الأربعاء، 27 مايو، 2009

اتكلم انا بقى


دلوقتي انا مش عارفه انتم عايزين ايه بالظبط


المدونه دي انا عملتها عشان انتم الى تتكملوا فيها انا بدأتها بس فى الاول بكذا بوست يادوب افتح الموضوع والمفروض ان الناس هى الى تتكلم ولو ما كانش حد وقتها بيجى المدونه كتير بس مش مشكله


بعد كده انا بقيت فعلا باكتب الى انتم بتقوله فى حاجات اصحابها اصروا انى اصيغها انا واكتبها وفى بوستات انا نزلتها حرفيا كوبي من رسايلهم


فما دام ده كلامكم ما حدش يقولي نص كلمه بقى


ثانيا ايه بقى مالكم الدنيا قامت وما قعدتش ليه على خالد انتم ليه كل ما تسمعوا كلمه جنس او اي حاجه تشير لها تتكهربوا كده ؟؟؟


هو انا قاعده فى برنامج سينما الاطفال انا شبه ماما عفاف ؟؟ اطلاقا


المفروض انا باتكلم مع ناس كبار وعملتلكم المدونه اهو كمان للكبار فقط عشان تستريحوا


الناس زي عماد وغيره بيقولوا ليا انتى بتعرضي المشكله من غير حل


طيب ما تقدموا انتم حلول اما انا باقول ليه المشكله ؟؟ الى عنده اقتراح يتفضل فى الردود او فى الاميل وانا هانشره بكل امانه


انا عايزه اسمعكم مش عايزه اتكلم انا .


لكن الاخ عماد واثق انى اقدر اتكلم واغير حاجه طيب حاضر هاحاول لكن حقيقى انا مش عارفه هاقدر ولا لا .


هاعمل مجموعة بوستات عن التربيه الجنسيه على الاقل بدايتها وبعد كده تفرج


لان محاسن صابر طلبت مني برضه ازاي تثقف ابنها جنسيا وهو لسه صغير

ما اسمعش ولا نفس اكيد مش هاتفهمه يعنى ايه 69 الى خلاكم اتنطتم كلكم لا طبعا التربيه الجنسيه موضوع تاني خالص


بس لازم قبل ما ابدأ كلام اقولكم يا جماعه ارجوكم ما تتكلموش عن الجنس كأنه حاجه عيب وما يصحش نتكلم فيها


حاجه اتكلم فيها القرآن يبقى مش حرام ابدا نتكلم عنها يعنى انا مثلا لو قاعده باقرا قرآن مع بابا وتقابلي الايه فى سورة البقره:

نساءكم حرث لكم .......... قوم انا بقى اتكسف واقول لا مش هاقرا قرآن مع بابا ؟؟؟


الاحاديث ملياااان كلام عن مشاكل جنسيه وبادق التفاصيل فى الردود انا قلت حديث معلش هاقوله تاني

ماحدش يقولي هنا مش مجال للدين . لان الدين بالنسبه ليا حياه مش كلمتين بنقولهم فى الجامع


أن رفاعة طلق امرأته ، فتزوجها عبد الرحمن بن الزبير القرظي ،


قالت عائشة : وعليها خمار أخضر ، فشكت إليها وأرتها خضرة بجلدها ، فلما جاء رسول الله صلى الله عليه وسلم ، والنساء ينصر بعضهن بعضا ،

قالت عائشة : ما رأيت مثل ما يلقى المؤمنات ؟ لجلدها أشد خضرة من ثوبها .

قال : وسمع أنها قد أتت رسول الله صلى الله عليه وسلم ، فجاء ومعه ابنان له من غيرها ،

قالت : والله ما لي إليه من ذنب ، إلا أن ما معه ليس بأغنى عني من هذه ، وأخذت هدبة من ثوبها ،

فقال : كذبت والله يا رسول الله ، إني لأنفضها نفض الأديم ، ولكنها ناشز ، تريد رفاعة .

فقال رسول الله صلى الله عليه وسلم : ( فإن كان ذلك لم تحلي له ، أو : لم تصلحي له ، حتى يذوق من عسيلتك ) .

قال : وأبصر معه ابنين له ، فقال : ( بنوك هؤلاء ) .

قال : نعم ،

قال : ( هذا الذي تزعمين ما تزعمين ، فوالله ، لهم أشبه به من الغراب بالغراب ) .


الراوي: عكرمة المحدث: البخاري - المصدر: الجامع الصحيح - الصفحة أو الرقم: 5825خلاصة الدرجة: [صحيح]


فهمتوا الحديث ولا محتاج شرح ؟؟؟

وعلى فكره فى روايه تانيه ان الكلام ده كان على مسمع من الصحابه مش فى السر يعنى ولا حاجه

والرسول عليه الصلاة والسلام قاعد يحكم ما بين واحد وزوجته شوفوا هى قالة ايه عن جوزها وهو رد قال ايه والرسول لا نهاهم ولا قالهم يا قلالة الادب عيب تتكلموا كده


حتى فى روايه تانيه بتقول
فتبسم رسول الله صلى الله عليه وسلم وقال : أتريدين أن ترجعي إلى رفاعة ؟


يعنى كما ابتسم فى وشهم عااااااااادي


هما صحيح اتكلموا فى الجنس لكن مش بقلة ادب بطريقه محترمه وفيها توريات من وجهة نظري فى رقي فى الحديث


انا مسلمه وباتكلم من وجهة نظر دينى


الى من ديانه سماويه تانيه وعايز يضيف حاجه تبعه يتفضل


وعليه اي حد مش عاجبه كلامي من فضلكم يعرف ان دي وجهة نظري ويحترمها ولو مش عايز يقرا يتفضل ما يقراش


اول ما اكتب حاجه جديده هانزلها والى عنده حاجه مفيده فى الموضوع يبعتهالي على الاميل ساعدوا اختكم الغلبانه الى اتدبست فى الموضوع ده .


ده انتم رخميييييييييين باقولكم اتكلموا انتم تدبسوني برضه


يلا مش مهم انشاله ما حد حوش

هناك 20 تعليقًا:

Emad_Harrisburg يقول...

nice post but it seem you were angery when you wrote it,I told you it won't be easy but ok here is an easy start you go with what about you make a meet with some married females from your frinds and give them genral information about sexual parts in male and female from any sciene book in couple meetings like short course and ask them how much that effect in thier sex life??I think that will be good start for some to know how many important to know.Thank you again

بعبعه يقول...

عماد

انا مش مضايقه ولا حاجه يا سيدى انا باهزر

انا كنت عامله مدونه للناس تفضفض فيها مش اتكلم انا برضه فيها

كلام فى سرك عندي مدونه تانيه باتكلم فيها انا

المهم

بالنسبه لاقتراحك بتاع الكورسات

امال حضرتك تفتكر المتخلفات عقليا الى انا اتكلمت عنهم دول فى اسرار البنات كانوا ايه ؟؟

ماهو دول اعضاء الكورسات على مر الزمان والعصور الماضيه

دى خلاصة سنوات من النصح العام والى مش ماثر فى هذا المجتمع

انما ولله الحمد اثر فيهم هما وفي حياتهم


وصدقنى قد تكون معلومه هااااااااابله جدا ويكون بسببها حياتهم سوده

بمجرد العلم بها بتختلف الامور تماما

وادينى لسه شغاله فى المسيره

تحياتي لك وشرفتنا

انسان يقول...

مدونة هايلة و بوست رائع
بضم صوتي لصوتك
يلا نغير حياة الناس للاحسن
انا اعتقد اني انسان سعيد في حياته الجنسية بسبب الثقافة الجنسية اللي عندي وعند زوجتي و مستعد اشارك الناس في اسرار هذه السعادة طالما في حدود الأدب

بعبعه يقول...

انسان

اوك ايد على ايد رحمه ربنا يخليك

نورت

MaNoOoSh يقول...

انا شايفة ان بعبعتك مفيدة جدا يا بعبعة.. وجميل ان الناس تقدم مشاكلها هنا ونحاول مع بعض نلاقي حلول.


وانا رأي ان انعدام الثقافة الجنسية بيسبب مشاكل جامدة جدا ما بين الازواج وانه سبب كبير جدااااااا في مشاكل زوجية مكبوته بيفضل الازواج يكبتوها لغاية ما بفرقعوا فى بعض فى الاخر.

وكل واحد فيهم بقى عايش فى دور المقهور التعيس.. طب وفيها ايه لما يعترفوا بمشاكلهم ويحاولوا يحلوها.

استمري يا بعبعة..
وبعد اذنك انا عايزة اقترح عليكي فكرة.. انك تكتبي حاجة عن احساس البنات اللي ممكن يكونوا تعرضوا لتحرش أو اغتصاب.. وازاي دة ممكن يأثر عليهم مثلا بعد الجواز.. وايه دور الزوجة والزوج فى ان البنت دي تحاول تعيش حياتها مع زوجها بشكل طبيعي (دة على أساس يعني اننا فى مجتمع صريح لدرجة ان الست هتصارح جوزها لو كانت اتعرضت لاغتصاب)

يللا سلام بقى انا طولت عليكي.

بعبعه يقول...

مانوش
والله يا مانوش ادينا بنبعبع لما نشوف

عندك حق فى كلامك طبعا

وسنستمر يا باشا ما دمت انت ورانا

وبالنسبه لاقتراحك

انا كنت عملت مره موضوع عن الاساءه الجنسيه

لكن نعمل تاني يا باشا

شرفتينا

انيموس نمبر ثري يقول...

إياك أن تموت
قبل أن تجرب روعة المضاجعة عن حب.

ماركيز _ ذاكرة غانياتى الحزينات

اعتقد انى دة اول درس ثقافة جنسية محتاجين الناس تعرفة وتتعلمه علشان محدش يأخد حاجه مش من حقة أو يفكر يسرق لمسة أو نظرة من بنت معديه في الشارع محدش عارف القاعدة دي فعلشان كدة بقيت الناس كلها بتسرق في الشارع

بعبعه يقول...

انيموس نمبر ثري

لا لا مش بس الحب يكون سبب

ماهو ياما ناس بتزنى باسم الحب

وفى رايي مافيش حب مكتمل الجوانب من غير جواز

لاسباب كتير هانبقى نقاشها وقت ما نوصل لها

عمرو يقول...

طيب ده كده الحكايه محتاجه تبدأيها من أول السطر !!
بجد الموضوع مفيد للغايه بس حقيقى أنا مشفق عليكى :)

بعبعه يقول...

عمرو

لا لا لا انا شامه ريحتة شمااااااته

هههههههههههههه

فرحان فيا يا عمرو ماشي ماشي

دبسوني واضحكوا اوي

طيب ايه رايك انا هاكتب بوست وانت بوست

اااااه امال تسبوني لوحدي

اهيء اهيء اهيء دبسووووووني يا ناس

Emad_Harrisburg يقول...

Salam again, first I wish you don’t feel I’m your bad luck lol.

Second I see very clear your blog name and your goal was people feel free to speak their mind out about their problem in marriage and sex life but b3b3a with people some of them has no idea what they talking about and I’m not sure how many( Abu zaid) stories and Arabian nights stories people will send for you.



Isn’t the problem come from wrong information between guys and girls from some who show up as experts!!!! So I think the same will happen in your blog .



Let me go over some points on KHALED story:



1-He meant to tell people about the Barka he got because he and his wife as now didn’t fall in sin and that very good point to tell people about but see what his proof about Barka is the time??? I don’t blame him but its part of how people thinking.



2-Most of comments was about the Sex in the story not about the moral in story and that is so dangerous point (more dangerous is rape scene in movies turn guys on in middle east and conceder porn scene but that very big issue not its place or time.



3- The story ignored at all the woman part including if she is happy with that or what and that is how males thinking in middle east whatever they say you can find out how they thinking between their words.



Thank you



Salam

بعبعه يقول...

وعليكم السلام ورحمة الله وبركاته

شوفت انت نكشت عليا بصراحه
هههههههههههههههه
بس شكلك فرحان فيا زي عمرو

انا عموما ما عنديش مانع انى انصح الناس واتكلم وكل حاجه بس بصراحه انا البلوج عندي ونشر الموضوعات وهاسيبها وجايز اموت كمان وتفضل الناس تقراها
عشان كده لازم اتحرى المعلومات الصحيحه فيما اكتب واتحرى الصدق واتاكد اوي


يعنى الواحد ما كانش ناقص شغل
ياما بقى تلموا من بعض وتدوني مرتب
ههههههههههههههههههههههههههههههه

بس حسبى انى باعمل كده لوجه الله تعالى الحمد لله ناخد مرتب هناك بقى فى الجنه
هههههههههههههههه

ربنا يسهل الحكايه محتاجه مني شوية قرايه عشان اتكلم بشكل عام وعلمي ما اظلمش الناس

المهم بالنسبه لموضوع خالد

يمكن تكون شايف الاعتقاد فى البركه زي ما سميتها والى انا باسميها توفيق ربنا له
وحاجه لعلمك بتبقى محسوبه مش مجرد صدف ابدا
يمكن تكون شايفها مجرد تخاريف هو مقتنع بها

وايه علاقة الوقت اعتقد هو ذكر الوقت بس عشان يوضح جايز سعادتهم ببعض او نجاحهم فى العلاقه من اول يوم يعنى جايز الله اعلم

اما بالنسبه للتعليقات الى انصبت فعلا على المشهد الجنسي فقط فانا معاك تماما وانا قلتلهم الكلام ده مش معقول تسيبوا كل البوست وكلام الراجل وتمسكوا كلكم فى كلمتين الوقت والوضع
بس فى رايي ده مش عشان بس الافلام والزفت الى بيشفوه ده عشان بالنسبه لهم عالم الجنس عالم مبهم وخيالي احيانا
حتى لو كان خاض تجربه جنسيه بالزواج حتى الاانه يبقى بداخله هاجس انه ما عاش ما كان يجب ا ن يعيش

ثالثا عدم الاهتمام بشعور المرأه او رايها فى العلاقه انا معاك ان دي حاجه موجوده ومش فى الشرق الاوسط بس لا بالعكس
فى كل مكان والله

حاليا بعد ما بقى فى عقول واعيه شويه
بدأت المشكله ان اغلب الرجال حاسين ان الستات مش فى دماغهم اصلا مش عايزين مش فارقه معاهم
وبيرجعوا دي لحاجتين اما ان يشك فى حب مراته له
او ببساطه يقول دى بارده جنسيا ويفكر يتجوز غيرها مثلا

وفعلا بعد فتره بيطنشها خالص وبينسى انه يحاول يسعدها ماهو حرق نفسه كام سنه وهى فى الطراوه

احب اقولك ان نسبه لا يستهان بها من الرجال امنية حياتهم يحسوا بس اي تفاعل من الست صدقنى

والستات مش كارهينهم ولا حاجه بالعكس لكن مكسوفين ليس الا

وشايفين ان التعبير عن الرغبه اصلا عيب وقلة ادب
لما نشوف اخرتكم ايه معاياااااا


ومتشكره انا لاهتمامك

تحياتي وشرفت

خالد (صاحب الموضوع) يقول...

السلام عليكم ,
الاستاذ عماد

واضح ان عندك مشكلة في اللغة العربية , بدليل انك مش عارف تكتب أو تفهم اللي مكتوب بيها بالضبط
ياريت تقرأ موضوعي بتركيز تاني وياريت يكون معاك حد يترجملك المكتوب بالعربي بالضبط

أولاً , هتلاقي ان تلات ارباع القصة مكتوب بصيغة الجمع , مش بصيغة فردية , وده رداً على ملاحظتك :
The story ignored at all the woman part including if she is happy with that or what

ثانياً : أنا قصتي كنت بتكلم فيها من خلال محور معين , وهو محور العفة , وأثرها على الحياة الجنسية , لان ناس كتير فاكرة ان الانسان العفيف اللي بيبدأ حياته (خام) بيبقى جاهل وفاشل جنسياً , وده اعتقاد فاشل و ساذج .

ثالثاً : اقرأ تاني هتفهم اني مبتكلمك على ان البركة كان نتيجتها ان المدة طولت .. لأ , أنا عايز أقول ان على الرغم من تحفظنا الشديد قبل الجواز , فان ده ممنعناش اننا نبدأ حياتنا بمتعة كبيرة جداً , و تجربة جنسية بديعة من كل جوانبها , جربنا فيها متع, غيرنا ممكن يعيش حياته كلها مجربهاش , مع انها أول تجربة , وده شيء نادر الحدوث (ان مكنش مستحيل ) .

رابعاً: انا تجاوزت نقطة العلاقة الحميمة وقلت اننا عايشين حلم جميل لم نفيق منه منذ زواجنا وحتى الان بعد مرور سنة على الزواج . وبنتبادل الاحضان والقبلات أكثر من 100 مرة في اليوم , وده طبعاً مش شيء جنسي وانما حب و حرارة في القلوب بتبرد عند غيرنا بعد اسابيع قليلة من الزواج .

ستيته حسب الله الحمش يقول...

ماذا اقول بعد كل ما قيل
وما أكثر من قول قيل من قولي او لم يقال

بعد كلام خالد وعمرو خلص الكلام

بس اقول لك

المصيبة الأولى اللي محتاجة وقفة
التربية الجنسية للأطفال حتى سن المراهقة

المصيبة التانية
هبل البنات وده مش عيب فيهم ده عيب مجتمعي وكفاية بوست الفضائح بتاع اسرار البنات أنا جالي منه ازبهلال

لأ مكنتش كده علشان ها تقولي في عقلك قال يعني البت فالحة قوي
آه فالحة ولله الحمد من يومي وعارفة انه مش عيب اتعلم اللي يسعد فارس أحلامي اللي كان لسه مجاش وكنت سوسة بتعلم واسأل ماما وخالاتي واللي متجوزات وأقرأ .. بلوة بعيد عنك

المصيبة التالتة فتح الصدر للرجالة
بمعنى استحالة واحد ها يجي يقول مكنتش عارف الطريق وتايهه
ها تقولي بما انهم شباب فبيتفرجوا وبيتكلموا وبيتهببوا
بس والله مش هو ده الجواز ولا هو ده الحب ولا هي دي السعادة
مجتمع غاوي فشر وقرع

العرب الأكثر تخلفا في هذه النقطة

العرب اكثر الدول دخولا على المواقع الإباحية في العالم
يعني مش هم التت البت الفت النت زي ما بيدعوا

ثقافة الشيزوفرينيا خاصية مجتمعية عااااااااااااااامة


لا مرتب ولا مساعدة البلوج بلوجك وها تكتبي

نيهااااااااااااااااااااا
ضحكات عالية شريرة

Emad_Harrisburg يقول...

Alsalam to all

Mr. khlaed please accept my apologize I sounded personnel.

If I did misunderstand that is my fault and please accept my sorry about it.

Dear b3b3a

I think I practiced famous Arabic tradion for long time that is talking about an issue not in the issue it self. Masry ba2a te2oly eih

I want to add some thing and I believe good start is some safe sex information and hope also you don’t mind to translate it to Arabic because I can’t write in Arabic and if use google translation it will be like zahb ahmad 7akal asad ta3am.lol you know, is that OKAY?

Salam to all

بعبعه يقول...

خالد

معلش مش تقفش مننا كده

مش كل الناس تقدر تفكر زيك

هو مش معترض على البركه او مفهومها الاا نه مش شايف انها العنصر الاساسي فى نجاحكم

وده حقيقى لان ياما ناس بتكون عفيفه وكل حاجه وبيتجوزوا ناس بيحبوهم وبيكونوا فاشلين جنسيا على المدى البعيد على الاقل

وعليه هو عنده حق ان البركه لواحدها مش كفايه
لكن من رايي ان من ضمن البركه دي التوفيق من ربنا

الى من ضمنه برضه توفيقكم انتم الاثنين فى فهم الحياه الجنسيه وعليه التمتع بها كما يجب ان يكون

اوووووك ؟؟؟ وضح راي عماد يا جودعان

ارجوكم مش عشان الراجل بيكتب بالعنجليزى قوم نقول ده بيتنطط علينا وبيتريق على شرقيتنا واعتقادتنا الاسلاميه و و و

تعالوا نتناقش من غير كلاكيع يا جودعنا

قشطه يا خالد ؟؟؟

وبعدين اوعى تنسى تقرا المعوذتين الصبح وبالليل انت ومراتك

عشان وربنا العيال دول قراررين اسمع كلامي انا

هههههههههههههههه

بعبعه يقول...

ستيته

كده يا رفيقة الكفاح

كلام صح بس برافوا عليكى ياريت كل الناس زيك

وياريت يفهموااااااااا حريم ورجاله

وفعلا انا ناويه ابدأ ببوست عن التربيه الجنسيه للاطفال

ااااااه يا مامايا

بعبعه يقول...

عماد

حصل خير يا اخويا امسحوها فيا انا بقى احسن هاتضربوا كده

ههههههههههههههه

انت هاتبدوا خلافات قبل ما ابدا كلام يا لهوي عليكم

مصريين صحيح على رايك
ههههههههههههه


ثانيا من الواضح والجلي انك مخموم فيا على الاااااخر

انا الى اترجم

هو عشان انا فهمت كلامك ولا ايه
لا لا لا مش للدرجه ده نا يادوب بافك الخط يااخويا
هههههههههههههههههه

بس طبعا اتفضل ابعت على الاميل الى حضرتك عايز تنشره وانا هاترجمه ولو ما عرفتش هاستعين بصديق بش مش ترجمة جوجال طبعا


اوووووووووك فى انتظار مشاركتك واي مشاركه تانيه من اي حد

واعرفوا ان البوست الجديد عن التربيه الجنسيه فى الطفوله

الى عنده اي حاجه يحب ادراجها في الموضوع يتحفنى باميل


منورين يا بشوات

انسان يقول...

أنا بقترح نطلق المبادرة المصرية لتحسين الثقافة الجنسية :)

بعبعه يقول...

انسان

ماشي ياعم اطلقنا

اشتغلوا انت بقى واطلقوا شويه

انا من كتر ما طلقت هاولد عشره كده
ههههههههههههههه