الاثنين، 7 يونيو 2010

ختان الاناث




النهارده يا جماعه انا اخترت موضوع مهم للكلام عنه
وهو ختان الاناث

انا عارفه ان الموضوع ده قتل بحثا والناس اتكلموا فيه لما شبعوا

بس انا النهارده هاتكلم فيه من ناحيه مختلفه بعد طبعا ما اقول ملخص عنه عموما

طبعا هو ختان الاناث الى فيه خلاف جامد وفيه كلام كتير

يعنى يمكن ختان الذكور يكاد يكون محسوم

بالنسبه لختان الاناث
نعرفه الاول  وهانعرف الختان العادي او الصحيح : هو ازالة جزء صغير جدا من البظر


 شرعا انا اعتقد -  وده رايي شخصي بحت لكم مطلق الحريه فى البحث عن اراء اخرى -

هو مباح  يعنى هو اصلا كان موجود فى ارض الجزيره العربيه والرسول يعنى كان معنى حديثه من وجهة نظري انه يعنى وافق عليه بشروط خاصه جدا (وافق عليه مش فرصه ولا اسنه وفى فرق )

وطبعا الحديث الشهير : اشمي ولا تنهكي  فذلك انضر للوجه واحظى عند الزوج

من وجهة نظري الحديث  ده لوحده مدرسه

هو ده الختان الى احنا هانتكلم عنه الى هو بشرط ايه اشمي ولا تنهكي

طبعا فى ختان بقى جائر
وبيكون بازالة البظر بشكل كامل

وفى ختان ابشع وابشع وموجود فى افريقيا  والى مسمينه ختان فرعوني مش عارفه ليه (مافيش أي حاجه تثبت او  تقول  ان الفراعنه كانوا بيعملوا كده ولا حتى فى  الجواري كما يقال )


انهم بيشيلوا كل حاجه اصلا

بيشيل البظر والاشفار الداخليه واي  حاجه تقابلهم فى سكتهم
حتى انهم فى بعض القبائل بيعملوا ده للبنت بمجرد بلوغها او حتى قبل بلوغها ويفضوا الغشاء كمان ويجوزوها دوغري

من الاخر هما  بيخلوها  جثه تحتوى على فتحه تناسليه

طبعا ده ختان جائر وحرام شرعا وكل حاجه مؤدي لها زفت الزفت

خلينا بقى فى الختان العادي ونرجع للنقطه الى انا عايزه اتكلم فيها


واحب اقول رايي الشخصي فى الموضوع انا مش مع ختان البنات الا لو حصلت مشكله صحيه مثلا او فى حالات خاصه جدا فى المناطق  الحاره وسبب عدم الختان مشكله فعلا 
انما فى العموم انا مش مع الختان ابدا خصوصا انك بتاخد قرار بشأن الطفله مش من حقك تاخده 
واعتقد الراي الطبي المنصف معايا فى الكلام ده 


نيجى بقى للنقطه الى انا عايزه اتكلم فيها تحديدا 

دلوقتي انا ملاحظه وجود هسهس فى  عقول الناس ولا سيما الرجاله
بخصوص موضوع الختان ده من حيث ايه بقى

بالاقي واحد يقولي والله  انا مراتي عندها برود اصلها مختونه

طبعا اعتقدا منه ان الختان هو سبب جوهري للبرود الجنسي

وده شعور غذاه التوجه  الاعلامي بتاعنا الى مش فاهم حاجه اصلا 

او واحد تاني يسأل خطيبته انتى مختونه تقول لا بس يقولك لا ممكن ابدا انا عايزه مختونه روحي اعملي ختان الاول وانا اكمل معاكي

الحقيقه مش عارفه ده ايه مخاوفه

هل خايف انها تكون متطلبه جنسيا وهو مش واثق فى نفسه جنسيا فمعتقد انه مش هايقدر يوفيها حقها ؟
هل معتقد ان الى مش مختونه بتكون معرضه اكتر لارتكاب الخيانه او الزنا اعاذنا الله واياكم ؟

مش عارفه الحقيقه  لكن ايا يكن هو الكل غلطان فى معتقده

لان الختان العادي الصحيح مش مؤثر للدرجه دي

يعنى لا هايحولها الى ست بارده جنسيا ولا عدمه هايحولها لوحش كاسر

البظر عضو مهم فى  الاثاره الجنسيه ايوه ما قلناش حاجه بس اولا  احنا فى الختان مش بنشيل العضو كله  المفروض

ياما ستات مش مختونين وعندهم مشاكل زي البرود او فشل الاورجازم

وياما فى ستات مختونين وما عندهمش أي مشاكل وتمام التمام


بالتالي الختان مش مقياس ابدا وزي ما فى رجل رغباته الجنسيه قليله وفى رجل رغباته فى المستوى العادي وفى رجل اكثر من العادي

فى كمان ستات من كل نوع من ده   هى العمليه فروق فرديه

وعشان فى فروق فرديه احنا المفروض دايما ندور على ارض مشتركه عشان يحصل توافق جنسي بين الزوجين


مشكلة الست الاكبر من وجهة نظري فى مجتمعنا وفى الجيل الحالي من الستات بالذات هو التربيه الغلط والكبت النفسي من المجتمع والاسره والى بينعكس عليها

ده بقى انا باسميه ختان نفسي واحيانا بيكون ختان نفسي جائر فعلا وبيسبب فعلا  خلل فى المنظومه الجنسيه عندها

انا هاقولكم على تفسير للاعتقاد ده معقول جدا
هو بالنسبه للاخ الى خايف يتجوز واحده مش مختونه ده تفسيره الوحيد انه واخد خبرات سيئه ومعلومات خاطئه ودماغه بايظه خالص من الناحيه دي

اما النوع التاني وهو الاكثر انتشارا الى بيعتقد ان الختان هو سبب برود مراته

فى الحقيقه انا عاذراه لانه فى الغالب بيكون عمل حاوي عشان يحس منها بتجاوب مافيش فايده فبيحاول يلاقي لها أي مبررات لانها مش  متجاوبه معاه خالص وبتحاول بشتى الطرق تثبتله انها مش عايزه العلاقه وما تفرقش معاها ومش فى دماغها ولو قعد شهرين ما يقربلهاش هاتعمل مش واخده بالها ولسان حالها بيقول  ولاااا تفرق معايا

بالتالي هو بيقولك بس يبقى هى بارده  طب بارده ليه ؟
الى يقولك عشان مختونه
والى يخترع اسباب تانيه كتير  لا رفيعه لا تخينه لا اصل العيال شغلوها عني  دي اهملت نفسها
ده اصل انا مش باحبها اوي ما عرفتش تملا حياتي  اصل احنا متجوزين جواز صالونات
أي بتنجان بقى  وخلاص


طبعا باقول انا عذراهم هما مش عارفين ان المشكله الاساسيه فى الغالب مش عضويه اصلا والمشكله فى الدماغ الى هو  من وجهة نظري اهم عضو جنسي عند المرأه

ارجو اكون ما طولتش عليكم وافدتكم فعلا  والادمغه او جزء منها اتعدل

والف شكر للدكتور عباس   ما نتحرمش من بصماتك يا فندم 

هناك 24 تعليقًا:

بنت وولد يقول...

ختان الاناث موضوع اختلفت حوله الاراء بين مؤيد و معارض و كل فريق عنده دفعاته و اسبابه اللى بتأيد تفكيره

انا عن نفسى ضد ختان البنات الا لو كان هناك سبب ضرورى يستدعى اجراء هذه العمليه غير كده اعتقد انه ملوش لازمه

خلينا نكون صرحاء و نتفق ان اللى حريص على اجراء الختان لبنته هم ابناء الطبقه المتوسطه و الاقل من المتوسطه و اللى بالنسبالهم اجراء العمليه دى عند طبيب رفاهيه لا يملكوها يبقى الحل الوحيد هو الدايه او الممرضه او حلاق الصحه اللى بيبقى فى الموالد
يعنى العمليه غلط من اولها و اللى بيعملها مش متخصص و ممكن يكون ختان جائر
يعنى فعلا ممكن يسبب برود جنسى للبنت سواء عضوى او نفسى نتيجه صدمتها النفسيه اثناء اجراء العمليه

و بالتالى البنت بتخرج من الموضوع ده متعقده و حاسه ان جسمها انتهك من غير سبب او مبرر واضح

ده رأيى الشخصى و اسفه على الاطاله

VÖltaa يقول...

كلامك جميل كالعادة وبوست حلو

بس انا شايف ان الموضوع كله عبارة عن تربية غلط ومجتمع غبى

هاتى انتى اب او ام يفكرو تفكير سليم
هتلاقى بين كل 100 اسرة ممكن 10 اسر يكونو متحضرين ومنفتحين وفاهمين

وكل ده من مبدأ احنا فى مجتمع شرقى ولازم البنت تتختن وألا هتبقى ----

برده مفيش ثقافة جنسية ولا معرفة صحيحة

بحيث لو البنت اهلها بوظولها دماغها ونفسيتها يكون عريسها او زوجها قد المسؤلية ويعرف يفتح عينيها ويفهمها ويعالجها صح بحبه وحنانه

لكن نلاقى الأزواج بيزهقو وبينفضو ويرمو ورا ضهرهم

وفى الاخر تبقى دى ام ويبقى ده اب وتتطلع اسرة من ال 100 اسرة اللى بقول عليهم
وتستمر العملية


عموما ده رأيي المتواضع

واسف لو كنت طولت

بعبعه يقول...

بنت وولد

انا كمان معاكي ضد ختان الاناث

بس انا بقى كمان مش شايفه اي ضروره ليه الحقيقه
ومش عارفه مين ممكن يقرر الضروره دي

يعنى اعتقد انها حالات قليله اوي وبرضه مش ضروري

اختلف معاكي بقى فى كون ان الى بيعملوا الختان لاولادهم غير قادرين على اجر الطبيب

لا طبعا الطبقه المتوسطه فيهم القادرين طبعا لكن المهم التفكير ازاي
هو فكره ازاي
وانا اعرف ناس بتختن عند دكتور وكل حاجه مافيش مشكله
بس السؤال هو ليه
ليه تحرموها من وجود الجزء ده فى جسمها بدون اسباب حقيقيه ليه ؟؟

وطبعا انا معاكي فى ان الختان الجائر ممكن يعمل برود جنسي

ومعاكي كمان فى الاثر النفسي السيء خصوصا ان البنت لازم تكون كبيره فبتكون واعيه

نورتي ومافيش اطاله ولا حاجه براحتك خالص واهلا بيكى دايما

بعبعه يقول...

فولتا

برافوا برافو برافوا

تمام

كلامك صح الصح انا معاك فى كل كلمه قلتها

واكتر حته عجبتنى تنفيظ الزوج

اه ده الى بيحصل

مش كفايه عليها انها مظلومه من المجتمع واهلها ومبوظين دماغها وشخصيتها

لا يجى هو يحاسبها على ذنب لما تقترفه ويكمل عليها

وتستمر الدائره
تحياتي لك بجد كلامك تمام التمام

صيدلانيه طالعه نازله يقول...

انا برضه ضد الختان
من هنا لاخر الشارع
لانه موضوع مالوش لازمه
و حرام نحرم البنت من المتعه اللى ربنا ادهالها
و لو الجزء ده فيه مشكله مكانش ربنا خلقه خالص من الاول و لا ايه؟؟؟

غير معرف يقول...

والله صح لسانك يا بعبعة

وانا معاكى ف اللى قولتيه لان انا

ف شغلى كله بنات فيه منهم

المختونيين وفيه ال مش مختونيين

ومش شايفة اى اختلاف ف غرائزهم او

متطلباتهم الجنسية الاتنين زى بعض

انما لاحظت فعلا ان ف بنات مختونيين

وبارديين اوى بس بالفطرة هى

طبيعتها كده

طوبة زى مابيقولوا مابتتحركش حتى وهى

بتسلم عليكى تحسيها مش بتحبك مع انها

بتحبك بس هى حضنها بارد سلامها بارد

ودى بجدبقولها الله يكون ف عون جوزك

يارب من هنا صوتك يوصل للناس

اللى بتقتل الانثى ف الانثى بالختان

سلمت يمناك ودمتى بكل ود

بعبعه يقول...

صيدلانيه

ايوه انا معاكي تمام بس ما ينفعش ناخدها بالصوره دي

لان كمان الرجال بيختنوا وبرضه ده جزء خلقه ربنا

كل حاجه ولها حكمتها

لكن هو المشكله فى العقليات الى تابى على الست المتعه اصلا

تحياتي ليكى

بعبعه يقول...

غير معرفه

لو سمحتي اقري البوست تاني

عشان انتى ما فهمتيش كلامي سوري والله

بس هى دي الحقيقه

انا قلت العكس

ان مش الختان هو الفيصل فى البرود او لا

هو ممكن يكون سبب فى حال الختان الجائر
او فى حال ارتباطه بمشاكل نفسيه عموما

انما كمان مش هاتخليها بارده جنسيا تخليها بارده من كل الجوانب

لا طبعا انا مش متفقه معاكي تماما

تحياتي ليكى ونورتي

غير معرف يقول...

موضوع جميل ومهم جدا

بس انا ملاحظ حاجة في التعليقات

ان معظم الناس مازالت مش فاهمة الكلام المكتوب

ياجماعة بكل بساطة

في فرق كبير جدا بين الرغبة الجنسية والإشباع الجنسي

الرغبة تحركها الهرمونات

يعني اللي عندها برود سببه الأساسي خلل في الهرمونات

تمام لغاية كده

الإشباع الجنسي يتم الحصول عليه بأماكن الإحساس الجنسي عند الرجل وعند المرأة

عند الرجل يتركز بصفة رأيسية في القضيب وأماكن اخرى بدرجات اقل منها الشفاة وحلمات الثدي واللسان

أما المرأة فهذه النقاط تتركز في البظر ومنطقة جي سبوت داخل المهبل والثدي وحلمات الثدي والشفاه واللسان وباطن الفخذين واماكن اخرى بدرجات أقل

معنى هذا الكلام باختصار

الرغبة تتولد من الهرومات وأي خلل فيها يسبب برود حتى لو كانت جميع الاعضاء الجنسية سليمةجداولا يعيبها شئ سواء مرض او ختان او غيره

في حال كانت الهرمونات سليمة تماما وتتوافر الظروف النفسية الملائمة للعملية الجنسية تقوم الأعضاء الجنسية بعملية الإشباع الجنسي

وعلى الرغم من وجود الملايين من الخلايا الحسية في البظر إلا انه ليس العامل الوحيد المؤثر في عملية الإشباع حيث توجد منظقة جي سبوت الأقوى تأثيرا والأعمق أثرا بجانب الأماكن الأخرى التي ذكرتها

والفرق بين البظر وجي سبوت
الأول سريع التأثير يعطي اشباع مرضي

والثاني يأخذ وقتا أطول في الإثارة ولكنه اعمق أثرا وأكثر اشباعا

وشكرا جزيلا

علي يقول...

معلش نسيت الاسم في التعليق السابق كالعادة

أحب أضيف حاجة شوفتها قبل كده

قال ايه في برنامج مع حسين فهمي كانوا جايبين واحده تتكلم عن الختان وقاعدين يقولوا كلام عجيب وغريب مثلا هي قالت انها ماتجوزتش لغاية دلوقتي لأنها مختونة ومش ناوية تتجوز علشان خلاص ماعادتش تنفع
وقالت الراجل اللي بيأيد ختان الإناث هسأله ببساطة زي ما بيقطعوا جزء من جسم الإنثى ترضى ان يتم قطع العضو الذكري لديك

طبعا كلام فاضي ومقارنات عجيبة وغريبة وزي ماتقولي تولى جهال القوم رأس الأمر وبقوا بيفتوا في اللي ميعرفهوش

رأيي الشخصي إن الختان المعروف بقطع جزء بسيط جدا عادي وإن كان تركه أفضل

والسلام عليكم

بعبعه يقول...

علي

اه انا برضه ملاحظه انهم مش فاهمين النقطه الى انا بصدد الحديث عنها يا علي

والنبى هايجنوني

هو انا فى البوست قلت الفيصل مش الختان وكلامي هنا عن الختان العادي مش الختان الجائر

الختان العادي ما بيسببش البرود او ما بيكونش هو السبب الاساسي

اهم عضو جنسي عند الست هو عقلها
دماغها يشتغل كويس بالتالي المخ يدي اوامر زي الهرمونات تمشي صح الدنيا كلها تمشي صح

والاشباع معاك طبعا فى الكلام الى قلته طبعا مع الاخذ فى الاعتبار التفاوت والاختلاف بين الشخص والتاني

اهو انا معاك اوي فى حكاية وان كان تركه افضل

والكلام بتوع التلفزيون دول اهو عالم متخلفين يا عم
هما فاهمين حاجه والله العظيم ده انا لما بتصادق ا شوف حد منهم بابقى هاموت كده من الكلام المفقع واقوووووووول اه يا بلد

تحياتي لك ونورتنا يا علي
وشكرا على ان الوحيد لحد دلوقتي الى اتكلمت فى النقطه المقصوده

غير معرف يقول...

انا شايفه ان الختان له فائده واحده
لو نظرتى الى
انثى مختونه واخرى لا هتلاقى ان المختونه شكل العضو التناسلى كويس اما بعض الغير مختونات انا بقول البعض مش الكل ممكن تحسى بقرف شديد من المنظر بس بصراحه الختان لا يؤثر على العمليه الجنسيه نهاااااااااااااااائى وده كلام ثقه لو نظرنا للمسلمين عموما ممكن تطلعى كام بنت مش مختونه مليون او 2 مليون طيب هل الملايين الاخرى من البنات اللى اتختنت عندها برود
مش بتحس ازواجهم زهقو منهم الموضوع مالوش علاقه بالجنس نهائى فى ست بتحب الجنس وست لا وعلى فكره السبب فى كده بيكون الزوج مش الاهل لان الزوج بيزرع جواها الخوف فى اول يوم زواج وبالتالى بتحس ان الموضوع اغتصاب حتى لو كان بينهم حب عميق المفروض يهدا عليها ويسبها يوم اتنين تلاته ان شالله شهر الحياه قدامهم طويله لكن للاسف قليل قوى لو لقيتى راجل يقدر يصبر على زوجته ويتركها يومين من نفسها قبل مايتم اغتصابها لو كل زوج اخد زوجته من اول يوم زواج وبالاخص اثناء فض الغشاء عاملها
بشئ من الحنيه والخوف عليها ونزل لمستوا تفكيرها ان الشئ ده مؤلم ولازم يراعى حته انها اول مره تشوف عضو زكرى اعتقد انها هتحب الجنس مش هتنفر منه زى المثل اللى بيقول اللى يتلسع من الشوربه بينفخ فى الزبادى

غير معرف يقول...

بحييكي يا بعبعة على مواضيعك الجميلة
وبشكرك على مجهودك وطرحك المحترم للمواضيع
الحساسة دي ...
بس انا عندي سؤال خارج الموضوع باعتبارها مدونة بعبعة عاوز ابعبع
انا كمان ايه هي حكاية الاسبانيش فلاي
وياترى هي بجد ولا اشتغالة
وياريت توصلي شكري كمان للدكتور عباس

richardCatheart يقول...

تحياتى على المدونه بجد
الناس هنا محتاجين وعى كبير اوى
لو مش علشانهم وهما مستكفين علشان الجيل اللى طالع كله

تحياتى على الاسلوب الطيب البسيط الراقى
العلمى

وتحياتى على الجهد المبذول فى المدونه
عموما

طبعا بالنسبه ليا موضوع ختان الاناث دا عندى مفروغ منه
ومش هاضيف شىء على كلامك
انه ضرر اكتر بكتير من فوايده دالو وجد فوايد اساسا وخصوصا انه لا ثبت شرعيته من سنه نبويه شريفه او فرض من الله عز وجل

تحياتى ليكى

KEBLAWYAT يقول...
أزال المؤلف هذا التعليق.
بعبعه يقول...

غير معرفه الى شايفه ان العضو الغير مختون احيانا مقرف

ازاي يعنى ؟؟ مين قالك كده ؟؟

مقرف ليه حضرتك ؟؟

هو الى العضو الذكري بتاعك كبير عن المعدل العادي بيبقى مقرف ؟؟

ويعنى ايه مالوش علاقه بالجنس ؟؟

ويعنى ايه فى واحده بتحب الجنس وواحده لا ؟؟؟

هو فى فروق فرديه فى الحاجات الجنسيه والرغبات

بس مافيش حاجه اسمها واحده ما بتحبش الجنس تبقى محتاجه علاج نفسي كده

زي بالظبط واحده ما بتحبش الاكل ومش عايزه تاكل خالص

لازم يكون عندها سبب ومشكله

ولا طبعا مش السبب هو الزوج بس

الزوج ده بيجى فى نهاية المطاف بعد ما تكون شربت افكار ومعتقدات واتكونت شخصيتها بالفعل

ولانه مش طبيب نفسي وما يعرفش ما هو مقبل عليه بيدوس ويديها على الرابع

هو غلطان طبعا لكن مش هو الغلطان الوحيد

المجتمع والتربيه والاهل طبعا وهى كمان

وبعدين ايه يسيبها شهر دي ؟؟
اتجوزت ليه طيب لما هى مش جاهزه نفسيا للجواز ؟؟

يومين ثلاثه ماشي انما شهر ؟؟؟

واغتصاب ليه ؟

الاغتصاب عشان يتوفر لازم يبقى فى عنف ومقاومه من جانب الست

طب ليه اصلا يبقى فى مقاومه ؟؟؟

تحياتي ليكى يا اختي الفاضله لكن انتى محتاجه تقري بوستاتنا الى فاتت من فضلك

بعبعه يقول...

الغير معرف الى بيسال عن الاسبنش فلاي

الاول الف شكر على الكلام الجميل عننا

وشكرك للدكتور عباس وصل

بالنسبه للاسبانش فلاي

هى عباره عن شوية اعشاب وبهارات حاميه بتعمل تهيج فى مجرى البول بالتالي بتخلي المنطقه اكثر حساسيه فبيكون التعرض للاثاره اكتر

زي ما بيحطوا فلفل اسود كده للحمام عشان يولف

انما ما لهاش فعل السحر يعني

وطبعا لو زودت منها يحصل التهابات شديده بقى وموال مالوش اي داعي

تحياتي لك

بعبعه يقول...

richardCatheart

متشكره الله يكرمك ويخليكى

وطبعا متفقه معاكي فى كل كلامك

بعبعه يقول...

قبلاوي

حضرتك انا سمعتها من بؤ السودانيين

مش عارفه ليه هما بيقولوا عليه ختان فرعوني

انا عارفه انه مش فرعوني

بس برضه هما بيقولوا عليه كده

نورت يا باشا وشكرا على التعليق

غير معرف يقول...

سيدتى..

برغم كل ماسقتيه من نواحى شرعية قد يتمسك بها القائمون على الدين .. فإنه لم يثبت عن الرسول صلى الله عليه وسلم أنه ختن أحدى بناته

فلماذا هذا الموضوع ليس محسوما؟

تحياتى

بعبعه يقول...

الحقيقه على معلوماتي يا اخ شريف انه سمح بختان احدى بناته

بس على مضد وقال اشمي ولا تنهكي وباقي الكلام الى احنا عارفينه

وعموما انا النقطه الى اتكلمت فيها مش متعلقه بحكم الختان

وانما المشاكل المترتبه عليه لو كان تم فعلا وخلاص ما نقدرش نغيره

شرفتنا

فافى يقول...
أزال المؤلف هذا التعليق.
فافى يقول...

بعبعتك مظبوطه طبعا لكن انتى مالك كروتينا كده فى الاخر وماقلتيش ازاى دماغ المراه هى الاهم وازاى دماغها بتاثر فى الموضوع انا اعتقد دماغ الرجل هى اللى عايزه تتظبط فيما يخص الموضوع ده ولا ايه؟

amina يقول...

أعذرينى ف السؤال يا بعبه ... أجريت لي عمليه ختان من زمن بعيد في سن ال 12 عام ولم اكن بحاجه لها كما سمعت من الطبيب .... لكن باصرار عمتى اجراها
أشعر بألم في هذه المنطقة من حين لاخر خاصه عند الاغتسال حتى وبعد 10 سنوات من اجرائها
فضلا عن الرغبه والخيالات الجنسيه
مع العلم انى بنت وعلى قدر كبير جدا من التدين وأحاول قدر الامكان تهذيب نفسى ... فلا أعلم هل الختان سبب فى هذه الرغبه ؟
وان كان نعم أو لا ... ماذا على ان افعل على الأقل في الوقت الحالي