السبت، 4 يوليو 2009

اجابات على الاسأله الطبيه



ادي البوست الى انا وعدتكم اعمله بتاع الاسأله الطبيه الى سألتوها فى الردود على المواضيع الى فاتت

وانا كنت بادور على طبيب متطوع يجاوب على اسألتكم


والحقيقه فى اخ اتكرم وعرض مساعدته وهو طبيب وكلامنا فى صميم تخصصه

لكن هو الحقيقه رفض الافصاح عن شخصه ولا حتى ليا

وعليه فانا هانشر رايه الطبيه على مسؤليته هو


لكن احب اسجل انه من خلال كلامي معاه انه شخص محترم جدا وامين فعلا وصادق فى نيته لمساعدتنا فى المدونه

وده راي وحدس شخصي فقط


ودلوقتي اتفضلوا بقى نشوف الاسأله :



هل لحس البظر من الناحيه الطبيه له مضار ؟


لو كان مهبل طبيعى مافيش فيه امراض يبقى مافيش منه مضار
مع الاخذ فى الاعتبار ان المهبل احتمالية اصابته بالامراض اكتر من القضيب مثلا
(المهبل الطبيعى تكون افرازاته لونها شفاف ومالوش رائحه كريهه .. لو الافرازات دي لونها ابيض او اصفر وفى رائحه كريهه يبقى المهبل مصاب بالتهاب )
والامراض التناسليه يمكن ان تنتقل من خلال الفم ايضا مش من خلال الاعضاء التناسليه فقط اثناء المعاشره


والاسأله الى وردت عن تاثير العاده السريه على سرعة القذف وطول القضيب


فعلا العاده السريه ممكن تسبب سرعة القذف عند الرجل لكن فى الغالب بترجع الحاله لطبيعتها بعد الجواز بفتره وليكن شهر
وفى حالة استمرار حالة سرعة القذف بعد الزواج فلازم الشخص يعرض نفسه على طبيب امراض ذكوره
اما بالنسبه لطول القضيب فهو مالوش دعوه خالص بالعاده السريه سلبا او ايجابا


وكانت فى اخت سألت الاسأله دي


1- قرأت في كثير من الكتب أن العادة السرية ممكن توسع غشاء البكارة عند البنت، وبالتالي مش بينزل دم عند اللقاء الجنسي الأول مع الزوج، هل الكلام ده صحيح فعلاً؟


لا العاده السريه مش ممكن توسع غشاء البكاره لكن ممكن تجرحه لو كانت العاده بتمارس بغباوه وهبل وقلة علم
ولو جرح الغشاء هاينزل دم وممكن وقتها ليلة الدخله ما يبقاش في دم
طبعا دم فى غير وقت الدوره الشهريه

2- وهل ممكن أن يكتشف الطبيب إن البنت كانت تمارس العادة السرية قبل الزواج؟


صعب وقد يكون مستحيل اكتشاف ممارسة العاده السريه سابقا لو لم يجرح الغشاء
خصوصا ان العلامات الى ممكن تظهر من العاده ممكن تظهر من غير ممارسة العاده برضه
حتى الاحتقان الى ممكن تسببه العاده السريه ممكن برضه يسببه الالتهابات وعليه مش علامه برضه
بعكس الجماع له علامات معروفه ويمكن اكتشافه



3- وهل السبب الرئيسي للإفرازات المهبلية والالتهابات هو العادة السرية، علماً بأن عمري 23 سنة و أمارس العادة السرية من 7 سنوات، وباعاني من التهابات مهبلية...


لا مش ممكن تكون السبب فى التهابات الا لو استخدمتي حاجه ملوثه بميكروب يسبب الالتهابات دي

والالتهابات ممكن تحصل للبنات عموما بدون ممارسة العاده السريه وممكن الالتهابات دي تسبب حكه للبنت وتخليها تهرش وممكن فى الوقت ده تكتشف نفسها والعاده السريه وتبدأ ممارستها


ودي مشكله برضه وردت فى الردود


المشكلة التي أعاني منها هي العادة السرية وتسبب لي شعور بالذنب كبير فانا مطلقة وكانت لدي مشكلة كبيرة في زواجي لدي ولد واحد عمره الان 4 سنوات مع العلم اني كنت أمارسها قبل الزواج ولكن بصورة متقطعه جدا فربما كل شهرين اما الان فكل يوم ولا اعرف هل هناك ادوية لتخفيف الطاقة الجنسية وهل لها اعراض جانبية لهذا الدواء مستقبلا، مع ان علاقتي بربي طيبة جدا ولكني دائما اجد نفسي لا استطيع ان امنعها وهل هناك امراض تنتج عن هذه العادة فكرت في الذهاب لطبيب نفسي واعرض عليه مشكلتي ولكنني لا استطيع اخاف ان يفضح امري و شكرا
يفضح امري ؟


انتى بتكلمى عن الموضوع بحساسه زياده اوي والمشكله عندك ان كحاسه بالذنب الكبير فى حين ان مش دي الحقيقه . طبيعى انك تمارسي العاده السريه بعد ما اتعودتي على وجود العلاقه الجنسيه اثناء الجواز . وما تخديش ادويه ولا حاجه
واتجوزي ما تسمعيش كلام حد يقولي اقعدي ربي ابنك وخلاص


ودي كمان حاله تانيه


عندما أكون جالسة بجوار خطيبي أو عندما أسمع منه كلاماً لطيفاً في التليفون، ويعلم الله أنه ليس كلاماً خارجاً ، ينزل مني سائل؛ فما طبيعة هذا السائل وهل هو صحي أم لا ، وهل سيؤثر على في الإنجاب في المستقبل


ابدا مالوش دعوه بالانجاب . ودي حاجه طبيعيه جدا وصحيه كمان . المهم ما تكونش الافرازات دي لها رائحه سيئه او ملونه
هى المفروض تكون شفافه
لو ملونه او ل ها رائحه سيئه يبقى ممكن يكون عندك التهابات



واخيرا يا حلوين احب ابلغ رساله من الدكتور للاخ الى كان العاده السريه دبحاه وعمره 17 سنه تقريبا والى بيقول انه بيمارسها من 6 الى 8 مرات


هو بينصحه انه يروح لدكتور مختص لان كده الموضوع قلب معاه بمشكله نفسيه

ده طبعا بالاضافه للكلام الى احنا قلناه له فى الردود


واتمنى اكون فعلا افدتكم وباشكر من قلبي الدكتور المتطوع الى ربنا يكرمه انا عذبته مش عايزه اقولكم اد ايه

لانه مشغول يا حرام وانا باخد من وقته كتير عشان باناقشه كتير ومصدعاه

فى ميزان حسناته ان شاء الله



هناك 30 تعليقًا:

حــــــــــواء يقول...

جزاكم الله خيرا
مجهود جبار منك يابعبعه انتي والدكتور
في ميزان حسناتكم يارب
بصراحه اسئله ممكن تختر في بالك كتير ومحدش يعرف يسئلها
تحياتي

بعبعه يقول...

تسلمى يا حواء

ربنا يكرمك منورانا

غير معرف يقول...

ربنا يجزيكم خير على كل مجهوداتكم

.....

هل ممارسة العادة ممكن يعمل فض كامل للغشاء

والبنت تعرف ازاى انه حصل فض للغشاء ..اذا كانت مارستها اثناء الدورة الشهرية؟

غير معرف يقول...

كتر خيركم بجد ربنا يوفق
لى سؤال غريب و محرج شويه بس معلهش ارجو تساعدونى
خطيبى يطلب منى انى احوط ايدى فى منطقه التناسل بتاعتى من بره بس و اخليه يشم ايدى و هو مستمتع عالاخر و يقول كده يحبنى اكتر
انا مضايقه بس مش باحب ازعله علشان بحبه قوى
عارفه ده عيب بس هو ده حرام كمان؟
ارجو تفيدونى و متشكره يا بعبعه

عمرو يقول...

مشكوره يا بعبعه على اٍهتمامك باٍيجاد اٍجابات لأسئلة القراء من مصدر طبى موثوق فيه ..
و كمان مشكور أخونا الطبيب اللى أعطى من وقته و علمه لخدمة الناس .. فجزاكم الله خيرا ..

بعبعه يقول...

غير معرف الاول

العاده السريه يفترض انها بتمارس من الخارج على ا لاعضاء التناسليه الخارجيه

وزي ما قلنا فى الموضوع لكن ممكن بغير علم تفض الغشاء

ويعنى ايه كامل ومش كامل ؟؟

الغشاء مش بينتهي من الوجود بيفضل منه اجزاء حتى لو حصل جماع كامل

وقلنا حكاية الغشاء محتاجه طبيب يكشف عليها

بعبعه يقول...

غير معرف الثانيه

بصي حبيبتى هاقولك الى اعرفه لحد لما اسألك الدكتور وارد عليكى من الناحيه الطبيه

بالنسبه لخطيبك معلش انا باحب المرجعيه الشرعيه

لو خطوبه بس من غير كتب كتاب مالوش يا حبيبتى غير النظر (اكيد وانتى بكامل هدومك الشرعيه )بس اي حاجه تانيه لاء ودي ما فيهاش كلام

والناحيه الطبيه انتظرينا بقى ولو الاسأله كترت هاعملها بوست تاني مستقل برضه

بعبعه يقول...

عمرو

ربنا يكرمك يا عمرو

بس على الله يتمر فيم القراء الى مطلعين روحي دول

ههههههههههههههههههه

منور

انسان يقول...

الى الغير معرفة التانية

اللي خطيبك بيعمله ده نوع من انواع الاستمتاع الجنسي .
الجنس مش بس جماع , الجنس له اشكال و هيئات كتير . كلها محرمة خارج نطاق الزواج .
حرام شرعاً بالطبع (اذا كنتي مسلمة ) .

عمرو يقول...

انسان
مسلمه أو غير مسلمه مافيش فرق أو اٍختلاف حول مثل هذه النقطه ..
يا عزيزى لا يوجد دين سماوى أو غير سماوى يبيح للخطيب أن يشم العضو التناسلى لخطيبته بغرض أن يستمتع !!!!
و بجانب الناحيه الدينيه أو الفقهيه أو الشرعيه ففيه مقوله اٍجتماعيه لابد من أن تحترم لأن هذه المنطقه من أشد خصوصيات الأنثى و ما ينفعش أنها تتشم يعنى !!
مش عارف أقول أيه و الله !!

غير معرف يقول...

تعرضت للاغتصاب وأنا صغيره أكثر من مرة بعدها أدمنت العادة السرية الى الان وأقمت علاقات شاذة مع صديقاتي اكثر من مره ارجوكم ساعدوني لم يتبقى لدي اي وسيله اذا كان هناك اي دواء يمنعني من العادة السرية، أخبروني.

غير معرف يقول...

اسئلة واجابات مهمة جدا

وبالنسبة للسؤال دا

وهل ممكن أن يكتشف الطبيب إن البنت كانت تمارس العادة السرية قبل الزواج؟

((تأثير العادة السرية والجماع الخارجي للفتاة

في الحالة الطبيعية عند العذراء نلاحظ بان البظر صغير , الشفرين الصغيرين وردين ناعمين منطبقين على بعضهما , وبتبعيد الشفرين الصغيرين قليلا نلاحظ بان غشاء البكارة وردي اللون الفوهة لاتظهر الا بالتبعيد الشديد ويبقى ضرفتي الغشاء منطبقتين على بعضهما حتى في حالات الغشاء الواسع والحلقي المطاطي

وبعدد ممارسة العادة السرية المتكرر أو الممارسات الجنسية الخارجية نلاحظ ضخامة في البظر تختلف حسب اساليب الممارسات السابقة , والشفرين الصغيرين يغمق لونهما ويكون اشد عن السمروات ويتباعدان ويتهدلان وبتبعيدهما بشكل خفيف نلاحظ فوهة غشاء البكارة مفتوحة وضلفتي الغشاء متباعدان ولو كانا غير متمزقين .. ) )

قراته بمنتدى وحبيت اضيفه يمكن دا اهم الاسباب الي هتخلي البنات تبطل من العادة السرية

الف شكر عالبوستات الهايلة

غير معرف يقول...

اول مره اعرف ان الخطيب بيشم اماكن حساسه كده
حرام عليكم بقي اتقوا الله

عمرو يقول...

غير معرفه اللى تعرضت للاٍغتصاب فى صغرها
و الله يا بنتى مش لاقى صله ما بين تعرضك للاٍغتصاب عدة مرات و أنتى طفله و ما بين نهمك للعاده السريه و ما بين اٍقامة علاقات جنسسيه شاذه مع صديقاتك و ما بين رغبتك فى الاٍقلاع عنها ..
يعنى حاجات كتيره غير مترابطه ببعضها اٍلا اٍذا كانت ذكرى اٍغتصابك ذكرى ساره و ليست مؤلمه ..
الحقيقه اٍنك بتعانى من اٍنحراف جنسى بأقامتك علاقات جنسيه شاذه مع صديقاتك .. و ده أمر لا يختلف عليه أتنين رغم الدعاوى من قبل السحاقيات المطالبات باٍعتبار فعل السحاق من الأمور الطبيعيه اللى بتدخل ضمن نطاق الحريه الشخصيه ..
لكن الحقيقه أنه فعل ضد الطبيعه و مؤثم على كل الأصعده ..
على حد علمى لا يوجد دواء للاٍقلاع عن العاده السريه ..
الدواء الوحيد الناجح بجد هو تقوى الله و الاٍقتراب منه ما وسعك لذلك سبيلا .. و الاٍنشغال بأمور الحياه و بتفاصيلها و بالبعد عن المثيرات و مصاحبة بنات السوء ..
ربنا يهدينا و يهديكى ..

عمرو يقول...

نوارة
نشكرك على اٍضافتك بارك الله فيكى ..
الحقيقه اٍن السؤال ده بيتردد كتير على أذهان البنات و بيسبب لهم قلق شديد و توتر و خوف بيؤثر عليهم سلبا ..
تقبلى تحياتى و تقديرى ..

هبه يقول...

مش كل حاجه بتنطلب من البنت يبقى ضرورى تعملها.......
مش تصدقو كلام الحب و يبقى حجه علشان الحب بيروح و بيبقى شهوه و خلاص......

ذو الوجه المبتسم يقول...

السلام عليكم
اشكر الاخت بعبعة
على البوست الرائع ده
وبصراحة انا من عشاق نظام الاسئلة والاجوبة
لانها من افضل الطرق اللى بتوصل وجهات النظر
وتفتح لنا ابواب للمعرفة والثقافة بجميع مجالتها

ان شاء الله يدوم التطور والتطوير يا بعبعة
وشكرا للاستاذ عمرو على ردوده لبعض التعليقات
وبصراحة ردوده ايجابية
تقبلو تحياتى

غير معرف يقول...

الحقيقه اٍن السؤال ده بيتردد كتير على أذهان البنات و بيسبب لهم قلق شديد و توتر و خوف بيؤثر عليهم سلبا ..

لا بالعكس يااستاذ عمرو

دا هيفيد البنات جدا لانه لو كل بنت عرفت انه زوجها هيكتشف انها كانت تمارس العادة السرية هتفكر الف مرة قبل ما تعملها وهتحافظ على نفسها زي ما بتحافظ على بكارتها وعذوريتها ودا هيكون دافع كبير للبنات عشان يبطلوا العادة السرية ..

وفعلا الزوج ممكن يكتشف والموضوع انتشر بالمنتديات وكل زوج هياخد باله

عمرو يقول...

نوارة
أكيد أى سؤال مبهم و مالوش اٍجابه شافيه بيكون مقلق و بيسبب التوتر لصاحبه و بالتالى بيؤثر سلبيا على تصرفاته ..
فاللى أقصده اٍن ردك مفيد و كويس جدا للبنات اللى بيتردد فى أذهانهن هذا السؤال ..
أشكرك للمتابعه و تقبلى تحياتى و تقديرى ..

غير معرف يقول...

إلى الأخت الفاضلة نوراة

اعلم جيد سمو هدفك من نشر علامات ممارسة العادة السرية لدى الفتيات واشكرك جزيلا على كتابة المرجع العلمى وهو ( أحد المنتديات)

حسب علمى وانا طبيب متخصص لا توجد اى علامات فاصلة لممارسة العادة السرية سواء فى الفتينان او الفتيات

لم أفراءها فى اى كتاب طبى ولا دورية علمية ولا رأيتها اثناء فحصى لأى مريض او مريضة

ومعنى العلامات الفاصلة ( التى تقطع الشك باليقين )

اكثر الاعراض طرافة هو تضخم البظر ( هل البظر يكبر مع الاستعمال ) اعتقد ان كثير من الرجال يتمنون ان تكون هذه خاصية رجولية ايضا


لا أريد ان ندخل فى خلافات شرعية عن حكم العادة السرية أنا شخصيا غير مؤهل للحديث فيها

لكن شخصيا اشعر بكثير من الأسف عندما يختلق أحد الاشخاص معلومات طبية لتدعيم موقف فقهى ( لأ اقصدك شخصيا )

نستطيع ان نخوف الفتيات و الفتيان من ممارسة العادة كما نريد نستطبع ان نقول ان ممارسة العادة تؤدى إلى ظهور ابو رجل مسلوخة للفتاة اثناء النوم
وامنا الغولة للفتيان

لكن تلفيق حقائق طبية يحقر من ديننا العظيم الذى اتى به الصادق الأمين

فى حال كان هناك أى راى طبى مخالف اتمنى كتابة صفحة المرجع الطبى او رقم واسم الدورية العلمية

وسأكون فى غاية السعادة بتغيير معلوماتى الطبية

مع خالص إحنرامى لجميع المشاركين وخاصة للأخت الفاضلة نوراة التى كما قولت مسبقاأنا مؤمنا بحسن مقصدها

تحياتى

غير معرف يقول...

غير معرف الطبيب المتخصص
طبعا كطبيب متخصص فلازم الكل يحترمو رايك لمصلحتهم
لكن نوارة متكلمتش عن الدين خالص و مجبتش سيرة الناحيه الفقهيه بالمره
هى بتقول العلامات اللى منها ممكن الدكتور يعرف ان البنت دى مارست العادة السرية او الجنس من بره و لا لا
و انا كمان طبيبه و معاك و موافقاك فى كلامك بس لجل الحق محدش جاب سيرة الدين خالص

تحياتى دكتور

غير معرف يقول...

الزميلة الفاضلة

نستطيع ان نلخص العوامل المؤثرة فى تقييم العادة السرية اولا راى الدين ثانيا رأى المجتمع ثالثا راى الطب

عندما نتحدث عن العادة السرية بمنطق التخويف ( قراته بمنتدى وحبيت اضيفه يمكن دا اهم الاسباب الي هتخلي البنات تبطل من العادة السرية) و (دا هيفيد البنات جدا لانه لو كل بنت عرفت انه زوجها هيكتشف انها كانت تمارس العادة السرية هتفكر الف مرة قبل ما تعملها وهتحافظ على نفسها زي ما بتحافظ على بكارتها وعذوريتها ودا هيكون دافع كبير للبنات عشان يبطلوا العادة السرية وفعلا الزوج ممكن يكتشف والموضوع انتشر بالمنتديات وكل زوج هياخد باله)

جزئين مقتبسين من تعليق الأخت الفاضلة نوراة

نستطيع ان نرى الجانب التخويفى وهذا الجانب التخويفى له اسبابه التى تندرج تحت الجانب الشرعى او الأجتماعى

لأنه حسب معلوماتى ايضا ( القابلة للنقاش ) لا يوجد مرجع طبى يتحدث عن اضرار للعادة بل بالعكس تعتبرها المراجع الطبية نوع من التطور الطبيعى للنضوج الجنسى للمراهق فتى او فتاة

صحيح ان الأخت الفاضلة نوارة لم تتحدث عن سبب التخويف ولماذا هو هدف فى حد ذاته لكنى توقعت أنه للأسباب الدينية

لأنه السبب الاكثر شيوعا لمهاجمة العادة السرية وقد اكون على خطأ وهناك سبب أخر للتخويف اتمنى من الاخت الفاضلة نوراة ان توضحه لنا


ملحوظة فكرة التخويف المستمر من العادة اعتقد انها اخطر مما نتخيل جميعا لأتنى أرى أثارها على المراهقين الذين يعانون من تبعات التخويف أكثر بكثير من الذين يعانون من اى احتمالات لأثار جانبية للعادة

هذا ليس تشجيعا لممارسة العادة بقدر تحذير من المنهج التخويفى كوسيلة للتواصل مع مراهق

جانب أخر قد يكون استفزنى وهو فكرة ان يقوم الزوج غير المؤهل بإجراء فحص نسائ بنفسه لزوجته ليلة الدخلة استنادا على العلامات المنشورة لممارسة العادة الذى اعتقد انه لو حدث سينشر من المشكلات ما لا يمكن تداركه

عذرا على التطويل

تحياتى

MADO يقول...

I can’t stop myself imagine that great husband in his wedding night take his pride to the LAB and check if she did ever masturbate or not??so funny.
What if she did? He will return it back to her Owner because that wasn’t the deal she has a major defeat, she has a sexual needs.oh how she could even think about it.
It’s very good and important that we get our information from specialties (doctors, engineers, lawyers.etc) but to be anonyms and tell as you are doctor and we should trust your information I think that kinda ironic isn’t it?

عمرو يقول...

التخويف من العاده السريه أرى أنه لا يندرج دائما تحت لواء الدين أو الرؤى الفقهيه المختلفه بدليل أننا بنشوف نفس التخويف و أساليبه تقريبا لدى المجتمعات العلمانيه أو الملحده أيضا ..
و بدون شك أو نقاش لا تؤخذ النصائح الطبيه اٍلا من أهل العلم و الاٍختصاص و اٍلا سنجد من أمرنا ما يحمد عقباه ..
و لليوم تظل دائما جريمة القتل اللى حصلت فى بلدنا من كام سنه تؤرقنى و تقض مضجعى لما أكتشف العريس أن عروسه ليست عذراء فقام بقتلها هكذا ببساطه و سلم نفسه للشرطه .. و جاء تقرير الطبيب الشرعى ليؤكد أن الضحية كانت عذراء و غشاءها من النوع المطاطى الذى يسمح بالاٍيلاج بغير تمزق و لا نزول دماء ( أو هكذا قيل ) و لكن بعد أيه ؟؟ بعد أن أقام العريس من نفسه طبيبا و قاضيا و جلادا و أزهق روحا بريئه خيبه الله و خزاه ..
العاده السريه لدى البنات لها ضروره قد لا تقل عن اٍحتياج الشباب لها .. و مش معنى كلامى أنى أؤيد فكرة اللجوء لها عمال على بطال و لكن الوسطيه مطلوبه فى كل شىء ..
الجهل بالثقافه الجنسيه يؤدى لعواقب نفسيه وخيمه قد لا تشفى أبدا ..
و بعد اٍذن الغير معرفه اللى بيقوم خطيبها بدفعها لكى تشممه عضوها التناسلى أحب أقول أن هذا الخطيب نموذج صارخ لما يمكن أن يؤول اٍليه الحال من مشكلات سلوكيه نفسجنسيه لا شك أنها ناتجه عن تجارب غير سويه فى مرحلة الطفوله و المراهقه و ده مجرد نموذج لهذه السلوكيات المعوجه و ما خفى كان أعظم ..
نسأل المولى أن يهدينا سواء السبيل و يبعد عن عيالنا الشرور و بجد لا يدخلهم فى تجربه و لكن ينجيهم من الشرير ..

غير معرف يقول...

عزيزى Mado

انا متفق معك فى النقطة النقاشية كيف اثق فى معلومات من شخص غير معرف يدعى أنه طبيب مختص

اكيد انا شخصيا اثق فى مؤهلاتى ومعلوماتى الطبية وبما اننا فى الفضاء المعلوماتى يمكن لبقيه اعضاء المدونة إعتبار معلوماتى غير مسلم بها

لكن تعتبر كنقطة بداية يمكن التأكد منها من مواقع طبية موثقة على النت و لها مرجع طبى معروف

العادة السرية تعنى masturbation

والمواقع الطبية أقترح الأتى :

http://www.webmd.com/
http://medlineplus.gov/
http://familydoctor.org/online/famdocen/home.html

فى اسفل صفحة كل موقع يمكن أن تجد المرجع الطبى او الجهة الطبية الراعية

تحياتى

MADO يقول...

Anonymous thank you that was the point exactly because we used as people to believe anyone sound like he is specialist( I don’t mean you in person) and that is so dangerous as you know specially now with that religion miss understanding (Islam, Christianity) because of some look like they know and people believe them.
Thanks again for your respond

غير معرف يقول...

السلام عليكم ورحمة الله وبركاته

سووووووري مخدتش بالي من التعليقات

الاستاذ الطبيب المختص

انا فعلا قرأت هالكلام بالمنتديات ومعرفش ليه اقتنعت فيه وقلت يمكن يكون صحيح !!

لكن طبعا انت دكتور مختص وكلامك عالعين والراس يمكن يكون مجرد كلام مفبرك كل شي جايز عالنت :)

بس الي استغربته بكلامك انك مستغرب فكرة التخويف بكلامي
احنا علطول بنسمع شكاوي من بنات كتيرة مدمنة العادة السرية وعاوزة تتخلص من هالادمان وغيرها الي اتعودت على العادة ومش بتحس باستمتاع مع جوزها وغيره

كلنا عارفين انه الاكثار من العادة السرية مضرة جدا فانا كلامي كان مجرد حافز يخلي البنت تقلل منها او تخاف على نفسها من مضارها زي ما بتخاف على بكارتها بالضبط وحبيت انقل رد على تساؤلاتهم مش اكتر

استاذ عمرو

الطبيبة الغير معرف

ميررسي على توضيحكم

هدفنا هنا الاستفادة من بعض والنقاش البناء

تحياتي ليكم

غير معرف يقول...

الأخت الفاضلة نوراة

اتفق معكى ان الغرض لكل الحديث الدائر فى هذه المدونة هو الوصول للطريقة المثلى للتعامل مع حياتنا الجنسية بوعى أكثر

وطرق مشكلات قد يعجز كثير من الاخوة والاخوات عن طرحها فى العلن

و ما شدنى لهذه المدونة بالتحديد هو الاسلوب الانسانى الراقى الذى تحرر به هذه المدونة وانا شخصيا كنت اعتبر ان راى الطب غير مهم كثيرا هنا لأنه يمكن الوصول إليه بسهولة من مواقع متخصصة

من ناحية الاسراف دعونا نتفق ان الاسراف فى كل شئ مضر

الاسراف فى الاكل فى النوم فى العمل فى الجماع

لكن ذلك لا يجعلنا نتحدث عن اى منهم بالظرر فى بداية الحديث

فى احدى الاجابات على احد الاخوة الذى يظهر من طرحه للمشكلة انه يعانى من ادمان العادة طلبنا منه استشارة طبيب متخصص فى الطب النفسى لأنه حسب محتوى رسالته فإن ادمان العادة ليس هو المرض لكنه عرض لأزمة نفسية

هناك اسباب أخرى لأدمان العادة مثل الحياة الخاملة الخالية من اى نشاط او الحرمان العاطفى وا ختلال العلاقات الأسرية

ونقصد هنا بالادمان ان يصبح هدف المراهق الوحيد هو ممارسة العادة التى من اجلها يترك مذاكرته و يرتب حياته الأجتماعية من اجل ممارستها مع الإنعزالية والإنطواء

نسب هذه الحالات ليست كثيرة جدا بالمقارنة بعدد ممارسى العادة (ليست عندى احصائيات موثقة لكن من نسب المرضى الخاصة بى وبزملائى )

مع الأخذ فى الأعتبار ان العادة فى حد ذاتها مثل اى نشاط انسانى لا تسبب الادمان بطبيعتها لكن بطبيعة الشخص نفسه ولذلك تختلف من مراهق لأخر

وهذا الادمان هو ادمان سلوكى و ليس ادمان عضوى كإدمان المخدرات مثلا

تحياتى

pureblue يقول...
أزال المؤلف هذا التعليق.
بعبعه يقول...

متشكره يا دوك على تعبك معانا والله