الخميس، 13 نوفمبر 2008

افتتاحية بعبعه بلوجاريه

بسم الله الرحمن الرحيم
اخواني واخواتي المدونين
عملت المدونه دي عشان لاحظت ان الكل مخنوق والكل عايز يتكلم .
عايز حد يسمعه
فى الكلام علينا الف قيد وقيد
خصوصا ان فى ناس مننا بقوا معروفين لبعض شخصيا
ومره قريت فى احدى المدونات بتقول كان نفسي ما كنتش ابقى معروفه انا مين عشان ابعبع براحتي
قلت طيب نعملكم هنا مدونه مخصوووووص للبعبعه
كل الى نفسه حاجه يقولها
انا كنت هاسيبها مفتوحه للجميع لكن ترددت في الموضوع
طبعا هاحاول اطرح موضوعات نتناقش بشأنه
ولو حبيتوا اسيبلكم اميل تراسلوني عليه تبعتولي الى عايزين تقوله انشره
ومش عايزه اسامي
الى عايز يدخل يعلق بغير معروف اوك
او عايز يدخل باسم تاني غير اسمه الى كلنا عارفينه به برضه اوك
والى عايز بقى يدخل باسمه الى نعرفه به بررررررضه اوك
المهم
نبعبع براحتنا ونقول كل الى فى نفسنا من غير قيود
الا قيد واحد يا جماعه
نخاف ربنا سبحانه وتعالى
ده قيد لا يمكن نتحلل منه
فياريت نقول الى فى نفسنا من غير ما نغلط فى حد ومن غير ما يكون كلامنا مبتذل وسخيف
واهم حاجه من غير ما ننسى نفسنا
عايزه اعرف رايكم جميعا

هناك 29 تعليقًا:

momken يقول...

الف مبروك

مع خالص التمنيات بالنجاح والتوفيق واهم من ده وده الاستمراريه

تحياتى

إيمان قنديل يقول...

مبروك المدونه ويلا البوست التاني امتي




بس صغر الخط شويه لأنه كبير فمزاحم بعضه

صبرني يارب يقول...

اوك مبروك

نبعبع يا اختي ما نبعبعش ليه

والخط زي ما قالت كباريه يابعبعه

بعبعه يقول...

ممكن

نورت ياممكن وطبعا نفسنا نستمر
تحياتي لك

بعبعه يقول...

كباريه

ايه ده البوست التاني طيب لما نفكر شويه
والخط عينى حاضر

بعبعه يقول...

صبرني يارب

اووووووك الخط حااااااضر

غير معرف يقول...

أزيك يا خيخة
مبروك المدونة الجديدة يا نور
وانشألله تبقى اخر حلاوة
هوبا

بعبعه يقول...

هههههههههههههههههه اوت يا حبي
انا مش خيخه والله

ممنوع التخمين على فكره

حواء يقول...

السلام عليكم
الف مبروك علي المدونه
وانا طبعا هكون معاكي في البعبعه بس قدااااااااااام شويه
افضي بس وهتزهقي مني

بعبعه يقول...

زوجه

اوك يا جميل نتشرف بيكى

ايووووه هى بعبعه المتجوزين الى هاتبقى لووووووز

مطلق يقول...

للاسف مش حعرف ابعبع معاكوا عشان مش بعرف اتكلم بادب

رئيس جمهوريه نفسى يقول...

الف مبروك البلوج
كان نفسى ابعبع بس حاليا صعب ممكن قدام شوية

غير معرف يقول...

اصل لوانتى مش خيخة
هتكونى مين يعنى

خيخة هى اللى نفسها تعمل مدونة تانية
وهى اللى بتقول كلمة بعبعة دى

بس خيخة ما بتقولش يا حبى

بس ممكن تكونى انتى خيخة وبتحاولى تقولى كلمات تانية بعيدة عن شخصيتك
بس هتتقفشى برضه

وانا عندى الطريقة اللى تبين اذا كنتى خيخة ولا مش خيخة

بعبعه يقول...

كريم

ليه كيري بس حاول تعمل مؤدب ولااقولك ابقى قل ادبك وانا هاعمل مش واخده بالي
بس ما تشتمنيش انا بقى عيب خليك حلو

بعبعه يقول...

رئيس جمهوريه نفسي

والله احنا مستنيين بعبعتك ده انت تنورنا يا مان

Mony يقول...

حلوة بعبعة ديه


ههههههههههههههه

اوك يا فندم نبدأء في اول بوست و احنا متجمعين كده علشان نبعبع براحتنا

بس عايزين موضوع بتاع بعبعة كده علشان نعرف نبعبع براحتنا

بعبعه يقول...

غير معرف

بص يا شخص انت
انا قلت نبعبع اااااااه

انما نشتم الناس لا

انا قلتلك من الاول ياحيوان ان انا مش خيخه
وحلفت بالله لو كنت تعرفه
وبعدين اي حد هايخمن تاني انا مين
هامسحله تعليقه
قلنا خلينا كده احسن براحتنا

واي كلب حقير هاتسول له نفسه يشتم حد هنا تاني زميل برضه هامسحله تعليقه

وخليكوا نضاف بقى ما تخلونيش الغي الفكره والغي التعليقات المفتوحه

داتكم ستين نيله عيال متخلفه صحيح

لا مش كلكم
امثال الشخص ده

بعبعه يقول...

موني

اامري شوفي انتى عايزه موضوع ايه تلاقيه موجود فى الحااااااال

عمرو يقول...

مبروك مبروك
ده أحنا حنبعبع بعبعه ما اتبعبعتش قبل كده
يالا انا حانقل لينك مدونتك عندى علشان نعرف الجديد على طول

غير معرف يقول...

ههههههههههههههه
هههههههههههه
ههههههههههههههههه
عارفة انا بضحك ليه ؟
لان انا صاحب التعليق الاولانى اللى خمن انك خيخة .. وطبعا بحسن نيه لانى بحبكم انتم الاتنين
لكن واحد تانى دخل وكمل على تعليقى قال يعنى هو اللى كاتب التعليق الاول
قام ياعينى اتشتم وخد من المنقى خيار
ههههههههههههههههه
بصى يا خيخة يا ماما
كلنا عارفين انك خيخة
ومش عيب انك تبقى عندك مدونتين واحدة قايلة انك خيخة واحنا عارفين انك خيخة
والتانية مش قايلة انك خيخة واحنا بردة عارفين انك خيخة
وده من باب التغيير عشان ما نزهقش
بس اسم بعبة جميل قوى يا خيخة

ahmed_k يقول...

فكرة مدونتك جميله
بالتوفيق إن شاء الله

وتقبلي خالص تحياتي

بعبعه يقول...

عمرو

اوك مستنياين والله

بعبعه يقول...

غير معرف

لا يا ناصح يا فالح يا خفيف الظل

انا شلت تعليقاته الى هو شاتم فيها عشان هو قليل الادب ولسانه طويل

وانت عامل فتك
ولا انت فااااااهم حاجه وشكلك وحش اوي وربنا

عيال عجيبه

بعبعه يقول...

احمد

اوك يا احمد شكرا لك ومستنيين مشاركتك وبعبتك

كـــيــــــــارا يقول...

اللللللللله فكره المدونه تجنن وبجد نفسي ابعبع

وهتلاقيني نطالك بس فعلا لازم تعملي ميل وتحطيه وتدي المساحه للناس يبعتولك كلامهم وانشريه

المدونه فكرتها تحفه

كـــيــــــــارا يقول...

اه نسيت

الف مبروك علي المدونه

تحياتي

بعبعه يقول...

كيارا

اوك حاضر عنيه

الاميل هاعمله ان شاء الله

مستنياكي يا كيارا

كـــيــــــــارا يقول...

هتلاقيني عندك ده نفسي اتكلم كلام بس يارب بس اقدر اطلعه

الفكره روعه بصراحه

بعبعه يقول...

طب يلا يا كيارا

البوست الجديد نزل