الاثنين، 10 مايو، 2010

الجنس فى الاسلام

دلوقتي انا باسمع كلام غريب جدا يا جماعه منكم

حقيقى انا باستغرب

باشوف ناس بتبص للجنس والشهوه الجنسيه على  انها حاجه قميئه وعار احتمال ما لهاش لازمه واحتمال تشتغل معاهم ويقولك ده تصرف حيواني وكتير كتير كلام باسمعه

ليه بقى حضراتكم

انا طبعا بصرف النظر عن الاوجه الكتيره للموضوع النهارده بعد اذنكم هاتكلم عن موقف الاسلام من الجنس ازاي وليه اصلا الموقف ده كده

طبعا ميت مره قلت انا مش جهة افتاء  انما مش معنى كده اطلاقا ان انا مش عارفه انا باقول ايه ولا مش متاكده من كلامي وعموما انا  هاجيب لكم كام حديث بس ونتكلم عنهم

اولا : احب اوضح ان الدين الاسلامي بيحترم الرغبه الجنسيه  ومش بيحقرها ابدا والدليل  على كده الاقرار بها والاشاره لها  فى القرءان طبعا  بشكل طبعا لائق
وكمان القوانين الموضوعه لممارسة الجنس من الزواج واحكامه وقوانينه تقول ان الاسلام بيقر العلاقه ولا يحقر منها ابدا

ثانيا : ليه بنتكسف او بنحقر من حاجه ذكرت فى القرءان بكل احترام وجمال ونلاقي بيقول

·        ازواجا لتسكنوا اليها
·        هن لباس لكم
·        قدموا لانفسكم
·        آتوا حرثكم انى شئتم


ودول الى جم على بالي وبيتكلموا عن العلاقه الجنسيه بشكل محترم جدا وجميل جدا

ثالثا : السنه

اول حاجه لازم نذكرها فى السنه ان الرسول عليه الصلاة والسلام نفسه كان بيمارس الجنس ومش هو لوحده لا طبعا اغلب الانبياء تزوجوا وانجبوا عادي جدا

طيب يعنى هل يعقل ان الانبياء يأتون شيئا نكرا ولا حاجه مش تمام

طيب الرسول  عليه الصلاة والسلام كان بيتكلم ازاي فى الامور دي

انا هاديلكم امثله  بس عشان تعرفوا ان احنا الى عندنا عقد نفسيه مركبه

فى جماعه راحوا للرسول عليه الصلاة والسلام وقالوله ان ذهب  اهل الدثور بالاجور ... بمعنى الاغنياء بيتصدقوا فياخدوا اجر والفقرا محرومين منه فرد عليهم الرسول عليه الصلاة والسلام بالحديث ده

أوليس قد جعل الله لكم ما تصدقون به ؟ إن بكل تسبيحة صدقة ، وبكل تكبيرة صدقة ، وبكل تحميدة صدقة ، وبكل تهليلة صدقة ، وأمر بالمعروف صدقة ، ونهي عن المنكر صدقة ، وفي بضع أحدكم صدقة . قالوا : يا رسول الله أيأتي أحدنا شهوته ويكون له فيها أجر ؟ قال : أرأيتم لو وضعها في الحرام أليس كان يكون عليه وزر ؟ فكذلك إذا وضعها في الحلال يكون له أجر
الراوي: أبو ذر الغفاري المحدث: الألباني - المصدر: صحيح الجامع - الصفحة أو الرقم: 2588
خلاصة حكم المحدث: صحيح

والبضع هو الجماع
اظن الحديث مفهوم جدا والى مش فاهم يشاور بس من بعيد وانا اقول

طيب تعالوا كمان شوفوا الحديث ده   كده والموقف كله

الحديث ده مناسبته ان كانت رفاعه القرظي طلق مراته ثالث طلقه بالتالي ما عادتش تجوز له فهى وافقت تتجوز عبد الرحمن بن الزبير على امل انها تطلق منه وترجع لرفاعه القرظي

واتجوزت رفاعه فعلا بس امتنعت عن العلاقه الجنسيه  وراحت شكت للرسول انه رفاعه ضربها وانه ما بيعرفش  (ايوه والله قالتله كده وانا مالي)

طب تعالوا الحديث اهو  انا مش هالف ده انا جايبه اثنين خبرا عشان اطلع الاحاديث دي  اصلا


أن رفاعة طلق امرأته ، فتزوجها عبد الرحمن بن الزبير القرظي ، قالت عائشة : وعليها خمار أخضر ، فشكت إليها وأرتها خضرة بجلدها ، فلما جاء رسول الله صلى الله عليه وسلم ، والنساء ينصر بعضهن بعضا ،
 قالت عائشة : ما رأيت مثل ما يلقى المؤمنات ؟ لجلدها أشد خضرة من ثوبها .
 قال (عبد الرحمن بن الزبير ) : وسمع أنها قد أتت رسول الله صلى الله عليه وسلم ، فجاء ومعه ابنان له من غيرها ،
 قالت : والله ما لي إليه من ذنب ، إلا أن ما معه ليس بأغنى عني من هذه ، وأخذت هدبة من ثوبها ،
 فقال : كذبت والله يا رسول الله ، إني لأنفضها نفض الأديم ، ولكنها ناشز ، تريد رفاعة .
فقال رسول الله صلى الله عليه وسلم : ( فإن كان ذلك لم تحلي له ، أو : لم تصلحي له ، حتى يذوق من عسيلتك ) .
 قال : وأبصر معه ابنين له ،
فقال : ( بنوك هؤلاء ) .
 قال : نعم ،
قال : ( هذا الذي تزعمين ما تزعمين ، فوالله ، لهم أشبه به من الغراب بالغراب ) .
الراوي: عكرمة المحدث: البخاري - المصدر: صحيح البخاري - الصفحة أو الرقم: 5825
خلاصة حكم المحدث: [صحيح]


اكملكم الحكايه جايز ما فهمتوش الكلام انا عارفه انه تقيل

فراحت قدام الرسول وقالتله رفاعه ما بيعرفش ما عندوش الى حاجه كده  اد كده ومسكت  جزء صغير من هدومها ( وانا مالي والله قالت كدهJ  )

كان رفاعه جه بقى : فرد عليها وقال كذااااابه  ده انا ممكن اقطعا ترنشات دلوقتي بس هى الى ممتنعه وعايزه ترجع لرفاعه

فالرسوله عليه الصلاة والسلام تبسم (فى ورايه تانيه غير دي قالوا انه تبسم ) وقالها لا يجوز حتى تذوقين عسيلته ويذوق  عسيلتك ( يعنى يقيم علاقه  جنسيه )

وبعدين عبد الرحمن كان جايب معاه ولاده ( اه ما الست بتقول ما بيعرفش بقى )

فالرسول بص لهم  وقاله هو ده الى بتقولي عليه كده ده ولاده شبه زي ما الغراب شبه الغراب


طبعا فى رويايه تانيه ان ابو بكر والصحابه بره سامعين الكلام بيقولوا الحقوا الست دي بتقول ايه عند رسول الله
بس الرسول لا نهاها ولا قالها يا اهلكي يا فاجره ولا حاجه بالعكس تبسم ورد  عليها عادي جدا

وبعدين فى فى الحديث ده حته حلوه اوي

لما الرسول بيقولا حتى يذوق عسيلتك وتذوقي عسيلته

عسيله فى اللغه تصغير عسل

يعنى شوف بيكنى عن العلاقه بحاجه جميله ازاي ؟؟؟

مش كلام منفر ولا محقر ولا أي حاجه
 ( مش عايزه من فضلكم اي حد يقولي انتى بتهزري فى حديث والكلام التعبان ده الهزار مش معناه انى باقلل من قيمة الناس بس يعنى اشرح لكم ازاي اللغه دي ؟؟ لازم اشرح بلغه سهله عشان الكل يفهم  انا باهزر مش باتريق  )


كمان الحديث الى جاي ده  ده مهم اوي
جاءت أم سليم إلى رسول الله صلى الله عليه وسلم فقالت : يا رسول الله ، المرأة ترى ما يرى الرجل في المنام ؟ فقالت أم سلمة : فضحت النساء يا أم سليم ، فقال : إذا رأت ذلك فلتغتسل فقالت أم سلمة : وهل للنساء من ماء ؟ قال : نعم ، إنما هن شقائق الرجال
الراوي: أنس بن مالك المحدث: ابن القطان - المصدر: الوهم والإيهام - الصفحة أو الرقم: 5/271
خلاصة حكم المحدث: صحيح


هن ايه ؟؟؟ شقائق الرجال      اه  خلي بالكم الموضوع ده عايزله قاعده لواحده اصل فى ناس قالت كلام على الفيس بوك ينقط اش حد بعبوعي اصيل زيي كده


اه على فكره فى روايه تانيه للحديث

لما سألت ام سليم السؤال ده

فقالت أم سلمة رضي الله عنها : تربت يداك يا أم سليم فضحت النساء : فقال النبي صلى الله عليه وسلم منتصرا لأم سليم : بل أنت تربت يداك ، إن خيركن لمن تسأل عما يعنيها


ايه بس دخل فى عقولنا ان العلاقه حاجه حقيره حاجه دونيه حيوانيه

ابص الاقي واحده بتقولي انا مش متخيله انى ممكن اعمل كده مع حد يععععععع ده قرف اوي ؟؟؟ ليه ؟؟؟

الاقي واحد  شاب والله وفى عمر الزهور بيقولي  هو احنا يعنى خلاصنا مشاكلنا عشان نناقش ا لمشاكل الجنسيه ؟؟ ما نشوف المصايب الى عندنا الاول والمتعه دي بقى يا اما جت ماشي خير وبركه ولو ما جاتش مش مهم نبقى نستمتع فى الجنه بقى !!!!!!!!!!!! (ايوه هو انت يا فارسني)   ده ايه ده ؟؟؟

والست تقولي انا باحس انى حيوانه واحنا بنعمل كده بافتكر شكل الحمار الى شوفته فى بلدنا زمان ( الله انتى هبله ولا ايه ؟؟ اه هبله رسمي  )
الله طب وهو الحمار وحش ده جميل والنبى طب ياريت نعرف احنا فى العلاقه نكون زي الحيونات بنقائهم واحترامهم لشركائهم
طب روحوا دوروا كده على اليو تيوب على كليبات لمعاشرة قرود واحصنه مدرسه تتعلموا منها الادب والاخلاق وقت العلاقه بس الى يفهم

والكوم الكبير كبير بقى
الى بتقولك  اصل انا مؤمنه بالحب الافلطوني ( منهم لله بتوع الرويات ) واصل حب الجسد فاني

كل يا جماعه والله اعقد نفسيه

الحاجه الى الجنس زي الحاجه الى الاكل والشرب من حاجات البقاء

حاجه جبلنا عليها خلقنا بها كده

ومش حاجه مقززه ولا مقرفه ولا حقيره بالعكس

ده الاتصال الجسدي ده  لو تم صح بيكون رابط وصله قويه وجميله جدا جدا بين الزوجين

متخيلين يعنى ايه اختلاط دم بدم

ايوه ماهو السائل المنوي ده من دم الرجل وبيدوب فى دم الست من خلال الرحم

شوفوا موضوع الفرمون الجنسي  هنا على المدونه تفهموا الموضوع ده

حاجه محسوبه متخططه من خالق الكون سبحانه

ارجوكم احترموا  انفسكم  احترموا اجسامكم احترموا حاجاتكم
واحترموا  القواعد والقوانين كمان الى وضعها ربنا سبحانه وتعالى لتقنين العلاقه دي

وطبعا طولت  عليكم بس ان كان عاجبكم

هناك 19 تعليقًا:

صيدلانيه طالعه نازله يقول...

الاسلام دينا الحنيف دين راقى
مسابش صغيره و لا كبيره فى امور الدنيا الا ووضحها و سهلها لينا
عشان كده اللى يقرا كل الاحاديث النبويه دى و كل الايات القرآنيه دى
و يصر على ان العلاقه الجنسيه علاقه حيوانيه
يبقى كافر لانه رفض ايات ربنا

و بعدين يا جماعه دى تكاد تكون المتعه الوحيده اللى ربنا اعطاها لينا مجانيه من غير ما ندفع فلوس
نقوم نحقرها و نستخف بيها

حاجه غريبه فعلا

بوست جميل يا جميله بجد

دندنة قيثارة الوجد يقول...

في الحقيقة أن الدين الإسلامي لم يحرم أي شيء مباح في الحلال .. ولكن هناك حياء في الدين .. ولا يعني هذا الأمر عدم التحدث فيه نهائيا واعتباره من الفواحش، فهذه غريزة أساسية كالأكل والشرب والنوم ولابد من إشباعها بالطريقة الصحيحة.

وما أذكره أن العلماء المسلمين الأوائل قد تحدثوا في هذا الأمر وكانوا يسمون الأعضاء التناسلية بأسمائها ويذكرون اختلاف نطقها في كل بلد من البلدان الإسلامية.

وفي النهاية كما قلت سابقا .. لا حياء في الدين.

بعبعه يقول...

صيدلانيه

الشعب هايطلع عليكى بالشوم دلوقتي

يعنى هو طبعا مافيش شك ان الى يرفض الاقرار بايه قرآنيه انه يكون كافر

انما هما المشكله مش عارفين ومش فاهمين كمان

فطبعا انتى بتدوسي وبتشدي على الرابع

وانا متغاظه منهم زيك طبعا

بس ادينا فهمنهام بقى يارب يفهموا

متشكره ليكى يا قمرايه وانتى شرفتينا

challenger يقول...

اولا موضوع جميل وله قيمة جميلة ومدول

ثانيا حبيت اعلق على الموضوع في كام نقطة:
-لو قلنا ان حاجات الكائنات الحيه الاساسيه كما يقسمها العلماء تقتصر في اربع حاجات اساسيه :1- الماكل 2- المأوى
3- المسكن 4- والتكاثر
- لو هنتكلم عن الجنس فهو احد احتياجات اي كائن حي على وجه الارض يتكاثر جنسيا
ودي حاجه خلقها الله سبحانه وتعالى لحكمة

والحكمة من الجنس في كل الكائنات هي الحفاظ على النوع والتكاثر
ولان الله سبحانه وتعالى خلق الانسان صاحب عقل ليكرمه عن سائر المخلوقات فترتقي العملية الجنسية لاكثرمن كونها وسيله عادية للتكاثر وزيادة النسل وانما يزيد قيمة العملية الجنسية صفة المتعة للطرفين لادراك جماله ولا تصبح مجرد عملية روتينية.
- ولان الله زاد المسلمين تكريما بالاسلام لم يكن ابدا ليهمل الدين الحنيف قيمة تلك العملية في انشاء مجتمع اسلامي كبير ويزيد عدد ابناءه عن طريق تلك العملية والتي حض عليها الاسلام عن طريق الزواج

اي ان الدين الحنيف مهد لتلك العملية عن طريق وسيله شرعية وهي الزواج لمعرفة الخالق بكنه النفس البشريه التي جبلت على ان يوجد بها غريزة جنسية والتي لابد من اشباعها.

يقول صلى الله عليه وسلم فيما معناه ( تزاوجوا تناكحواتكاثروا فاني مباهي بكم الامم يوم القيامة) او كما قال صلى الله عليه وسلم

فالدعوة واضحة لزيادة عدد المسلمين

وكما ذكر في الموضوع بان بضع الرجل صدقة وكيف لا وهو ان وضع شهوته في حرام كان عليه وزر.

ولاهمية تلك الحاجة بالنسبة للانسان وانها شيء مهم لا يستطيع الانسان الصبر عليه كثير نهى الدين الحنيف ان يترك الرجل زوجته اكثر من 4 شهور لادراكه بحاجة المرأة لزوجها حتى وان كان سبب الغياب الحرب او القتال.

الا يدل كل هذا على احترام الاسلام لحاجات النفس البشرية وان الخالق سبحانه وتعالى رحيم بعباده..


اما بالنسبه لمن يقول انه يشعر بانه حيوان لممارسته الجنس مع شريك حياته الزوجية فاعتقد انه لا ينال من الجنس الا الاسم لكن لا يشعر لا بالمعنى ولا بالقيمة ولا حتى باللذة .

اما اللي بيقولاو بتقول انها بتقرف تعمل حاجه زي كده اكيد لسه ما اتجوزتش ولما هتتجوز اعتقد وجهة نظرها هتتغير تماما

اما لفكرة مناقشه المشكله الجنسية وان احنا حلينا مشاكلنا كلها ومبقاش غير دي
فللاسف لا المشكله الجنسية ولا غير الجنسية حتى هنحلها طول ما كل واحد فينا منتظر ان غيره يحل له مشكلته وعلشان تحل مشكلتك لازم تحاول تصلح من نفسك اولا دي ناحية الناحية التانية

للاسف الشديد ناس كتييييير متجوزه ما تعرفش حاجه عن الحياه الجنسية الصح
وللاسف قد تكون احد اسباب الطلاق عدم الوعي والمعرفه بالحياة الجنسية
فمش عيب نتطرق اليها بالشكل الصحيح كما تطرق لها ديننا الحنيف....


باعتذر جدا جدا على الاطالة

أبو ملك يقول...

اتفق معك تماماً و اعتقد ان اللى يقول يعععععععععععع دة كذاااااااااب لان الرغبة الجنسية مركبة فينا زى الجوع و العطش و النعاس
شكرا

بعبعه يقول...

دندنة

عشان برضه ما حدش يمسك فى خناقنا

الحياء طبعا فى كل حاجه لكن ما يمنعاش من تحصيل العلم عموما سواء فى الدين ولا غيره

وطبعا كلامك تمام ومتشكره ليكى ونورتينا

بعبعه يقول...

تشالنجر

تمام بالظبط كلامك متطابق مع كلامنا فعلا

والحاجات الانسانيه اعتقد علماء النفس رتبوها كالاتي حسب الاهميه

الاكل الامومه الجنس المأوى والمسكن (الاحساس بالامان )

وطبعا لو كان الهدف من الجنس التكاثر بس
كنا بقينا زي بعض انواع الحيوانات بنمارس الجنس وقت التبويض بس

انما طبعا مش الهدف من الجنس التكاثر بس

وده موضوع كبير عايزين نتكلم عنه فى مره جايه
وزي ما انت قلت ان احنا كبنى ادمين مميزين عن باقي الحيوانات انه مش وقت التكاثر بس ولا الهدف منه التكاثر بس

وطول براحتك انت تنور يا باشا

بعبعه يقول...

ابو ملك

متشكره لك

ولكن ما اقدرش اقول هما كذابين

لانهم اصلا مش فاهمين ومش حاسين

ومتشكره لك تاني ونورتنا

فشكووول يقول...

انا سمعت اخبار مش عارف صحتها
ولو كانت صحيح
انا لله وانا اليه راجعون
رحم الله الفقيده واسكنها فسيح جناته وغفر لها ووسع لها فى قبرها وعسلها بماء وثلج وبرج ونقها من الذنوب كما ينقى الثوب الابيض من الدنس وادخلها فسيح جناته مع النبيين والصديقين والشهداء وحسن اولئك رفيقا

بعبعه يقول...

فشكول

ايوه يا استاذ فشكول فعلا والدة الاستاذ عمرو توفاها الله

ان لله وان اليه راجعون


بس استاذ عمرو مخاصم البلوج كله وما عادش بيكتب


عموما انا هابلغه ان شاء الله بعزا حضرتك

غير معرف يقول...

بتنفخي ف قربة مقطوعة
مش مخرومة

الله يكون في عونك

بعبعه يقول...

الغير معرفه

طيب ندي للقربه بنطة لحام ونعتبرها كوز المحبه

العون على الله

غير معرف يقول...

مشكلتنا الأساسية مش دينية لكن اجتماعية تحريفية
ومش العرب بس اللي كده على فكرة لكن مجتمعات اسلامية تانية كتير عندهم مشاكل وعقد اكتر مننا بكتير
لي صديق باكستاني بيقول عندهم مثلا في مذهب ديني منتشر جدا فيه انه حرام ان الزوج والزوجة يشوفوا بعض بدون ملابس
ولو تم الجماع بينهم لازم يكون " بدون رؤية " طبعا ده جاي من حديث موضوع بيقول انه اذا لقى احدكم امرأته فلا يتعريان تعري البعير
وطبعا العقد الكتير جاية من حاجات مشابهه لكده
حاجة كده على جنب
اكتر حاجةبتخنقني دلوقتي مثلا اني اشوف كارت دعوة الفرح مكتوب اسم العريس مثلا محمد واسم العروسة F يعني حاطط اسم العروسة رمز مع ان والله الاسم مش عورة وتلاقي الفرح اصلا مختلط والعروسة مكشوف منها اكتر من المغطي وممكن ترقص كمان
يعني حياتنا مقلوبة

ربنا يعافينا

وشكرا على المعلومات الجميلة خصوصا اني كتبت الكتاب وقريبا ان شاء الله الفرح

علي يقول...

معلش نسيت احط اسمي في التعليق اللي فات

اكتر المشاكل اللي مترتبة على جهلنا بالأمور دي من باب العيب ان نتيجتهاعكس المرجو منها تماما
يعني بدافع العيب نقول بلاش تعرف الحاجة دي
وعلشان يعرف مايلاقيش قدامه غير ابواب حرام علشان يعرف
فيبقى وقع في اللي كنا مفكرين اننا بنحميه منه وهكذا

شكرا

بعبعه يقول...

علي

عندك حق فى كلامك

بس على فكره الكلام الى قلته بتاع البكستاني بيقتال هنا برضه

وعلى كل الاوجه سواء الدينى او الشعبي

وطبعا احنا دايما بنحب نستهبل ونقلب الاوضاع

بحيث ان ممكن واحد يدخل دلوقتي المدونه دي يقولي حرام عليكى يا قليلة الادب الكلام الى بتقوليه ده
وهو يكون اساسا بيتفرج على افلام سيكو سيكو
او حتى عنيه تندب فيها رصاصه مش سايب واحده فى حالها
انما لازم يطلع كده ويفتح صدره ويقول انا رجل الفضيله يا كلاب


تحياتي لك يا علي ومبروك على كتب الكتاب وربنا يتملك على خير

ولازم تقرا البوستات القديمه عندي وتجيب عروستك تقراهم كمان
مهم اوي يا علي تتكلموا من دلوقتي

نورت

علي يقول...

اطمني أنا تقريبا قريت كل البوستات
وبدأنا الحمد لله شوية شوية نتفاهم ونتكلم بحرية
واكتشفت العجب العجاب
ان معظم البنات " مش كلهم طبعا " اما مش عارفين حاجة او عارفين حاجات مغلوطة

وربك يسهل

MeGltNa 3mr Wa2el يقول...

يمكن انا بدخل تير عندك هنا بس اول مرة اعلق بس بجد كلامك فعلا صح
لانى لما كنت صغير و سالت عرفت تقريبا الكلام دة بس طبعا مش كله
بجد حلوة المدونه دي
ربنا يجزيكي خير

بعبعه يقول...

علي
طيب خير بنا يوفقك ان شاء الله

بعبعه يقول...

عمرو وائل

متشكره لك وشرفتنا