الأحد، 13 ديسمبر، 2009

نتيجة الاستطلاع


بصراحه يا جماعه أنا زعلانه منكم جدا كنت متوقعه ان الاعداد تكون اكتر من كده

والمهم الى يغيظ بقى ان المشاهدات اعلى من الطبيعى طيب اتكسفوا ونفعوا القاعده وجاوبوا

زعلانه اوي من الى دافنين مشاكلهم لان الى عندهم مشاكل فعلا ما اتكلموش ا تفرجوا من بعيد ومشيوا

وده الى خلى نتيجة الاستطلاع مش عاجباني

مش معبره عن المجتمع الجميل الى انا عارفاه وعاجناه وخبزاه ومربياه على اديا دول

خلينا نقول ان نتيجة الاستطلاع دي معبره عن شريحه ونوع معين من الناس المنفتحين شويه والمثقفين

وبمعنى اخر المثقفات والشاربات من نبع البنت زي الولد ماهيش كمالة عدد

دلوقتي هاقولكم اهم المؤشرات الى اديتهاني النتيجه

لحوالي 30 حاله جاوبوا على الاستطلاع (العدد بالنص تقريبا بين الستات والرجاله )

الاغلبيه العظمى بتفضل التغيير


لكن فى 3 حالات تقريبا ما بيغروش والحقيقه ال3 حالات دول محتاجين واقفه عشان هما مختلفين الرأي وانا شايفه ان كل واحد منهم بيمثل طبور طويل بس صاااااامت ورافض الظهور


الاول والى قال انه يتوووووق للتغير لكن الزوجه رافضه رفضا تاما ..... ليه يا ماما ؟؟؟ ليه رافضه ؟؟؟ نفسي واحده بس منهم تجاوبنى ليه بترفضي تغيير الاوضاع ؟؟ حد ضحك عليكى وقالك انها حرام ولا حاجه ارجوكي قوليلى بس وجهة نظرك .


الثاني قال : ما فكرتش اطلب منها ده ومش متخيل ايه ممكن يكون رد فعلها ومش عارفه هو احنا اصلا نقدر نعمل كده ولا لا
(شايفه انها حالة نقص فى المعرفه جامد جداااا وسماع خرفات شعبيه كتير جدا وخجل وقلة جرأه منه قبل ما يكون منها )

وبرضه للحاله دي باقول ليه ما تقدروش ؟؟؟ وليه ما سألتهاش واهم من كل ده انت حاسس انك كده مرتاح ؟ طيب لو مرتاح انت وهى خلاص .
لكن مؤكد انت حاسس ان حاجه ناقصاك ومش قادر تحدد هى ايه
فحاول تجرب جديد جايز تلاقي الى ناقصك

ثالثا : ودي الزغلوله الكبيره بقى بتقول لااااا تغيير اوضاع لا جربنا وما عرفناش بلاش قرف
زيها زي كل الشعب المصري بيكسل يخرج يتفسح ومالها المسلسلات بس وانا على السرير

يا ناس جربوا حاولوا مش لازم الوضع الجديد تاخدوه من اول العلاقه لاخرها جربوه وبعدين كملوا فى الوضع التقليدى او أي وضع متعودين عليه وشويه شويه هاتلاقوا نفسكم بتتمكنوا من الوضع

يا رجاله ما تتكسفوش انكم مش عارفين الوضع ومش متعودين عليه ده لا يقلل منكم ده عادي جدا اغلبكم ولله الحمد محترمين ما جربتوش الا ما زوجاتكم ودي حاجه تحسب لكم مش عليكم
يا ستات بلاش غباوه مطلقه وردود افعال نافره ومنفره من مجرد انها حاجه جديده

ونظام خلينا فى التقليدى واخلص ياعم وخلصنا فى ليلتك


ونكمل مؤشرات الاستطلاع


تفضيل الاوضاع :

الوضع الفرنسي يحتل الصداره عند الرجال
ويجى بعده على طول الفارسه


وبالنسبه للستات الفارسه يحتل الصداره وبعده التقليدى

وفى كره دفين وعميق للخلفي من اغلبهم ومن وجهة نظري اغلبه رفض عقلي او فكري يعنى

(اظن النتيجه دي صادمه وبتظهر اد ايه فى فجوه فعلا ما بين تفضيلاتهم وعقولهم )


فى ملاحظه كمان كل الحالات الى مش متجوزين الى جاوبوا بيفضلوا التغيير والتفاهم مع الطرف التاني ما اعرفش دي احلام الشباب ولا ده بيعبر عن ان الامل فى المستقبل ولا ايه


احب كمان فى النهاية أنبه لنقطه مهمة جدا وهى إن رأي الستات بالذات بيعبر عن رأي الست المتفتحه شويه والى عندها الجرأه تقرا المدونه بتاعتنا وقدره اصلا انها توصلها وتجاوب على الاستطلاع
يعنى شريحه خاصه من الستات
ويااااااااريت اقدر اوصل للشريحه فعلا عاديه معبره عن المجتمع ككل لكن منين أجيب أنا

اذا كان انتم اكتركم بيبص عليا من بعيد ويمشي مش عارفه اعملكم ايه اجيب لكل واحد حبايتين شجاعه وطاقية الاخفاء عشان تتكلموا وتبعبعوا بحريه

المهم دلوقتي عايزين نفض الخناقه الى ماشيه دي

خناقة الأوضاع الخلفيه

الى الستات مش طايقنها والرجاله هايموتوا عليها


طيب انا عايزه معلومات اكتر من فضلكم عشان اعرف ايه المشكله ونحاول نحلها وفرصه اننا نصدع الدكتور عباس شويه

بس اعملوا حسابكم الى هايدخل او تدخل المدونه من غير ما يجاوب على السؤال هاعلقه على باب المدونه بره

الستات : عايزه من فضلكم شويه صفو نفس كده وتركزي وتقوليلى بالظبط ايه الى بتكرهيه فى الوضع الخلفي وبتحسي بايه بالظبط بس تكوني صادقه ارجوكي مع نفسك اولا وركزي كده ودعبسي فى نفسوياتك وهاتلنا الحقيقه

وطبعا لو بتحبي الوضع برضه تقوليلنا برضه ليه وايه احساسك

الرجاله : برضه ركز مع نفسك اوي من فضلك وقولنا ليه بتفضله او ليه بتتوق اليه وايه الاحساس الفريد الى بيدهولك الوضع ده ركز كده ودعبس يا باشا برضه فى نفسوياتك وقولنا الموضوع ايه

على الله تدوخوني زي الاستطلاع الى فات





والناس الى مسحوا تعليقاتهم من التعليقات عندي زعلانه منهم موت موت موت(عارفين نفسكم طبعا)

وارجوكم بعد كده مش عايزه حد يعلق باسمه الحقيقى عشان ما تعملوش كده تاني
علقوا بغير معرف بس امضوا باي اسم عشان اوجه لكم الكلام


وشكرا للجميع


وزعلانه من عمرو عشان منفضلنا

هناك 35 تعليقًا:

فاتيما يقول...

بعبعة
الناس الزعلانة
من فضلهم ... يا رييييت ميزعلوش
عشان التعليق اتمسح لأسباب قوية
واحد انونيمس رخم استخدمه عشان يقرفنى بتعليقات اقل ما فيها قذف المحصنات ... كمسح زور بس
خدتها عادى لأنه علطول مرذل عليا
بس فوجئت بناس تانيةملهاش علاقة بيا عموما الا بسيط جدا ..
بتبعتلى عاوزين يبقوا اصحاب
و حاسين بالوحدة و أل عاوزين حد يفهمهم و يقدر تفردهم و رغبتهم فى الإنطلاق و ابصر إيه كدا كلام مودى على حاجة إنتى فاهمهما
و انا فاهمها و عشان الواحد خلاص كبر و بقى بيميز الكلام المشموم دا من اول وهلة
فقولت بلاش لينكات و عناوين
و قولت لما تعليقات عادية تعمل كدا
مع ناس عارفينى نوعا ما
اومال اللى ميعرفنيش بقى
هيتنيل يكتبلى إيه؟؟
مسحته على عينى فعلاً
بس هدخل أنونيمس بعد كدا
عشان المناظر العجيبة دى
متقرفنيش تانى
تحياتى و هبقى أرد على السؤال
بتاعك اكيد بس مش دلوقتى

بعبعه يقول...

فاتيما

ماشي يا جميل ولا يهمك انا بس استغربت وانا باعمل نتيجة الاستقصاء دورت على تعليقك عشان اخد رايك ضمن ارقام النتيجه لقيت الرد مش موجود

فقلت ايه ده بترجع فى كلامها ليه دلوقتي
ههههههههههه

وعموما انا كده الى سببتلك دوشه سوري عليها

ولاد ال..... الى ضايقوكي دول هاتهوملي وانا اعملهم دواسه على باب المدونه هنا

ناس مرضى نفسيين حقيقى معلش يا بنتى

وزي ما قلتي كده ادخلي بغير معرف وانا هاعرفك بقلبي (وش بيبرش )
هههههههههههه

تنوري دايما حبيبتى

غير معرف يقول...

لما افكر ليه الست بتكره الوضع الخلفى بلاقى انه ممكن يكون راجع للجزء التشريحى للجهاز التناسلى
لو بصيتى لصورة قطعية بالجنب للجهاز التناسلى هتلاقى ان فى ميل معين فى مجرى المهبل
ممكن يكون الدخول بوضع عكسى فيه يسبب الم للست

انا بقول ممكن و الله اعلم

بعبعه يقول...

طبعا انا هاسيب الدكتور عباس يرد بشكل علمي عني عليكى

بس لا طبعا مش بيسبب الم ولا حاجه على الاقل مع الاغلبيه

لكن لو حد بيسببله الم فعلااحب اسمع

قولوا

ابوس اديكم تقولوا كل الى بتحسوا بيه

عشان نقدر نساعد الناس لازم الناس تتكلم

ستات الزمن الآتي يقول...

مش قلت اني بستحي؟
طب حد يجيب لي طاقية الإخفا
انا مخفية؟
طيييييييييييييييييييييييييييب :)
(قال بستحي قال
ده علم مفيهوش كسوف ولا برقوق ولا جوافة
واللي ميخدوش على انه علم وثقافة يبقى جحش وبكره يكبر ويبقى ان شاء الله حمار
وده تعليقا على مجموعة الجزم اللي ضايقت فاتيما
مجموعة المرضى النفسيين اللي بتجمعهم بلادنا بجدارة منقطعة النظير
أي ست تتكلم في السيكو سيكو تبقى سيكو سيكو
كتكم نيلة عليكم وعلى نفوخكم المليس بفعل عوامل التعرية) معلش يا أوختشي متغاظة ولازم كنت أقول لهم كلمتين

يا ستات بلاش غباوه مطلقه وردود افعال نافره ومنفره من مجرد انها حاجه جديده
قولي لهم قطيعة تقطعهم ستات عاوزة ضرب البتاع "مين البتاع ده"
وبعد ما الرجالة يتجننوا على اللبنانيات الستات تزعل وتقول وهي بتهرش في راسها ومالنا احنا ياروح امك؟
انتي عاملة زي اللفتة المخللة يا حبيبتي
صوتك تخين
والفاظك تخينة
وعقلك تخين
وتصرفاتك الجنسية في الحلال غبية
ما انتي طول اليوم مرزوعة على النت
ما تدوري كيف تبسطي ابو العيال المطحون قطيعة تقطعكم
دي الحاجة الوحيدة اللي بتنبسطوا بيها من غير ما تدفعوا ضرايب
وبعدين الولية بعبعة طلعان عينيها وعمالة تثقفكم وتاكل من بيتها
طيب ساعدوها يساعدكم ربنا
انا شطورة يا أوختشي جاوبت والله
ما انا من بتوع البنت زي الولد مش كمالة كشري :)

في تعليق أخر كده ها ابقى اجاوب ع السؤال العويص بتاعك
سلام
موبيلات بقى

بعبعه يقول...

يا ناس باحبها وهى متخفيه برضه

اديهم على نفوهم والنبى جميعا

الى ضايقوا فاتيما والحريم اصحاب المخ التخين

منوووور يا جميل انت

ستات الزمن الآتي يقول...

آه إفتكرت حاجة
مش دايما تلومي برضه على الست كراهيتها لوضع معين
بما اننا افترضنا ان الرجالة المحترمة لم تزني قبل الزواج
كتير جدا يكون راجل غشيم وممكن يرتبط في ذهن الست وضع معين بألم
كل شيء بلا خبرة ممكن يجيب ألم لو الناس مش صبورة
وعليه ممكن ست تقعد تسهب لك في كراهيتها لشيء معين
وتنسى انه تسبب لها في ألم فكرهته
يعني العقل الباطن شال الألم على جنب وبطل يذكره كسبب
وابتدى بقى عقلها الواعي يعدد اسباب من منطقة تانية خالص
انا مش بقول لازم تزني علشان تاخد خبرة
انا بقول الناس لازم تكون صبورة شويتين في اثناء التجارب
والرفق ما كان في شيء الا زانه وما نزع من شيء الا شانه
ربنا يفرح قلب كل رجالة وستات البيوت ويثقفهم ويعقلهم ويؤدم ذات بينهم

بعبعه يقول...

والرفق ما كان في شيء الا زانه وما نزع من شيء الا شانه


حلو اوي اوي اوي الكلمه دي تصوري اول مره اسمعها

ماهو انا عشان كده باقول اتكلموا عبروا عن احساسكم دعبسوافى نفساوياتكم

انتى لا تتخيلى الكلام ده بيخلي بجد الواحد يسأل نفسه ويدور فى نفسه اكتر

اتكلموا

بعبعوااااااااااااا


ايه النور الطاغي ده النهارده

منمونة يقول...

الوضع الخلفي
ااااه ياني
ليه كده يا حاجة
هقولك هو بيخليكي مش شايفة الطرف التاني ومش عارفة هو هيعمل ايه ومترقبة على طول وخايفة يفاجئك بحاجة
أنا شخصيا من الناس اللي بتتخض جدا
مرة مثلا كنت في محاضرة وقاعدة بكتب ورا الدكتور وجت واحدة دخلت والباب ورايا ولقيتها بتقولي دخليني اتفزعت وقلبي كان هيقف دا في محاضرة يعني مكان عام ودوشة مش أوضة مقفولة وهادية تخيلي بقى أي حركة مفاجئة منه هتخليني أعمل ايه هصرخ طبعا
تفتكري ممكن نشتغل بنظام السيارة ترجع للخلف
أقوله قبل أي حاجة قولي هحط ايدي هشيل ايدي هحرك ايدي اليمين لأ الشمال هههههههههههههه

غير معرف يقول...

محبطة بشدة....
ليس لدى مانع اطلاقا فى الوضع الخلفى
لكن زوجى يعاملنى بشكل منفر جدا
اثناء العلاقة فيتعامل معى كما يشاهد فى الأفلام المخلة فأشعررغماًعنى بالمهانة
كما إن هذا النوع من الاوضاع ينهى الممارسة سريعاً و لا يعني زوجى إستمتاعى بأى حال طالما هو انتهى مما بدأه
هذا الوضع فيه تباعد بين الرجل و المرأة نوعا عن باقى الأشكال الأخرى مما يشعر المرأة بإنها مجرد اداة للمتعة ليس أكثر
و زوجى لما وصف لى هذا الوضع اول مرة سماه بالوضع الكلابى فكان كافياً بالأسم لأن ارى فى عيون زوجى رغبته فى فعل شىء غريب لكنه يحتقره فى نهاية الامر
تحياتى

غير معرف يقول...

أختى الفاضلة بعبعة
أحب أوضح لك سبب أساسى فى كره الستات للوضع الخلفى مع إنه ممتع جدا
كتير من الستات بيبقوا نفسيا مش حاسين بالأمان مع الشريك..الوضع ده بيحسسها إنها مش قادرة تتوقع خطواته لإنها عموما فى تعاملاتها اليومية معاها بتتوقع منه السىء(يعنى مش بيعمل إعتبار لمشاعرها و أحاسيسها عموما)
أنا عن نفسى بستمتع جدا بالوضع ده لإنى بأبقى مآمنة لشريكى و عارفة ومتأكدة إنه مش حيعمل أى حركة تضايقنى بل بالعكس بيحاول يسعدنى بشتى الطرق و بالتالى أنا كمان بحاول أسعده و أجرب معاه كل حاجة فى حدود الحلال

تحياتى

هدى

مطلق يقول...

انا بختلف مع معظم الرجاله

لاني مش لاقي اي حاجه زياده في الوضع الخلفي بالعكس انا مش بفضله عشان مفيهوش تواصل بين الطرفين

بعبعه يقول...

منمونه

الحقيقه مستغربه ايه حكاية الناس الى مش مامنه ومش عارفه هايعمل ايه ؟؟؟؟!!!

يعنى هايعمل ايه هانشل محفظتك ؟؟؟
هههههههههه

خلينا نناقش الفكره بتاعتك اكتر بعد سماع باقي ا لاراء

نورتي

بعبعه يقول...

الغير معرفه الاولى والى قلتلها هانشوف راي الدكتور عباس

اليكى الراي

انتى بتعتقدي ان الوضع الخلفي ممكن يكون مؤلم عشان وضعه مع وضع مجرى البول

دكتور عباس بيقول ان بالعكس تماما الوضع الخلفي هو ابعد وضع عن مجرى البول فى حال ان حالى القضيب طبيعيه الغالبه

وحتى لو كان فى ميل بالقضيب للاسفل فان مش كل الاوضاع الخلفيه يكون ملامس لمجرى البول
وبيعتبر انسب الاوضاع الخلفيه هو وضع السجود او ملامسة الثديين للارض

وفى حال اصلا الاحتكاك مع مجرى البول ما بيحصلش الم برضه

شكرا ليكى ويارب تكوني فهمتى كلامي

بعبعه يقول...

المحبطه بشده

زوجك بيعاملك بشكل منفر ؟

طب ادينى مثال وكمان ده عموما ولا اثناء العلاقه بس ؟؟

ويعنى ايه بيتعامل معاكي كمان يشاهد فى الافلام المخله برضه معلش ما اعرفش بيعملوا ايه هناك او ايه السمه الى مضايقاكي فيهم ؟؟؟

الوضع الخلفي طبيعته مش من الاوضاع الى بتساعد على سرعة القذف

بس ممكن يكون هو الوضع مثير له اكتر فبالتالي بيقذف اسرع

وده له حل انكم تبدأوا بوضع تاني وبعدين تكملوا بالوضع الخلفي لوحبيتوا وبكده تكوني اخدتي وقتك

البعد
انا شايفه ان اغلب الاوضاع الخلفيه فيه تواصل جسدي معقول هل انتى مفتقده اصلا للتواصل الجسدي عشان كده بتدوري على تواصل نفسي او بصري ؟؟

الوصف بالكلابي معلش ده مترجم يا ستى

اسمه بالانجلش dogi

وبعدين يعنى انتى هاتبقى كلبه وهو لا ماهو كمان تحت نفس المسمى مش معنى كده انه بيحتقره

انا الحقيقه شايفه انك عندك مشكله اصلا فى احترام العلاقه نفسها

يعنى انتى شايفه انك طرف سلبي واداه للمتعه

حاولي تكوني ايجابيه اكتر فى العلاقه عشان تحسي انك طرف عامل فيها مش مفعول به فقط

وتابعي معانا برضه نشوف راي الناس

بعبعه يقول...

هدى

افتقاد الامان فعلا انا شايفه انه نقطه مهمه في اكتر من واحده اتكلموا عنه


بس برضه عايزه اعرف ايه ممكن يعمله هى خايفه منه ؟؟!!!

هل هى خلال العلاقه بتحس بالم من حاجات معينه مثلا او ايه مشكلتها ؟؟!!

مش عارفه عايزه اسمع الناس اكتر

بعبعه يقول...

مطلق

طيب مافيش مشكله فى النهايه الحكايه تعود للتفضيلات الشخصيه

ونقطة التواصل دي انا اتكلمت فيها

وقلت بالنسبه للتواصل الجسدي فاغلب الاوضاع الخلفيه فيها تواصل جسدي كفايه

فى حال وجود مشكله مع التواصل الجسدي هنا ممكن يكون الافتقاد للتواصل البصري او النفسي باي شكل كان

شكرا لك

قلب ضعيف بردان يقول...

طيب بعد الدعبسه فى النفسويات

هاقولكم على تجربتي مع الوضع الخلفي

انا اول مره جوزي عمل الوضع الخلفي ده وبمجرد ما بدأ انا بكيت واضايقت وما رضيتش اكمل

والحقيقه لحد دلوقتي مش عارفه احدد انا عملت كده ليه

يمكن كنت مكسوفه اوي يمكن كنت مخضوضه لان ده كان فى بداية الجواز مش عارفه

بس الحقيقه جوزي هداني وقالي لو ده بيضايقك مش هاعمل كده تاني ابدا

بس انا فضل جوايا احساس بالذنب انى حارماه حاجه هو نفسه فيها

وفضلت شهور يمكن افكر فى الموضوع واقلبه فى دماغي عشان اعرف انا ليه اضايقت بصراحه ما عرفتش

بس استجمعت قوايا وخدت حبوب الشجاعه من بتاعة فؤاد المهندس

وطلبت منه نجرب تاني
فى الاول انا ما كنتش باحب الوضع ده فعلا بس كنت باستحمله عشان كنت حاسه انه بيحب ده

بعد فتره انا لقيته عادي وبقى زيه زي باقي الاوضاع
وبعد فتره هو كمان ما كانش الموضوع يعنى مهم بالنسبه له برضه بقى زيه زي باقي الاوضاع

بس انى اعرف انا عيطت واضايقت ليه
ما عرفتش والله
بس انا كنت مكسوفه اوي اوي اوي

والاوضاع الخلفيه لها اشكال كتيره اوي فياريت تجربوا كل حاجه مره واثنين وثلاثه قبل ما تحكموا

وربنا يوفق الجميع

وشكرا على البوست والمجهود فى المدونه دي

hasona يقول...
أزال المؤلف هذا التعليق.
غير معرف يقول...

Plus I don’t like the French position because I can’t see my partner face –I like to have short talking , most women complain their men don’t say a word- so I don’t understand even that position, can any man help me and tell me in the French position where you put your eyes? What you look for?

غير معرف يقول...

انا قريت الموضوع وبصراحه ماعلقتش
يعنى هو محرج حبتين..
انا عندى 32سنه ومتزوجه من 12 سنه..
وتقريبا الوضع المفضل عندى ولا واحد من التلاته..
لا هو وضع جديد جربته انا وجوزى وعجبنا..لانه مريح للطرفين..
مش معنى كده مش بنجرب كل الاوضاع ..بس بنرجع لده فى الاخر..
والوضع الخلفى مش بيضايقنى ابدا بالعكس بيكون ممتع احيانا للمداعبه فى الرقبه والظهر...
المشكله الحقيقيه اللى مضايقانى هى ان جوزى مش بيحب القبل فى الفم...
عكسي تماما ..وكتير حاولت افهمه وهو برضه كتيير جدا مش بيهتم....
ودى مشكله انا بصراحه يأست من حلها وأقلمت نفسي على كده..
لو عندك حل ياريت تقولى لى عليه..
تحياتى
ميمى

بعبعه يقول...

قلب ضعيف بردان

شكرا على مشاركتك وتجربتك الحلوه الي اتمنى الناس يستفيدوا منها

بعبعه يقول...

غير معرف الى كاتب بالانجلش

انا كمان لسه عايزه اسمع رايهم الاثنين الستات والرجاله

وشكرا على رايك

بعبعه يقول...

غير معرفه الاخيره

جميل اوي انكم بتجربوا كل حاجه

وانكم وصلتك لحاجه ترضيكم انتم الاثنين فى الاوضاع
ومع ذلك بتجربوا برضه كل حاجه وده الى انا اقصده فعلا

وما كنتش هاتكتشفوا الوضع ده الا بالتجربه طبعا

بالنسبه لموضوع القبل الحقيقه مش عارفه بس يعنى اتكلمى معاه شوفي ايه بيضايقه فى كده جايز يكون انتى عندك مشكله هو محرج يقولها
جايز يكون هو عنده مشكله وسواس معين مع الفم بالذات
دوري ودعبسي فى نفسوياته شويه

وطبعا الدكتور عباس ياريت يقولك رايه برضه يكون افضل فى الموضوع ده

شكرا ليكى على المشاركه

غير معرف يقول...

شكرا يابعبعه على ردك على .
انا ميمى..
ممكن اعرف اتكلم مع دكتور عباس ازاى علشان اعرف رأيه فى الموضوع ده ..
لأنى اتناقشت مع جوزى كتيير فيه وكلمته بصراحه..
وكان رده انه مش بيحبه ومش عايزة اساسا..
وصدقينى الموضوع ده مضايقنى فعلا..بس من كتر الكلام فيه بقه طلبه دمه تقيل على قلبى ومالوش طعم..
يمكن دى الحاجه الوحيده المنغصه على فى حياتى معاه ومش عارفه سببها..

تحياتى يابعبعه

السر يقول...

ما تزعليش يا ست بعبة ..

ما زالت الثقافة الجنسية بمختلف أشكالها في عالمنا العربي تعتبر من العيب.

شكرا على هذا الإستطلاع

د.عباس الاول يقول...

الاخ غير المعرف صاحب سؤال اين انظر وكيف اتواصل فى الوضع الخلفى

صحيح ان الوضع الخلفى يحرم الزوجين من النظر إلى وجه الاخر لكنه لا يمنع التواصل بالحديث

كما أن جسد المراة سواء من الامام او من الخلف يتيح الكثير من الرؤية المثيرة


كذلك

الوضع الخلفى من ضمن مميزاته انه يترك يد الرجل حرة للتواصل مع الزوجة

يعتبر الوضع الخلفى الاكثر سهولة فى مواصلة مداعبة الثدى والضهر والرقبة

و ده بيدى فرصة لتواصل اكثر عن طريق التلامس

هى الفكرة ان نترك عقولنا مفتوحة لنكتشف ونفهم طرف مختلفة للتواصل

ثم بعد ذلك نختار ايهم نفضل

تحياتى

د.عباس الاول يقول...

الاخت الفاضلة ميمى

هناك اسباب جسدية او نفسيه يمكن ان تجعل اى الطرفين لا يفضل القبل من الفم

اهم شئ تحتاجيه بما انكم فى علاقة زوجية يحكمها التفاهم ان نتصارح لماذا هو لا يفضل قبل الفم؟

بشكل عام

قد يكون هناك رائحة غير جذابة للفم

او فى بعض الاحيان بشكل عكسى انى اخشى ان يكون رائحة فمى غير جذابة فافضل الانسحاب

هناك بعض الناس الذين يعانون من رهاب الاختناق وبالتالى لا يتقبلون تغطية الفم اثناء القبلة

طبعا هناك اسباب نفسية عديدة أو تجارب سابقة

الحل السهل ان اقولك انت تلجؤا لطبيب لكن اعتقد ان سوف يكون هناك صعوبة لأقناع الزوج بخطوة مماثلة

نرجع تانى للمصارحة

محاولة افهام الطرف التانى ان قبل الفم مفضلة لديكى

يمكن ان نتسلل فى ممارسة قبل الفم يعنى نحوم حول الفم بالتدريج على فترات ده ساعات بيفيد فى حالات رهاب الاختناق

تحياتى

بعبعه يقول...

ميمي

اظن الدكتور عباس رد عليكى

والتواصل مع دكتور عباس عن طريق صفحة الردود هنا

وشكرا ليكى

بعبعه يقول...

السر

ربنا ما يجيبش زعل ان شاء الله

وادينا بنحاول نغير

وشكرا ليكى

بعبعه يقول...

دكتور عباس

شكرا على متابعتك

غير معرف يقول...

الوضع الخلفى لذيذ و جميل و حلو كتغيير للاوضاع اثناء الممارسه بس بالنسبه للزوجات المختونات بحس انه بيبقى مفتقد للمتعه لانها بتبقى محتاجه مداعبه لوقت اطول من الزوجه العاديه و انا بالنسبه لى المداعبه لا تأتى الا من حلمه الثدى و المداعبه فى منطقه البظر المتبقى منه طبعا بعد الختان و متهيألى ده صعب من الخلف لكن ممكن بعد الاثاره ما تبدأ بيبقى احسن كتير
بس كلام ليكى انا الوضع ده بيثيرنى قوى اما اشوفه فى صوره او فيلم

كلام عيب يقول...

بصى انا مالحقتش الاستطلاع
بس الموضوع جميل جدا
و يستاهل التصفيق الحاد

خضونى جدا التلت حالات
بس مش مسغرباهم
فيه ناس كتير كده على فكره
مش هاقطع الجوابات ان شاء الله متابعه

بعبعه يقول...

الغير معرفه الاخيره

مش عايزه اقولك ساعة ما شوفت تعليقك ده انا فرحت ازاي

اخيرا حد اتكلم

مش معقول بجد الناس كتومه بشكل مفزع خايفين يصارحوا نفسهم حتى

كلامك تمام جدا ومن وجهة نظري واقعي جدا جدا

والحل الى قولتيه ا نه يكون الوضع الخلفي مش هو الاول لا يجى بعد تمام المداعبات والدخول فى الاثاره فعلا


متشكره اوي اوي اوي عشان انتى اتكلمتي

بجد كان نفسي الناس يتكلموا عشان اقدر اساعدهم بس مافيش فايده

عموما استنى البوست الجديد وقوليلي رايك فيه

بعبعه يقول...

كلام عيب

نورتي يا جميل

بصي انا مش مستغرباهم الحلات دي بالعكس

انا مستغربه ان الى قالوا بس 3

انا باقول متاكده ان ورا كل واحد منهم طابور كامل

بس مش بيتكلموا ولا مع نفسهم حتى