السبت، 25 ديسمبر 2010

البظر والقضيب


البظر والقضيب

اولا : اشتقت اليكم كثيرا يا جماعه والله ووحشتنى الكتابه اوي والشغل معاكم اوي  بس والله كان غصب عني

المهم ندخل  على الموضوع بتاع النهارده والى حساس جدا ومهم جدا ومحوري

احنا كنا اتكلمنا قبل كده عن  تركيب القضيب بالتفصيل الممل فى موضوع سابق الى هو  آلية الانتصاب

ياريت الى ما قرهوش يتفضل يقراه  هايفهم موضوع النهارده اكتر

لان انا فى الحقيقه  عايزه اركز  النهارده على البظر اكتر بما اننا اتكلمنا قبل كده على القضيب

بس لقيت انه اسهل اننا نفهم البظر من خلال فهمنا للقضيب

الصوره  زي ما انتم شايفين بتقول ان القضيب بيتكون من 3 انابيب
اثنين منهم اسمهم الجسم الكهفي

وليه اسمهم كده..... لان جواهم امكان زي الكهوف (حجيرات) بالظبط والكهوف دي هى الى بتستوعب الدم الى بيتدفق للقضيب اثناء عملية الانتصاب

والى تحت ده جسم اسفنجي بداخله بيكون مجرى البول

مفهوم لحد كده الكلام

طبعا جلد القضيب ده مليان نهايات عصبيه جنسيه  هو عضو حساس جدا


نروح بقى  نفهم البظر

البظر هو العضو المناظر للقضيب

 يعنى ايه المناظر له؟؟

فى الاساس ولسه الذكر والانثى اجنه  بيكون الجهازين زي بعض تماما بعد كده ولتطورات معينه فى الجنين فى الاسبوع الرابع  يبدأ الاختلاف  وبيبدأ يكمل  العضو الذكري للجنين نموه  ويتكون على شكله المعروف
فى حين الانثى بتفضل  على ما هو عليه


بعض الناس بتوصف البظر على انه قضيب ضامر  لانه متشابه جدا معاه فى التركيب

هانعرف الاول مكان البظر  ووصفه

الصوره دي  احتمال توضح  مكانه

المفروض وصف البظر انه  جسم اسفنجي ( زي ما قلنا على جزء من القضيب )

وبالنسبه لحجم البظر فهو متفاوت طبعا من واحده للتانيه  زي  اي حاجه فى جسم البنى ادم لكن فى العموم هو بيكون فى  حجم حبة الفول تقريبا  بدون انتصاب ( مع الانتصاب بيتضاعف مره ونص تقريبا )

مكانه بيكون  عند نقطة  التقاء الشفرين الصغيرين من اعلى ... واحيانا بيكون غير ظاهر تماما بدون انتصاب

جلد البظر حساس جدا  وبيحتوى  على نهايات عصبيه قد  تصل الى ضعف الموجوده بالقضيب  (8000)
وهو اكثر عضو جنسي حساس عند المراه
بالتالي هو مهم جدا فى العمليه الجنسيه  للمرأه



حجم البظر مالوش علاقه بقوة الرغبه الجنسيه عن المرأه او ضعفها  او على الاقل مافيش حاجه تثبت ده لحد دلوقتي

لأن  حتى فى حال كبر  حجم البظر فهو محاط بطبقه من الجلد بتغطيه وتحفظه فى مكمنه من الاحتكاك  الخارجي  بالتالي  مش هو ده المعيار

التعامل مع البظر لازم يكون بحرص شديد نتيجه لحساسيته الشديد ما ينفعش تتعامل مع البظر بدون استخدام ملينات سواء طبيعيه  او صناعيه لأن الاحتكاك المباشر باليد او بالقضيب ممكن يسبب انزعاج  للمراه مش اثاره

مش معنى كده برضه  اننا هانشاور للبظر من بعيد لا طبعا هو المفروض ان مداعبة البظر بتبتدى بالراحه جدا  وبشكل دائري الاول  حوله  بعد كده مداعبه مباشره للبظر بتعلى  تدرجيا بالاحتكاك والضغط برضه بالعقل يا حسب  الله


تركيب البظر :
قلنا متشابه تركيبه مع تركيب القضيب ( بيتكون من رأس وحشفة وجسم)
و بيشبه القضيب كمان من حيث الانسجه  الاسفنجيه و الكهفيه (المسؤله عن الانتصاب)   لكن القضيب يحتوى على مجرى البول  .. فى البظر طبعا مافيش مجرى بول 

لان مجرى البول فى الست موجود في مكان تاني  بفتحه مستقله ومجرى  مستقل

كنظيره القضيب مع الاثاره الجنسيه  بتمتليئ حجيراته بالدم وبينتصب وبتضاعف حجمه وبيخرج من  مكمنه  وبيكون مستعد للمشاركه فى العمليه الجنسيه

الغدد حول البظر بتفرز ماده دهنيه بتطلع من خلال الجلد المحيط به  ولها وظيفه مهمه فى ترطيب وتزييت البظر كعامل حمايه له كعضو حساس .. كما انها تحمل فرمونات انثويه قويه

لكن تراكم  الماده الدهنيه دي بسبب اهمال النضافه  مثلا قد يكون سبب فى رائحه  غير مرغوب فيها او التهابات
بالتالي ا لاهتمام بالنضافه مهم (بالعقل يعنى مش نموته من النضافه بقى مش عايزه هبل اصل انا عارفاكم يا بنات )

كمان ممكن نوصف البظر انه العضو الوحيد فى جسم الانسان الى مالوش اي وظيفه تانيه غير  الاثاره فقط

فاضل نقطه واحده بس وما كانش ممكن ما نتكلمش عنها واحنا بنتكلم عن البظر
الى هي الختان .. لان فى الاساس عملية الختان  المفروض انها استئصال جزء من البظر .. والمفروض ان الهدف منها الحد من الشهوه او الاثاره عند البنت

وطبعا احنا اتكلمنا عن الختان قبل كده بشكل مفصل اكتر هنـــــــــــا للي يحب يقرا اكتر عنه
وطبعا زي ما قلنا قبل كده ان الختان لو كان ختان عادي مش جائر قد يكون مش مؤثر اوي زي ما بعض الناس متخيله .. الا انه فى بعض الحالات بيكون له تاثير طبعا


اي استفسار او سؤال هاكون سعيده بيه سواء على صفحة  التعليقات او على الاميل الى فوق على الشمال بالاحمر

وطبعا شكرا للدكتور عباس مرجعنا الطبي ... ربنا يخليك لينا يارب بالغيظه فى الواد المتغاظ من وجودك نيهاهاهاهاهاها 

هناك 25 تعليقًا:

غير معرف يقول...

كنظيره القضيب مع الاثاره الجنسيه بتمتليئ حجيراته بالدم وبينتصب وبتضاعف حجمه وبيخرج من مكمنه وبيكون مستعد للمشاركه فى العمليه الجنسيه

اول مررررة اعرف الموضوع ده

شكرا للمعلومة وللاحباط

بعبعه يقول...

يعنى ايه شكرا للمعلومه والاحباط ؟؟؟

عموما العفو يعنى ياريت تقولي ايه مشكلتك عشان ما تكون مش فاهم او مش فاهمه الموضوع وتبنى عليه معتقدات غلط

ابعتلي رساله على الميل او اتكلم هنا على التعليقات

فارس عبدالفتاح يقول...

وانا بعد اذنك اعتقد ان الحياء فضلووووووووه عن الادب والعلم .

والحياء شعبه من شعب الايمان

بعبعه يقول...

فارس عبد الفتاح

طيب اوك جاي هنا تخدش حيائك ليه ؟؟

غير معرف يقول...

السلام عليكم
ولا مؤاخذة عندي استفسار من باب الفضول والعلم بالشيء، ازاي يعني عضو البظر بيشارك في العملية الجنسية؟ اللي أعرفه أن العملية الجنسية بتتم في فتحة المهبل، فهل هذا يعني أن له وظيفة منفصلة، بمعنى أن المرأة لن تصل إلى الرعشة الجنسية إلا من خلال هذا العضو؟ أو أن المعاشرة في المهبل كافية؟ وألا يسبب هذا العضو مضايقة للرجل أثناء المعاشرة؟

بعبعه يقول...

الغير معرف

حضرتك العمليه الجنسيه بتتم فى الجسم كله
انما الايلاج فقط هو الى بيتم فى فتحة المهبل

انما العمليه الجنسيه مفروض ان الجسم كله بيتفاعل معاها

بالنسبه للبظر قلنا وظيفته الوحيده الاثاره ايوه بس مش لواحده

وبالنسبه لسؤالك هل لا تصل المرأه للرعشه بدون البظر لا طبعا ممكن تصل للرعشه
خلينا معلش ناجل الكلام عن الرعشه لبوست تاني ان شاء الله

السؤال عن المضايقه .. مضايقه من اي نوع ما فهمتش قصدك ؟؟

حضرتك البظر حجمه صغير وبيكون مكانه اعلى الشفرين يعنى بعيد عن فتحة المهبل كمان
مش قادره اجاوبك اوي عشان مش عارفه ايه تخيلك للموقف !!!!
بس اقدر اقولك لما هو ممكن يسبب مضايقه ليه موجود اصلا ؟؟؟

شرفتنا غير معرف ومرحبه بتساؤلتكم دايما

غير معرف يقول...

شكراً مدام بعبعة على الرد.
بالنسبة لسؤالي اللي ماكنش واضح، فإنتي ذكرتي إنه في حالة الاستثارة بيحصل انتصاب للبظر، فأنا معليش ما كنتش متخيل حاجة منتصبة كدة وبارزة حتى ولو كان حجمها صغير أو بعيدة عن فتحة المهبل، فقلت أكيد ممكن تكون مضايقة للطرفين أثناء المعاشرة. ومعليش مرة تانية عالوصف.

فارس عبدالفتاح يقول...

لا حضرتك مش عملية اني انسان بارد وبحاول احرج نفسي ومدام انا لا اريد هذا اني مليش دعوى ولست وصي على احد ايضا في نفس الوقت ولكن مع كل احترام وتقدير وتبجيلي .

انا بستغرب انه من المفروض ان المرأة رمز الحياء فاذا جاء هذا الكلام من مرأة ففيه مشكلة حقيقية في النظرية او المقولة .

او ان العصر هذا له مفردات مغايير .. انا كنت في مول او بمعنى اصح سوق تجاري كبير وانا طالع من السوق ولالالالالالالا في دماغي لقيت ست بتضحكلي وبتبصلي وعنيها فيها كلام لا حدود له ،، من ضمن اللى انا فهمته من النظرة والابتسام والتسبيلة وكانت على فكرة لحظة مش اكتر .

فيها اشياء مفهياش حياء خاااااااالص ، المهم اللي انا عايز اقوله بعد اذن حضرتك طبعاً انه فعلا مثل اللي ختشوا ماتوا انا من النهرده مش هختشي هبقى في منتهى البجاحة والسفالة اذا لذم الامر .

وهسأل حضرتك سؤال لو الست او الفتاة او المرأة كانت بتتمتع وتستلذ من دبرها ( الخلف ) وطبع احنا عرفين انه حرام يعني مش هنخش في موضوع الحلال والحرام ولا هنخش في موضوع الحياء والادب والعفة والكلام الفاضي ده .

كيف للرجل ان يتعامل مع هذه المرأة التي تستلذ وتستمتع من الدبر ( الخلف ) بدون ان يدخل في حدود الحرام .



اعتقد انه سؤال مشروع من وجهة نظر الافق المنفتح الذي تنادي بيه وحضرتك بتدعوا الى اعتناقه .


مع كل احترام

غير معرف يقول...

بجد وحشتينا يا بعبعه وياريت متغيبيش علينا الغيبه الطويله دى وبجد مواضيعك مفيده جدااا جداا جداا واعتقد ان من حق كل ولد وبنت انه يعرف المعلومات اللى انتى بتديهالنا ومفتكرش انك بتقولى كلام خارج يخدش الحياء ده كلام علمى والمفروض لطبيعى ان الكل يكون عارف عنه بس نظرا لطبيعه مجتمعنا الشرقى فلكى جزيل الشكر ع المعلومات اللى بتوفريها بعيدا عن تعقبدات ملهاش لازمه

بعبعه يقول...

غير معرف الاولاني

لا ابدا مافيش مشكله واتمنى تكون فهمت الكلام وبرضه تحت امرك فى اي سؤال

بعبعه يقول...

اخ فارس عبد الفتاح

انا مش فاهمه مطلقا انت ايه مشكلتك ؟؟؟
حضرتك شايف ان المشكله ان الى بتتكلم عن الموضوع ست ؟
طيب اعتبر اني ما قلتلكوش انا ست ولا راجل واقرا الكلام واستفيد منه وما تفكرش انا مين

قصة الست الى في المول مش فاهمه انا ايه علاقتي بيها ؟؟!!!!

حضرتك معتبر ان كلامي مخالف لمعايير الحياء الحق طيب اوك ده رايك واتشرفنا بمعرفة رايك

بالنسبه لسؤال حضرتك عن الجماع فى الدبر وسؤال حضرتك تحديدا
انا اتكلمت عنه فى بوست سابق
هاتلاقيه هنا
http://b3b3a.blogspot.com/2009/08/blog-post_15.html

بس معلش سؤال لحضرتك بقى
حضرتك شايف ان الكلام فى المدونه هنا مخالف لمعايير الحياء اوك ده رايك واهلا وسهلا برايك
ولكن اعتقد برضه انك شايف ان ممكن الرجاله تتكلم فى الموضوعات الى زي دي
وكمان يقروها
ويسألواااا
انما الستات يلزمن معايير الحياء عن حق وما يعملوش كده ؟؟

لا بكتبوا عنها ولا يقروها ولا يسألوا ؟؟!!

فى النهايه انت حر فى رايك وانا حره فى رايي
وحضرتك شرفتنا

غير معرف يقول...

عزيزى الاستاذ فارس

المدونة دى مش مسابقه فى إننا نحرج بعض المدونة والكاتبة بتحاول تقول معلومات مفيده للصحة الجنسية واعتقد ان طريقة الكتابة لا تعتبر باى منطق مثيرة او تقع تحت بند الاغراء

مع انى اعتقد ان الغرض من سؤالك استفزاز الكاتبة بس حرد على حضرتك

اعتقد الدبر من اماكن الاحساس الجنسى وان مدابعه الدبر مع وجود خلاف على تقبل كل شخص لده لا يوجد دليل او فتوى بتحريمها و يمكن اعتبراها جزء من المداعبات

المحرم عند الاغلبية هو الايلاج

تحياتى

مع تحياتى للكاتبة بعبه

قارئ متابع للمدونة

بعبعه يقول...

غير معرف الاخير
متشكره اوي اوي ربنا يخلي

ربنا يجبر بخاطرك يا اخويا رفعت من معنوياتي

وصدقنى انا كمان نفسي ما اغيبش عليكم ربنا يسهلها من عنده ان شاء الله
شكرا جدا لك

بعبعه يقول...

الغير معرف الاخير المتابع للمدونه

متشكره اوي لرايك فينا

ورايك تمام وصح الصح وده الى انا كاتباه فى الموضوع بتاعي فعلا

تحياتي لك وشكرا او عموما انا قلتلكم يا جماعه حتى اعتراض فارس علينا مافيش اي مشكله كل واحد حر فى رايه
واهلا بيكم جميعا

فارس عبدالفتاح يقول...

حضرتك انا قرأت الكلام اللى حضرتك كتبتيه من سنين من كتب اكاديمية متخصصة عن الصحة الجنسية الجسدية والجنسية النفسية وعن اصل الفروق بين الجنسين الجسدية والنفسية ومتاحة في جميع الاسواق وحتى على النت ببلاش بس الفرق بين مدونة حضرتك والكتب دي ان الكتب اكاديمية تخصصية . ويستيطع اي انسان ان يقرئها بمعزل ودون احراج ودون ان يتجرد من الحياء امام الاخرين .


لكن حضرتك ست بتكتب عن هذه المواضيع بعلميه وباختصار وهذا شيء جميل ولكن الكل يناقش رجال وسيدات وفتيات وفتيان على حداً سواء .

مع ان المفروض وهذا من وجهة نظري واظن انها وجيهه وليس فيها خطأ او تجاوز ان الكتب الكاديمية هي الافضل ، وان لم تتح هذه الكتب او الوقت المطلوب لقراءتها يبقى الست تثقف الست والراجل يثقف الراجل مش تبقى ساحة مفتوحة هذا هو اعتراضي فقط .


وان وازع الحياء في هذا الامر مطلوب لانها تتكلم عن تواصل انساني من نوع خاص يخجل اي انسان طبيعي ان يراه الناس وهو في ذلك الوضع ،، سواء اكان رجل او ست اذا كان انسان عادي وطبيعي وصاحب حياء .

حتى ان هناك بعض البهائم تخجل من ان تمارس هذه الطبيعة امام اي مخلوق اخر وخصوص ان كان انسان .

اما الحيوانات الاقل لا تخجل من ان تمارس هذا الفعل الطبيعي امام اي مخلوق ومن ضمنها الانسان ونحن نعرف هذا الشيء .

فالامر فيه من الحياء الطبيعي ولا اقصد اي استفزاز لاني انا المستفز ولا اقصد استفزازك .

الا تلاحظين ان هناك اشخاص يعلقون دون ان يضعوا اسماؤهم اليس هذا دليل على الحياء او حساسية الموضوع .

ولا اقول ان الست لا تثقف نفسها او لا تتكلم في هذا الموضوع مع بني جنسها او تسأل .

لكن ان تتكلم وتتثقف وتسأل ولكن في اطار خاص ومع بني جنسها او مختصين اكاديميين ويكونوا نساء مثلهم .. وليس سداح مداح كده يعني .


هذا باختصار ..

غير معرف يقول...

أتشكرك على ردك مدام بعبعة.
بس أنا عاوز أقول حاجة: ما أبالغش لو قولتلك سيدتي إني قريت التعليقات أكثر من عشرين مرة من أسبوع، وخصوصاً تعليق السيد فارس عبدالفتاح، والسبب في ذلك إني شكّيت، فإيه مناسبة تعليق السيد في ده البوست؟؟؟ في رأيي هناك احتمالين: يا إما الموضوع بيتعلق بيا فدي مصيبة، ويا إما يكون ما يتعلقش بيا فبها ونعمت. لأنه في كثير من الأحيان يساء فهم كلامي من بعض الأشخاص، ويفسر تفسير آخر غير معقول، مع إن أكثر تعليقاتي مافيهاش أي حاجة بتحيّر أو إنها تحمل أي تفسير آخر إلا إن وضحت بنفسي أو لمحت بقوة. فأتمنى أتمنى أتمنى أن أكون أخطأت في ظني، وأن يكون الأمر ليس كما خطر على بالي، لأنه لو اتضح العكس فدي مصيبة وفي ذلك تعرض لأخلاق ناس.
أنا كتبت التعليق علشان أستوضح وأتأكد، وأتمنى أن أجد من لديه القدرة على الإيضاح.

تحياتي الطيبة للجميع

فارس عبدالفتاح يقول...

الغير معرف


انا لا اقصد بكلامي الا بعبعبه .. على فكره انا مش قادر اكتب اللقاب فارجو المعزرة لان الموقف والمكان لا يصلح لان يكتب فيه اللقاب ،، لاننا تجردنا من جميع الاطر والسياقات الانسانية وانحصر نقاشنا في سياق محدد وهو ادني سياق في الحياة البشرية هو الجنس ، وان كنت موضوعي هو القبل الاخير ، لان الاخير في الحياة البشرية هو عمليه الاخراج عفانا الله وايكم من كل نقيصه .

بعبعه يقول...

الغير معرف الاخير انا مش عارفه انت مين فى الى فوق اصلا

وعموما اعتقد الاخ فارس بيكلمنى انا بس
ايوه عشان الست الى بتتكلم فى مواضيع علميه هى الى غلطانه بس انما الرجاله الى بيقرولها ده عادي

المهم
مش انت يعنى وانا مش عارفه انت مين فيهم اصلا وايه علاقتك بالموضوع


ياريت الكل يا جماعه يمضي باي اسم او رقم حتى

بعبعه يقول...

فارس عبد الفتاح

انا مش فاهمه انت عايز ايه ؟؟؟

يعنى انت بتقدم النصيحه ؟؟

طيب ماشي اوك تشكر عايز حاجه تانيه ؟؟؟

انا عندي رد على كلمه انت قلتها بس انا تعبت بصراحه من تكرار الكلام

ولما حضرتك قاري كل الكتب العلميه والاكادميه ما لقيتش فيهم ليه اجابه على سؤالك الى انت سالتهولي فى الرد الى فات

ولا يكونش حضرتك كنت بتختبر معلوماتي ؟؟

باقولك ايه ما تريح نفسك وتريحنى وما تجيش المدونه الوحشه الى مافيهاش حياء دي تاني

صدقا ما عادش عندي رغبه انى ارد عليكم يا ناس

بصوا بقى انا مش محتاجه اقنع حد بوجهة نظري

الى عنده سؤال فى موضوع البوست يساله
والى عنده مشكله مستعده اسمعها هنا او على الميل
غير كده كل واحد يحتفظ برايه لنفسه انا مش محتاجه وصايه من حد

خلاص خلصنا بقى ولا لسه

بعبعه يقول...

ومين قالك اصلا انك استفزتنى باي شكل من الاشكال

وبعدين ايه الجنس ادنى سياق ده
انت بتجيب الكلام ده منين

بجد ما عنديش اي قابليه للمهاتيه قدامك توكل على الله بقى

غير معرف يقول...

انظري سيدة بعبعة: أسلوب اللف والدوران ما يمشي معايا أبداً، يمكن أساير مرة واتنين ومليون بس المرة الواحد بعد المليون ما تمشي أبداً، أنا بحترم أي ست وأقدرها، ويمكن أتغاضى عن أخطاءها وأراعي نفسيتها، لكن ده ما يعنيش إنها تتمادى أو تبدأ تفرد عضلاتها وتسترجل، فالست مهما راحت مهما جات تبقى ست، وأنا بصراحة في دي الحالة راح أكشف عن وجهي الثاني ويمكن تتضرر مني، أتمنى إن كان عندك مرة تانية حاجة تقوليها إنك تقوليها في وجهي بدون لف ولا دوران، وأتمنى كمان إن ردك يكون بدون مراوغة، ونصيحة ليكي: لا تحملي كلام الناس غير محمله، فإذا كان الكلام واضح فلا تعقدي الموضوع على نفسك وتجهدي تفكيرك في إيجاد تفسيرات مهما كان الدافع لأن هذا راح ينهكك. معلش إذا كنتي شايفة أسلوبي مش محترم بإمكانك تحذفيه.

وبالنسبة لاسمي هو أحمد.

تحياتي

بعبعه يقول...

ايه ده ؟؟؟

مين ده ؟؟

انت مين اصلا يا ابنى ؟؟؟

مافيش ولا غير معرف من الى فوق قالي حاجه معارضاني اصلا

انت مين بقى الاول فى الى فوق

ولا تكونش انت فارس ؟؟؟

لا بس انت بتقول انك اسمك احمد

انت مين بقى عشان اعرف ارد عليك كما يجب

فارس عبدالفتاح يقول...

انصح حضرتك بقرأت كتاب : " الجنس والشباب الذكي " ، ومؤلفه كولن ولسون .

http://www.youtube.com/watch?v=agL9fnD4ToQ&feature=related

بعبعه يقول...

فارس عبد الفتاح

اه الجنس والشباب الذكي

قريته ماله ؟؟؟
هو انا فاكره انه كان مركز فى الكلام عن الجنس على احساس الرجل ونفسيته
بس كان له بعض النقط الحلوه ييعنى

اتفق مع الكاتب واختلف يعنى عادي

والكليب الى انت حاطه الى عامله عنده مشكله نفسيه ربنا يشفيه

ها ايه تاني ؟؟

غير معرف يقول...

هو ده الكلام