السبت، 2 يناير 2010

وجهة نظر فى الوضع الخلفي


طبعا كالعاده مقصرين رقابتي على الاخر وما حدش عبرني ولا حد قال حاجه


ومش عارفه انتم ليه بتعملوا في نفسكم كده ما علينا


طبعا انا عماله اهري فى نفسيتى واكلم نفسي واخمن شويه واعتمد على معارفي الشخصيين فى تكوين راي فى الموضوع

وطبعا اول واحد يا عينى اتهرى مناقشات وتقطيع هو الدكتور عباس والى طبعا خبرته اكتر مني بكتير وشاف حالات كتير ووجهة النظر دي تقريبا مبنيه على رايه بصياغه مني

وبعد التقطيع ده كله وصلت لوجهة نظر انا والدكتور عباس الاول وهاعرضها عليكم عل وعسى الاقي حد بيشاور ويقولي ايوووووووووه هو ده والنبى


او حتى يقولي لا مش هوده بالنسبه لي والحقيقه هى كذا وكذا


مشكلة الاختلاف من الرجل والمرأه حول الوضع الخلفي



التفسير من وجهة نظرنا قد يكون اقرب حاجه للحقيقه وده لاغلب الناس مش كلهم طبعا
ودى برضه وجهة نظر خاصه

هاقولكم الاول حسب وجهة النظر دي ليه الوضع الخلفي مهم للرجل

أولا : الوضع الخلفي هو اكتر الاوضاع الى بيكون فيه استسلام من المرأه للرجل بكامل ارادته
وده فى حد ذاته بتكون فكره مثيره للرجل الى بطبيعته بيحب يحس بالسيطره( بعكس مثلا الوضع التقليدى الى بيكون فيه الرجل كأنه هو الى خاضعها له او ضع الفارسه الى بتكون فى هي الى تبدو مانحه للمتعه )

ثانيا : الوضع الخلفي بيمثل متعه خاصه للرجل بالاليا والى بتعتبر عامل جنسي مثير مهم جدا

ثالثا : فى اغلب الاوضاع الخلفيه بيكون الرجل حر اكتر وبيتحرك اسهل وده بيعمله توفير جهد وتركيز اكتر مع الاثاره . وكمان بتكون اديه فاضيه وبيستخدمها فى التواصل الجسدي اكتر


ليه الست مش عاجبها الوضع ده او اكترهم

اولا : فكرة السيطره من الرجل والاستسلام له أو الخضوع مرفوضه عندها مع انها تعتبر هى الفطره طبعا ليه بقى ؟

لسببين من وجهة نظري :

الاول هو انها متربيه تربيه خطأ على استهجان الجنس والشهوه وعليه فهي عشان ما تحس بتانيب الضمير على ممارسة الجنس عايزه تحس إنها مش بتعمل ده بمزاجها لا ده هو الى بيعمل وهى ما لهاش دعوه .

الثاني هو ان الست فى العصر الحديث سمعت كتير عن حرية المرأه ورفض سيطرة الرجل عليها وفهمت حرية المرأه غلط وآنفت انها تكون فى أي وقت من الاوقات مستسلمه بكامل ارادتها للرجل
وعليه فضلت طريقين ياتبدو مرغمه يا تبدو هى المانحه او ا لمسيطره

ثانيا : عدم الثقه فى الشريك سواء عامة او اثناء العلاقه مافيش تفاهم ما بينهم كفايه مافيش تواصل كفايه يخليها تعرف ا يه ممكن يحصل ومافيش عندها حتى ترجمات صح لاحساسها وجايز يكون هو اصلا مش بيهتم بده والفكره الغبيه الى بتقول ان الالم فى العلاقه مطلوب وحلو زي ما شافوه الرجاله الهبل فى الافلام بيخليهم احيانا ما يهتموش لو حست بالم حتى لو اعلنت عنه وده اكيد يخليها ما عندهاش أي احساس بالامان وخايفه من الالم مثلا

ثالثا : الخوف من التحريم . اكتشفت ان فى بعض الناس مرتبط معاها الوضع الخلفي بالجماع فى الدبر ويا اما برضه لجهلها بالدين بتعتقد ان ده ممكن حرام يا اما معتقده ان الوضع الخلفي اسهل فى وصول الرجل للدبر مثلا (مع ان بالعكس خالص ) وعليه هى خايفه احسن يعمل حاجه حرام وهى تحت سيطره كامله منه .


على فكره ما باحبش احس انى بانفخ فى اربه مقطوعه باصاب باحباط شديد وما باعرفش اكتب حد كده يرفع من معنوياتي ويقولي حتى على الاميل انه متابع فى الخباثه

واتفاعلوا معايا ارجوكم انا محتاجه اسمعكم عشان اعرف اكتب عنكم فكوا الجبس الى على قلوبكم شويه




هناك 23 تعليقًا:

V يقول...

انا اول المتفاعلين والمتابعين
بس انا لسة مش متجوز

لو في ايدى حاجة قوليلى وانا اعملها
ههههههه

بعبعه يقول...

يا مرحبتين يا V

ولا حاجه يا مان نفسك معانا كفايه

هههههههههههههههههه

V يقول...

يامحمدددددددددددى

مددددد

زقو يانااااس

أشـــــواق يقول...

انا جييييييت

انا شاركت معكم بالاستبيان الي فات بس انشغلت شوية ومعلقتش عالبوست الي فات

سبق وقلت في الاستبيان انه الوضع الخلفي المفضل عندي وفيه متعة رهيبة وبستغرب من العقد والرفض للوضع دا

ومميزاته انه الراجل بيكون المسيطر ومداعبة الضهر والرقبة بتكون مثيرة جدا و ليه مميزات كتيرة مش عارفة اشرحها وبنصح الجميع يجربه ويدي نفسه فرصة وان شاء الله هيحسوا بمتعة جديدة

وعن نفسي بكره الروتين جدا وبحب نغير في الوضعيات وبنجرب وضعيات كتيررة واحيانا بالصدفة بنجرب وضعيات جديدة وبتكون مريحة جدا

وبالنسبة للالم من الوضع الخلفي ففي العكس تماما الوضعية دي بالذات مريحة جدا مفيهاش اي الالام

مهمتك صعبة ياقمر

ربنا معاكي

بالتوفيق ان شاء الله

غير معرف يقول...

حبيبتى بعبعه..
ماتزعليش خالص انا متابعاكى والله ...
ولى رأى فى الموضوع اكيد بعد رأيك انت والدكتور عباس..
هو ان الراجل بيحب الوضع الخلفى جدا بسبب حبه الاليا والى بتعتبر عامل جنسي مثير مهم جدا...زى ماقلتى ..
اما الست بتضايق منه ليه ..وهو ان الراجل مش بيعرف ازاى يمتعها بيه..بمعنى ان المداعبه هنا مهمه جدا ليها ..فى الرقبه والظهر والافخاد...
لو وصل مرحله انه يقدر يوصل معاها للمتعه المطلقه ..هى اللى هتطلب منه بعد كده الوضع ده..
صدقينى دى عن تجربه حقيقيه..
تحياتى ..
ميمي

السر يقول...

يا ست بعبعة ما تزعليش لكن الناس لسه برضها محرجة من الموضوع دا رغم أنه مهم جدا ..

وفي اعتقادي أن المرأة ما تحبيش من الخلف لأنها عايزة تحس باللي قدمها وعينها تيجي في عينه، وتشوف تعابير وجه وهو كمان.

غير معرف يقول...

نشنت و نشانك رشق تحليل مفصل
لا دة مش تحليل دة تشريح نفسى للرجل و المرأة.
اصبت كبد الحقيقة يا استاذة.

بعبعه يقول...

V

سمعت انه حرام تطلب المدد من حد غير ربنا
مش عارفه الحقيقه بس قلت اقولك دور فيها انت بقى

زق انت ياعم وخلاص

بعبعه يقول...

أشواق

طيب تمام كده

بعبعه يقول...

ميمي

هو حتى ده يا ميمي ممكن يوصلوا فيه لحل

يعنى مافيش مشكله تطلب الى هى بتحبه ولو اثناء العلاقه

ما اعتقدش هايكون عنده مانع يعنى

بعبعه يقول...

السر

قلت التواصل الجسدي ممكن يحل محل التواصل البصري
وعموما ما حدش قال انها تفضل الوضع ده لكن على الاقل ما تكرهوش

بعبعه يقول...

ابو ملك

طيب الحمد لله تعالى

hasona يقول...

التغير سنة الحياة

الاوضاع دي ومتعتها نسبية من زوج لأخر

غير معرف يقول...

بتابع كتير عندك ودى اول مره اعلق فيها .. بجد انا رااجل وكبير فى السن والحمد لله الرغبهو القدره عندى زى اى شاب عنده 30 سنه ومعرفش فعلا ليه الست بترفض الوضع الخلفى ومكذبش عليكى حاولت مع مراتى اكتر من مره وعلى فترات متابعده ومافيش فايده ومش عارف بجد اعمل ايه... وحرج حتى اكتب ميلى ليكى للاستشاره احسن حد اعرفه يكون بيجى هنا .
المتغاظ

غير معرف يقول...

انا متابعاكى و اول مرة امكتب تعليق
بصى يا ستى مشكلة الوضع دة بالنسبة للست تنبع من نظرتها للجنس نفسه على انه ممارسة للحب
الوضع دة بيخليى الجنس جسدى اكتر منه جسدى و نفسى كتعبير عن الحب من انهم يبقوا مواجهين بعض
على فكرة انا انسة بس دى وجهة نظرى فى الوضع دة

بعبعه يقول...

حسونه

طبعا معاك انها نسبيه امال انا عايزه اسمعكم ليه ؟

بعبعه يقول...

المتغاظ

ما احنا بناقش فى الموضوع اهو جايز تستفيد حضرتك او المدام برضه خليها تقرالنا

وبالنسبه للاميل

فى اميل للمدونه عندك على اليمين بالخط الاحمر لو حبيت

وطبعا انا بس الى باشوف الميل ولو فى رايي طبي بابعته للدكتور عباس من غير اميلك ومن غير اي اشاره لشخصك

وبرضه زي ما تحب يا فندم
انا تحت امركم

بعبعه يقول...

الانسه الغير معرفه

لا يا حبيبتى الاوضاع الجنسيه ممكن كلها نخلق منها جنسي ونفسي عادي جدا

وبعدين ما قلتش انى عايزه الستات يفضلوا الوضع الخلفي انما على الاقل ما يحرموش ازواجهم منه ويتقبلوه تقبل حسن

شكرا يا جميل ونورتي

غير معرف يقول...

مدونة جيدة وقد قرأتها كلها وهى بتتكلم باحترام فى حاجات بنتكسف نكلم نفسنا حتى فيها

شوفى علشان تقولى لواحدة اتكلمى مع جوزك فى اللى نفسك فيه هتلاقى خطوط حمرا كتير غرقت الدنيا لا مش سهل خالص على ناس كتير تتكلم فى الحاجات دى مع زوجها رغم انه حلالها وكل شىء لكن صعب جدا اتربينا على كده غلط صحيح بس صعب قوى قوى يتغير

المهم الوضع ده مش عارفة مهولينه ليه وكانه مصيبه بالعكس ده حلو جدا الذ من التقليدى بكتير مفيش وجه مقارنة اساسا


المشكلة مش فى الوضع اى وضع المهم الراحة القبول نستنى بعض منستعجلش منبقاش روتينيين يعنى مش لازم يوم معين لو عدى لاى سبب نستنى نفس اليوم الاسبوع الجاى بلاش الحاجات اللى تشل دى
بلاش ابقى عارف ان مراتى مكسوفة تقولى وانا عارف هى عايزة ايه واطنش بلاش الحاجات دى مش يعنى عدى على الجواز مثلا 10 سنين يبقى خلاص تبقى صدف بقى الحكاية واللا ايه ده فى رجالة فى الثلاثينات هيشلوا مراتتهم

غير معرف يقول...

مساء الخير
حلوة الدخله ده على ماظن
المهم انا برده عجبنى موضوع الوضع الخلفى بس نفسي اجربه ايه سبب اعجابى بجد مش عارف
ويمكن زى ما انتى ذكرتى بس هو السؤال انت باه كسيده رايك ايه فى الموضوع ده واذا كنتى جربتى فى ايه رايك واذا كنتى مجربتيهوش فممكن تفكرى تجربيه ولا لا
شكرا ليكى

غير معرف يقول...

انا عن نفسي بحس ان الوضع ده مهين للمرأة ومافهيوش اي احساس مجرد جسد

غير معرف يقول...

بجد مدونة محترمة جدا ومعلوماتك ممتازة شكرا

غير معرف يقول...

الوضع ده مثير جدا
انا رجل وعلي مسؤلتي الخاصة بقول ان الرجالة كلهم بيحبوه وطالما مش حرام يبقي مش عيب

..درويش..