الأحد، 16 نوفمبر 2008

اييييييييه يا بلوجريه

ايه يا جماعه مش معقول كده يعنى كل ما اغيب ارجع الاقي شتيمه في الردود
اقفل الردود المفتوحه ولا اعمل رقابه عليا
انا عامله المدونه عشان اتكلم معاكم براحتي وتتكلموا براحتكم بصرف النظر عن كوني مين
وفى حد غبي عمال يشتم فى الناس الى ما لهاش ذنب ولا يمكن حتى لها علم بالمدونه اساسا
وحقيقى غبي مش عارفه ماله ده وايه يهمه اصلا انا مين
وعملتلك ايه الست الى انت شغال شتيمه فيها دي
والله انا بتهيئلي انك واخد منها قلم جامد اوي ولسه معلم فيك يعنى
بس واضح جدا انك تستاهل القلم ده
ايه يا بلوجريه رايكم ايه اقفل المدونه ولا ايه ؟؟؟؟؟؟؟؟؟؟
ولو انا شايفه ان كلنا محتاجين نتكلم ونتكلم كتير اوي
ومش عشان انا باقول اننا ندخل من غير اسامي يبقى اقصد نستخبي
ولا انا مش عايزه اقول انا مين منكم عشان برضه استخبى
ده بس عشان واحنا بنتكلم نشيل اي اعتبارات ممكن تكون حاجز نفسي للصراحه مع نفسنا حتى
مستنيه اسمع رايكم اكمل ولاارجع في كلامي
مش عشان الشيء ابو لسان بينضح زباله ده لا
عشان عايزه اعرف رايكم انتم فى فكرة المدونه بجد

هناك 8 تعليقات:

عمرو يقول...

صباح الخير
ما تحذفيش المدونه لأنها حلوه و مفيده
سيبى اللى يشتم يشتم و أبقى أحذفى الردود اللى مش عجباكى بعد كده
و لو عاوزه تعرفى هو مين حولى الردود على الاٍيميل عندك و بكده حتظهر لك اٍيميلات كل اللى علقوا على أى موضوع
القطط بتنونو و القافله تسير

بعبعه يقول...

صباح الخير يا عمرو

اوك نفكر ونسمع باقي اراء الناس

وبعدين هو كل حاجه قطط بقى

ولا انت خايف تجيب سيرة كلب عبده ؟؟؟

غير معرف يقول...

ده حيوان يابعبعه
سيبك منه
امسحي الردود القذره وكبري الدي ورقي الجي
انا من راي سيبي المدونه فرصه حلوه لبعبعه

Mony يقول...

لا يا بعبعة سيبي المدونة

بس لازم تعملي رقابة علي التعليقات

تعملي موديراتور


علشان لو حد شتم تاني يبقي كأنه بيكلم نفسه لانك هقرأي التعليق قبل ما يبان علي المدونة و الي مش عاجبك احذفيه من بره بره


ربنا يكون في عونك من اللي هتلاقيه في التعليقات


و ربنا يهدي الجميع

بعبعه يقول...

توته

ايه كبري الجي ورقي الجي دي يا بت

ههههههههههههههههه
ماشي اناهابعبعك انا

بعبعه يقول...

موني

بصي انا اعتقد ان حكاية التعليقات دي مش ها تنفع

انا الى اعرفه ان الموديرتور ده بيكشف الاميل بتاع المرسل
مش كده ولا ايه ؟؟

وانا مش عايزه اعرف مين بيقول ايه هنا

عشان الناس تبقى براحتها

عموما هاشوف كده
ربنا يسهل

Kiara يقول...

لالالالالالالالالالالالالالالالالالالالالالا


اوعي بجد هزعل منك اوووووي

مش يهمك اي كلام

بعبعه يقول...

اوك يامولان

حالا هاينزل البوست الجديد