السبت، 15 أغسطس 2009

الجماع فى الدبر



الجماع فى الدبر او فى فتحة الشرج


موضوع ما كنتش متخيله ابدا انه فيه لغط فيه كتير ومحتاج نتكلم عنه حيث ان حرام فعلا ومش محتاج نناقشه وحتى مضاره الصحيه الناس عارفينها


لكن الحقيقه من خلال الاميلات والردود على المدونه هنا والاساله الى اتوجهت لنا لقيت ان فى نقط ما زالت محتاجه اننا نتكلم فيها

انا هاتكلم فيها الاول من الناحيه الشرعيه

طبعا انا هنا مش دار فتوى ولا حاجه ولا اقدر اكون

لكن انا عشان بس امانة الرأي انا دورت فى الموضوع وسألت ناس وقريت راي علماء كتير
والراي الى توصلتله ان الجماع فى الدبر حرام فعلا وفى احاديث صحيحه وارده فى الموضوع ده

ده واحد اهو

قال رسول الله صلى الله عليه وسلم

لا ينظر الله إلى رجل أتى رجلا أو امرأة في الدبر
حديث حسن (يعنى فى حكم الصحيح ) بروايه عبدالله بن عباس
صحيح الترمذي


فى كمان واحد

روى خزامه بن ثابت
أنه صلى الله تعالى عليه وسلم سئل عن الوطء في الدبر ؟ فقال : في أي الخربتين ؟ أمن دبرها في قبلها فنعم ، أم من قبلها في دبرها فلا ، إن الله لا يستحي من الحق لا تأتوا النساء في أدبارهن
حديث اسناده صحيح
المصدر : خلاصة البدر المنير

وانا شايفه ان اكبر دليل فى الموضوع كله الايه الكريمه الى نزلت فى الجماع والى انا باعتبرها مدرسه لواحده فى الجماع

نسائكم حرث لكم فاتوا حرثكم أنى شئتم

حرثكم : هى موضع الحرث . يعنى الجماع باي شكل كان المهم يكون فى موضع الحرث ( الفتحه التناسليه )

للامانه فيه اراء فقهيه بتبيح الجماع فى الدبر لكن الحقيقه انا قريتها لقيتها ضعيفه جدا وشاذه

وحتى ان فى بعض الاراء بيلزقوها فى عبد الله بن عمر والى لما دورت فيها قابلنى ده الى هو
راي عبد الله ابن عمر فى الجماع فى الدبر

عن ابي الحباب سعيد بن يسار :
قلت لابن عمر ما تقول في الجواري أنحمض لهن قال وما التحميض فذكر الدبر فقال وهل يفعل ذلك أحد من المسلمين
المحدث ابن كثير فى كتاب تفسير القرأن باسناد صحيح

خلاصه الامر ان انا فعلا فعلا ما لقيتش اي اراء قويه ولا مقنعه ابدا تقول ان فى حتى شبهه ان الجماع من الخلف حلال
بالعكس كل الاراء بتؤكد انه حرام فعلا

خلاص خلصنا كده من الحكم الشرعي

ثانيا
من الناحيه الصحيه :
اولا بالنسبه للزوج
المكان نفسه الى هو بيجامع فيه بيكون مش نضيف لان مكان خروج البراز الى مليان مليون حاجه ممكن تجيبله امراض حتى لو استعمل الواقيات الذكريه فده برضه شيء مش مضمون لانها ممكن تنقطع وده وارد وشائع جدا
غير انه بيتعود فعلا على حاجه مش طبيعيه ممكن تخليه يفقد استمتاعه بالجماع الطبيعى فى الفرج

بالنسبه للزوجه بقى عد معايا
اولا فتحة الشرج عندها بتتبهدل ولو استمر الجماع فى الدبر فتره طويله ومع عدم حرص وارده فى لحظات الاثاره القصوى عضلة الشرج بيحصل لها ارتخاء لدرجة ان فى ناس بتوصل معاهم انهم ما بيتحكموش فى عملية الاخراج
ثانيا : لو حضرته اتنقل من الجماع فى الدبر للجماع فى الفرج ده ينقلها بلاوي سوده طبعا
ثالثا : هى كمان هاتتعود على نوع جماع مخالف للطبيعه زي ما قلنا بالنسبه للرجل

نيجى بقى للحلول

دلوقتي انا قابلنى مشاكل من الطرفين

يعنى الزوجه الى عايزه جماع من الدبر وزوجها مش راضي
والزوج الى عايز جماع من الدبر وزوجته مش راضيه
والى عايزين وخايفين من الحرمانيه
والى بيتهببوا بيعملوا كده اصلا وبرضه محتارين

طيب خلينا الاول نقول ونوضح للجميع ان منطقة الشرج دي متصله بشكل ما باللذه الجنسيه عند الجنسين على فكره ست وراجل
وفعلا هى عند بعض الناس منطقة اثاره قويه جدا برضه للجنسين
فمش مشكله اننا نستخدمها للاثاره والوصول للذه المطلوبه لكن من غير ايلاج
ازاي ؟
ممكن اوي هنا نكتفي بالمداعبات للمنطقه دي دون الايلاج في الشرج فعلا .

المداعبات زي تدليك فتحة الشرج للست مثلا بالايد او بالقضيب من الخارج مثلا
او حتى مداعبه بالاصبع من الداخل قليلا

وزي كمان الايلاج بين الاليتين وده بيدى لذه قريبه جدا من الايلاج فى الشرج بالنسبه للطرفين

واحب هنا اوضح ان الشرج كمان منطقه قد تكون مثيره جدا بالنسبه للرجل مش للست بس (برضه مداعبات خارجيه بس مش حاجه تانيه ).

سامعه واحد بيقول وليييييه كل ده ما الجماع العادي حلو وميت فول وسبعتاشر اهو

معلش يا جماعه احنا بشر وفى فروق فرديه وخصوصا فى موضوع الجماع واللذه الجنسيه

غير ان فى حالات زي الاخت الى كانت فى الردود الى قالت انها كانت بتمارس الجنس من الدبر لكن بطلته بس هى لسه راغبه فى وبتطلبه من زوجها

ولما سألت دكتورنا العزيز عباس الاول قالي ان فتحة الشرج حواليها خلايا حسيه مرتبطه باللذه الجنسيه فعلا وهى بممارستها السابقه نشطط الخلايا دي وعليه هى مرتبطه معاها بحاجه جنسيه هى متحتاجه تشبعها
فى الحاله دي يبقى الحل الى احنا مقترحينه ده حل كويس اوي ان شاء الله ويحل المشكله دي عندها

انا بالبوست ده باوضح بس بعض النقط فى الموضوع ده عشان حقيقى اتسألنا فيها اكتر مما كنا نتخيل
اتمنى اكون افدتكم وما اكونش طولت وتقلت عليكم
وايه اصلا لما اتقل عليكم تستاهلوا حتى
وخالص شكري وامتناني لعباس الاول المستشار الطبي بتاعنا عشان هو ساعدنى كتير فى البوست ده

هناك 97 تعليقًا:

غير معرف يقول...

مزاج يعععععع خاااالص
ده اللبوس بيدخل بالعافيه و بالعياط اومال الحاجه التانيه ده يعمل ايه فى الواحده؟
انما من بره كده بس كويس لكن اكتر من كده نوووووو

غير معرف يقول...

حفظنا الله و اياكم مما يغضب الله و يؤذينا فى ابداننا
و جزاكم الله خيرا

غير معرف يقول...

هل يجوز لزوجي ان يقذف المني على صدري او على فتحة الشرج

زهرة يقول...

بعبعه
السلام عليكم و رحمة الله و بركاته،
وبعد،
عزيزتى لكى مني اطيب التحية على مجهودك العظيم الغني عن التعريف .
انا فتاه في الثانية والعشرين من عمري .مشكلتي اعتقد اني لم اصادف مثلها في قراءتي للاسئلة. مشكلتي انني لاحظت وجود فتحة في بظري يخرج منها مادة بيضاء سميكة. مع العلم اني امارس العادة السرية ولكني لا اعرف ما هذه الفتحات وهل من مشكلة او خطورة في وجودها؟
مع العلم اني غير مختونة. ارجوكى يا بعبعه تجاوبيني في اسرع وقت ممكن ولكى مني خالص الشكر والتقدير.

غير معرف يقول...

الاخت العزيزة زهرة

الاصل ان البظر عضو مصمت ليس به اى فتحات لكن يمكن ان تكون ماتوصفيه احد شيئين

البظر عضو شديد الحساسية ولذلك من الطبيعى ان يحاط البظر بمايطلق عليه سوار من الجلد لحمايته من الاثارة المستمرة

و يحتوى هذا السوار على غدد دهنية تفرز الافرازات البيضاء التى وصفيتها

اما ان البظر محاط بالجلد بشكل كامل بحيث يترك فتحة صغيرة يظهر منها البظر

إذا كانت احساسك بالإثارة الجنسية طبيعى

فلا بستلزم ما تحكى عنه اكثر من الاهتمام بنظافة هذه المنطقة حتى لا تتراكم الافرازات الدهنية

إذا كان وصفى يختلف عما ترينه والفتحة توجد فى البظر نفسه بمكن اللجوء إلى طبيب نساء لمناظرة الحالة

تحياتى

عباس الاول

غير معرف يقول...

السلام عليكم و رحمة الله
هل لو دخل الزوج لسانه فى شرج زوجته تعتبر حرام و طالق منه؟
و لو دخل جزء صغير من راس قضيبه فى شرجها و سحبه سريعا هل ده حرام برضه و لا ايه؟
مشكورين مسبقا للرد

بعبعه يقول...

غير معرف الاول

والله انا شكلي هاشوف مزاجات زفت على الاخر فى البوست ده

بعبعه يقول...

ابو ملك
تسلم يارب ونورت

بعبعه يقول...

غير معرفه

اه يا ستى يجوز يقذف في اي حته

بعبعه يقول...

زهره

الدكتور اظن رد عليكى رد وافي شرفتينا

بعبعه يقول...

غير معرف الاخير خالص

يا جدعان انا عملت فيكم حاجه ؟؟

حضرتك لو دخلت لسانك فى الشرج مش حرام ومش تبقى طالق

انما تبقى انت نفسك حلوه اوي الصراحه

وهاتعرض نفسك لعدوى اكيد من المنطقه دي


انما لو دخلت جزء من القضيب يا اخي الفاضل يبقى حرام

الصغير اصله مسيره يكبر

وعموما اي ايلاج بالقضيب فى الشرج حرام من وجهة نظري


العفو يا سيدى

غير معرف يقول...

انا مقبل على الزواج ولاادرى ماهى الامور التى يجب على فعلها لئكسب اعجاب الزوجة فى الايام الاولى للزواج وكيف اعرف انالبنت عذراء او لا فالامر محرج لاتوجد ثقافة من قبل الاهل بل يعتبر الكلام في الامور هذة محضور وانا معدوم الخبرة بهذه المواضيع وهل البنات يتقبلن ان يلعبن فى شرج الزوج ارجو انتخبروني بكل شى تعرفونة ضروري

بعبعه يقول...

غير معرف

انت الرد عليك عايز بوست كامل وموضوع منفصل

لكن مؤقتا اقرأ الاول فى دينك عن احكام الزواج والجماع على ما اعملكم بوست عن الموضوع ده ان شاء الله

غير معرف يقول...

تحيه طيبه وبعد،،،
ما هي اعراض الايدز هل تظهر الاعراض خلال نفس الاسبوع الذي اقيمت فيه العلاقه الجنسيه فى الشرج؟
هل يجب ان تظهر الاعراض كلها للتاكد انني مصابه بالايدز ام الاسهال فقط يكفي لمعرفه انني مصابه بالمرض؟
هل كل من تمارس الجنس مع شخص مصاب بدون كندوم و يجيب السائل المنوى جوه الشرج من المؤكد ان ينتقل اليها الايدز؟

hasona يقول...

السلام عليكم

يمكن اللغط حصل وبيحصل لأسباب عديدة
أهمها
**أن بعد الناس أحلته -دعوني أتأكد من هذه المعلومة
** أن فيه ناس تشعر أو هيئت أو أذاعت أن الموضوع ده بيكون ممتع ومثير
،،،،
حفظنا الله واياكم من كل ما يغضب الله عز وجل

وكل سنة وانت طيبين
وان شاء الله يكون رمضان اجمل وانفع

ونتجمع علي موائد الرحمن
الاهلية منها والحكومية

عمرو يقول...

بعبعه
أحييكى على هذا البوست شديد الأهميه و اللى أشعر أنه جاء فى الوقت المناسب بعدما أختلطت المفاهيم و أتلخبطت مقاييس الحلال و الحرم و الصح و الغلط نتيجة عوامل كتيره فى رأيى أهم هذه العوامل هو الاٍنفتاح الغير محسوب و الغير مدروس على ثقافات مجتمعات تانيه لا تمت لثقافاتنا و لا لخلفياتنا العقائديه و الاٍجتماعيه بأى صله ..
أكتر ما يضايق أن تحدث تجاوزات من أحد الطرفين بغرض اٍرضاء الطرف الآخر بغض النظر عن كون هذه التجاوزات تتعارض مع القيم الثابته و اللى لا يجوز أبدا المساس بها و اللى ستجر تنازلات و تجاوزات أخرى لا تستقيم معها الحياه بشكل طبيعى ..
بارك الله فيكى يا أختنا الفاضله و جعل هذا البوست فى مبزان حسناتك ..

عمرو يقول...

بعبعه ( مره تانيه معلش )
ليا بس تعليق صغنون على ما ورد فى سياق كلامك عن اٍن منطقة الشرج قد تكون شديدة الاٍثاره لدى بعض الرجال و اٍنه لا مانع من اٍن الزوجه تعبث لزوجها فى هذه المنطقه ( أو ده اللى فهمته من كلامك )
حتى لو كان هذا الكلام طبيا أو علميا صحيح و لكن شايف اٍنه اٍجتماعيا مايصحش :)
مينفعش زوجه تعمل كده لزوجها مع ما أرتبط من هذا الفعل فى الأذهان من سلوكيات شاذه يأتيها بعض الرجال اللى بيطلق عليهم صفه كده مش ولابد ..
يخيل لى أن ده لو حصل فبيدخل ضمن نطاق الاٍيغال فى الشهوه و زى ما قال فى مره أخونا الدكتور عباس أنه حتى الاٍيغال فى الشهوه لابد لها من كونترول يحكمها حتى لا يشعر الزوجين بالنفور و الندم بعد ذهاب هذه الشهوه ..
كجرد وجهة نظر حبيت أعرضها تحتمل الصواب و الخطأ ..

عمرو يقول...

hasona
أهلا و سهلا بيك و كل سنه و الناس كلها بخير و طيبين ..
اٍن شاء الله ربنا يجعل رمضان خير على الجميع و يهديهم للطيبات و يعمى عينيهم و حواسهم و نفوسهم عن الحرام و عن كل ما يغضب الرحمن ..
تقبل تحياتى و تقديرى ..

محتارة يقول...

مدونة جريئة جدا و باشكركم عليها و مادم بتكلموا فى المواضيع كده بصراحه يبقى احب اطرح مشكلتى انا كمان
عندي مشكله مع زوجي وهي مشكلة العض في بداية حياتي الزوجيه كان يستعمل العض معي وتفاهمت معاه
ومن فتره رجعت حليمه الى عادتها القديمه

العض في الشفاه في الصدر في الوجه فى الاذرع فى .... وتكون فجائيه
يعني اكون معاه منسجمه فجاة يبدا العض ويروح الانسجام بدات اكره النوم معاه زعلت منه
عزمني على العشاء وجابلي هديه وورد ورضيت وكل شيئ تمام يومين ثم رجع مره اخرى

يقول هذا تعبيري عن الحب لك

بصراحه تعبت تعبت تعبت...... ماهو الحل؟؟؟؟؟؟؟؟؟؟

بعبعه يقول...

ميار

من فضلك انا طلبت منك قبل كده بلاش الوصف التفصيلى اوي ده

كده ما ينفعش يا ميار اسمحيلى انا هايشيل ردك برضه

ياريت تراسلينى على الاميل عشان اشرحلك وجهة نظري
وارجو ما تزعليش مني

بعبعه يقول...

الغير معرفه الى بتسال عن الايدز

ان شاء الله دكتور عباس الاول هايرد عليكى انا ما اعرفش

ربنا يتوب على المسلمين اجمع

بعبعه يقول...

حسونه

انا والله حاولت اتأكد
فعلا فى اراء لكن انا رايي فيها انها شاذه ومغلوطه وفى محاولات للصق الامر فى عبد الله بن عمر والامام مالك كمان

وبرضه دور وقولنا رايك

وحتى لو اشاعوا انها ممتعه يا حسونه احنا لازم نلتزم بالشرع

وكل سنه وانت طيب وبخير وسلامه

بعبعه يقول...

عمرو

يا لورد ضحكتني والله

عارف ليه عشان وانا باكتب الجزء ده كنت عارفه ان ده هايبقى رايك
ههههههههههههههه

بس انا ما قلتش ابدا نعمل حاجه حرام والنفس البشريه معقده

يعنى لو ما اقدرش احرم حاجه بدون سلطان

يعنى قد يكون فى بعض الناس ما يعجبهاش كده او تكون وجهة نظرها زي حضرتك

لكن فى ناس لا وفى تفاوت فى الموضوع ده كبير
لما انا احرمه من حاجه مش حرام اصلا يبقى انا بادفعه دفعا انه يضرب بالقوانين الشرعيه عرض الحائط ويقول خلاص ما كله حرام

احنا بنديله مخرج حلال بشرط الالتزام بالقانون الشرعي برضه وهو الحل المقترح

وطبعازي ما قلت انت ان المشكله فى ارتباط الموضوع بفكرة اللواط

وعلى راسنا طبعا رايك يا لورد
ايه النور ده

بعبعه يقول...

المحتاره

طب ايه نعمل ايه دلوقتي

ابقى جهزي مخده جمبك اديهاله يعض فيها بدالك يا اختي انتى ما بتاكليهوش لحمه ولا ايه
ههههههههههههه

معلش انا باهزر والله مش تزعلي

فى الحقيقه مش عارفه طب اقنعيه يعض بالراحه طيب

مش عارفه لازم تتفاهموا طبعا

لما نشوف راي عمرو وعباس الاول ايه كمان
تابعينا

عمرو يقول...

بعبعه
المدونه منوره بيكى أصلا و بالقراء حتى بصوا على عداد الكهربا كده تلاقينا ساحبين كهربا بالشىء الفلانى :)
لا ما أقصدش نحرم شىء بدون دليل و المقصود هنا أن تستعمل الزوجه شرج زوجها لاٍثارته ..
لكن بأفضل دايما البعد عن الشبهات و عما يمكن أن يثير مشاكل و أزمات مستقبليه ..
تخيلى مثلا لو زوجه بتعمل كده فى زوجها و هم زى السمن البلدى على العسل النحل و يحدث بينهم خلاف و الزوجه تطلع عصبيه و مش بتعرف تتحكم فى لسانها طيب فى الحاله دى حتقوله أيه ؟؟
لا أستبعد أنها تقوله يا كذا ده أنا بأعمل فيك كذا :))
ممكن ليه لأ ؟؟
مافيش حاجه مسبعده ..
و شوفى بقى رد فعل زوجها حيكون اٍزاى ..
ده غير نظرة الزوجه نفسها بينها و بين نفسها لزوجها لأن مش كل الزوجات عارفين هذه الحقيقه العلميه أنه هذه المنطقه حساسه للغايه و ممكن تسبب لذه لبعض الرجال فأكيد ستظن بزوجها أنه متعود على كده منذ صغره و أنه راجل يعنى لامؤاخذه مش كويس و أكيد ده برضو حيكون له مردود نفسى عليها مش كويس ..
و بعدين حنروح بعيد ليه و ندور على أماكن مش لطيفه ما أى لمسه من الزوجه لزوجه بغرض اٍثارته أكيد سيثار منها يعنى مش لازم المنطقه دى ..
ده غير اٍن مبدأ تبادل الأدوار أصلا مبدأ غلط جدا ..
أشكرك لاٍهتمامك و تحياتى ..
أما نروح بقى نشوف موضوع الزوجه المعضوضه و الرجل المفترس ..

عمرو يقول...

محتارة
بصى بقى ..
حاجه من الأتنين ..
يا اٍما زوجك متغاظ منك فبيطلع غيظه فى العض ..
أو
و ده الاٍحتمال الأقرب أنه عاوزك تتألمى و بالتالى صوتك يطلع شويه أثناء الممارسه الجنسيه و ده أكيد بيسبب له اٍثاره و نوع من الاٍشباع النفسى ..
شئنا أم أبينا يا محتاره علينا أن نقر بأن الممارسه الجنسيه بها جانب من الساديه من ناحية الرجل و قد تعلن هذه الساديه عن نفسها بشكل صريح أو بشكل مستتر كما هى فى حالتك ..
عموما أنصحك تجربى أنك تظهرى لزوجك أنك متألمه فعلا ألم مشوب بالسعاده و اللذه أثناء ممارسة الجنس و قبل أن يبدأ فى عضك ..
أعتقد بنسبه كبيره أن ده سيشبعه نفسيا و حيبطل شيئا فشيئا هذه العاده المؤلمه .ز
لو مابطلهاش يبقى حاولى بطريقة ما يروح لطبيب نفسى للبحث فى جذور العض فى حياته ..
عاوز أنبهك لحاجه و مش بأخوفك لكن خدى حذرك ..
ربما يبدو الموضوع كوميدى نوعا ما فى ظاهره لكنه خطير فى باطنه خاصة أنه مش عض دلع يعنى لأ ده عض موجع و ممكن فى لحظه ينقلب لعض خطير و مميت و قاتل و فيه حادثه أذكرها حصلت و أنا طفل فى فندق 5 نجوم لا داعى لذكر اٍسمه لما عريس سودانى فى ليلة الدخله عض العضو التناسلى لزوجته و أنتزعه من جسدها و ماتت المسكينه بسبب النزيف الحاد و العريس هرب على بلده و طلعت اٍشاعه فى وقتها أنه متوحش و بديل ..
خدى بالك و لا تستهينى بهذا الموضوع لأنه ممكن ينقلب لشىء مش كويس و بدون اٍراده من زوجك نفسه ..
و ماتحاوليش تعضيه علشان تبينى له مدى الألم اللى بتشعرى بيه لأن ده برضو فيه خطوره
و ربنا معاكى ..

غير معرف يقول...

السلام عليكوا يا بعبعه
انا قد عقد قراني منذ شهر تقريبا بس لسه الدخله
وبصراحة بروح مع زوجي وبنختلي مع بعض و بنمارس الجنس بس كما قلتى بين الاليتين مع انو والدتى قالتلى لا تذهبى مع زوجك اذا طلب منك شىء فانا فى حيرة هل انا على صواب اذا رحت معه وعملتلو ال بيطلبو مني ؟ او انا غلطانة عملت كده والوالدة لا تريدنى ان اروح مع العلم انو انا الحمد لله لسه عذراء


جاوبيني الله يخليكى

غير معرف يقول...

الرجاله اتهبلوا و ربنا
كل ما اكون ماشيه فى الشارع او الشغل اشعر بعيون الرجاله مركزه قوى فى المنطقه ديه زى ما تكون ديه اهم حاجه فى الدنيا عندهم
علما انى محتشمه و الله و مش امشى بخلاعه و لا حاجه
انا كرهت الرجاله

خايب يقول...

السلام عليكم ورحمة الله وبركاته
الحمدلله اني وجدت مدونه استطيع الكتابه فيها عن مشكلتي واتمنى ان اجد فيها ما اريد

مشكلتي هي اني لم اتزوج؟
و عندى 28 سنه و ظروفى الماديه جيده و اسرتى و الناس يسالون عن السبب

واجيبهم انتتظروا واتصرف باي عذر
والسبب
هو ان قضيبي صغير وانا في موقف محرج اذا تزوجت كيف اتعامل مع زوجتي وهو بهذا الشكل ان جاملتني فسيكون في الايام الاول اما بعدها اذا اشتكت من عدم قدرتي على اداء واجبها فما موقفي

الرجاء لا احد ياتي ويقول الكل هم كذا لا كلهم او الاغلي متوسط الى كبير

واعذروني سااخبركم بان طوله في الانتصاب 9سم
شفتم الخيبه؟

سامحوني على هذه الصراحة

فاقول من يستطيع ان يذكر لب حلا فاليفعل
وماهي الطريقه المناسبه لجماع المرأة لمن قضيبه قصير؟

مش مسامح من يدخل ويستهزاء

غير معرف يقول...

الأخت التى تسال عن الأيدز

إذا حدثت اصابة بفيروس الايدذ لا قدر الله تكون هناك فترة كمون من اسبوعين لأربعة اسابيع بعد التعرض للفيروس

تظهر بعد ذلك عند بعض المرضى اعراض تماثل فى الاغلب اعراض الاتفلونزا وتطلق على هذه المرحلة المرحلة الحادة من المرض
هذه الاعراض ليست دائمة ولا يعتمد عليها فى التشخيص

بالنسبة لتشخيص المرض يعتمد فى الاساس على تحاليل الدم للعثور على الاجسام المضادة للفيروس او على العثور على الفيروس نفسه

هناك فترة تسمى فترة النافذة وفى هذه الفترة لايمكن تحديد الاصابة بالايدذ بعد الاصابة به فعليا تترواح مابين 3 اسابيع إلى 6 شهور لو استعملنا تحاليل الاجسام المضادة تنخفض إلى 12 يوم لو تم البحث عن الفيروس نفسه بتحاليل متقدمة

احتمالية العدوى من مرة اتصال جنسى واحد غير محمى (بدون استعمال الواقى الذكرى)مصحوب بحصول قذف ليست 100%

هناك اختلاف فى نسب العدوى فى الابحاث المختلفة وهناك عوامل كثيرة تؤثر على العدوى

تقريبا احتمالية العدوى لو حدثت ممارسة مهبلية تصبح فى حدود ال 1%
ترتفع فى حالة الممارسة من فتحة الشرج إلى 10 %

وذلك لأن الممارسة من الشرج تؤدى فى المعتاد إلى حدوث نسب اعلى من التقرحات التى ترفع نسبة الاصابة

ملحوظة تعرض المراة لأنتقال العدوى اعلى من الرجل نظرا لطبيعة الممارسة

تحياتى
عباس الاول

غير معرف يقول...

الاخت العزيزة المحتارة

هو رد الاستاذ عمرو علمى تماما وياريت انه يلجأ لطبيب لأن ده نوع من السادية التى خرجت عن السيطرة

متفق مع الاستاذ عمرو ان هناك قدر قليل من السادية طبيعى عند الرجل لاكن يجب ان بكون فى حدود السيطرةبدون إيذاء او الام مبرحة لأحد الطرفين

النقطة المهمة الاخرى كما وضحها الاستاذ عمرو ان من الطبيعى ان يبحث الرجل عن رد فعل لفحولته الجنسية عند الزوجة و عدم اظهار اى رد فعل قد يدفعه إلى التصرف بعنف بحثا عن رد الفعل فقليل من رد الفعل المسبق قد يمنع التطور للاعنف

مع الاخذ فى الحسبان انه فى بعض الاشخاص قد يؤدى إلى ذيادة العنف

خارج الرد الطبى
بصراحة لو استمر فى عمل ذلك فممكن لو انتى تعضيه بقوة قد يعرف ان ما يفعله غير انسانى وقد يمتنع
(زى ما قولت ده رد انسانى ومش طبى )

تحياتى
عباس الاول

غير معرف يقول...

الاخ العزيز (الذى سمى نفسه خطأ بالخايب)

الشكوى من قصر طول القضيب شكوى منتشرة لأن الكثيرين لايعرفون ما هى المقاييس الطبيعية

طول القضيب الطبيعى هو اكثر من 8 سم فى حالة الانتصاب وليس الارتخاء

ويقاس بمسطرة من عظمة الحوض حتى قمة راس القضيب عند فتحة مجرى البول

الغالبية العظمى من الذين يشتكون من صغر القضيب قضيبهم طبيعى فعليا

مع الاخذ فى الاعتبار ان زيادة الوزن ( السمنة ) مثلا وخصوصا سمنة منطقة اسفل البطن قد تؤدى إلى تغطية جزء كبير من القضيب بالدهون وتعطى انطباع خاطئ بقصر القضيب

لو كان القضيب اقصر من هذا المقياس والذى يجب ان يتاكد من التشخيص عند طبيب مختص تسمى الحالة بالقضيب القزم وتوجد عمليات جراحية لأصلاح هذا العيب

( ملحوظة هذه العملية ليست للرجال الطامعين فى زيادة طول القضيب الطبيعى )


نقطة مهمة طول المهبل عند المراة فى حدود ال10 سم و تحديد ان القضيب الطبيعى اكبر من 8 سم وذلك للقيام بالمهمة الانجابية كى يستطيع ان يقذف السائل المنوى عند فتحة عنق الرحم

لكن امتاع المراة لا يحتاج حتى إلى طول 8 سم لأن المنطقة الاكثر احساسا عند المراة هى المنطقة الخارجية الشفرات الغليظة والرقيقة والبظر

والدليل على ذلك ان البنت تستطيع ان تصل إلى الشهوة الجنسية وهى ما زالت بنت باثارة هذا المكان باصبعها

الاكثر اهمية لأثارة المراة اولا هو المشاعر المتبادلة التى هى السبب الرئيسى لمتعة المراة ثانيا قوة الانتصاب (الصلابة) الذى يعطى القدرة على اثارة المنطقة الحسية الخارجية عند المراة

ملحوظة : كطبيب لم يحصل ان جاءت زوجة تشتكى ان طول القضيب لا يكفى لأمتعاها و كانت شكوى الزوجات تتركز على عدم الانتصاب او ضعفه

المراة الطبيعة لا تتاثر بطول القضيب كما قولنا لكن من المعتاد من العاهرات اللاتى يعانون من البرود الجنسى ان تبحث عن الرجل الاكثر طولا للقضيب لإعتقادها انها بذلك تزيد احتمالية الاحساس لديها

تحياتى

عباس الاول

شيماء يقول...

بسم الله الرحمن الرحيم
صديقتي مش حكت لاحد هذه الحكايه الى بعد ان رات ليس لها حل واخبرتني بقصتها وارادت ان تحلوا مشكلتها وان ترى رايكم في الموضوع
تبدا القصه / ان زوجها كان دائما يرى افلام خليعه ويعجبه ان يكون الجماع في االدبر وكان دائما يقول لها اريد ان اجرب معك فكانت ترفض بشده
بعد محاولات واقنعها انه ليس حرام بل مكروه وفعلت مايريده وبدا يعجبه الدبر اكثر من المهبل تحاول ان تمنعه ليس بيدها حيله يقول لها اطلقك اذا رفضتي
ماذا تقول للناس؟
طلقت بسبب كذا وكذا سااعدوني زوجي طيب لاكن انا لا احب هذا الشيئ كيف امنعه من هذا الفعل الرديئ؟

وائل يقول...

الأخت بعبعه
تحية وبعد:
عمري 23 عاما، لم المس بنت في حياتي ومع ذلك فانا احب البنات بشكل كبير ودائم التفكير بالجنس ولكن مشكلتي تتمثل في انني لا احب العضو التناسلي للبنت واشعر بالغثيان والاعياء اذا نظرت اليه ويقتصر تفكيري على الشرج وانا اعتقد بان المراة مخلوق جميل جدا ولكن الشيء الوحيد البشع فيها هو عضوها التناسلي
اعرف انني اعاني من مشكله لذلك ارجو اعطائي جوابا شافيا مع الشكر.

غير معرف يقول...

مفيش صور توضيحيه للموضوع
!!!!((((((((:

الاخت ميار بالذات يا ريت تعليقاتك تبقي بالصور
يا حبذا لو حاجه من على اليوتيوب

كله كوم و المفترى اللى بيعض ده كوم الله يكوون ف عونها صاحبه المشكله

احب اطمن الاخ اللى بيكره الجهاز الانثوى ماتتفرجش على افلام جنسيه لانهم عالم مقرفه لازم يقرفوك ف المنطقه الحلال و يحببوك ف الحرام اللى من الخلف.
و انت لما تدوق الحلال هاتحبه . و لا تقترب من الحرام حتى لا تتحول حياتك لجحيم نصيحه لله

مسلم غيور على دينه يقول...

الجماع فى الدبر محرم شرعا
هل يمكن أن تضع الأوساخ والأقذار على قضيبك؟
‍كلا بالطبع... وذالك هو الحال تماما عند الوطء في الدبر,فأنت تلوث قضيبك بفضلات شخص آخر.
شئ مقزز... ترفضه الطبائع السوية!
ومن الناحية العلمية فهناك قائمة طويلة من البكتريا\'المسالمه\'تعيش في المستقيم الشرجي دون أن تسبب في أية مشاكل. وفي حالة انتقالها من مكانها الدائم إلى مكان آخر(جلد القضيب وفتحة قناة البول) تصبح عدوانية وتتكاثر بصورة مرضية فإذا انتقلت هذه البكتيريا مجرى البول,استمرت في مسيرتها نحور البروستاتا حيث تصيبها بالتهابات مزمنه قد يردي تكرارها إلى الإصابة بالعقم في نهاية المطاف.وأغلب من يلجأون إلى الوطء في الدبر أصحاب فطرة غير سوية,ولهم علاقات غير شرعية مشبوهة ومتعددة. ويمثل ذالك خطورة كبيرة حيث يساهم في إنتشار العدو بين الناس أصحاب الأهواء المنحرفة,وهذه كارثة تهدد المجتمع.
وبالنسبة للأثنى فإن تكرار الوطء في الدبر يؤدي إلى حدوث تهتك بعضلات الشرج ينتج عنه في النهاية عدة القدرة على التحكم في التبرز. وذالك بالإضافة لظهور البواسير الشرجية.
وتأتي الطامة الكبرى عند قذف السائل المنوي داخل الشرج. فوجود شروخ في الغشاء المبطن للمستقيم الشرجي( امر طبيعي لمن يداومون على الوطء في الدبر) يؤدي إلى نفاذ بعض الحيوانات المنوية داخل مجرى الدم. ونظر لأن الحيوانات المنوية تعتبر جسماً غريبا بالنسبة لجسم الأنثى, فإن جسمها يفرز إجساما مضادة لمهاجمة الدخيل الغريب. ينتج عن ذالك وجود أجسام مضادة للحيوانات المنوية بصفة دائمه في دماء الأنثى. وعند حدوث جماع طبيعي ( في المهبل ) تهاجم هذه الأجسام المضادة الحيوانات المنوية المقذوفة داخل المهبل وتشل حركتها, وينتج عن ذالك العقم التام مدى الحياة. فالحمدلله الذي انعم علينا بنعمة الإسلام.



و السلام عليكم و رحمة الله و بركاته
و كل عام و انتم بخير

بعبعه يقول...

الواحد يادوب يلفت يرجله يرجع يلاقي بلاوي فى المدونه


شكرا يا عمرو وشكرا يا دوك على ردودكم على الناس

اروح انا بقى اشوف مين عمل ايه

بعبعه يقول...

عمرو

شوف يا لورد لو الامر اصلا وصل بين زوجه وزوجه انهم يختلفوا يعايروا بعض بالى بيعملوا مع بعض يبقى يطلقوا من اولها ويريحونا

ههههههههههههههه


منور يا لورد

بعبعه يقول...

الغير معرفه المعقود قرانها وبتمارس مع زوجها جنس خارجي

والله يا بنتى مليون حد سألنى فى الموضوع ده ومش لقيت فيها تحريم

غير ان برضه انا لازم انصحك تتوخي الحذر من حاجتين

اولا ممكن تطور العمليه ويحصل جماع حقيقى وفى الحاله دي شرعا لازم تعلنى الزواج

وثانيا لان ممكن يحصل حمل سواء فى حال حدوث جماع او لا

لان ممكن هو يقذف وممكن توصل الحيوانات المنويه المهبل مثلا حتى فى وجود الغشاء


ودي طبعا ممكن تعملك مشاكل كتير

وبعدين اسمعي كلام ماما برضه لان هى لها نظرتها

واتجوزوا وخلصونااااااااا

بعبعه يقول...

غير معرفه

الى بتقول الرجاله اتهبلوا

لا لا هما هبل من زمان

سوري يا رجاله
هههههههههههههههههههه

بس طول عمرهم مركزين فى النقطه دي بس انتى مش واخده بالك

بعبعه يقول...

الى مسمي نفسه خايب

هو فعلا خايب بس مش عشان الى هو قاله

عشان ما قطعش الشك باليقين من زمااااان وراح لدكتور


واظن رد الدكتور عباس الاول عليك ميه ميه فى الجانب الطبي

روح اتجوز بقى يايعم البنات عنسوا وانتم قاعدين تدلعوا

بعبعه يقول...

شيماء

وصاحبتك كانت بتسيبه يتفرج على افلام وتطبقها معاه وبعدين بتشتكي وخايفه تطلق ؟؟

طيب قوليلها من فضلت تتوب هى الاول ولما توب لا تخشى فى الحق لومة لائم

ولو اجبرها بعد توبتها على كده تبقى تطلق وتقول اطلقت عشان بيجبرني على حرام

وعموما هاخلي دكتور عباس لو عنده حل تاني يقولك

لكن ارجوكي فهمى صاحبتك انها مش فى دور ضحيه ابدا وماتعيش الدور ده هى غلطانه برضه

بعبعه يقول...

وائل

بطل تتفرج على افلام مقرفه بيجيبوا فيها عاهرات وانتى تبطل تقرف من العضو التناسلي

وبطل تتفرج على الاوضاع الشاذه وتحلم بيها

وبرضه مستنيه اشوف راي دكتور عباس الاول في حالتك

بعبعه يقول...

الاخ الغير معرف بتاع الصور التوضيحيه

ماشي ياعم لك حق انا غلطانه نسيت امبارح اشيل التعليق

بس وحياة والدك بلاش خفه والنبى

لولا البؤين المظبوطين الى قلتهم لوائل كنت طلعت الموس وعلمتك دلوقتي

بعبعه يقول...

المسلم الغيور على دينه

انت قلت كلام طبي مقنع جدا

وكلامك تمام رغم انى ما اقدرش اقيمه طبيا طبعا البركه فى دكتور عباس ان شاء الله

لكن انا اتفق معاك كليا فى رايك فى الجماع من الدبر

شرفتنا يا فندم

أبو كارم يقول...

الحمدلله رب العالمين والصلاة والسلام على خاتم الأنبياء والمرسلين أما بعد:

أعوذ بالله من الخبث و الخبائث وجزاك الله خيرا على التثبت لدينك

هذا الأمر لو لم يكن فيه إلا العقل لكفى معرفة لخبثه فالله عز وجل جهز فرج المرأة للجماع ولغاية معروفة وهو الحمل والأنجاب ، فجعله يتطهر في كل شهر مره وجهزه بملينات للجماع وجعل له غشاء البكارة لكي يحمي العفاف، وجعل من الأمور ما يوضح به أنه جعل للجماع بخلاف المكان الخبيث الذي ينزل منه النجس والفضلات النتنة والذي أجمع الأطباء أنه مورد الأمراض وقد ثبت أن أول حالات اكتشفت من داء الإيدز كانت بين مجموعة من الشُّبان الشَّاذين جنسياً في ولاية سان فرانسيسكو بالولايات المتحدة الأمريكية ، ومن هناك انتشر الوباء إلى جميع أنحاء العالم ! ولم يقتصر على الرجال الشاذين وحدهم بل انتقل سريعاً إلى النساء المنحرفات أيضاً ، ثم تعداهنَّ إلى الأجنة والأطفال ، وأمسى ضحاياه في غضون عقد واحد من الزمان يعدّون بالملايين !والأمر واضح ولكن الهوى يعمي البصيرة أعاذنا الله وإياكم من الحذلان

يقول المناوي في الفيض :‏ لأنه ليس محل الحرث ولا موضع الزرع ، وإذا حرم وطء الحائض بعلة أن في فرجها أذى وهو دم الحيض فالدبر أولى لأن الفرج الحلال إذا حرم بطرق الأذى عليه فموضع لا يفارقه الأذى أحرى أن يحرم

قال الطيبي في قوله صلى الله عليه وسلم: إن الله تعالى لا يستحي من الحق لا تأتوا النساء في أدبارهن *.*‌رواه النسائي *(*صحيح*)* انظر حديث رقم*:* 1852 في صحيح الجامع*.*‌)قال *:* قوله " إن اللّه لا يستحيي " إلى آخره مقدمة وتمهيداً للنهي بعد إشعاره بشناعة هذا الفعل واستهجانه وكان من حق الظاهر إني لا أستحيي فأسند إليه تعالى للمبالغة والتأكيد ومن ثم اتفق الجمهور من السلف والخلف على تحريمه *.

وعموما الأدلة في تحريمه متوافرة فقدقال صلى الله عليه وسلم في الحديث الصحيح : إن الذي يأتي امرأته في دبرها لا ينظر الله إليه يوم القيامة *.*‌)(*صحيح*)* انظر حديث رقم*:* 1691 في صحيح الجامع**‌

وقال صلى الله عليه وسلم : ملعون من أتى امرأة في دبرها *.*‌)رواه أحمد وأبو داود (*صحيح*)* انظر حديث رقم*:* 5889 في صحيح الجامع*.*‌

وقال صلى الله عليه وسلم : من أتى كاهنا فصدقه بما يقول أو أتى امرأة حائضا أو أتى امرأة في دبرها فقد برئ مما أنزل على محمد *.*‌)رواه أحمد والأربعة *(*صحيح*)* انظر حديث رقم*:* 5942 في صحيح الجامع*.*‌

وقال صلى الله عليه وسلم : لا ينظر الله إلى رجل أتى رجلا أو امرأة في الدبر *.*‌)رواه الترمذي *(*صحيح*)* انظر حديث رقم*:* 7801 في صحيح الجامع*.*‌

وأما ما نسب إلى مالك رحمه الله رحمة واسعة فلا يعتد به مقابل النص وقد قال المناوي في الفيض : وما نسب إلى مالك في كتاب السر من حل دبر الحليلة أنكره جمع الفقهاء وقد مر معنا كلام الطيبي :اتفق الجمهور من السلف والخلف على تحريمه .
وقد قال ابن قيم الجوزية في كتابه زاد المعاد : وأما الدبر : فلم يبح قط على لسان نبي من الأنبياء

وأما قول الله عز وجل:( نساؤكم حرث لكم فأتوا حرثكم أنى شئتم )فلا يدل على جماع الدبر وإنما على الهيئات وأشكالها في الجماع ولكن في الفرج كما قال صلى الله عليه وسلم:أقبل و أدبر و اتق الدبر و الحيضة *.*‌)رواه أحمد من طريق ابن عباس ،وهو (*حسن*)* انظر حديث رقم*:* 1141 في صحيح الجامع*.*‌ والله أعلم

غير معرف يقول...

الاخت العزيزة شيماء

اغلب الاسئلة إلى سألتى عنها موجودة فعليا فى البوست برجاء قراءته مرة اخرى

احنا قولنا قبل كده ان التعود على تحصيل اللذة عن طريق شاذ بيخلى التخلى عن هذه الطريقة اكثر صعوبة

علشان كده ياريت من الاول بلاش نضعف ونتنازل

وبلاش نصدق الرجالة فى الكلام إلى بيقوله لما تسطير عليهم الشهوة

اعتقد ان تهديد الزوج بالطلاق هو نوع من انواع الصغط ليس اكثر

وإذا كان هناك احد يخشى الفضيحة فسيكون هو لأناى قاضى سيحكم بالتفريق لأنه غير أمين على زوجته وام اولاده

إذا كان بجد مجنون ومصاب بهوس هذا الموضوع فطلاقه اولى

تحياتى

عباس الاول

غير معرف يقول...

الاخ وائل

هو بصراحة الاخ بتاع الصور التوضحيه رد عليك بشكل سليم

الاصل فى الإنسان ان فرج المراة هو محور شهوة الرجل

لو حصل تغير عن هذه الفطرة

لازم تقعد مع طبيب مختص ليبحث معك عن اسباب هذا التغير

وهل هو متربط بذكريات او مواقف سيئة

تحياتى

عباس الاول

مى يقول...

تحياتى استاذ عمرو و احترامى على هذه المدونة التثقيفية.
ارغب فى استشارة حضرتك في أمر ما وأستميحك عذرا فيه , حينما كنت طفلة ولكن في سن واعي أعتقد حوالي 5 أو 6 سنوات تم عمل حقنة شرجية لي من قبل أبي وبحضور أمي, ومن ساعتها وأنا أشعر بشهوة ونشوة من مجرد ذكر اسم تلك الحقنة أو رؤيتها بفيلم أو مسلسل وكنت وأنا أطفلة لا أدري ذلك الشعور بالنشوة لماذا, وعندما كبرت وأدركت معنى الشهوة أدركت وفهمت ذلك الإحساس جيدا، وأعتقد أنها المرة الأولى لك لسماع مثل تلك المسألة.

أنا والحمد لله سعيدة جدا بزوجي ولكني لا أستطيع أن أخفي داخلي النشوة التي تسري بجسدي عند سماع أي أمر يتعلق بتلك الحقنة حتى الآن, ولقد كان جزء لا بأس به من أحداث الاحتلام في المراهقة وحتى قبل الزواج (عندي الآن 26 عاما) كان يتعلق بتلك الحقنة وعملها لي من قبل إحدى رجال العائلة مثلا.
هل ما أشعر به خطأ, وكيف أتخلص منه.

غير معرف يقول...

يا جماعه الصور التوضيحيه المقصوده هى صور الالجروح و القروح اللى ممكن يسببها الجماع من الخلف
و صور لامراض جلديه و اى صور طبيه لمرضى السيلان و الايدز و الامراض الاخرى و اعتقد المستشار الطبى ممكن يوفرها
و اقطع دراعى ان حد حاول حتى يجرب يقرب من الحته دى لو شاف الصور و ما تسببه هذه العلاقه الشاذه من امراض
نيتك سيئه يا بعبوعه هانم
مش مستاهله بقي امواس بقي و لى بالك التعوير ف الوش مافيهوش معلش

غير معرف يقول...

جهد مشكورة عليه و جزاكى الله خيرا
أنا فتاة عمري 21 سنة،لمرتين أو ثلاته أدخلت أشياء صلبة و تخينه في فتحة الشرج،و بعدها بطلت هذه العادة،لكن ظهرت بعض البواسير وكان هناك اتساع في الشرج، لا توجد أي مشاكل في التبرز أو في الشرج.
الآن أنا خائفة جداً من أن يكون هناك ضرر لما فعلته، وأنا نادمة الآن لفعلي هذا. ما رأيك في ذلك لأنني دائماً أفكر في منطقة الشرج حتى أثناء الدراسة!.
تحياتى

غير معرف يقول...

http://www.youtube.com/watch?v=G8FwRge35p8

غير معرف يقول...

شوفتى بقي افكارى طول عمرها حلوة و حد نزل مقطع على اليوتيوب اهاا
اى خدمه يا دماعه

تشكر يا ريس على الكليب

صديقك اللدود

بعبعه يقول...

مي

الحقيقه انا مش عارفه ارد عليكى
وانتى بتكلمى عمرو وان شاء الله عمرو يشوف تعليقك ويرد عليكى

وبرضه هاعرف راي الدكتور عباس الاول واقولك لو فى حاجه تخصك

بعبعه يقول...

غير معرف

يا صديقى اللدود
ههههههههههههههه

لا انا لما اعور حد فى وشه ما اقلوش معلش يا معلم عشان هو يبقى يستاهل

اهو فى الاخ الى مشكور جابلك ياعم فيديو توضيحى

وبالنسبه حقيقى للصور الى انت بتقول عنها عن اثار الجماع من الدبر وكده

مش عندي والله شوف انت بقى ورينا همتك

ولو الدكتور عباس جابلي حاجه هانشرها ان شاء الله

توضحيه بصحيح يعنى

مشششششش توضيحيه من بتاعة ميار هع هع

غير معرف يقول...

كل سنة وانتي طيبة بمناسبة رمضان

مش عارف انطق ولا كلمة

أما تعود
ربونا يسهل

بعبعه يقول...

مصري جدا

معقوله كده ايه النور ده يا ولاد


كل سنه وانت بخير وسلام

ومش عارف تقول حاجه ليه

طب قولنا اي حاجه بس بلاش شتومه

ههههههههههههههه

طب تتعود على ايه يا معلم ؟؟

يلا مش مهم

المدونه تشع نورا بزيارتك يا مصري جدا

عمرو يقول...

غير معرفه اللى بتكره الرجاله
الحقيقه أنا معاكى اٍن المنطقه دى منطقة جذب لعيون الرجاله منذ العصر الحجرى و يمكن ما قبله كمان
بس اللى بيخشى الفتنه بيغض بصره على طول ..
بس ده مش مبرر كافى أنك تكرهى الرجاله عموما و غالبا فيه سبب تانى جواكى مخليكى تكرهيهم ..

عمرو يقول...

خايب
يا أبنى يا حبيبى ماتطمعش لحسن الطمع يقل ما أنجمع
أحمد ربنا يا خايب و أشكره على ال 9 سم دول لحسن تقوم فى يوم الصبح ماتلاقيهوش أصلا و ترجع تندم بصحيح ..
أخونا الدكتور عباس أهوه شرح لك الموقف و طمنك و مادام الاٍنتصاب كويس يبقى ماتقلقش و لعلمك حتلاقى ناس تانيين بيحسدوك على ال 9 سم دول ..
و فيه كمان تمارين بتتعمل حأبقى أشرحها فى مره خاصه بتطويل القضيب بس برضو حآخد رأيى الدكتور عباس فيها قبل ما أكتبها ..
يالا يا أبنى شد حيلك كده و أبتدى دور على بنت الحلال و أنصحك تكون نحيله شويه ..

عمرو يقول...

وائل
يعنى أبطحك أنا بقى دلوقتى و لا أعمل فيك أيه ؟ :))
بطحه أبويه يعنى ما أنت فى سن أولادى :)
يا أبنى حد يقرف من ده برضو ؟؟!!
أنت عارف يا وائل اٍن العضو التناسلى للأنثى بطبيعته أنظف من الفم ؟؟
لأن المهبل بيفرز مواد مطهره بتقضى على البكتيريا أتوماتيك كده لكن الفم مافيهوش علشان كده بيبقى التجويف الفمى تربه جيده لتنامى البكتريا ما لم يهتم صاحبه بالتنظيف اليومى ..
و بعدين أنت مش متجوز أصلا يعنى شفته فييين ؟؟
يا فى أفلام يا فى صور خليعه ..
يبقى تستهدى بالله كده و تبطل الحاجات اللى بتتفرج عليها دى و حط فى دماغك اٍن العضو التناسلى للمرأه ظريف و لطيف و حمال أسيه و ربنا سبحانه و تعالى خلقه بشكل معجز بغرض المتعه و الاٍنجاب و سيبك من الشرج و ماتركزش تفكيرك كله فيه علشان مايبقاش عندك حاله من التفضيل الجنسى و يبقى صعب علاجها فيما بعد ..

عمرو يقول...

مى
أعتقد اٍن الحقنه الشرجيه اٍرتبطت فى ذهنك باللذه التى حدثت لك فى صغرك بشكل أو بآخر ..
يعنى عقلك الطفل وقتها لم يقدر على ترجمة الشعور باللذه اللى حدث لك و لكنك أختزنتيه فى عقلك الباطن أو فى اللاوعى ..
حالتك معروفه كواحده من حالات التفضيل الجنسى و يمكن علاجها بواسطة طبيب أمراض نفسيه متخصص و أزعم اٍن أفضل من يمكنه مساعدتك فى هذا الخصوص هو الدكتور أسامه رفعت و عيادته فى المعادى الجديده ..
مش حأقدر أفتى لك يا مى فى موضوعك لكن حتلاقى الحل عند الطبيب النفسى ..

غير معرف يقول...

أحبائي القائمين على هذه المدونة، عندي سؤالين:
1- أشعر بالرغبة أن يداعبنى زوجى فى الفرج بأصابعه
وأنا أعرف طبعاً أن الوطء في الدبر محرم شرعاً، ولا أريده تماماً، بل لو حتى كان متاحاً وغير محرم فأنا أتقزز منه كثيراً، ولكن هل إدخال أصابعه في فرجى من باب المداعبة وإثارة الشهوة حرام أيضاً؟ أو له أي ضرر صحية؟

2- هل الجماع في الحمام حرام ومنهيّ عنه أم لا؟
أشكركم جزيل الشكر، وبارك الله فيكم.

غير معرف يقول...

احسن طريقه تخلى الزوج يكره الجماع فى دبر زوجته بان الزوجه لا تفرغ امعائها قبل الجماع بيومين و تترك زوجها يجامعها من الخلف للمره الاخيره
و الله صدقونى و عن تجربه ستكون هذه المره هى الاخيره
فسيجد الزوج على قضيبه ما لا يسر عدو و لا حبيب و ربما يكره الجماع من الدبر و القبل ايضا

بعبعه يقول...

الغير معرفه الى قبل الاخيره

ابوس ايدكم امضوا باي اسم عشان اعرف ارد عليكم

لا مش هابوس

المهم

بالنسبه للمداعبات بالاصابع فى الفرج عادي جدا يا ستى مافيش اي مشكله وممكن تقولي لجوزك عادي
او اطلبي ده مباشرة اثناء الجماع افضل

وبالنسبه للجماع فى الحمام الحقيقه ما عاداش عليا اي حاجه تمنعه

ولا سيما ان الحمامات بتاعتنا دلوقتي حمامات نضيفه يعنى مفيش فيها نجاسه ولا شي


نورتي

بعبعه يقول...

الغير معرفه الاخير

ضحكتينى وربنا

فكرتينى بمحمود عبد العزيز فى فيلم سوق المتعه لما جاله اسهال

لا يا ستى انا باقول ما ترضاش اصلا والى مش عاجبه يخبط راسه فى اتخن حيط

غير معرف يقول...

السلام عليكم اهل المدونة الكرام
تحية طيبة عطرة و بعد...
بالنسبة لموضوع الصورالتوضيحية للامراض الجنسية انا وجدت صور فعلا لكنى رايت ان لا انشرها مباشرة نظرا لبشاعتها قبل ان استأذنكم فى نشر الرابط او احتى ارسل الصور لكم و تتولوا انتم نشرها
و شكرا

بعبعه يقول...

ابو ملك

اه معلش ياريت تبعتلي الوصلات على الاميل

اميل المدونه موجود على ايدك اليمين كده على صفحة المدونه بره

هاشوف الصور وبعدين لو ينفع تتنشر هانشرها ان شاء الله







كل ده بسبب الصديق اللدود

ههههههههههههه

غير معرف يقول...

لو ان الناس قرأو سيرة خير البريه صلى الله عليه وسلم
لعرفوا كل شي بحياتهم مو بس الجنس...

الرسول صلى الله عليه وسلم لم يدع لنا حتى التبول والتغوط
الا وعلمنا ادابه وحرماته...

شريف يقول...

تحية عطرة لكل من فى المدونة
بصراحة زوجتي مهووسة بأفلام السكس وتحاول تطبيق ما تشاهده على الدش عليّ لكن المشكلة الكبرى أنني اكتشفت أخيرا أنها تتلذذ بدبرها حيث مرة فتحت باب الغرفة عليها وجدتها تضع شمعه بدبرها و تطلب مني أحيانا أن ألحس دبرها وأن أدخل إصبعي بها وعندما تمارس الجنس معي تنعتني بألفاظ بذيئة ومنحطة
أرجوكم ساعدوني لأنى أحبها و لا أقدر على فراقها و لكنى أتعذب يوميا بسببها .

غير معرف يقول...
أزال أحد مشرفي المدونة هذا التعليق.
amira982 يقول...
أزال أحد مشرفي المدونة هذا التعليق.
نادين يقول...

لماذا عندما امارس العاده السريه تصل الحاله داخلي الى ان ادخل شئ داخل شرجي حتئ ارتاح

بعبعه يقول...

غير معرف الى بتكلم عن سيرة النبي

لا فض فوك

تمام الله يكرمك

بعبعه يقول...

اميره

سوري انا شلت تعليقك لان انا قلتلكم مش مسموح بوصف العلاقه بالشكل التفصيلى ده

ما ينفعش كده

متشكره عموما ليكى

بعبعه يقول...

شريف

شوف انا مش عايزه حقايق مبتوره

هى مراتك بتتفرج على افلام لواحدها ؟؟؟

مش بعيد تكون انت الى علمتها اساسا تعمل كده

انتم بتتفرجوا سوا وتقلدوهم وده اغلب الظن

المهم يعنى انت لازم تتكلم مع مراتك وتفهمها ان كده حرام وغلط طبعا

وما تطاوعاش ابدا فى الجماع من الدبر

لكن زي ما قلنا ممكن تحاول ترضيها وتشبع رغبتها بالمداعبات الخارجيه او بايدك فقط اكتر من كده لاااااااااااا

بعبعه يقول...

الاخ الغير معرف الى رادد على شريف

ما ينفعش نكلم بعض بالطريقه دي كلنا ذوي خطأ

بعبعه يقول...

نادين

اولا اقري موضوعات العاده السريه الى اتكلمنا فيها على المدونه هنا

هاتلاقي وصله اسمهاالعاده السريه تحت بند تبويبات على اليمين كده فى المدونه بره


وثانيا ما تدخليش حاجه وما تعوديش نفسك على كده الهي يسترك

غير معرف يقول...

انا عندى مشكلة ياريت تحليهالى انا فى عندى فى فتحت الشرج التهبات او معرفش انا بهرش فى فتحت الشرج بألى شهر مش عارفة ايه سببها ياريت تشوفيلى حل. شكرا

غير معرف يقول...

اشعر بلذة كبيره و احيانا برعشه جنسية كاملة عندما يلتصق بى الرجال من الخلف فى الاتوبيس.........
عارفه ان هذا غلط لكن هل هذا معناة انى ساريد الجماع من الخلف عندما اتزوج؟
اسفه لصراحتى بس حقيقى تعبت من هذه الهواية........

اعترافات هانم يقول...

عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم

ازيك يااستاذ عمرو ازيك يابعبه يااختي بما ان كل التعليقات بتجيلي علي الميل وطبعا كل تعليق وتعليق انقح من اللي قبله والضغط كان بيعلي عليا وانا صغننه لسه حرام عليكم جالي استبحس

هتكلم عن البوستات كلها اصل طفح الكيل وطبعا الواحد محرج موت انه يتدخل في كلام زي دا وشايفاكي انتي واستاذ عمرو ودكتور عباس قايمين بالواجب

لكن اللي استفذني لذه الحرام ياجماعه ربنا عمره ماهيحرم حجاه الا وكانت فيها ضرر لينا يعني حرم الخمر وحرم اكل لحم الخنزير و.و.و.و.و طيب مالدنيا كلها عارفه ان حرام الجماع بالشكل دا ربنا بيخاف علينا من الامراض نقوم نعترض احنا عليه ونقوله لا احنا بنحب الامراض يالهوي ياختي
والكومنت بتاع الغير معروفة بتاعت الاتوبيس

هسالك سؤال واحد جسمك غالي عليكي ولا رخيص

اكيد غالي عليكي وعشان غالي عليكي يبقي من حق واحد بس انه يلمسه ربنا كرِّمنا يبقي ازاي احنا نهين نفسينا ليه نذلها ليه نرخصها للي يسوي واللي ميسواش ليه؟؟

رمضان داخل اهو واستغفري ربنا وتوبي وان شاء الله ربنا هيرزقك الزوج الصالح اللي تحسي معاه بالامان وهيغنيكي عن اي شي حوشي له حبك اكيد يستاهله
حوشيله كل حاجه

واللي بيتكلموا عن ان عادي البنات في الخطوبة تتباس و.و.و.

كنت هنزل بوست عن دا في المدونة بتاعتي ياجماعه الخطوبة مش معناها زواج ابداااااااااااااااااااااااااااااااا

الخطوبة هي وعد بالزواج يبقي مش من حقه يختلي بيكي حتي انكم تتكلموا لازم يكون في حد قاعد مابالكم بقي بالبوس و.....و....... صدقوني يابنات انا والله العظيم زيكم بنت بس شايفه نفسي غاليه اوي اوي اوي اوي ومش من حق اي حد حتي انه يسلب بكارة عقلي مش جسمي الانسان الوحيد اللي من حقه كل شئ هو زوجي فقط وكله برده من غير مانعمل اي شي حرام

ورمضان اهو علي الابواب وبابا التوبة مفتوح والشيطان محبوس الهي مايرجع ابدا

اتغلبوا علي هوي النفس والله لو قلتو يارب بصدق ونيتكم فعلا انكم تتبوا هيبعد عنكم اي حرام

دا الحلال لما بيتعمل بعد اما بينتهي بيكون في شعور بالرضا والراحه اما الحرام مهما كان بسيط بعده بيبقي في شعور بالذنب لو قلت حتي كلمة غلط بتحس بتانيب ضمير رهيب مابالك في درجات الزنا بقي

يابنات غلوا اجسداكم ربنا كرّمنا وخلانا غاليين اوي بلاش احنا اللي نرخص نفسنا

ياشباب اجسامكم امانه وهنتحساب كلنا علي كل حاجه عن الجسد عن المال عن كل شي

ويارب تعليقي مش يبقي رخم او غلس وكل سنة وانتم كلكم طيبين ورمضان كريم

غير معرف يقول...

لا حول و لا قوة اٍلا بالله العلى العظيم
أما شباب و بنات صغيرين فى السن و بيعملوا كده و ده مفهومهم و منتهى علمهم عن الحلال و الحرام و الصح و الغلط و العيب و اللى مش عيب يبقى الدنيا فاضل فيها اٍيه؟؟؟؟
الواحد بقى خايف جدا من المستقبل و ما سوف تحمله الأيام من أشياء مريعة لا تخطر على البال
أستغفر الله العظيم يا ربى و أتوب اٍليك
حسبى الله و نعم الوكسل فى الأهالى اللى مش عارفين يربوا أولادهم

غير معرف يقول...

اكيد كام تعليق لا ينم عن حال 80 مليون

يا ريت بقي تهدوا اللعب ف رمضان و تنزلى بوست ياخد بايد اللى بيقروا المدونه لطريق التوبه

هل هناك كفاره لمن يرتكب هذه الافعال؟؟؟

ص ل

بعبعه يقول...

غير معرف

مش عارفه انت واحد ولا واحده

الى عنده مشكله او التهابات فى فتحة الشرج

روح لدكتور يا فندم
مش لعبتى دي

بعبعه يقول...

غير معرفه بتاعة الاتوبيسات

يعنى مش عارفه اقولك ايه لانك اكيد عارفه ان الى انتى بتعمليه ده غلط اد ايه

يعنى مش متخيله حضرتك ازاي تسمحى لواحد يلزق فيكى عشان عاجبك كده

عموما السؤال الى بتسأليه ده الى هو هاتحبي الجماع من الخلف

لا طبعا الموضوع مش كده خالص
ما تحطيش الكلمه دي فى دماغك ابدا

انت بتثاري من مجرد لمس الرجال ليكى مش عشان خلف ولا امام

ربنا يهديكى يا بنتى ويتوب عليكى

بعبعه يقول...

اعترفاااااات ظهرت يا رجاله


بعد ما كانت مستخبيه تحت الكرسي من يوم ما بدأنا نتكلم عن التربيه الجنسيه حتى توغلنا هذا التوغل

وايه الكلام الكبير ده يا جميل

كلامك تمام التمام يا اعترافات وربنا يكرمك يارب

بعبعه يقول...

غير معرف الى بعد اعترفات

اكتبوا اسامي الله يكرمكم بقىىىىىىىىىىىىى


ياريت نقول الحمد لله الذى عافانا مما ابتلى به كثير غيرنا


وربنا يعافيك ويعافينا واولادنا وحبايبنا والمسلمين جميعا

ويتوب على كل عاصي يارب


تحياتي ليك

بعبعه يقول...

الغير معرف الاخير ص ل


يعنى ايه يا فندم اكيد كام تعليق لا ينم عن ال 80 مليون

اولا الحكايه مش حكاية تعليقات

ثانيا انا مش لازم استنى المشكله تكون تخص ال 80 مليون عشان اتكلم عنها

ثالثا المدونه لا تخص المصريين فقط ولنا قراء عرب غير المصريين كتير وبيراسلوني كمان

رابعا ايه نهدي اللعب فى رمضان مش فاهماك

ابطل كلام يعنى فى رمضان واتكلم فى الدين بس ؟؟

ليه يا فندم هو انا باقول حاجه حرام ؟؟
ما ينفعش نتكلم فيها فى رمضان ؟؟

اظن انا محافظه كويس على اسلوب المدونه حتى التعليقات مش سايبه همسه

نورت يا فندم كل سنه وانت طيب

غير معرف يقول...

انا عندى مشكله وياريت احد يحلها لى وانا بالصدفه كنت ابحث عن حل بالنسبه للمارسه الجنسيه عن طريق الشرج
اول شئ زوجى يوميا يطلب منى هذا الشئ بالاول حدثتهعن حكم الدين فى ذالك ولكنه لم يصغى لى وعندما وجدته متمسك بذالك بدأت اتحجج له كل يوم بحجه ولكن ذلك لم يمنعه بمجرد التجربه ولو بجزء بصيت من القضيب ولكن عندما ابكى بسبب الالم كان يتركنى مع قول بعض الكلمات الغير محببه لى بمعنا اننى لست انثى ولست اشعر واشياء كثيره
ثانى مشكله
اريد ان اسأل دكتور عباس بها
وهى اننى لا اشعر باللذه الكامله غير عن طريق المداعبه فى البزر وعن طريق زلك يحدث لى الشهوه كامله اذا اكتفا الزوج بمجرد الممارسه داخل المهبل لا احس باى اثاره ولا يحدث لى افراغ للشهوه فالشهوه تحدث لى واشعر بنزولها كما تمارس البنت العاده السريه برغم انى لم امارس العاده قبل الزواج وانا اتخيل ان سبب ذلك انه فى اول حدوث عمليه جنسيه لى مع زوجى اخرج السائل المنوى على البزر وطبعا انا لست بطبيبه حتى اعرف السبب وبجد زوجى يطلق عليا صفات كثيره بسبب انى اتعبه كثيرا اثناء الجماع واريد ان اوضح شيئا اننى متزوجه منذ 4 اعوام وليس لدى اطفال واحب ممارسه الجنس يوميا هل ممكن يكون السبب لانى تزوجت صغيره انا تزوجت وعمرى 16 عام والان عندى 20 عام بالله عليك جاوبنى اريد ان اصبح امام زوجى اننى اشعر مثل باقى السيدات

غير معرف يقول...

هل مسموح مص القضيب للنساء لأن زوجي بعض المرات يجبرني على هذا وانا بدأت اشعر بمتعة في هذا وجزاكم الله خيرا

Mercy Devil يقول...

السلام عليكم ورحمة الله
أولا احب ان اشكرك عى طرحك لموضوع زى ده
ثانيا انا كنت باتصفح النت ومن موضوع لموضوع تانى لثالث وجد موضوع الجماع فى الدبر وكمان وجدت مدونتك

من الاخر هاقول رأايى ورزقى على الله
مسالة الجماع من الدبر فيها ااء كتير اوى وخلافات بس الفاصل ف الموضوع ده حاجة واحدة بس
لو فيه حب حقيقى بين الاتنين دول هيفكروا الف مرة قبل ما يعملوا حاجة زى دى مثلا هو هيفكر فيها وفى التبرز الارادى اللى ممكن يحصلها بسبب حاجة زى دى ثانيا هى هتفكر الف مرة فى الغرغرينة اللى ممكن تحصل لجوزها منها بسبب حاجة زى دى
ونفس الامر فى الجماع فترة الحيض رغم عدم وجود خلاف على تحريمه

ووجدت جملة اعجبتنى كثيرا لكنى اعجز عن ذكر مصدرها معناها ايه ؟؟؟؟
اننا لازم نعامل النساء على اساس انهن امهات ومربيات المستقبل لا علة اساس اننا حيوانات وانهن لا قيمة لهن لدرجة اننا نفعل فيهن هذا
طبعا تكريم المراة فى كل شىء حتى فى الفراش لانها ببساطة تحمل اسم زوجها والذى استحل فرجها باسم الله ولا يكون من التكريم ان يجامعها فى دبرها لانه ليس مكان للولد ولا للذة تقارن بللذة الحقيقية بل مسالة تعود فقط

وجزاكم الله خيرا !!!
بالمناسبة صحيح
ربنا يعينك على التعليقات انا مقدرتش اكمل من الضحك صراحة من ردك ومن التعلقات

غير معرف يقول...

اخى الفاضل لى استفسار

انا طالب جامعى

بصراحة حبيت بنت والبنت دى من شدة حبنا لبعض كنا فى اشد اننا نكون فى علاقة اللى بتكون بين الزوجين وهية الجماع ولكن كل مرة اجتمع انا وهية فيها كنت بطر اعمل كنترول على نفسى اوى اوى وهية فى الاول كانت بتعمل كنترول على نفسها بس فقت الكنترول بتاعها وانا متمسك لسه بس على قد ماقدر المهم انى جامعتها تلات او اربع مرات فى الدبر انا بصراحة ناوى اكمل مع البنت دى لانى بحبها وعايزها وسبب الكنترول اللى عامله على نفسى انى عايزها تحتفظ بعذريتها لحد ليلة دخلتها اقلها ماتقلش فى نظر نفسها حتى لو ربنا كتبلنا نصيب سوا

هل يا ياخى ممكن تحصل لينا امراض من الجماع فى الدبر دا
؟ ارجو الاجابة بسرعة

د.عباس الاول يقول...

الاخت الفاضلة غير المعرفة

صاحبة مشكلة الأثارة من البظر

ان تكون المراة تفضل الاثارة من البظر عن المهبل ليس عيب جسيم فى احساسها الجنسى صحيح كما قولتى ان زيادة الاهتمام بالبظر قد تظهر اكثر عند الفتيات اثناء ممارسة العادة السرية

لكن حتى بدون العادة يظل البظر العضو الأكثر حساسية لدى فرج المراة


اكثر مايقلقنى فى حكايتك رد فعل الزوج غير الانسانى تجاه المشكلة ومحاولة وصمك بالبرود الجنسى

انتى ماذلت صغيرة ولديك اهتمام بالممارسة الجنسية

ما تحتاجينه فقط هو ان يكون الزوج اكثر حساسية فى التعامل معك اثناء ممارسة الحب
وان يركز المداعبات على منطقة البظر قبل الادخال بحيث تكونى على وشك الوصول للاورجازم

هناك بعد الاوضاع الجمسية التى تثير البظر بشكل مباشر مثل الوضع الخلفى فى المهبل ووضع الفارسة

حاولى ان تصارحى زوجك وان تنهوا حالة التربص الجنسى

تحياتى

د.عباس الاول يقول...

الاخت الفاضلة صاحبة مشكلة المداعبة بالفم للقضيب

لا تجود محاذير دينية او طبية على هذا الفعل

وهو من وسائل المداعبة بين الزوجين

الخطأ الذى وقع فيه الزوج هو انه كان يجبرك عليه فقط


تحياتى

بعبعه يقول...

ديفل ميرسي

متشكره لك وبس انا ليا ملاحظه على كلامك

الكلام الى قلته بتاع اننا نعامل النساء انهم امهات وكده
عشان فى ناس بتتمادى فى الاعتقاد ده وباسمع كلام غريب
عن كونها مراته يبقى يادوب يمارس معاها الجنس فى الوضع التقليدى وباحترام اهم حاجه الاحتراااااااام
ويقولوا اصل الحاجات التانيه دي ما تتعملش مع مراتتنا وفى بيوتنا

فى حين ان كل حاجه حلال ينفع نعملها وبرضا الطرفين طبعا

انت نورت والنبى دعواتك اه معانا عشان تعرفوا انى غلباااااانه معاكم فى البلوج ده

بعبعه يقول...

الطالب الجامعي

اعمل فيك ايه ؟؟

خايف على صحتك ومش خايف من ربنا ياعم

طب هى العذريه الغشاء بس ؟؟

عذريه ايه الى بتحافظوا عليها ؟؟

يا جدعان هاتجننوني والله

عموما روح راجع الموضوع تاني

وربنا يتوب عليكم ويصلح حالكم امين

mokhtar يقول...

السلام عليكم
بصى يا بعبعه انتى والدكتور عباس مشكلتى انى متجوز من حوالى 5 سنين بحب مراتى جدا جدا وشايفها اجمل زوجة فى الدنيا تمام
وبحس وبشوف من مراتى نفس الأحساس حياتنا الجنسية جميلة جدا وبنستمتع ببعض بشكل رائع امورنا مستقرة والحمد لله عندنا ولد امور كده عنده 3 سنيين فى حد زيينا ومن غير حسد لو سمحتم المهم"""
بعد الولادة بفترة مش كبيرة لاحظت ان زوجتى مش بتوصل معايا بشكل سليم (الأورجازم) اتكرر الموضوع ده كام مرة وبدأت احس انى بعمل حاجة روتينية حاولت انى اغير الحالة والمكان والأوضاع وكانت اول مرة المس دبر زوجتى يومها كان الحساس رائع والأورجازم كبير
وزى ما قولتى يا بعبعه الصغير بيكبر بعد ما كان لمس بقى دفع وبعدة دخول عقلة صباع وهكذا لحد ما وصلنا الى الإيلاج فى الدبر عايز اقلك انا كان هيغمى عليا وكنت هرجع وهى كمان فضلت تعيط وتستغفر ربنا وفضلنا مانكلمش بعض يوم كامل كام يوم كده وبدأنا نفكر تانى لحد ما زوجتى طلبت منى الطلاق لوقف المصيبة اللى احنا بنعملها دى عايز اقلك انا قرات كل التعليقات لعلى اجد بصيصا من نور معليش يا بعبعه هرجعك للموضوع ده تانى لو فى جديد كيف استطيع ان اتوقف عن هذا الفعل الذى وصل معى الى دمار حياتى كلها افيدونى افادكم الله

غير معرف يقول...

انني فتاه لم يسبق لي الزواج من قبل وخايفة اتجوز لانني حصل معايه جامع في الدبر بغصبن عليه مش عارفة اعمل ايه هل انني عذرة ويمكنني الزواج