السبت، 31 أكتوبر، 2009

الفرمونات الجنسيه (Pheromone)


فى الاول باعتذر عن تاخير البوست غصب عني والله


وكمان باعتذر عن غياب عمرو بدر بالنيابه عنه لان عندهم عطل فى النت فى السنترال بتاعهم كله


واتمنى على الله ان النت بتاعه يرجع وهو فى اتم الصحه والعافيه ان شاء الله


ونشوف الموضوع بتاع النهارده بقى




هانتكلم النهارده عن الفرمونات الجنسيه

انا باحاول بقدر الامكان موضوعاتنا تكون مرتبطه بتعليقاتكم السابقه واميلاتكم الى بتجينى

بحيث تكون معبره عن مشاكل اكتر الناس

فى الموضوع الى فات كان فى سؤال سألته لنا على الردود وحده من قراء المدونه وقالت ان جوزها بيفضل يقذف خارج المهبل وده بيضايقها

وسألت سؤال جميل جدا هل الاشباع عن المرأه مرتبط بالسائل المنوي ولا هى بتتوهم ذلك؟؟

الحقيقه انا شايفه ان اه طبعا مرتبط

هاقولكم نظريه حلوه أوي هى لسة حتى الان مش مثبته بشكل علمى نهائى

بس بصراحه هى نظرية تبان منطقية جدا ورمانسية جدا فى نفس الوقت

النظريه دي بتقول إن في حاجه عند البنى ادمين اسمها الفرمون الجنسى او الروائح الجنسية


الفرمون (Pheromone) هي عبارة عن مادة كيميائية تفرزها الكائنات الحية ـ مش بس البنى ادمين ـ في النوع الواحد بهدف ارسال رسائل خاصة بين الجنسين


والفرمون ده بيكون ريحه مميزه للشخص سواء ست او راجل

وهو مرتبط بالعمليه الجنسيه وبيفرز فى حال الاحتياج للجنس او حتى اثناء العمليه الجنسيه نفسها و بيبقى ليه تاثير مباشر فى الانجذاب الجنسى بين الرجل والمراة

بالنسبه للست بيظهر الفرمون فى جسمها عموما من خلال العرق وكمان من خلال المهبل
وبالنسبه للرجل بيكون متركز اكتر فى السائل المنوي والذى يعطيه جزء كبير من رائحته المميزة

ايه بقى بيحصل للسائل المنوي بعد ما يقذف به الرجل الى مهبل المرأه ؟

ده بناءا على النظريه الى احنا بنتكلم عنها

الرجل بمجرد القذف بيكون انفصل عنه السائل المنوي خلاص وبتكون انتهت بالنسبه له العمليه الجنسيه

الست بقى لا موضوع تاني بتكون فى الوقت ده بتبدأ مرحله جديده من العلاقه

وهى استقبال المهبل او الجسم ككل للسائل المنوي

النظريه بتاعتنا بتقول ان المهبل بيستقبل السائل المنوي ده ياخد منه الحيوانات المنويه عشان عملية التلقيح

اما السائل المنوى فتخرج الكمية الزائدة منه و الباقي الى بيمتصه جدار المهبل وينقله لدم المرأه

ومن دم المرأه بقى ياثر على كامل جسمها حتى ان ريحة نفسها بتتغير ويكون فيها ريحة تشبه مني الرجل فى خلال ربع ساعه من القذف تخيلوا ؟؟؟

لا وايه كمان ده فى شويه كده حلوين يطلعوا على المخ ياثروا فى كمياء المخ كمان

ايه رايكم فى التفاعلات الخطيرة وتاثيرها الكبير جدا على المرأه فى الوقت القصير ده بعد العلاقه

بس خلوا بالكم النظريه دي مبنيه على اساس وجود علاقة متكاملة بين رجل وامراة بيحبوا بعض وبيتواصلوا مع بعض يعنى عن علاقه جنسيه ناجحه بالفعل الطرفين فيها مستمتعين فعلا .


والنظريه دي بتفسرلنا ليه كتير من الزوجات بيشتكوا انهم بيضايقوا من ان الرجل بعد العلاقه مباشرة بيبتعد عنها بتكون هى جواها حرب شغاله من جميع النواحي ولسه العمليه الجنسيه فى مرحله مهمه جدا عندها

وهو يديها ظهره واووووووخخخخخخ او يتفرج على التلفزيون مثلا وهكذا

من المهم اوي بعد العلاقه تفضلوا سوا وتفضل هي فى حضنك كمان

المرحله دي من العلاقه مهمه جدا

اعتقد كده احنا عرفنا اجابة السؤال هل مهم ان يقذف الرجل داخل المهبل ؟

اكيد طبعا مهم وبمنعه بتكون العمليه الجنسيه تعتبر مبتوره وناقصه مرحله مهمه اوي

فى هذا الوقت مطلوب منه يحتوى الزوجه فى وقت مهم اوي بعد العلاقه وبتتم فيه تفاعلات مهمه جدا داخل الجهاز التناسلى للمراة وجسمها عموما من شأن التفاعلات دي انجاح العلاقه بينهم بصوره عامه


ارجو اكون افدتكم فعلا


والف شكر يا د. عباس على مساعدتك ليا فى البوست


(كتبتها تاني عشان تبقى تمسحها بقى ) نيهاهاهاهاها



واي حد يحب يضيف حاجه ياريت تتفضلوا

هناك 17 تعليقًا:

غير معرف يقول...

الرجالة يمتنعون

عاوزين نسمع راى الاناث

بعبعة ختمت شهر العظماء ببوست يجمع بين الرومانسية والمتعة الجنسية

لقاء يقول...

كلام صح مليون فى المية !!!!!!!

بجد النشوة عندى مش تكمل غير لما زوجى يقذف بداخلى و مش مهم مدة الجنس تكون قد اية
تصورى يا بعبعة اول مرة اخد بالى من الموضوع دا رغم انى زوجة من 3 سنوات :)
انتى بجد خطيررررررة :)))

ستيته حسب الله الحمش يقول...

صباح الخير يا فريق البعبعة
مين قال؟
فين الحقائق العلمية المبنية على ثوابت وتحاليل وقياسات؟
طيب فين الدليل القطعي على إن المتعة لا تكتمل الا بالقذف الداخلي؟
اختلف تماما مع الوبست وملقتش شيء علمي يثبت هذا الكلام
عادي جدا اني اكون معرفش
وعادي اختلف مع بعبوعتي
وخلافي معها في الرأي لا يفسد للود قضية
اه بالمناسبة العزل معروف من ايام الرسول صلى الله عليه وسلم من حديث جابر
" روي في الصحيحين عن جابر : كنا نعزل على عهد رسول الله ( ص ) والقرآن ينزل"
ولو كان به نقص لحق احد الطرفين او تمام حقوقه
اظن مكنش صلى الله عليه وسلم يقره .. مجرد إجتهاد متضربيش :)

غير معرف يقول...

السائل المنوى يبرد المهبل اللى يكون محتقن من كثر الاثارة فى العملية الجنسية و لذلك تشعر الست بالراحة بعد القذف جواها

بعبعه يقول...

غير معرف الاول

ليه يمتنعون ؟؟

هو ايه شعر العظماء كمان ؟

سمعونى رايكم برضه يا رجاله

الموضوع مشترك طبعا

غير معرف يقول...

ان شايف ان الموضوع بيعتمد على قبول الست للوضع دا
يعنى لو مستريحه كده ومش هيبقا ناقصها حاجه اوك
بس السوال بقا ليه الراجل اساسا يقذف خارج المهبل غير انها تكوون وسيله لمنع الحمل وان كانت وسيله نسبه اخطاءها كبيره

لكن مفيش احسن من الوضع الطبيعى للعمليه الجنسيه التى تنتهى بالقذف داخل المهبل

انا كرجل لا استمتع بالقذف خارج المهبل
لان ارى فيه نقص فى اتمام العلاقه الحميمه مع زوجتى

انما من الناحيه العلميه كنت قرات مقال مره عن الروائح التى تثير الحث الجنسى عند المراءه نتيجه لروائح منبعثه من جسد الرجل والعكس صحيح

بس عارفه ياافندم دلوقتى لما يحبوا يثبتوا نظريه علميه معينه بالضافه الى الناحيه المعمليه توجد الاحصائيات اللى ممكن يعملهوها على الجنسين ومن خلال النضريه العلميه ونسبه الاحصائيات بتطلع النتيجه

موضوع جميل والناحيه العلميه التى زكرتيها فيها الكثير من الصحه

اشكرا جدا ياافندم


top

بعبعه يقول...

لقاء

ماشي تمام ربنا يكرمك

كلامك خطير انتى والله

بعبعه يقول...

ستيته

يا قمر انت تختلف براحتك

عادي جدا

اولا انا ذكرت انها نظريه مش نهائيه لسه تحت البحث

الدكتور عباس بقى بعد ماقر تعليقك سخن وقعد يدور
هههههههههههههههههه

ولقى البحث ده الى انا بعتهولك

مش عارفه راحت مني الوصله

هابقى احطهالكم تاني

المهم يعنى الوصله دي بتقول ان اتعملت فعلا ابحاث حقيقه على الموضوع

ابقى اقريها يا جميل دكتور عباس مستنى ردك

وبالنوسبه لموضوع العزل
اولا العزل ده كان بيبقى مع الجواري فى الاغلب

عشان مش كانوا بيبقوا عايزين يخلفوا منهم عشان كان لو خلف منها بيعتقها ويتجوزها

المهم

حتى لو كان ده حصل

فالمفروض انه مش القاعده
كمان لوهى متضرره عليها انها ترفض ده
لو كانت حره

لو كانت جاريه بقى ده موضوع تاني

وعموما هى نظريه فقط يا ستيته وزي ما انتى شايفه جاري البحث

بس فى فعلا بحوث ا تعملت اهو
شوفي الوصله الى معاكي

الى بتقول ان العزل بيعمل اكتئاب للست بعد فتره

نورتي يا جميل اختلف براحتك انت يا قمر

بعبعه يقول...

غير معرف

الي بعد ستيته

الكلام الى بتقوله ده مش عارفه صح ولا لا

لكن انا ا عتقد ان السائل المنوي هو كمان بيبقى سخن هو كمان خارج من جوه جسمه

والله اعلم

بعبعه يقول...

توب

مهم اوي فعلا التوافق

لكن تخيل لما تصاب المراه باكتئاب وهى مش عارفه مثلا سببه ايه

لكن انا باتفق معاك فى ده

لكن مفيش احسن من الوضع الطبيعى للعمليه الجنسيه التى تنتهى بالقذف داخل المهبل

ومتشكره لك اوي

غير معرف يقول...

انا كرجل تثيرنى جدا رائحة الافرزات اثناء الدورة الشهرية
و استطيع معرفتها لو اقتربوا منى زملائى فى العمل
بتحصل لى حاجات وقتها و باضطر استغفر ربنا طول اليوم
و ديه نصيحة للبنات ميقربوش من زملائهم اثناء الدورة الشهرية لان الرجال بيعرفوا من الرائحة
بجد مش بهزر

احبك اكثر من نفسى يقول...

انا من رأى ان الست ممكن تستمتع بأخراج السائل المنوى للرجل فى اى مكان تانى فى جسمها غير المهبل واعتقد ان مفهوم كلامى وصل
بس برغم كده كلام بعبه صحيح بردو لان اغلبيه النساء يستمتعون بالقذف داخل المهبل وقله قليله تستمتع بإخراجه فى أى مكان أخر

رنا يقول...

لو الزوجة مش تحب زوجها لو قذف فى مهبلها لتر سائل منوى مش هتستمتع
المهم الحب يا بعبعة حتى لو مش يقذف خالص

نادر يقول...

السلام عليكم

مادام يوجد طبيب فى المدونة اريد ان استشيره فى موضوعى
انا شاب 23 سنه و مش مطاهر بسبب اهمال والدي و والدتى سامحهم الله
احس بالخجل من الزواج و سخرية عروستى من ذلك الوضع
و اخجل ان اذهب لمستشفى و عمل طهارة فى هذا العمر
انا فى حيرة و تعذيب فماذا تنصحونى

و السلام عليكم

د.عباس الاول يقول...

الاخ العزيز صاحب مشكلة الطهارة

مشكلة الطهارة لن تسبب سخرية العروس وفى الاغلب انها لن تعرف الفرق بين ما هو شكل القضيب المختون وغير المختون بدام لم يسبق لها الزواج

الختان سنة مؤكده للذكور وهناك الان ادله علمية عن دوره فى الوقاية من سرطان القضيب و بعض الامراض التناسلية

كما ان القضيب المختتن يسهل عمليه النضافة الشخصية

يمكن عمل عملية الطهارة فى اى سن

لكن فى سن متاخر تحتاج إلى عملية ببنج نصفى او كلى

العملية لا تدعوا إلى الخجل فليس الذنب ذنبك

تحياتى

غير معرف يقول...

مساء الخير
كنت عيز اسال ما هى الاسباب التى تجعل المراه ترغب ان يقذف الزوج فى فمها ؟

شكرا

بعبعه يقول...

الغير معرف الاخير

انت بتتكلم عن الجنس الفموي كده

وده المفروض هناقشه البوست الجديد ان شاء الله ياريت تتابعه معانا

لكن الجنس الفموي لو وصل لحد القذف فى الفم
انا ليا راي خاص فى الموضوع ده

انه لو اصبح هو الاساس ويغنى عن الطبيعى بدون اسباب يبقى ده مش صح

وكمان كون ان الزوجه ترغب فعلا فى ان الزوج يقذف فى فمها دي محتاجه علاقه خاصه جدا بنهم
ودرجه من الحب كبيره
محتاجه علاقه توصل لدرجه فريده من العمق وطبعا لازم برضا الطرفين

ياريت تتابع البوست الجديد ان شاء الله هاينزل النهارده او بكره هو بيتراجع بس من د عباس