الخميس، 21 مايو، 2009

اسرار واوجاع الرجال


ما ينفعش الكلام ده يا بلوجاريه الاميلات قليله كده ليه

مافيش مساعدات كفايه ليه

ايه ظلم الانسان لاخته الانسانه ده

المهم
انا برضه ليا مصادري الخاص واجريت احاديث مطوله مع اصدقائي
وبصراحه خلوني عايزه اغير اسم البوست بدل اسرار الرجال

اخليه اوجاع الرجال

يا عين امهم قطعوا قلبي

انا فى البوست الى فات اتكلمت عن البنات الى مش عارفين حاجه عشان الرجاله تعرف ان الى معاهم دي فى الاصل حماره واترقت وجوزوهاله

النهارده بقى الازواج هما ليهم شكوى مره منكم يا حريم

يلا نسمع الاسرار والاوجاع


اولا :
فى اكتر من شخص الحقيقه قالي انه بيحس ان مراته مش فارق معاها اذا ان مارس معاها الجنس من عدمه ولما قلتله اكيد بيتهيئلك وهى مكسوفه كلهم تقريبا كانوا هايقتلوني

وقالولي انهم جربوا يسبوها شهر واكتر ما يلمسوهاش وبرضه لا حياة لمن تنادي ولا بتعبر حتى لما اقام معاها علاقه ما كانش فى اي بوادر انها مشتاقه حتى .

وبرضه كلهم اكدولي ان دي كانت نقطة تحول فى العلاقه انه خلاص بقى ريح نفسه منها وبطل يفكر فيها وفى اسعاده وراحتها اثناء العلاقه لانها مش فارق معاها
وبقى ينجز ويتخمد ينام وخلاص (على حد قوله )


(اؤكد لكم ان الزوجات لا يعلمن اي حاجه وكانوا فاتحين بؤهم ومستغربين هو الراجل ده ماله مش بيعمل ليه ؟؟!!!
وشايفين انه عيب انها تطلب ومكسوفين ليس اكثر )


ثانيا :
صديق اكدلي ان اغلب الرجاله قبل الجواز بيكون عندهم هسهس من حاجتين حجم العضوا لذكري وسرعة القذف
وده طبعا لانهم بيتفرجوا على زفت افلام فيها حاجات مش طبيعيه بالمره ماهو افلام تجاريه لازم يكون فيها ابهار
ولا سيما انهم بيبدأوا الفرجه والمقارنه بدري وهما لسه مراهقين اصلا لسه نموهم ما اكتملش

وبيفضل الهاجس ده معاهم لحد بعد الجواز واحيانا بيتاكدله الهسهس لما يلاقي مراته مش باين عليها استمتاع ولا بترقع بالصوت الحيانى زي البت الى في الفيلم فيتعقد زياده ويتكلكع زياده والموضوع يبقى كومبلكس على الاخر


ثالثا :
فى اكتر من شخص الحقيقه اكدولي ان فى مطلبين لا تنازل ولا هواده فيهم لاغلب الازواج والزوجات ما يعرفوش عنه حاجه احيانا واحيانا اخرى بيرفضوه رفضا باتا او بيظهروا ضيقا منه

المطلبين بقى هما : تغيير الاوضاع واستخدام الفم فى العلاقه الجنسيه من الطرفين

ثالثا : فى واحد قال انا مراتي بتقرف !! ايوه كل ما اطلب منها حاجه تقولي انا باقرف ممنوع ايدك تتمد وبعدين ما تطولش . ايدك لا وبؤك لا (اعتقد ناقص تقوله وخلصنا يا عم المقرف )
وعقب الراجل يا عينى صارخا : عايز اجررررررررب يا ناس عايز اعيش ولا انا انكتب عليا اعيش محروم ؟؟!!!

رابعا :فى صديق برضه حكالي انى فى واحده انشدت من لسانها وقالت لخطيبها انها مش مختونه فهو بقى ركب دماغه وقالك ماليش دعوه انا عايزها مختونه يهديك يرضيك قالك لايونكن ابدا يا كده يا مش متجوز . معقبا على احدى جلسات الاقناع وانا مالي ياعم احسن ما اقدرلهاش .
عيل سييييييس

خااامسا : على الصعيد المقابل فى كمان فريق من الشباب عنده هسهس تاني ان البنت المختونه فى الغالب بارده وما بتحسش مع ده مش حقيقى تماما . الختان الوحيد الى ممكن يجعلها بارده الى هو الى بيسموه الختان الفرعوني لانه جائر جداااا . للي ما يعرفش بيشيلوا كل حاجه على سطح الارض

سادسا :بدى لي قناعه عند بعض الرجال ان الستات المحترمات الى في بيوتهم خلقوا ليكونوا امهات فقط ما يعرفوش ازاي يبقى انثوات فاتنات . وقالك احنا نتفرج بقى من بعيد واحنا ساكتين وخلاص .

سابعا : فى حين على صعيد اخر فى رجاله كتير شايفه ان الجواز التاني حل مثالي للتجديد وكسر الملل وهو ده الامل والمنى عندهم والخلاص الحقيقى . فى حين ان فى واحد من الى فى سادسا الى فوق دي كان متجوز اثنين وقالي ان الثانيه بمجرد ان انجبت تحولت الى صوره من الاولى .

(يبقى المشكله مش فى الستات بقى لواحدهم ؟؟ ايوه طبعا دي مشكله مشتركه )


ثامنا : فى اخ تاني بقى قالي ان مراته وجهة نظرها ان العلاقه الجنسيه دي حاجه حيوانيه ومقرفه ومقززه

(وبرضه تقريبا كان ناقص تقوله ومش عايزه اشوف وش اهلك بقى )

وعقب يا حبة عين ماماته والله انا بدأت احس زيها كده باين ولا ايه ؟؟!!!

مع ان العلاقه الجنسيه ذكرت في القرآن وربنا محللها ومحبب فيها كمان والاحاديث والقرآن بيحترم الشهوه وبيحرص على اشباعها بطريق حلال .



وكفايه كده اوجاع النهارده

ولو جالي اميلات تاني هاعرضها لكم لان انا جالي اميلات من الستات بعد البوست الى فات

وانشاء الله انا هافتحها برنامج حياتي للمتجوزين الى مش عارفين يتكلموا مع بعض

ارجو انكم تكونوا قريتوا الكلام ده وفهمتوا انا ليه باعرضه

وارجو من الستات الى تقرا البوست ده تفكر كويس ان ممكن يكون جوزها واحد من دول فاحترمي نفس وافهمي من فضلك

كل واحد ناوي يقول كلمه مش مظبوطه فى التعليق ليا يبلعها احسنله احن اناا لى بيجى عليا ما بيكسبش

هناك 16 تعليقًا:

wedad يقول...

بصراحة وفيت الكلام
وفى انتظار المزيد
وكل كلمة مضبوطة

عمرو يقول...

يعنى أخيرا بقى فيه قسم رجالى فى بعبعه بلوجريه !!
طيب ده كويس و لو أننا كنا مستنيين حفلة اٍفتتاح تليق بهذا الحدث :)
بصى يا ستى ..
موضوع هسهس حجم العضو عند أغلب الرجال أزعم أنه بتظهر أعراضه قبل الزواج بكتير يمكن منذ بدء الدخول لفترة المراهقه للولد و صحيح بيكون هذا الهسهس زى ما قلتى سببه مشاهدة الأفلام الاٍباحيه اللى بيستعينوا فيها بمؤديين أصحاب مواصفات خاصه جدا و على الشاب أن يقتنع بحاجتين مهمين : اٍن هو اللى طبيعى و أن هذه الأحجام اللى بيشوفها فى الأفلام أصحابها هم اللى مش طبيعيين و اٍلا ماكنوش اٍستعانوا بيهم فى مثل هذه الأعمال القبيحه .. الحاجه التانيه عليه أن يعرف و يعى بعض الحقائق العلميه السليمه الخاصه بممارسة الجنس و الجهاز التناسلى للذكر و الأنثى و أن أقل الأعضاء حجما كفيله بتأدية الوظيفه المطلوبه كالممارسه المشبعه للطرفين و حدوث الحمل و أن الرجوله و الفحوله لا ترتبط مطلقا بحجم العضو كما هو مصدق عند الرجال الشرقيين ..
نقطه مهمه برضو تغيب عن فكر الكثيرين و هى أن السمنه المفرطه عند الرجل تؤدى لاٍختفاء جزء كبير من العضو الذكرى تحت أكوام الدهون و الشحوم بعكس الرجال نحيفى الأجساد و صدقوا الصعايده لما قالوا : تخن الراجل شين ..
حأنشر التعليق ده و أكمل ..

بعبعه يقول...

وداد

اوك ان شاء الله ربنا يسهل

بعبعه يقول...

عمرو

تمام اتفق معاك تمام فى نقطة ارتباط الفحوله بحجم العضو

وكمان السمنه فى الرجال

يلا هات الباقي يا سيدى

MaNoOoSh يقول...

انا موافقة قوى ان الأفلام الأبيحى اللى الشباب بيتفرجوا عليها بترسب فى دماغهم تجارب وهمية وبيبقى الواقع صادم ليهم لما يتجوزوا..

وكمان اهم مشكلة بين الزوجين ان مبيبقاش فيه حوار يخليهم يعرفوا ايه اللى بيضايقهم فى العلاقة وايه اللى بيبسطهم فيها.. ياريت الأزواج والزوجات يحاولوا يتفاهموا ومش مهم مين اللى يبدأ.. المهم ان حد فيهم يبدأ وخلاص.

عمرو يقول...

بالنسبه للمشكله اللى طرحتيها و الخاصة بسرعة القذف ..
الحقيقه أن المشكله دى لها شقين : سرعة القذف و أو بطأ القذف أو اٍستحالته ..
فى رأيى أن هذه المعضله بتتعلق بمسائل نفسيه معقده ..
يعنى المراهق عادة بيبدأ التعرف و الحصول على اللذه الجنسيه من خلال ممارسة العاده السريه المرتبطه فى الأذهان بحرمانيتها و أنها ضاره جدا للشاب اللى بيكون عنده أصلا خلفيه غالبا عن مساوئها و لكن برغم كده بيمارسها و بيتحمل اٍحساسه المفرط بالذنب و القذاره فى مقابل الحصول على لذه مصطنعه يفرغ بها طاقته الشابه المكبوته و بتكون النتيجه فى النهايه خلل فى ديناميكية القذف السريع بأوامر مستتره من عقله الباطن الراغب فى الاٍنتهاء بسرعه شديده من هذه العمليه المجرمه فى عقله الواعى ..
و الأخطر بقى أن يخوض الشاب تجربه جنسيه مع أنثى بشكل غير شرعى و الأدهى أن لو كانت هذه الأنثى من الساقطات محترفات بيع الجسد هنا بقى بتبقى الخطوره أكبر و أشد و تأثيرها أقوى على نفسية الشاب و بتكون لها تبعات قد تستمر معه طول عمره لأن العمليه الجنسيه فى الحاله دى بتتم كمان بجانب حرامنيتها لدى الشاب فى ظروف غالبا غير مهيئه و وسط جو من التوتر و القلق .. فالشاب من دول بيروح فى الكازوزه و بيظل يدفع تمن لذه محرمه و مسروقه لسنوات ممتده ..
معلش حأنشر التعليق ده و أرجع تانى ..

بعبعه يقول...

عمرو

يعنى بصراحه مش عارفه من غيرك كنا هانعمل ايه

وصف حضرتك لاحساس العاده السريه عند الشباب فعلا دقيق جدا وربنا ما يحرمناااش منك يا باشا

مستنيه باقي التحليل احسن انا فى البوست بتاع الرجاله محتاسه حبتين

بعبعه يقول...

مااااااانوش

تمام كلامك يا جميل ايه ده ماشوفتكيش الا دلوقتي

ايه النور ده

مسلم الأمر لله يقول...

السلام عليكم ورحمة الله وبركاته

ازيك يا ست بعبعة

فاكراني؟ احنا اتكلمنا في الشات

انا مش معاكي يا سيدتي انك تتكلمي في موضوع زي دا كده بالطريقة دي لاني شايف ان اللي اتقال ممكن يكون هو الواقع انما مش شايف انك عرضتي حل !!!!

لو غلطان يا ريت تصلحيلي

و تذكري يا سيدتي ان الحياء شعبة من الايمان

و لنا في رسول الله صلي الله عليه وسلم أسوة حسنة

السلام عليكم ورحمة الله وبركاته

عاشقه وغلبانه يقول...

كل المشاكل اللي عرضتيها سواء حريمي او رجالي سببها اولا واخيرا الثقافه الجنسيه اللي منعدمه عند ناس كتير
زي ماقولتي في ستات كتير شيفاها حاجه مقرفه ورجاله اغلب معلوماتها واخداها من افلام رخيصه
مش عارفه ليه احنا مابقيناش بنستخدم عقلنا
....!!!!!!!!!!!

احنا في زمن لو الاهل مادوش معلومه صح لاولادهم الاولاد هايخدوا المعلومه الغلط بنفسهم من ورا اهلهم

ايوشة يقول...

يخرب عقلك يابعبعة انا جيت اقرا المدونة ديدوب لما اخيرا صحيت من غيبوبة النوم ملحقتش ارد على البوست اللى فاتت ومش هرد على البوست ده هههههه وجيت بس اسلم عليكى مش اكتر
وتقريبا المشاكل دى كلها سببها عدم التفاهم الكلام والحوار بينهم وبين بعض هيحل كل المشاكل دا جوزها ودى مراته ومش يعنى هيتكسفوا يتكلموا ويتفاهموا ويتوصلوا للحلول ترضى الطرفين وبعدين السكوت برضو سبب يعنى كل اللى بيشتكوا دول سواء ستات او رجالة صارحوا بعض بالمشاكل دى معتقدش كل واحد فيهم بيفضل السكوت على اساس انهم بيتكسفوا من بعض ولا ايه متعرفيش
ههههههههه
ربنا يصلح الاحوال ويهدى الجميع يارب

بعبعه يقول...

مسلم امرك لله

ايه يا سيدى فاكراك طبعا

الحل ؟؟

الحل هو اننا نسمع بعض

اول واهم خطوه فى علاج اي مشكله هو تحديد المشكله وفهمها


المرض النفسي قد يزول تماما لو الشخص عرف سبب عقدته مثلا

ثانيا
الحياء ؟؟

لنا فى رسول الله أسوة حسنه ؟؟!!

طيب اسمع الحديث ده

وافهمممممه
وشوف انا قلت ايه كده يخدش حياءك ولم اكن فيه اتأسى برسول الله وصحابته



أن رفاعة طلق امرأته ، فتزوجها عبد الرحمن بن الزبير القرظي ، قالت عائشة : وعليها خمار أخضر ، فشكت إليها وأرتها خضرة بجلدها ، فلما جاء رسول الله صلى الله عليه وسلم ، والنساء ينصر بعضهن بعضا ، قالت عائشة : ما رأيت مثل ما يلقى المؤمنات ؟ لجلدها أشد خضرة من ثوبها . قال : وسمع أنها قد أتت رسول الله صلى الله عليه وسلم ، فجاء ومعه ابنان له من غيرها ، قالت : والله ما لي إليه من ذنب ، إلا أن ما معه ليس بأغنى عني من هذه ، وأخذت هدبة من ثوبها ، فقال : كذبت والله يا رسول الله ، إني لأنفضها نفض الأديم ، ولكنها ناشز ، تريد رفاعة . فقال رسول الله صلى الله عليه وسلم : ( فإن كان ذلك لم تحلي له ، أو : لم تصلحي له ، حتى يذوق من عسيلتك ) . قال : وأبصر معه ابنين له ، فقال : ( بنوك هؤلاء ) . قال : نعم ، قال : ( هذا الذي تزعمين ما تزعمين ، فوالله ، لهم أشبه به من الغراب بالغراب ) .
الراوي: عكرمة المحدث: البخاري - المصدر: الجامع الصحيح - الصفحة أو الرقم: 5825
خلاصة الدرجة: [صحيح


شرفتنا يا مسلم امرك لله

بعبعه يقول...

عاشقه وغلبانه

تمام الله يفتح عليكى

شرفتي

بعبعه يقول...

ايوشه

ده تقريبا بياكلوا سد الحنك لما يروحوا فبيتكتموا كده


صح النوم يا ايوشه

ذو الوجه المبتسم يقول...

السلام عليكم

ازيك ست بعبعة
منورة البوست والله ههههههههههههههه

متزعليش منى لو قلت ان كل الخطوات اللى حضرتك كتبتيها تقريبا شبه عامة يعنى مش اسرار رجالة

هاعلق على خطواتك من وجهة نظرى الشخصية
اولا :
فى اكتر من شخص الحقيقه قالي انه بيحس ان مراته مش فارق معاها اذا ان مارس معاها الجنس من عدمه

عادى جدا والاحساس ده طبيعى عند ستات كتير لكن المشكلة فيه هو لانه مش بيقدر يحتويها ومش بيقدر يحسسها بالاثارة الجنسية هو بيعمل مجرد محاولة واذا فشلت اتنيل على عينه وسكت ويمكن يعيط كمان هههههههه
فيه اساليب كتير الراجل ممكن بها يثير زوجته ويخليها تطلب منه كمان الممارسة
وباقول على كل رجل بيحس ان مراته مش فارقة معها انه يهتم بنفسه شوية ويشوف السبب ايه ؟؟؟؟؟ اكيد هو السبب الرئيسي

ثانيا : اغلب الرجاله قبل الجواز بيكون عندهم هسهس من حاجتين حجم العضوا لذكري وسرعة القذف

موضوع حجم العضو اعتقد انه عامل اساسي فى العملية الجنسية ولكنه مش العامل الوحيد ومن خلال ثقافتى الجنسية وقرآتى فان حجم العضو الطبيعى هو ؟؟؟؟ وسواء الحجم صغير او كبير مش هو ده المهم فيه .. الاهم منه وهو الاحساس به

ثالثا
المطلبين بقى هما : تغيير الاوضاع واستخدام الفم فى العلاقه الجنسيه من الطرفين

اعتقد اللى مش بيغير الاوضاع يبقي تعبان وانسان تقليدي والعملية مش فارقة معه ولا معها
لازم يكون فيه تغيير وتعدد وابتكار فى الاوضاع ههههههههه

استخدام الفم برده عادى جدا طالما هيقدر يوصل للمتعة او النشوة لكن لازم الرجل او الست يعلموا كيفية الاستخدام مش بيكون كده وخلاص

هاكتفي بهذا القدر لان حضرتك مكررة ثالثا مرتين يعنى بتخمينا ههههههههه

هاكمل الباقى بس بعد ما اشوف ردودك

تقبلى تحياتى

بعبعه يقول...

ذو الوجه المبتسم

مش شرط يكون هو المقصر الوحيد ممكن يكون هو حاول لحد ما ياس

لكن طبعا مش المفروض يياس وكمان هى مش تبقى متربسه دماغها


بالنسبه لثانيا فانا قلت انه مجرد هسهس

يعنى مش بيكون اساسا منه مشكله معضله ولا حاجه