست الرائع و قد شجعنى على عرض مشكلتى و عذرا لطولها
اعاني من مشكله ولا ادري مالحل ومحتاجه استشاره لان الحيره اتعبتني
انا عمري 27 سنه متزوجه من 3 سنوات وبعد شهر راح ادخل في رابع سنه .. زوجي عمره 34منذ ان تزوجنا الاحظ عليه عدم الرغبه في الجنس مهما لبست وتجملت واذا حدث بيننا اتصال لايستمر الانتصاب ونتوقف فأقول له لابأس المره الجايه ان شاء الله وكنت افكر انها ربما صدمه بدايه الزواج كماسمعت ان بعض الازواج يصابون بالضعف في اول شهر ثم تتيسر الامور ولكن استمر الامر لمده سته شهور وعندما ذهبت لطبيبه نساء لاني اعاني من التهابات قالت ان الغشاء لم يتمزق بشكل كامل وان الرحم مازال ضيق وانا خجلت من ذكر السبب فأعطتني كريم مزلق للجماع ومرت الشهور وكملت سنه وراجعتها لاني اعاني من الاتهابات وعندما ذهبت وجدت ان الرحم مازال ضيقأ وكأني في اول زواجي وليس لي سنه فقالت اعتقد ان الجماع غير كامل فقلت نعم فقالت هل ذهب لطبيب فقلت لا هوا لايعتقد ان فيه شي فقالت اذا هوا لم يشعر ان فيه مشكله من سيشعره .. فقلت لها لاادري ماذا افعل ارجو ان تكلميه فكلمته الطبيبه وقالت انه محتاج للكشف عند طبيب جلديه وتناسليه لاني اعاني من التهابات وربما كان يعاني منها وهي سوف تخبر الطبيب ان يكشف عليه كشف كامل وفعلا كلمته وذهب للطبيب وعندما كشف عليه اخبره انه يعاني من ضعف جنسي وضعف في الحيوانات المنويه وبدأ في العلاج وذهب لاكثر من مستشفى وجرب الابر والحبوب ومنهم من قال له ان لديه ضعف في هرمون التسترون .. وهوا يعاني من السمنه والضغط وحاول يعمل رجيم ويشترك فنادي ولكن لافائده وهوا ايضا خجوول جدا ولديه جهل في امور كثيره تخص الجماع والاوضاع حاولت رغم ان لديه جهاز الكمبيوتر ولكن لايبحث ولايقرا في هذا الموضوع لان ليس لديه رغبه
وهوا يعاني من اضرابات نفسيه فقد كان والده شديدا عليه في صغره فهوا صامت دائما لايتحدث حتى مع اخوته واخوانه ولا يتحدث معي الا بكلمات بسيطه هوا طيب وكريم ولكن انا اريد حق الله فأنا لا اشعر اني متزوجه ...وحاولت طوال الثلاث سنوات ان احتويه واحاول معه بكل الطرق وصبرت وحاولت والان انا عند اهلي وقلت له اعطيك فرصه سنه تحاول تنحف وتشوف حل او ننفصل ولكن هوا يحبني ولا يريد الانفصال وانا اشعر ان نفسيتي محطمه وهوا يحاول ان يعوضني عن حقي الشرعي بتلبيه كل رغباتي ولكن طوال الثلاث سنوات لم اشعر انها تغنيني عن شعوري كأي انثى وشعوري بأنوثتي واني متزوجه فأنا اشعر كأنه اخي وليس زوجي مايقدمه لي كان موجودا فبيت اهلي ..
اشعر بالحيره هل استمر معه هل هناك حل لمشكلته فهوا تجتمع فيه مشكله نفسيه وعضويه لايهتم للجنس ابدا واللقاء بيننا يكون في الاسبوع مره وربما تنجح وربما لا والاغلب لاتنجح لان ان كان في انتصاب بسبب الادويه فهوا لايستمر وان استمر لاتكون الطريقه صحيحه بسبب جهله او سمنته ان تم فهوا لاينزل يعاني من عدم الانزال كميه السائل عنده قليله .. فأنتظر الاسبوع القادم هذه حياتي لا ادري مالحل الصحيح ارجوا مساعدتي والرد علي

بعبعه يقول...

هديه

تماما هو ده قصدي من البوست ده والبوست بتاع النصائح للستات

عايزه المسافه بينهم تقرب

والدنيا تبقى جميله يا هديه يا جميله

بالنسبه لتاني حاجه بتاعتك

يعنى انا باستبعد انه بيعملها غلاسه يعنى
هو حاجه من اثنين
يا اما زي ما قال دكتور عباس بيحصله مشكله وده يبقى محتاج منك بقى قرب منه اوي وتحاولي تعرفي المشكله وتشجعيه على علاجها مثلا

او انه سوء تفاهم بسبب قلة الكلام بنكم
يعنى ممكن يكون بعد ما فتح الحنفيه صدر منك اي حاجه خلته اعتقد انك مش عايزه فبطل وبكده يكون هو تعب وانتى تعبتي
فاهمه ؟؟
حاولي تتكلمى معاه اكتر وتقربي منه اكتر

بعبعه يقول...

توب

متشكره اوي يا توب ربنا يوفقك ان شاء الله

بعبعه يقول...

زينب

حيرتينى يا زينب ووجعتي قلبي

طبعا من حقك يا بنتى تعيشي حياه طبيعيه ما حدش يقدر يقولك غير كده

وانتى بتقولي ادتيه مهله سنه يتعالج

انا رايي تستنيه سنه بس وانتى معاه مش وانتى عند اهلك

وبعد كده يا امساك بمعروف يا تسريح باحسان

ويبقى كده انتى عملتي الى عليكى

وبرضه القرار دايما راجع لكى

لكن انتى صغيره وصدقينى لو حتى رضيتى دلوقتي بالوضع ده المشكله فى الى بعد كده هو نفسه مش هايقبل الوضع وهايعملك مشاكل وقرف كتير

وبرضه استخيرى ربنا والقرار راجع ليكى

واستنى تسمعي راي الدكتور عباس فى حالته الصحيه
وراي عمرو وراي الناس كلها الى ممكن تشارك

نورتي يا زينب وربنا معاكي

كوكو يقول...

يا جماعة اعتقد الحب بين الطرفين هو المثير الاول لو الحب وفير كل طرف هيكون عايز يلتهم الثاني بحبه ويشبعه جنسيا

بعبعه يقول...

كوكو

ما قلناش حاجه نحب

بس الحب ده مش كائن هلامي لا ده حاجه المفروض نحافظ عليها ونلتمس لها الطرق عشان تعيش وتكبر

بعبعه يقول...

د. عباس

متشكره اوي ومنورنا ومستنين ردودك بقى

ঔღঔ نـــوارة ঔღঔ يقول...

بووست جامد

ونصائح في الجووون

باحييكي على النقاط الهامة

وبحب ازيد في بداية الزواج بلاش اتهام الزوجة بالبرود كلمة باردة مزعجة وممكن تعقدها لازم يتفهم مشاعرها ويعودها على التاقلم للوضع الجديد و يراجع نفسه كمان يمكن تكون المشكلة بسبب تعامله الجاف او حاجة :)

بالتوفيق ان شاء الله

غير معرف يقول...

دا اول موضوع اكتبه وللاسف مشكله تعذبنى
كان نفسى تكون البدايه احسن من كدا بس الظروف بقى
انا عندى مشكله كل ما اركب المواصلات او اى عربيه
الاقى قضيبى ينتصب بدون اى مبررات حتى لو نمت فى العربيه الاقيه هو صاحى
بجد والله دا اللى بيحصلى وبيكون شكلى وحش اول ما بنزل من العربيه
لانه بيكون ظاهر من البنطلون بضطر اداريه بأيدى او بأى حاجه معايا
وبمجرد انى انزل من العربيه وامشى دقيقه يرجع للارتخاء
انا بصراحه مش عارف دا من ايه
وهل دا مرض ؟
ولو مرض علاجه ايه؟
ارجوا الافاده

فيلسوفة يقول...

الى الاخت زينب
عن جد فلقتى قلبى حبيبتى
انا ما بعرف الاسباب ولاشي عن حياتك وعن شغلك وظروف جوزك
ممكن يكون العيب منك
ولكن حسسيه بالحنان
بالحب
اجعليه هو من يطلب
فلا تطلبى العلاقة منه
دون رضاه
سيكرهها اكثر
اصهرى معه شى صهرة جميلة في مكان جميل
اوريه اي اثنين حبيبين
من الاقارب من المعارف
طلبى منه ان تعيشا قصة حب
لو فعلتى زلك اكيد سيتغير الوضع
انتى نفسك ستنسي هذة الايام
وستنسي هذة المشكلة
التي بها فهي تشغلك لذلك
تحبى اقامت العلاقة باستمرار
لكي تنهي المشكلة
ارجو ان تصبرى عليه
مع خالص تحياتي
فيلسوفة

بسام يقول...

لو تسمحو يا شباب

انا عندي شوية استفسارت محيرين تفكيري وعاوز الحلول لهم عشان ارتاح
انا عمري 18 سنة وما ادري هل اعتبر انه من المفرض اني اكون اعرف الاجابات ولا انا اسة صغير وحعرف بعدين
بس الان مش عاوز حد يقلي لما تكبر حتعرف لاني حتجنن لو معرفتش

وارجو انكم متخذوش الموضوع الى محمل السخرية

1 هو المهبل فية كام فتحة وكل فتحة وضيفتها اية
2 هي الست لما تمارس العادة السرية بطريقتها يخرج منها اي سائل ولا بس ناشف ولوكان يخرج كام الكمية يعني زي الي يخرج من الرجال ولااكثر ولا اقل ولما يخرخ هل يخرج يطير زي الرجال ولا يسيل على جسمها بس
وعندما تمارس الست العادة السرية وهي لسة فيها غشاء البكارة من فين يخرج السائل ولا هو مبيخرجش من مكان دخول القضيب
3 هل الست لما توصل لمرحلة المتعة هل تشعر بنفس الي يشعر فيه الرجال ولا اقل ولا اكثر وايش تحس
4 بعض الصور الي شفتهم عن المهبل اشكال كثير في مهابل تيجي صافية وفي مهابل يخرج مها قطعة زيدة وبعض المهابل فيها زي اصابع تخرج منها
5 انا سمعت عن ختان الاناث انه يقطعوا حاجة من المهبل ماهي هذه القطعة لوماذا يقطعوها
6 اكثر من واحد يقلي انه في المهبل من الاعلى حاجة تشبه الاصبع وانها تكون نايمة ولما تهيج الست تنتصب وتصبح بارزه للخارج زتمت دورتها في كل الصور مالقيتها

كان في معي اسئلة اكثر بس نسيتهم الان لاني لقيت المدونة هذى بالصدفة
بس رح اطرحهم في مره قادمة

ارجوكم يا شباب تجاوبو على اسئلتي بصدق ومش عاوز اي هزار او ضحك او كذب

وما تجاوبوش علي بسخرية
يا رب الى يسخر منى يجيه حساب عسير

وشكرا..............................

غير معرف يقول...

الف مليون شكر يا بعبعة
وانا دخلتى يوم الخميس الجاى بس انا اول مرة اعمل كدة فى حياتى وهى كمان انا اول مرة امارس جنس بحياتى انا عندى 26 سنة هل ممكن يكون عندى سرعة القذف وما الوقت المفروض انى اخدة اثناء المعاشرة ليلة الدخلة وهل لازم اجيب الجل الى اسمة كى جل وياريت يا جماعة تنصحونى لانى مليش خبرة واحتميت بيكوا ارجوكم لا تخزلونى

كارهة الرجال يقول...

الرجال مخلوقات شهوانية لا تفكر الا فى اللذة الجنسية فقط
و النساء مخلوقات مغلوبة على امرها امام جبروت الرجال الفظيع
و من عاشر المستحيلات تقريب وجهات النظر بين الطغاة و المساكين
دا رايى و انا حرة فية

د.عباس الاول يقول...

الاخ غير المعرف

بعض الاحيان يحدث ذلك نتيجة الحركة المنتظمة للعربة او نتيجة اقترابك من الجنس الناعم

قد تساعد الملابس الضيقة على زيادة الاحتكاك ايضا

حول تجنب تعرض نفسك للاثارة

من المفترض ان هذه الحالة ستتحسن بعد الزواج


تحياتى

د.عباس الاول يقول...

الاخت زينب

اسهل ما فى قصتك هو نقص هرمون الذكورة

لأن بسهولة يستطيع الطبيب أن يكتب له علاج هرمونى تعويضى

واعتد ان اغلب الاطباء قاموا بذلك

زوجك يعانى من حالة ضعف الرغبة

الاغلب لاسباب نفسيه

واهم ما تحتاج إلى ان يكون عنده رغبة وإرادة للعلاج بدون هذه الاراده لاعلاج


تحتاجى ان تجلسى معه فى جلسة مصارحة طويلة تضعى النقط فيها على الحروف

ان هناك حالة مرضية تحتاج إلى تدخل طبيب مع مواظبه على العلاج مع تنظيم للعلاقة الزوجية

فاما ان يكون على مقدار المسئولية والرغبة فى الشفاء

او انك فى حل فيما تختاريه فى حياتك

على ان تقبلى باختيارك

تحياتى

د.عباس الاول يقول...

الاخ بسام

هو انت مانع من السخرية بس على الاقل مسموحلنا بالابتسام


انا اول مرة اشوف مهابل بالطريقة إلى انت مصورها

المهبل هو قناه عضلية توصل ما بين الفرج والرحم

اعتقد انك تقصد الفرج وليس المهبل

توجد فتحة خارجية للفرج وبالداخل هناك فتحتين فتحة لقناة مجرى البول وفتحة المهبل مغطاة بغشاء البكارة

ينزل إفرازات طبيعية للمراة مع الثارة الجنسية سواء مع الجماع او العادة السرية

وهى تنزل كإفراز من جدران المهبل خارج وداخل غشاء البكارة

غشاء البكارة توجه به فتحة صغيرة لمرور دم الحيض والافرازات الانثوية

ختان الانثى يتم بقطع البظر او جزء منه

والبظر هو ماتقصده بالاصبع خارج المهبل

انا طبعا مش عارف انت بتشوف صور ايه ولا فين بس البظر فى حجم حبة الفول الصغيرة

واخيرا متعه المراة تشبه كثيرا متعه الرجل وتمتاز انها قابلة للتكرار بدون فترة خمول

تحياتى

د.عباس الاول يقول...

الاخ غير المعرف صاحب مشكلة ليلة الدخلة

يمكن ان يكون معك الكا واى جيل على سبيل الاحتياط فى حالة كانت الزوجة متوترة واثر ذلك على نزول الافرازات الطبيعية التى تحدث فى حالة الاثارة الجنسية

ويعتبر وجودها ضرورى لحدوث العلاقة الزوجية بدون الم

اهم نصيحة فى ليلة الدخلة الهدوء ومحاولة التقرب من الزوجة بأسلوب عاطفى

فى النهاية الجماع الناجح هو عبارة عن ممارسة لما بينكم من حب

بعد ذلك كل شئ سيكون تلقائيا

تحياتى والف مبروك مقدما

منجورى يقول...

بوست ممتاز و رائع و خطير كما عودتنا بعبعه
بس اضيف ان بعض الازواج لا تكمل المتعه لهم الا بالجماع من الخلف و هذا حرام
فهل الجماع الخلفى ممتع للنساء ام ان المتعه تكون من طرف واحد وان كان ممتع هل حجم العضو وطوله يؤثر في المتعه الجنسيه ارجو الافاده وتقبلو حبي لكم جميعا mengory@yahoo.com

بعبعه يقول...

نواره

متشكره يا نورا وربنا يكرمك

وطبعا عندك حق

بعبعه يقول...

غير معرف

بتاع المواصلات

الدكتور عباس رد عليك

وشكرا على متابعتك

بعبعه يقول...

فيلسوفه

متشكره على متابعتك لينا وتفاعلك مع زينب ربنا يصلح احوالها يارب

بعبعه يقول...

بسام

يا باشا احنا مش بنسخر من حد ابدا
احنا اصلا اصلا عاملين المدونه دي عشان الى مش عارف يعرف بشكل محترم وعلمي واخلاقي

بس مافيش مانع اني ا ضحك على حكاية كام فتحه
ههههههههههههههههه

عندك مانع
هههههههههههههههههه

د عباس بنفسه رد عليك يا باشا
نووووووورت

بعبعه يقول...

غير معرف الى فرحه يوم الخميس

مبرووووووووووووووك اولا

ثانيا والنبى ابوس اديكم بلاش الهواجس بتاعة سرعة القذف والكلام ده

اعظم كلمه قالهالك الدكتور عباس

هى ممارسة حب

حببببببببببب

وما تقلقش ما دام انت متابع مدونتنا من الاول هاتمشي كويس
ههههههههههههههههههه
نورت

بعبعه يقول...

كارهه الرجال

لا طبعا انتى غلطانه

مش عارفه انتى شوفتي رجاله فين ولا شوفتي منهم ايه

لكن طبعا انتى غلطانه مش كل الرجاله كده طبعا

ما يمنعش ان فى رجاله عايزه ضرب النار
لكن كمان فى ستات عايزين ضرب النار برضه مش ملايكه احنا

بعبعه يقول...

منجوري

احنا عملنا بوست كامل على الجماع بالدبر

وهاتلاقيه هنا

http://b3b3a.blogspot.com/2009/08/blog-post_15.html


اقراه واقرا الردود هاتلاقي فيه كل رد على سؤالك

بعبعه يقول...

د عباس منورنا ومتشكره لك

غير معرف يقول...

انا متزوج من فتاة جميلة ولكن حياتنا الجنسية باردة وخاصة أنه سيطرت على تفكيري ادخال شىء من الاثارة بحياتنا
طبعا لم اقل لها لأني شبه متأكد انها هترفض ويمكن تكون ردة فعل عكسية
و عايز طرق توصل لها ما اريد بدون ما تحس اني انا ورا هذا
بصراحة مش عارف
ممكن تساعدوني؟

بعبعه يقول...

الغير معرف الاخير
من فضلك تبقى تمضي باي اسم اكلمك به

بالنسبه لكلامك بقى
انا ما فهمتش انت عايز ايه بالظبط

وبعدين انا عملت بوست طويل عريض بانصح فيه الرجاله وبعدين انت تقول كده

اولاتطبق الى فى بوست وتفكر
تشغل دماغ

ايه ممكن ياخد قلب مراتك ودماغها

اهم حاجه يا باشمهندس تربط دماغها

اعملها مفجأه حلوه بمناسبه او بغير مناسبه
بس بمناسبه تبقى احلى تحين الفرص

طقم حنيه وبوس ايادي من الى هو ضحك على الدقون مافيش حاجه عادي مسموح
هههههههههه

وخد البوست ده جايز ينفعك

http://b3b3a.blogspot.com/2009/04/blog-post.html

دولا يقول...

بعبعه حبيبتى متشكرة على البوست الحلو ده اخر حاجة يا ريت زوجى يقراه
انا متزوجة منذ 3 اعوام و سعيدة مع ذوجى و ابنى و لكنى لست سعيدة فى حياتى الجنسية . فانا احب الجنس جدا و لكن اجد ان زوجى فقد الرغبه فاصبحت الممارسة مرة او مرتين فقط فى الشهر فماذا افعل كى اجعله يرغب فى الممارسة مثلى فانا جربت كل شىء معه بلا فائدة
و متشكرة لردك

بعبعه يقول...

دولا

دائما وابدا هافضل اقول للستات
اتكلموا
اعلنوا عن رغابتكم ولو بالاشاره اليها

يعنى مش لازم تقوليله قدامي ياض نعمل سيكو سيكو

لكن يعنى اللبيب بالاشاره يفهم

وحسب لبابة جوزك بقى تتقلي الاشاره وكده

المهم انا رايي انك تعلنى عن رغبتك دي

الاعلان عن رغبتك دي لواحدهامن شأنها تحثه وده لو الامور طبييعيه


وشوفي البوست بتاع نصائح الستات كده الاول


وبعدين اتكلمي اتكلمي اتكلمي

ولو لقيتى مافيش فايده كلميه صراحة انك محتاجه تكرار العلاقه اكتر وبعدين ما فيش فايده يبقى لازم دكتور

ممكن تقنعيه بزيارة دكتور لاي سبب

وابقى طمنينا عليكى

سحر يقول...

شكرا للبوست و المدونة كلها و ربنا يكرمكم .... عندي استفسار بسيط ....

كيف أخلي البظر عندى كبييييييييير ؟؟؟ لأنه صغيييير ونفسي يكون بارز !!!!!!!
خايفة زوجى فى المستقبل يدايق و مش يحب كذا ... إذا فيه طريقة للتكبير قولو لي

بعبعه يقول...

سحر

صغير ازاي يا بنتى

هو اصلا بيكون فى حجم حباية الفول مثلا زي ما قال د عباس

انتى مالك وماله سبيه فى حاله كبير صغير مالكيش دعوه بيه

وجوزك يضايق من ايه مش فاهمه انا ؟؟؟
انتم بتفكروا تفكيرات غريبه يا ناس والله
:)
نورتي يا سحر

غير معرف يقول...

الى بعبعه

بيعجبنى قوى تعليقات ورد حضرتك
بجد مفيده

حلو اوى تعليقك على الانسه اللى اسمها سحر اللى عايزه تكبر البظر

ايه الناس دى وايه اهتمامتهم الغريبه اوى دى

شوشرة يقول...

يا دكتور اريد مجاوبتي بكل صدق وصراحه

هل الزوج اذا كان سالب يقدر يخلي المراة تحمل؟

مع العلم انه يقذف فيها


وهل الحمل يحدث بسبب كثرة الحيوانات المنوية ام بطول القضيب ام بطول الممارسة.؟؟؟؟ ارجو كم تفيدوني بسرعه الله يخليكم

نورا يقول...

مدونة خطيرة و بوست فى الجون
واضح انك خبيرة فى العلاقات الزوجية يا استاذة بعبعة
احييكى كثير التحية

نورا

د.عباس الاول يقول...

العزيزة شوشورة

برجاء توضيح ما معنى ان الزوج سالب


الحمل يحدث بتوفيق من الله سبحانه وتعالى

حدوث الحمل يحتاج إلى وضع اكثر عدد من الحيوانات المنوية النشيطة بقرب عنق الرحم

تحياتى

بعبعه يقول...

الغير معرف

انا مش باسخر من اهتمامها معاذ الله

انما باستغرب بس ليه عايزه تكبره مش فاهمه
وعموما انا هنا دايما عشان اسمع اي حاجه عايزين تقولوها

بعبعه يقول...

نورا

متشكره ليكى

انا باجتهد عشان افيدكم بصرف النظر عن خبراتي الشخصيه ياريت دايما تحطوا ده فى اعتباركم

شكرا ليكى

ساشا يقول...

المزاج اهم حاجه المزاج
لو بال الاتنين ولا حد فيهم مش متظبط مزاجه هيبقى النفور بينهم اكيد
مش انصح بممارسة الجنس فى الوقت دا و الصبر لحد ما المزاج يجى
المزاااااااااااج

غير معرف يقول...

الحب+التفاهم+طاعه الله=حياه اجمل ما فيها انها حياه

غير معرف يقول...

عندى مصيبة فى حياتى و هى زوجى الذى يصر ان لا انظف جسمى مثل كل الزوجات
و الله مكسوفة بس فاض بى خلاص
هو يحب الشعر حتى اصبح شكلى مقرف و فى الصيف على وجة الخصوص و لو نزعتة يبعد عنى و انا قرفانة من كل شىء و مخنوقة
من فضلكم حل ارجوكم

بعبعه يقول...

ساشا

ما قلناش حاجه المزاج

بس فى ناس لما بيجى المزاج حتى ما بتعرفش تطبق كويس

والسؤال بقى

امته نعرف نخلللق المزاج ده ونعززه

بعبعه يقول...

غير معرف

الى مش كاتب اسمه وهاتجنوني

حب وتفاهم وطاعة الله

حلو اوي الكوكتيل

بس ايدنى سر الخلطه المكونات لواحدها ما تنفعش

بعبعه يقول...

غير معرفه الاخيره

يا لهوي عليكى

مصيبه ؟؟؟ الى هذه الدرجه
ههههههههههههه

ماتكبريش الموضوع

خليكى عاقله ابوس اديكى

مش عايزاكي تبقى قرفانه من نفسك كده اوي

فرضا هو بيحبك كده وانتى مش حابه كده

اوصلوا لطريق وسط

يعنى مثلا تقصري الشعر بس مش تشيليه خالص

وليكن ذلك قبل معاد الدوره الشهريه بتاعتك على طول بالتالي على ما تروح يكون الوضع اتغير

وهكذا

شويه تفاهم بينك وبينه وما تبقيش قرفانه من نفسك بليز

الموضوع مش مصيبه ولا حاجه
خليكى عاقله وخدي الامور ببساطه

غير معرف يقول...

الى الزوجه التى تصف زوجها بانه مصيبة فى حياتها

حرام عليكى تصفى زوجك شريك حياتك و ابو ولادك بانه مصيبه لمجرد حبه لشىء بسيط يطلبه منكى!!!!
يعنى لو مش يلقى الحاجه ديه عندك يلقاها فين؟؟؟؟ توصفى زوجك انه مصيبة عشان شوية شعر؟؟؟؟

غير معرف يقول...

انا متزوجة وامارس العادة السرية كلما تذكرت وجه اى رجل كبير
انا مريضة

بعبعه يقول...

غير معرف الى قبل الاخير

يا ناس اكتبوا اسم اكلمكم به

هى ما قصدتش ان جوزها هو الى مصيبه

هى بتقول عن انه بس مانعها من ازالة الشعر هى دي الى مصيبه من وجهة نظرها

مش عارفه لو كان طلب منها تحلق شعر راسها كانت عملت فينا ايه
هههههههههه

بعبعه يقول...

غير معرفه الاخيره

يعنى ايه كلما تذكرت وجه رجل كبير ؟؟

انتى عمرك كام ومتزوجه من اد ايه

ورجل كبير عمره اد ايه يعنى

وعلاقتك بجوزك شكلها ايه

جاوبينى على كل ده عشان د عباس يقدر يقول رايه

احبك اكثر من نفسى يقول...

بجد بوست رائع يابعبوعتى ولازم اخلى زوجى يقراه مع انو بيكره الكمبيوتر مووت
بالنسبه للاخت اللى جوزها عندو ضعف فى الرغبه الجنسيه
يأأختى فى الله دى مشكله مش بإيدو وأنتى قولتى انو راح لأطباء وعمل دايت بس مافيش فايده مش الحل انك تهربى من مساعدته وتروحى تقعدى فى بيت اهلك انتى مش متصوره هو محتاجك فى الوقت ده قد ايه لازم تقفى جامبه ومش تحسسيه ان الشئ ده اللى شاغل تفكيرك وإلا هيبدأ الشك جواه كل ماتخرجى من البيت او تروحى اى مكان لان هيحط فى دماغو انك بتفكرى فى الموضوع ده اكتر من أى شئ وإن شاء الله ربنا هيكرمو وهيتعالج ويبقا تمام التمام وياريت تفكرى فى شئ احنا مجتمع شرقى يعنى الانسانه لما تنفصل عن زوجها الناس هتسألك سيبتيه ليه معقول هتقولى اصلو مبيعرفش ولو قولتيها نظره الناس ليكى ايه انا مش بقول طبعا انك تعيشى بالوضع ده بس اعتبرى نفسك لسه مش اتجوزت لحد ماحالت زوجك الصحيه تتحسن وربنا يقدم اللى فيه النصيب
بالنسبه للاخت اللى جوزها عاوزها مش تنضف نفسها
بصى يأأختى على حسب مسألت زوجى قبل كده قالى ان القذف بالنسبه للرجل بيتأخر شويه بسبب وجود الشعر لانو يعتبر شئ خشن والمهبل بطبيعته ناعم وبكده يقدر يعمل كنترول لنفسه انتى اكيد عارفه معاد دورتك الشهريه قبلها بيوم شيلى الشعر كله وعلشان يطلع بسرعه تانى علشان تردى جوزك استعملى كريم للإزاله والشعر هيطلع فى خلال 3 ايام لان السويت بتاخر طلوع الشعر وطول الشهر قصرى الشعر مش تسبيه طبعا مع نفسو علشان ميحصش تسلخات والتهابات وحاولى فى مره كده تفصلى الكهرباء نهائى عن البيت وتكوتى وقتها شيله الشعر وخليه يمارس الجنس معاكى ونشوف الفرق وحاولى تشغليه بأى شكل انو ميتحسسش مكان الشعر بإيدو وإذا تم الموضوع إسأليه قوليلو أيه رئيك والكلام اللى احنا عرفينو ده ولو قال حلو وكده قوليلو المفاجاه واكيد هيبدأ يحب النظافه دى والملمس الناعم
تقبلو مرورى واسفه للإطاله