السبت، 10 أكتوبر 2009

المقاييس الاقرب للطبيعى للعلاقه الجنسيه

البوست الى فات والى اتفضل وكتبه الاستاذ عمرو كان بيتكلم عن سرعة القذف

والحقيقه ربنا يكرمه كان بوست جميل اوي

وانتم تفاعلتم معاه فعلا وجالي اسأله كتييييير اوي سواء على التعليقات او على اميل المدونه

الحمد لله اغلب الاسأله المتعلقه بالموضوع الدكتور عباس الاول الله يكرمه جاوب عليها من خلالي يعنى

لكن كان فى اكتر من سؤال بيقول طيب هو ايه الطبيعى بقى ؟؟؟

وانا كمان لقيت انه من المفروض اننا نعرف ايه هي المقاييس الطبيعية عشان نقدر نعرف ان كان احنا فعلا عندنا مشكله او لا

انا هتكلم عن كذا نقطه كده وربنا يسهل واقدر اوصلكم المطلوب

لكن قبل ما نتكلم خلينا نتفق الاول على ان احنا كبشر فى بينا فروق فرديه

خصوصا فى الحياه الجنسيه كل واحد فينا مش زي التاني


مش بس كل واحد بيختلف عن التاني

لا ده ممكن نفس الشخص يختلف من يوم للتاني ومن وقت للتاني وده بيتحكم فيه ظروف كتير اوي وقد تكون لاسباب مبهمه كمان

فخلينا نقول ان مافيش اصلا قانون واضح لكن فى مقاييس اعتباريه

بمعنى ان كل زوجين عليهم ان يصنعوا هما الحياه الجنسيه الخاصه بهم الى يكونوا هما فيها مستريحيه

كام مره فى الاسبوع العلاقه بتستمر وقت اد ايه حجم العضو ايه كل دي حاجات خاصه بيهم هما

لكن بنيجى بقى احنا نتكلم امته لما يحصل خلاف او خليها اختلاف

يعنى هو بيفضل يمارس الجنس كل يوم وهي بتقول لا مش عايزه كل يوم

فى الحاله دي بنرجع للمقاييس الى احنا بنقول عليها بقى ونحكم ما بينهم

زي ايه المقاييس دي

زي

عدد مرات العلاقه

كتير بيشغلوا بالهم اوي بالموضوع ده وبيسالوني كتير اوي عليه

والحقيقه السؤال الى بضحكنى بتاع هو المفروض الطبيعى كام مره فى اليوم ؟؟

فى اليوم ؟؟!!!

هو فى حد قالكم ان الواحد بعد ما بيتجوز بياخد تفرغ ويبقى شغلته زوج بس ولا ايه

المهم
انا استعنت بالدكتور عباس الاول طبعا عشان اقدر اقدم الماده دي

ودي المقاييس المتوسطه لعدد مرات العلاقه حسب السن
لانها طبعا بتتغيرحسب السن



والى بعد كده بقى كل الى يجيبه ربنا كويس

الحاجه التانيه التى تمثل هسهس عند الشباب والرجاله عموما

هى حجم القضيب

حجم القضيب قد يكون مؤثر الا انه مش اهم حاجه فى العلاقه يعنى
وبرضه متوقف على الطرف التاني الى هى الزوجه

الطول الطبيعى للقضيب

هو 8 سنتى متر أو اكثر

يعنى لو اقل من 8 سنتيمتر هو ده الي بيسمى بحالة القضيب القزم
وده الى مش طبيعى

وال8 سم ده و احنا بنقيس من رأس القضيب حتى عضمة الحوض

تمام كده ؟
ما ييجيش حد يقولي انه عنده مشكله فى طول القضيب وبعدين يقولي ان طوله 10 سم مثلا



بعد كده نيجى للوقت الطبيعى للمارسه

بمعنى ان الى اقل منه يعد سرعة قذف

المفروض ان الوقت العادي

من ثلاث الى سبع دقائق

(وبنحسب وقت العلاقه من بداية الايلاج او دخول العضو الذكري فى المهبل وحتى القذف )

الى قبل كده ما يحسبش

اقل من 3 دقائق ده يبقى سرعة قذف رسمي

طيب لو 3 دقائق او أي وقت اقل من سبع دقائق والزوجين متوافقين مافيش مشكله

يبقى تمام اوي وحلو

مش متوافقين يبقى هو الى يتعالج برضه لرفع الوقت عنده شويه


ولو وصل لسبع دقائق والزوجه اشتكت يبقى هى الي محتاجه علاج انما هو طبيعى


ولازم هنا اوضح وأكد على ان العاده السريه مش مقياس خااااالص لسرعة القذف لاسباب كتيره


ممكن اوي واحد بيقذف سريعا فى العاده السريه ويكون طبيعى فى الجماع العادي


فاي واحد مش متجوز ما يشغلش نفسه بالنقطه دي


وخلينا نعالج المشكله لما تبقى تقابلنا ما نتوترش عشان ما نجيبش اثر عكسي


طبعا لازم انوه عن ان كل المقاييس دي حاجه بس كده زي قانون بنرجعله طول ما احنا متفقين مافيش داعي لنشغل بالنا بحاجه من دي

يعنى زوجين بيمارسوا الجنس اربع مرات فى الاسبوع والجدول الى فوق حسب عمرهم بيقول لا المفروض اثنين

فيتخانقوا ويقولوا لا نخفضه لا طبعا المهم تكنوا انتم متوافقين

وكذلك الحال طبعا بالنسبه لمدة العلاقه او حجم القضيب

جد فهم حاجه ؟حاسه ان نص القاعده بالظبط قاعدين فاتحين بؤهم 3 متر ومش فاهمين


فى موضوعات تانيه طلبتوا فيها تفسيرات

زي دور الزوجه فى حال وجود مشكله من دول

وزي البرود الجنسي عند الطرفين

دول ان شاء الله نخليهم فى بوست مستقل عشان ما اطولش عليكم اكتر من كده

سمعوني صوتكم بقى



هناك 41 تعليقًا:

غير معرف يقول...

موضوع جميل ومفيد
فعلا اهم شى
التوافق بين الطرفين
لان فيه اختلافات بين الناس وبعضهم
وكل واحد ليه تجربه شخصيه بيه متوافقه مع الطرف التانى

مش شرط بقا تجربته تنفع لحد تانى

اهم شى التوافق والتفاهم بين الطرفين

موضوع جميل

top

بعبعه يقول...

توب

شكرا يا توب

وسعيده بمتابعتك

ستيتة يقول...

والله يا بعبعة انا دايما بدعي لكم كلكم
اربعتكم "لأن دكتور عباس الأول داخل في الحسبة" وربنا يكرمه على الوقت اللي بيديه للإجابة على أسئلة الناس

نسمعك صوتنا؟
نو
عورة :)

لأ بوست قيم صحيح .. تسلم اليادي

غير معرف يقول...

انا عندى السكر ويوجد بطىخروج الحيوان المنوى فى قوة الدفع يخرج براحة اوى مفيش نطر مش عارف اعمل اية ويوجد عروق فى الفخد تعبانى هزة يواسر على عملية الزواج انا عمرى 40سنة شكرا ليكم

مطلق يقول...

للاسف المره دي اختلف معاكي عشان د\عباس حاول يوضع قانون لحاجه ملهاش قانون اصلا.

الثابت ان الموضوع نفسي بحت يعني بالبلدي مبتحصلش غير لو الواحد مخه رايق

غير معرف يقول...

عزيزى غير المعرف مريض السكر

مرض السكر وخصوصا فى حالة عدم الانتظام يؤدى إلى التهاب فى الاعصاب الطرفيه ومنها الاعصاب التى تؤدى إلى عمليه القذف مما قد يسبب ضعف القذف او فى حالة متاخرة إلى القذف المرتجع

برجاء المحافظة على انتظام السكر وفى حال عدم التحسن يجب الكشف عند طبيب مختص


الاخ العزيز المطلق

ماتحدثت عنه الاخت بعبه هى الحدود الدنيا لما هو طبيعى اخذا فى الاعتبار الفروق الشخصية

محدش اعترض على ان روقان البال والراحة النفسية دى مهمة جدا

لكن فى الظروف الطبيعبة برضه بنلاقى الامراض موجودة ببساطة مش العلاج الوحيد لجميع المشاكل الجنسية روقان البال

وفيه حاجات منهم ملهاش اى علاقة بروقان البال ولا حضرتك تفتكر ان واحد عنده قصر فى القضيب لو طول باله شوية احتمال الحالة تتحسن

ربنا يروق بال الجميع

تحياتى

عباس الاول

أمير الروح يقول...

أولا ياستي بعبعه الطول الطبيعي لقضيب غالبا مايكون 15إلى 18 سنتم أما مافوق يكون مرض لأن في نوع منالبشر عندها مثل الخيول قضيب؟؟ ووالله هذو مايعوشو ؟؟؟
تانياأما بنسبه للمتعة المرأه في عملية الجماع ممكن يكفيهاا طول الإصبع ؟؟ مالو علاقه في التخن أو النحف ؟؟ بس فيه حاجه هامه لازم يكون الرجل ذو خبره في الجماع وكيفية وصول المرأه إلى ذروتهااا ؟؟ واسف على الإطاله وأي إستفسار أخر أنا حاضر وتحت أمركم ؟؟ وشكرااا
تحيات أمير الروح عاشق الحب مدمن الحنان
mrm-2@hotmail.com

بعبعه يقول...

ستيته

متشكره يا جميل ربنا يكرمك

ومن النهارده بالعافيه عملنا حساب للدكتور عباس وشرفنا وبقى من فريق المدونه
ايه رايك

بعبعه يقول...

كريم والغير معرف اعتقد الدكتور عباس قام بالواجب

بعبعه يقول...

امير الروح

تعالى بقى يا ضنايا

بصفتك مين يا فندم لو احتاجنا حاجه نسألك ؟؟

احنا معانا من ضمن فريق المدونه الدكتور عباس وهو متخصص وهو مرجعنا الطبي فى الموضوعات كلها

حضرتك الكلام الى بتقوله ده مش صح

لا الاقل من 15 مش طبيعى ولا الى اكثر من 18 مش طبيعى

ولا برضه مطلوب منه يكون خبره عشان يمتع الزوجه
طب يعنى الى لسه ما خادش خبره نعمل ايه لامؤخذه ناجرله حد يتعلم فيه ؟؟

طول براحتك بس قول كلام معقول

غير معرف يقول...

انا متزوجه من قريب الان 6 أشهر زوجي غير مقصر معي في الحياة الجنسيه
وطبيعتي شهوانيه بلا حدود
مشكلتي على كثر شهوتي وكثر ما زوجي يجامعني فإن جسمي جاف ولا أفرغ الا نادرا
منذ ان تزوجت فرغت 3 مرات فقط رغم اننا لا ننام بدون جماع او جنس فمى وراحات كثيره


أرجو منكم مسااااعدتي هذا الموضوع يتعبني كثيرا

معذب يقول...

معلهش على سؤالى المحرج لحضرتك
ارجو افادتى ماهى التمارين التى تساعد على تطويل القضيب
ارجو الرد

بعبعه يقول...

الغير معرفه الى متجوزه من ست شهور

الحقيقه احنا حاولنا نفهم كلامك ونحدد المشكله مش عارفين
يعنى ايه جسمي جاف ولا افرغ الا نادرا ؟
ويعنى راحات كثيره

الحقيقه مش قادره احدد المشكله هى ايه

معلش قوليها تاني بطريقه تانيه يمكن فى فارق لغه

شكرا ليكى

بعبعه يقول...

المعذب

استنا راي الدكتور عباس

وما تقولش على نفسك المعذب ولا حاجه

الحكايه مش مستاهله

عمرو يقول...

بوست هام و مفيد للغايه و متشكر لاٍطرائك على البوست السابق ..
الحقيقه الدكتور عباس الأول ربنا يبارك فيه بيقوم بمجهود كبير يشكر عليه جدا و بيستقطع من وقته للرد على تساؤلات القراء فألف شكر يا دكتور عباس ..
المصارحه و التفاهم بين الزوجين و نسيان الخجل شويه هم دول فى رأيى أقصر الطرق للسعاده الزوجيه و بيتوج كل ده عدم اٍصغاء أى منهم لنصائح و تجارب الآخرين و الأخريات لأن كل واحد بيتكلم من منطلق تجربته الشخصيه الخاصه به و اللى أكيد لا تتوافق تمام الموافقه مع حالة الزوج أو الزوجه و طبيعة و شكل العلاقه بينهما ..
أحييكى يا أختنا الفاضله بعبعه لك تحياتى ..

غير معرف يقول...

،،،،،،،،
عضوي الذكري لم يطول منذ ولادتي غير شيئ بسيط

فهل هذا طبيعي ام اذهب الى الدكتور رغم ان كل علامات البلوغ ضهرت حتى المني
ولكن العضو الذكري لم يتغير حجمه كثيرآ

أبــــو ضـــيــاء يقول...

تسلم ايديكم , احلى حاجة في المدونة دي , انها بتتكلم من منظور الواقع , مش منظور السوبر مان , وبتطمنوا الناس اللي دماغها بتوسوس ليل ونهار , طبعا انا لسه ما اتجوزتش , بس مش عيب اني اتثقف جنسيا خاصة من مصدر جميل زي ده , لا هو خادش للحياء ولا بيعرض اي حاجة تحسسنا انه حرام , ربنا يكرمكم

غير معرف يقول...

مع احترامى بس الجدول ده مش مظبوط
الزوج بيكمل مره بالعافيه مع مراته كل شهر دا لو عملها يعنى

بعبعه يقول...

عمرو

طبعا كل الى قلته حضرتك صح بس يارب يفهموا

متشكره لاطراءك ودايما يارب منورنا

بعبعه يقول...

الغير معرف الى اعتقد انه في فترة المراهقه

نشوف راي الدكتور عباس ونرد عليك يا باشا

بعبعه يقول...

أبو ضياء

لا طبعا مش عيب ده هو ده الصح والمفروض

الثقافه الجنسيه كمان مش عشان الجواز بس
عشان حاجات كتير اوي

امال انا باقول ايه فى المدونه دي من الصبح

اصحوا معايا بشر

نورت يا ضياء

بعبعه يقول...

الغير معرف الاخير

لا يا حبيبى الجدول ده صح

والى قالك الكلام ده بيضحك عليك

او انت بتضحك على نفسك


الله بنقول الى قال الكلام ده طبيب متخصص اقطع نفسي يعنى

غير معرف يقول...

لا يا بعبعة ما تقطعيش نفسك ولا حاجة
معلش معلش ما تزعليش
موضوع قيم وأسلوبه جميل جدا
أول مرة ألاقي موضوع عن المعدلات الطبيعية وكمان اقراه من غير ما افضل كل سطر أسأل سؤال

تسلمي يا بعبعة
بارقة نور

بعبعه يقول...

بارقه نور

ازيييييك يا جميل عامله ايه

يارب تكوني بخير

ومتشكره على كلامك ونورتي

حكمت يقول...

صاحبتى متزوجه حديثا ولها مشكله في ان زوجها يمارس العاده السريه سرقه حتى لا تعلم ولو انها طبعا بتعرف من وراه وواجهته كثير لكنه بينكر وممكن يقعدوا اكثر من اسبوعين ميقربش منها بحجه انه بيخجل انه يطلب منها انه يجامعها و هى خجوله جدا وده اثر فيها وخلاها تكره معاشرته جنسيا وبتاخدها على كرامتها لان ممارسته العاده السريه امام الكمبيوتر سببت جرح لها فهل من نصيحه

و شكرا للجميع

بعبعه يقول...

حكمت

والله يا حكمت انا شايفه
انها تكسر الجهاز على نفوخه ودي تبقى نصحيه كويسه خالص الحقيقه

ههههههههههههههههه

الحقيقه انا شايفه انه يروح لدكتور طبعا لان كده فى خلل فى الموضوع

وطبعا هانستنى راي الدكتور عباس الى مطنشنااااااااا

بعبعه يقول...

المعذب

انا سألت الدكتور عباس عن حالتك

وبيقولك مافيش تمارين بتساعد على تطويل القضيب فعلا

تطويل القضيب ممكن بالعلاج قبل البلوغ

وبعد البلوغ بعمليه جراحيه

وفى الغالب العمليه الجراحيه بنلجأ لها لو كان حجم القضيب اقل من 8 سم

او يمثل مشكله نفسيه عند المريض

فانصحك تستشير دكتور طبعا

بعبعه يقول...

الغير معرف

الى قال كده

عضوي الذكري لم يطول منذ ولادتي غير شيئ بسيط



اكتبوا اسامي اكلمكم بيها يرحمكم الله


بعد سؤال الدكتور عباس الاول

انت يبدوا انك صغير فى السن اوحديث البلوغ يعنى

فتتوجه لدكتور فورااااااااا

لان ممكن يكون علاجك دلوقتي بسسسسسس

ارجوك ما تستناش ولا يوم

صارح اهلك واتوجه لدكتور فوراااااا

سلوى 2009 يقول...

مش عارفة اقول اية بس انصدمت شوية من الجرءة فى المدونة و مدام كدة يبئى حضرتك انابنت مش بمارس العاده السريه انا بعمل حركة غريبه انى بحبس الميه فى المثانه وبقعد اخبط عليها من اسفل كدة لغاية اما برتاح بس بدات اتعب وانا بتبول .... نفسى اتخلص منها العاده ديه بس اعمل ايه؟

غير معرف يقول...

يا جماعه مشكله بطء المرأه فى الوصول لشهوتها مشكله للرجاله والستات ويجب معالجتها والرد عليها مش نفضل نقول للراجل حاول لغايه ما يزهق ويطنشها خالص ارجو الرد مفيش فياجرا للستات وبتتباع فين؟؟؟؟؟؟؟؟؟؟؟؟؟؟؟؟؟؟؟؟

غير معرف يقول...

انا اعانى من انحناء القضيب لاسفل ومنطقة الانحناء تاتى من قبل راس القضيب الى الراس هل هذا يؤثر على الجماع ولو عاوز اعالجه ايه هيا طرق العلااج وتكلفتها وياريت تعرفنى تكلفت علااجها سواء كانت جراحة او ادوية

ياسر يقول...

لو سمحتم انا عندى مشكله فى الانتصاب داخل العلاقه الجنسيه بعد المحاولات مع الجنس الفموى لا يحدث انتصاب على الرغم من حدوث الانتصاب خارج العلاقه الجنسيه مثلا وانا فى بعض المواصلات او عند الاستيقاظ اوعندما اقوم بفعل العاده السريه فلجأت الى المنشطات (اريك) فحدث الانتصاب وتمت العمليه الجنسيه ولكنى غير راضى على استخدام هذا العقار فما الحل ؟ وان كان عندى عجز جنسى فكيف يحدث فى تلك الاوقات التى ذكرت وانا اريد ان اعرف متى اتأكد ان الانتصاب كاملا .... وشكراكثيرا

غير معرف يقول...

هم دول ستات دول؟؟؟؟؟
دول غفر و عاملين عمليات تحول و الله
الازواج معزورين مش ينتصبوا على الاشكال ديه
ههههههههههههههههههههه

بعبعه يقول...

حكمت

انا ناقشت الدكتور عباس فى موضوع صاحبتك

والحقيقه هو قال ان صاحبتك محتاجه شوية توجيه عشان تقدر تعمل جسر تواصل بينها وبين جوزها وخصوصا انهم لسه فى بداية حياتهم

محتاجه تفهم انها تكون اجابيه اكتر



الكسوف ده تطخه بالنار فى ميدان عام

تغير نظامها بحيث تلازم جوزها اكتر وقت ممكن
لكن المواجهه هنا ممكن تزود الفجوه بنكم اكتر

وزي ما قال الدكتور عباس الزوجه دايما عندها ادواتها الى تكسب بها لكن مش بتستعملها


فلو سمحتي راسلينى انتى او صاحبتك على اميل المدونه
عشان نتكلم اكتر

الى موجود عندك فوق على اليمين باللون الاحمر على صفحة المدونه من بره

واهلابيكى

د.عباس الاول يقول...

الاخ الفاضل الذى يعانى من انحناءة فى القضيب

القضيب الطبيعى فى المعتاد يكون منحنيا قليلا إلى احدى الجهات

و الشكل المثالى للقضيب يتضمن انحناءة بسيطة إلى اعلى

المهبل عبارة عن قناة عضلية تقوم هذه القناة بإحتضان القضيب بحيث ان هذه الانحناءة تزيد من الاحتكاك بين القضيب والمهبل مما يعنى زيادة المتعه

فى حال ان هذه الانحناءة اصبحت كبيرة جدا مثل زاوية قائمة او قرب ذلك بحيث انها تمنع عملية الادخال يقوم طبيب الذكورة بعمل عمليه تقويم للقضيب

هناك اختبار بسيط تستطيع ان تقوم به لتعرف هل تحتاج إلى عمليه تقويم او لا

إذا كنت تستطيع ان تقوم القضيب بحيث يصبح مستقيما اثناء الانتصاب دون حدوث الم زائد

يمكن ان نقول ان هذه انحناءة بسيطة غير مؤثرة

إذا حدث غير ذلك برجاء استشارة طبيب ذكورة

تحياتى

د.عباس الاول يقول...

الاخ الفاضل صاحب مشكلة ضعف الانتصاب اثناء العلاقة الزوجية

دعنا نتفق ان القضيب الذى يستطيع الانتصاب بشكل طبيعى اثناء العادة وصباحا واثناء( ركوب المواصلات ؟) هو قضيب سليم عضويا

وان الفشل فى الانتصاب اثناءالعلاقة الزوجية هو فشل نفسى جنسى

يمكن ان يسبب فيه عوامل خارجية كإفتقاد الزوجة للجاذبية الجنسية او افتقاد التواصل بين الزوجين

او عوامل داخلية مثل القلق والتوتر والخجل او افتقاد الرغبة

حاول ان تحدد السبب وان تحاول اصلاحه

و إذا لم تنجح فيمكن ان تلجأ انت وزوجتك إلى طبيب مختص لتشخيص السبب و ووصف العلاج المناسب

تحياتى

د.عباس الاول يقول...

الاخت الفاضلة حكمت

شكرا لأهتمامك بحل مشكلة صديقتك

اعتقد ان اجابة الاخت بعبعه وافية اود فقط ان اضيف نقطة موضحة

ان اسلوب المواجهات المباشرة وخصوصا فى اول العلاقة الزوجية قد يؤدى إلى نتائج عكسية

ليتحول إلى تبادل للإتهامات المشتركة وبالعكس إن التعامل الحكيم بشكل غير مباشر يؤدى اكثر إلى نتائج ايجابية


لن يجدى نفعا ان يتمسك الطرفين بالخجل او استمرار ازمة التواصل المشتركة

وبما ان الزوجة هى الطرف الذى نستطيع ان نصل إليه بحكم صداقتكم

فيجب ان ننصح الزوجة ان تقوم هى بالخطوة الاولى

من التخلص التدريجى من الخجل ومحاول ايجاد وسيلة تواصل مع الزوج قائمة على الفهم او التفهم المتبادل


اعلم إن ما يقوم به الزوج تعتبره الزوجة إهانة لأنوثتها مما قد يشكل عائق لدى الزوجة فى المبادرة بالتواصل

لكن اغلب الحالات التى ناظرتها وكانت تعانى من نفسة المشكلة كان السبب الرئيسى ينبع من خجل الزوج وخبرته المحدودة فى التواصل مع الجنس الاخر

بحيث اصبح الجنس الاحادى هو الطريق الاسهل والاقل توترا بالنسبة له

تحياتى

د.عباس الاول يقول...

الاخت العزيزة سلوى

ما تقومين بيه هو طريقة غير معتادة لممارسة العادة السرية تعتمد على استثارة الاعصاب المتحكمة فى قناة مجرى البول

المشكلة ان هذه الطريقة لها تاثير سلبى على الجهاز البولى لما تسببه من احتقان متكرر فى قناة مجرى البول يمكن ان يؤدى إلى التهابات باكتيريا

الطريقة للتخلص من هذه العادة سواء بانهاءها تماما وهذا يحتاج إلى قرار مبنى على الاقتناع و البعد عن مواقف الاثارة

او بالتوقف عن هذه الطريقة وممارسة العادة بشكل امن مع عدم تعمد الاثارة
أو الاسراف و هذا خيار شخصى

تحياتى

د.عباس الاول يقول...

الاخ غير المعرف إلى بيسال على حل لبطء الوصول للشهوة لدى المراة

زى ما مكتوب فى البوست ان فى حالة استمرار عملية الجماع ( وتحسب من لحظة ادخال القضيب للمهبل) لمدة اكثر من 7 دقائق وعدم الوصول الزوجة للذروة تعتبر ان هذه المشكلة لدى الزوجة

ماهى الحلول المقترحة

اولا المصارحة بين الزوجين لأنه يجب معرفة حقيقة مشاعر المراة وهل هناك حلقة مفقودة فى احساسها الجنسى

ثانيا اطالة فترة المداعبة اعتمادا على ما تفضله الزوجة من طرق المداعبة

ثالثا هناك تمرينات يمكن ان تعطى للزوجة تزيد من قدرة جسدها على التعامل مع الاحساسيس الجنسية تعتمد على شكل مشابه للعادة السرية

رابعا الذهاب إلى طبيب مختص فى حالة فشل جميع الطرق السابقة


بالنسبة للفياجرا النسائية

تم عمل الكثير من الابحاث عن تاثير الفياجرا على المراة

وتم عمل شكل مصغر للحبة بلون زهرى

لكن لأن طبيعة الشهوة الجنسية اكثر تعقيدا عند المراة ولا تعتمد بشكل مباشر على تحسن الدورة الدموية للاعضاء التناسلية فلم تجد هذه الحبة نتيجه مبهرة مقارنة بالرجل

لكن حتى الان هناك بعض السيدات التى قد تستفيد من تناول الفياجرا فى حالة كان هناك مشكلة فى الدورة الدموية للمنطقة التناسلية فى حالة القرب من سن الياس او بعض مريضات السكر

لا يتم اعطاء دواء الفياجرا لأى رجل او امراة بدون استشارة طبيب مختص

حرصا على عدم حدوث اعراض او اثار جانبية

تحياتى

غير معرف يقول...

بليييييييييييييز عايزة اعرف ما هى علامات او بوادر الرجل الذى يمارس الشذوذمع رجل انا متزوجة واشك فى زوجى وارجو الرد السريع وعدم اهمال رسالتى للاهمية وشكرك جزاكم اللة خيرا

د.عباس الاول يقول...

الأخت عير المعرفة

دينيا لا يجوز اتهام احد بالزنا إلا بعد وجود 4 شهود على رؤية الواقعه بشكل صريح

فما بالك فى اتهام بالشذوذ الجنسى

اى علامات او شواهد اخرى غير الكشف الطبى فى حالة الشذوذ الجنسى السلبى تحتمل الصواب والخطا

وفى بعض الاحيان حتى الكشف الطبى قد يكون غير جازم

صحيح انا كثافة الشواهد و العلامات قد ترسخ الاعتقاد لكن هذه تهمه اكبر من ان تلقى جزافا

يمكن ان تخاطبى الاخت بعبعه على الميل الخاص بها إذا كانت هناك ما تريدين ان تناقشيه

تحياتى