الأحد، 29 نوفمبر 2009

الأوضاع الجنسية (تحديث)

تحدييييييييييييييييييث

ايه يا جماعه مش كده الاصوات عددها لسه قليل برضه مع ان المشاهدات معقوله يعنى كل يوم اختر من خمسين شخص بيدخل المدونه

والاخر مافيش حد جاوب على الاستطلاع غير يمكن 30 ما ينفعش شويه كمان من فضلكم الى ما جاوبش يجاوب

عايزه نتيجة الاستطلاع تبقى حقيقيه من فضلكم وده عشانكم انتم والله

يلا بسرعه قدامي على الاجابات



النهارده هانتكلم عن موضوع مهم جدا فى العلاقه الجنسية وهو الاوضاع الجنسيه

الأوضاع الجنسية المختلفة منين جت اهميتها

عشان ما نرغيش كتير اختصر عليكم وأقولكم إن الأوضاع الجنسية دي زيها زي أنواع الأكل مثلا

بمعنى إن انك لو ما نوعتش الاكل مش هاتموت من الجوع لكن مش هاتكون مبسوط وجايز تمرض كمان لان التنوع ده رحمه من ربنا بنا وجسمنا محتاجه فعلا والا ما كانش يبقى موجود

اكتر الناس خصوصا الستات بتفضل تمارس الجنس بالطريقه التقليدية

هى صحيح اسهل طريقه لكن مش الطريقه الوحيده ولا احسن طريقه

طيب منين نعرف احسن طريقه ؟

مافيش حاجه اسمها احسن على الاطلاق كل وضع وكل طريقه لها مميزاتها ولها عيوبها يمكن والى بتختلف من شخص للتاني وحتى من وقت للتاني بالنسبه لنفس الشخص

يبقى مافيش حاجه تثبت لنا الا اننا نجرب

نجرب كل الاوضاع وكل الحركات الى تنفع والى ما تنفعش

لان طبعا حسب تركيبة جسم كل واحد ولياقته ونفسه بتختلف امكانية الاوضاع وسهولتها وصعوبتها

وكمان مش نجرب مره ونقول والله فشلنا فى الوضع ده ومش هانعمله تاني

لا طبعا خلينا نقول الوضع الجديد ده زي رقصه محتاجه تدريب لاكتر من مره عشان تجيدوا السير على النغمات مع بعض .

ما تتوقعوش ان اول مره تجربوا وضع جديد هاتوصلوا من خلاله للذروه لا طبعا مش لازم ابدا

عادي تجربوا وضع وبعدين تكملوا على العادي شويه شويه توصلوا لنغمه واحده تمشوا عليها

المهم تجربوا

السؤال الى بنسمعه كتير وخصوصا من الستات الى انا عايزه اعضهم



هو ليه نغير اصلا ما دام احنا على الوضع التقليدى ماشيين كويس ؟



ردي عليها دايما طب وانتى ايه عرفك ان كده كويس ما يمكن فى احسن من كده ؟؟

واقولها الاكل مش ملو بطن بس والا ما كناش نصنف ونعمل صواني ومحاشي وما الى ذلك



فاهميني يا ستات ؟



شكلهم مش فاهمين حاجه برضه


هاستعرض معاكم بعض الاوضاع الرئيسيه والى كل واحد فيهم بيندرج تحته اوضاع تانيه

اولا : اوضاع يكون فيها الرجل يعلوا المرأه



والى منها طبعا :الوضع التقليدى والى هو بتكون فيه الست نايمه على ظهرها وده الوضع المنتشر او التقليدى وهو عادي لانه يعتبر اسهل وايسر وضع فى اغلب الحالات . وهو الوضع المفضل لليلة الدخلة للأسباب السابقة

ثانيا : اوضاع تكون المرأه فيها تعلوا الرجل


واقرب مثال له وضع الفارسه والى فين بيكون الرجل هو الى مستلقى على ظهره والمرأه بتكون فوقه وواخده وضع بالظبط الفارسه على الحصان .
وده وضع له طبيعه خاصه ومميزات مهمه زي مثلا ان يعتبر باشتراكه مع اوضاع تانيه فى نفس العلاقه بيكون توزيع للجهد على الطرفين فى حال طول وقت الممارسه
او يكون الجهد اكثر على المراة ويفيد فى حالة وجود اسباب صحية تتطلب قلة مجهود الزوج او فى حالة وجود نوع من الخوف او التوتر من الجنس لدى الزوجة لأن هذا الوضع يعطيها سيطرة واطمئنان أكثر كما يفيد فى تقليل سرعة القذف لدى الزوج

وكمان فى الوضع ده ممكن يكون ممتع للرجل اكتر حيث انه مش مركز فى حركه وانما مركز فى تفاعلات العلاقه معاه وكمان شايف جسم المراه بالكامل قدامه

وبالنسبه للست بيعطيها مساحه اكتر انها تعمل الى هى عايزاه وكمان الوضع ده فى اغلب صوره بيوفر مداعبه لاعضاء المرأه الخارجيه اثناء الايلاج وده بيعطى اثاره اكتر

ثالثا : الوضع الفرنسي او الخلفي : وهو بيكون فيه الايلاج من الخلف ولكن فى المهبل مش حاجه تانيه

بمعنى ان الرجل بيكون خلف المرأه وله اشكال كتير برضه مش شكل واحد

وده احب اسجل هنا انى لاحظت ان معظم الرجاله بتحب الوضع ده وعلى العكس معظم الستات مش بتحبه مش عارفه ليه

النقطه دي بالذات عايزه اكون فيها راي فلو سمحتم الى يقدر يبعتلي على الميل او فى الردود يقولي حاجه عن الموضوع ده يتفضل

الوضع ده كمان فى سهوله خصوصا ما يكونش فى امتلاء زياده فى الارداف للست وفى كمان متعه خاصه للرجل لشعوره السيطره اكتر والاستسلام منها بارادتها له وكمان منطقة الارداف منطقه مثيره بالتالي بتاثر ايجابا على اثارة الرجل

رابعا : الوضع الجانبي

وبرضه له اشكال منها الى بيكونوا فيها متقابلين( وجه لوجه) وهو مناسب اكتر للحوامل لانه ما بيكونش فيه ادخال كامل او يمكن ان يكون ايضا ظهرها له
ولكن هو وضع يتطلب يكون الطرفين وزن خفيف عشان يقدروا يقوموا به


وفى طبعا اوضاع كتير وهما واقفين سواء متقابلين او هى ظهرها له



وفى رايي ان كل اثنين ممكن يبتكروا الاوضاع الى تناسبهم وممكن يكتشفوا ده بالصدفه وممكن يحاولوا يتعملوا سواوممكن يلجأوا لكتاب طبى أو موقع طبى متخصص يعلمهم



المهم يكون عندهم الاثنين روح التجربه فعلا والرغبه فيها وفى التغيير والاقتناع باهمية دة

من فضلكم انا عندي فكره عايزه اعملها



لايمانى دايما زي ما انتم عارفين ان فى فجوه بين الرجل والمرأه فى مجتمعنا العربي والمصري على وجه الخصوص

والفجوة دي سببها انهم مش فاهمين بعض ومش عارفين الطرف التاني بيفكر ازاي

وانا دايما باحب ادور على مساحه فى النص يتقابلوا فيها

وعليه بالنسبه لموضوع الاوضاع ده

اتمنى تجاوبوا على الاسأله دي وتبعتوهالي سواء على اميل المدون الى فوق على اليمين ده
او على الردود
الردود من غير اسامي حقيقيه

الأسئلة هي



متزوج - مطلق - أرمل

النوع :

السن : سن الشريك :

عدد سنوات الزواج : عدد الابناء إن وجد :

هل تفضل تغيير الاوضاع ؟



هل شريكك يوافقك على اختيارك ؟



ماهو اكثر الوضعيات توافقا معك ؟



ماهو اكثر وضع تتوق اليه وما الذي منعك منه؟هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟



وطبعا لو فى حد مش متجوز وعايز يجاوب باعتبار ما سيكون او باعتبار توقعاته الشخصيه مثلا لحياته


يتفضل يجاوب لكن من فضلكم يوضح انه مش متجوز




وطبعا مش هاوصيكم مش عايزه قلة ادب



يلا بسرعه يا حلوين وهاطلعلكم نتيجة كلامكم ده او هاحاول اعمل كده

يمكن ده يفيدكم فعلا




وطبعا باشكر دكتور عباس الاول على مراجعته للموضوع وتنقيحه ما نتحرمش من مجهوداتك يا باشا

هناك 59 تعليقًا:

B.S.Y يقول...

البوست حلو و سلس و مفيد ... و اكثر شئ مفيد فيه الاختبار

ممكن أجاوب ؟؟

:) شكرا شكرا :)

*أعزب و خاطب

*سنى 26 وهى 25

*نعم افضل تغيير الاوضاع
(على صفة ما سيكون)

*ولا أعتقد انها ستعترض على فكرة التغيير

*أظن ان أكثر الوضعيات ( إن شاء الله )سوف يكون متوافقا معي هو الفرنسي لسبب سوف اشرحه تباعا

*الوضع الذي اتوق إليه وضع الفارسة

* لا أجد مشكله فى مصارحة الطرف الاخر تجاه ما أتمني تغييره فى العلاقه الجنسية
و ذلك لأن
( هن لباس لكم و انتم لباس لهن )

******************************
بداية احب ان انوهك إلى اننى لم اكن انتوى التعليق على البوست لكن ما دفعنى لذلك هو السبب المذكور اعلاه

عندى مشكله مؤرقانى خاصا اننى مقبل على الزواج.

عندى اعوجاج فى العضو الذكري على شكل انحناء بنصف دائرة لأسفل

و عند اقصي انتصاب لي ( و اتابعه خصوصا فى الصباح )
لا يرتفع العضو إلى الزاوية القائمة إطلاقا إلا بمساعدة من يدي و على اقصي تقدير تقريبا يصنع زاويه 45 مع جسدى

و بالتالى اظن انه انسب وضع لى هو الفرنسي وأظنه ايضا لن يساعدنى علي وضع الفارسة

الأسئلة ؟؟
هل انا مخطئ فيما ذكرت ام لا ؟
و ما هو مدى سوء الاعاقة عندى؟
ومدي تأثيرة على العلاقة الجنسية؟
و ما انسب وضع لحالتى؟
و ما الحل؟

أرجو الإجابة على كل الاسئلة لأن هذا الموضوع مؤرقنى جدا

غير معرف يقول...

متزوج واحده ونفسى فى الثانيه

النوع :ذكر اكيد

السن :40 سنه وحاسس انى 18 سنه
سن الشريك : 31 سنهوحاسه نفسها عيله

عدد سنوات الزواج :10 سنوات
عدد الابناء إن وجد : 3 عيال قوى

هل تفضل تغيير الاوضاع ؟نعم بكل تاكيد



هل شريكك يوافقك على اختيارك ؟نعم على حد علمى



ماهو اكثر الوضعيات توافقا معك ؟ كله حلو وربنا يديمها نعمه



ماهو اكثر وضع تتوق اليه وما الذي منعك منه؟حملهاعليه اثناء الجماع واقفا 0 المانع خير الوزن طبعا
هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟لامشكله اطلاقا

شاب فى الاربعين ربيعا

غير معرف يقول...

البوست حلو اوي
ودي الاجابات
متزوجة
النوع : انثى

السن : 30 سن الشريك : 35

عدد سنوات الزواج : 4 سنوات عدد الابناء إن وجد : طفل والتاني في الطريق

هل تفضل تغيير الاوضاع ؟ مش دايما


هل شريكك يوافقك على اختيارك ؟ طبعا كل حاجة بتحصل في العلاقة الحميمة اللي بينا لازم تحصل بالاتفاق ، ولو حس ان فيه حاجة عملها خرجتني من المود على طول بيتراجع ، وانا كمان نفس الشيء


ماهو اكثر الوضعيات توافقا معك ؟
هما وضعين: اول وضع التقليدي العادي ودا بفضله لما اكون مكسلة اتحرك كتير او اكون عيانة
الوضع التاني هو الوضع اللي بكون نايمة فيه على جنبي وهو قاعد عند رجليا وافتح رجل ويحصل ايلاج واقفل رجليا.. مش عارفة انا كدة عرفت اوضح ولا لا.. بس اكتر وضع بكرهه هو وضع الفارسة.. بكرهه جدا وبحس اني مش مركزة ف اي حاجة ومش في المود خالص.. يعني بحس زي ما اكون كدة قاعدة على كرسي وبتفرج على العالم
بكره كمان الوضع الفرنسي او الخلفي واقدر اقولك على السبب اللي يخليني اكرهه ويخلي معظم الستات تكرهه وهو اني بحس اني بيتعمل فيا حاجة من ورا ضهري وانا مش مشاركة فيها ومببقاش عارفة اتوقع الحركة اللي جاية ايه

ماهو اكثر وضع تتوق اليه وما الذي منعك منه؟هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟
الحقيقة معرفش اوضاع غير اللي جوزي بيخلينا نجربها سوا واللي بيعجبنا احنا الاتنين بنكرره
معنديش مشكلة في التصريح لكن بشوف ان فيه نقط ينفع فيها التصريح ونقط لازم المحلها من غير ما اصرح.. وجوزي لماح جدا الصراحة

غير معرف يقول...

مش عارف اقول ايه الصراحه

بوست صادم و جريء

افتكر مره قريت كتاب ان الاوضاع اكثر من 30 وضع
بس انا نسيتهم الصراحه من كتر ال.......

حضرتك ذكرتى 5 بس
دول اشهرهم طبعا

انتى قلتى كلمه حكمه يا ريت نجرب الاوضاع كلها و نختار
و ماله نحاول
بس دي عايزلها كام قرص علشان طووول النفس

د.عباس الاول يقول...

الاخ الفاضل B S Y

القضيب عبارة عن نسيج كهفى يتكون من حويصلات دموية تمتلأ فى الدماء فى حالة الانتصاب

لا يكون القضيب فى الاغلبية العظمى من الرجال فى حالة استقامة كاملة

المهبل لدى المراة قناة عضلية تستطيع احتضان القضيب وبالتالى اصلاح اى اعوجاج طفيف بحيث يصبح غير مؤثر

اغلب الرجال الذين يشتكون من اعوجاج القضيب بعد الكشف الطبى عليهم يشخصوا كإعوجاج طفيف غير مؤثر

من عرضك للحالة وخصوصا ان الاعوجاج يمكن اصلاحه باليد جزئيا

فأنت لا تحتاج إلى تدخل طبى ولا يسبب لك هذا الاعوجاج اى مشكلة اثناء العلاقة الجنسية

مع وجود احتمال بسيط ان يكون هناك بعض الالم فى بعض الاوضاع الجنسية يمكن اكتشاف ذلك اثناء تجربة اوضاع مختلفة

فى حالة كون الاعوجاج مؤثر على عملية الادخال ولا يمكن اصلاحه يدويا يجب الكشف عند طبيب ذكورة مختص لتشخيص واقتراح العلاج الذى يكون فى هذه الحالة علاج جراحى

تحياتى

غير معرف يقول...

بوست رائع

بس عندى اقتراح ان يتم الاجباة عن ذلك الاستفتاء من القائمين على المدونة حتى يكون بمثابة تشجيع للاخرين

بعبعه يقول...

غير معرف الى مش عارف يقول ايه

بوست صادم ليه ؟؟

حضرتك انا ما ذكرتش اوضاع معينه

انا ذكرت تبويبات الاوضاع فقط

كل نوع من الى ذكرته يندرج تحته اوضاع كتير

ال30 وضع دول قليلين فى اكتر

واولا ما فهمتش ايه ال .......
الى انت تقصده

ثانيا ما قلتش جربوا كل الاوضاع مره واحده ولا فى يوم واحد ولا فى شهر واحد ولا حتى في سنه واحده

ثالثا مش الحبوب بس هى الى تدي النفس والقدره الجنسيه
ومش اي حد ياخدها ومش فى اي وقت

وانت ما جاوبتش على الاستقصاء ليييييييييه

بعبعه يقول...

الغير معرف الاخير

خفيف الظل موووووووووت

بالظبط زي الى رايح للدكتور يقوله انت حاسس بايه
وعموما ما تقلقش لو كانت الاعداد كفايه لانى اطلع نتائج فعليه للاستقصاء هاخليهم كلهم يجاوبوه

بس بغير معرف وسط القراء هع

خفيف اوي

باشبه عليييييك

غير معرف يقول...

مش انا الظريف و الله اللى بتشبهي عليه
انا لسه بقول يا هادى اهو

مش كل مصيبه بقي تلزقيها فينا

غير معرف يقول...

انا بقي اللى بتشبهى عليه

البوست من اقوى و اشرس البوستات

اللى نزلت هذا العام

و يستحق بلا منافس اقوى بوستات الموسم و اجرأها

قررنا نديكي يا بعبعه هانم جائزه احسن ممثله.....اقصد احسن مدونه بناء على استفتاء الجماهير لسنه 2009

بعبعه يقول...

هههههههههههههههههههههه

خلاص كل ده عشان شبهت على واحد

مش مشبهه كونوا زي ما تكونوا ما تفرقش معايا والله


بس روحوا جاوبوا الاستقصاء


وقلت مليووووون مره كل واحد يوقع باسم عشان اعرف اكلمه

أحمد عاطف يقول...

طيب انا لا متزوج

ولا انا ممن يؤمنون بعلاقات قبل الزواج

اجاوب ازاي ..؟؟ على الاستفتاء

متشكرين يا بعبعه على دعوتك

وبجد استفدت واهي حاجه تنفع لقدام

ربنا يوفقكم

بعبعه يقول...

احمد عاطف

انا قلت كمان ان الى مش متجوز يقدر يجاوب باعتبار ما سيكون او بما يامله من الزواج

وعموما براحتك

وانت نورت

may be يقول...

متزوج
النوع : ذكر
السن :31
سن الشريك :24
عدد سنوات الزواج : 3
عدد الابناء إن وجد : 1

هل تفضل تغيير الاوضاع ؟
مش فى المطلق احيانا افضل واحيانا لا

هل شريكك يوافقك على اختيارك ؟
الحمد لله تفاهم صامت متبادل

ماهو اكثر الوضعيات توافقا معك ؟
الوضع الفرنسى

ماهو اكثر وضع تتوق اليه وما الذي منعك منه؟
لو لقيت حاجة جديدة اتوق اليها
مفيش ما يمنعنى من تجربتها

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟
لا فى حوار وتفاهم متبدل بيحقق النتائج المرجوة

شكرا على الدعوة
تحياتى

غير معرف يقول...

مقدرش مجاوبش .. أفضالك عليا كتير .. كفايه اني بعرف معلومه بشكل نضيف و ذكي و سلس و مبكونش حسه بالذنب او القرف.. دي اول مره اصادف موقع زي ده.. انا مي و بعتلك اكتر من مره

مرتبطه / النوع :انثي / السن : عشرينات/سن الشريك :عشرينات

"علي أعتبار ما سيكون"
هل تفضل تغيير الاوضاع ؟ نععععععم / هل شريكك يوافقك على اختيارك ؟اعتقد ايوه جدا / ماهو اكثر الوضعيات توافقا معك ؟معرفش



ماهو اكثر وضع تتوق اليه؟ الفارسه هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟معتقدش

مي

غير معرف يقول...

بالنسبة للوضع الخلفي للستات أنا بالنسبة لي اعتبره وضع حيواني ومش إنساني .. فميزة الجنس عند الإنسان عن الحيوان أنهم يتقابلون بعكس الحيوانات ..

والأجوبة هي:
1- مطلقة.
2- أنثى.
3- 34 وسن الشريك الجديد 39
4- وسن الشريك القديم 40 سنة و 12 سنة سابقا وحاليا 8 شهور
3 أبناء من السابق.
5- نعم فيه متعة أكبر، ولكن حسب المزاج والأجواء.
6- لازم شوية حركات عشان يوافق.
7- وضع الفارسة.
8- في الحقيقة مع الشريك الجديد الوضع مختلف 180 درجة للأفضل .. أما مع الشريك القديم فقد كان غشيم جدا وكم تعلم في المتبلم يصبح ناسي.

بالإضافة إلى أنني كنت أشعر أني أنا الرجل وهو المرأة !!

أما للشريك الجديد فقد كان الإرتباط بسبب النظرة الأولى، والنظرة الأولى تكون قوتها أعمق بين الطرفين ويكون الحب فيها روحاني أكثر منه شهوة..

لك مني كل الود والتقدير .. فعلا نحن بحاجة ماسة لمثل هذه المواضيع التي مع الأسف تعتبر في عالمنا العربي ومع الرجال الشرقين بالذات .. خروج عن الأدب وتحقير لغريزة إنسانية جعلها الله لنا نعمة ورحمة ..

مع تحيات (السر).

غير معرف يقول...

متزوج

النوع : رجل

السن : 42 سن الشريك : 40

عدد سنوات الزواج : 15 عدد الابناء إن وجد :3

هل تفضل تغيير الاوضاع ؟
جدا


هل شريكك يوافقك على اختيارك ؟
لأ خالص


ماهو اكثر الوضعيات توافقا معك ؟
مجربتش الا الوضع التقليدي للأسف ومعرفش اي الاوضاع هيبقى متوافق


ماهو اكثر وضع تتوق اليه
الفرنسي
وما الذي منعك منه؟
الهانم
هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟
لا اجد
بس هي رافضة أي مبادرة سواء مني
وطبعا مافيش اي مبادرة منها خالص

w

غير معرفة :)) يقول...

بوست خطيررر

تسلم ايدك ياقمر

متزوجة

النوع :انثى

السن :24 سن الشريك :29

عدد سنوات الزواج :7سنوات عدد الابناء إن وجد : لا يوجد :(

هل تفضل تغيير الاوضاع ؟
جدااا


هل شريكك يوافقك على اختيارك ؟
اه طبعا

ماهو اكثر الوضعيات توافقا معك ؟

كل الي ذكرتيهم مناسبين وغيرها كمان :)
وافضلهم الفرنسية وبستغرب جدا من رفض الستات للوضعية دي !!مع انها مريحة جدا وبيفضلها الرجل كمان ..

ماهو اكثر وضع تتوق اليه وما الذي منعك منه؟
مممممم مفيش بنجرب كل حاجة ...

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟

لا طبعا في تفاهم متبادل

:)

غير معرف يقول...

متزوج

النوع : ذكر

السن : 37
سن الشريك : 31

عدد سنوات الزواج : 9
عدد الابناء إن وجد :2

هل تفضل تغيير الاوضاع ؟: أكيد ماهو زى ما قلتى الأكل مهم بس لازم نغير فيه يعنى البيض مثلا بنحبه مرة مسلوق و مرة مقلى و مرة برشت و مرة سبانيش ...إلخ نخلص البيض نخش على البطاطس مرة شيبسى و مرة صوابع و مرة مسلوقة و مرة صينية و مرة بوريه ....و إلخ و نخش على المكرونة و الباذانجان و السمك و كله كله



هل شريكك يوافقك على اختيارك ؟ تماما



ماهو اكثر الوضعيات توافقا معك ؟ كله جميل و الحمد لله الذى بنعمته تتم الصالحات


ماهو اكثر وضع تتوق اليه: إنى أكون واقف مستقيم و أشيلها أثناء الممارسة

وما الذي منعك منه؟ ظروف صحية

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية؟: غالبا أنا صريح لكن بدون جرح، بحرص يعنى

Dr. Kafy يقول...

سلامات يا بعبعة

بصراحة بوست جرئ جدا جدا جدا و ما أنكرش إنى اتخضيت شوية ممكن يكون سبب الخضة إنى ما أعرفش عنك حاجة هل مثلا ده مجال دراستك أو عملك ؟ طيب إنت آنسة و لا متزوجة؟ أحيانا معرفتنا بهوية الشخص بتسهل علينا الصدمات.

بس طبعا هو رائع و جميل و جزاك الله خير على الافادة و ربما أنا أتطرق لهذا فى مدونتى أزواج و زوجات مستقبلا بس إنت سبقتينى.

طبعا أنا سألبى الدعوة لكن معلش بدون هويتى زى ما اللى قبلى عملوا و على فكرة أنا كنت مهتم بقراءة كل التعليقات. و أنا ما أقدرش أرفض دعوتك اللى بأشكرك عليها.

تحياتى

بعبعه يقول...

الاول انا متشكره جدا جدا

لكل الناس الى شرفوني وردوا

ومتشكره جدا لكل الردود الى جاتلي هنا او على الاميل

بس العدد لسه قليل محتاجين اعداد شويه ياريت يا جماعه الى يدخل يخليه جدع ويجاوب الاستطلاع

بعبعه يقول...

د كافي

ايه الحكايه والخضه تيجى منك انت برضه

وانا باقول اهل العلم يساندوني

عموما انا اصلا الى استغربت من الناس المخضوضين اصل مش انت بس

ومحسسنى انى جبتلكم فيلم بورنو مش عارفه ليه

امال لو كنت جبتلكم صور توضيحيه للاوضاع كنت عملتوا ايه
ههههههههههههههه

المهم

معلش بالنسبه للمعلومات عن شخصي مش هاقدر اقول اي حاجه

اما بالنسبه لتخصصي فانا مش متخصصه فى اي حاجه

لكن معانا فى الفريق بتاع المدونه الدكتور عباس الاول وهو مرجعنا الطبي وهو الى متخصص فعلا
واي بوست بيكون فيه معلومات طبيه لازم بيعدى عليه اولا يراجعه

وانا بالجأله كمان يرشحلي حاجات اقراها عشان اقدر اكتب فى موضوع معين


حضرتك قلب فى المدونه فىا لموضوعات القديمه شويه وانت تعرف قصة حياة المدونه

ولو حبيت ابقى راسلني على الاميل وانا احكيهالك بدأنا ازاي وايه حصل

اي خدمه

وطبعا طبعا جاوب مع الناس بغير معرف

ومش عايزه حد يجاوب باسمه طبعا


وانت نورت

غير معرف يقول...

*متجوز
*سنى 40 وهى 28

*نعم افضل تغيير الاوضاع
وبالعكس فهناك تجاوب كبير

*أظن ان أكثر الوضعيات متوافقا معي لايعود للمزاج الشخصي لكن نراعي طبيعة جسم الطرف الآخر ففي اوضاع لاتناسب الجسم الممتلء مثلاً وهناك أوضاع لاتناسب القامة القصيرة وكذلك طول العضو للزوج يكون له عامل احياناً في اختيار الوضع فالاوضاع الخلفية تستلزم طول معين ليكون في مشاركة للزوجة في العملية وعدم االاجهاد
*الوضع الذي اتوق إليه مفيش هههه بادور على حاجه جديدة مش لاقي هههه

* لا أجد مشكله فى مصارحة الطرف الاخر تجاه ما أتمني تغييره فى العلاقه الجنسية
فالموضوع عاوز شوية خبرة بس

موضوع لطيف ياريت كلنا يكون عندنا وعى

غير معرف يقول...

مطلقة

انثى

36

لا يوجد شريك حالياً

لكن اثناء زواجى كان الفرق بينى و بين زوجى 3 سنوات


سنة تقريباً

و لدى طفلة واحدة

نعم كنت أفضلها من باب التغيير


نعم كان يوافق

ماهو اكثر الوضعيات توافقا معك ؟
اغلبهم فيما عدا الوضع الجانبى بسبب السمنة

ماهو اكثر وضع تتوق اليه وما الذي منعك منه؟
اكثر وضع كان يعجبنى هو وضع الفارسة
لأنه كان يطيل مدة الممارسة نوعا ما
لم يمنعنى منه شىء سوى زهد زوجى فى العلاقة و اتجاهه لأمراءة اخرى

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟
اطلاقاً كنت صريحة و لم اخجل مطلقاً لأنى كنت اعتبره حقا أصيلاً لى
لكن يبدو أن ذلك كان من احد الاسباب الخفية للطلاق و هو عزوف زوجى عنى جنسياً و اتهامه لى بإنى بلا حياء و ابحث عن التغيير بينما ثقافته الجنسية كانت عكسى تماماً .. ربما لا أعلم

فاتيما يقول...
أزال المؤلف هذا التعليق.
فاتيما يقول...
أزال المؤلف هذا التعليق.
حب عمري يقول...

شكرا على البوست القوي جدا والمفيد وعلى الاسلوب المحترم فى العرض

ودي اجاباتي

متزوجه

النوع : انثى

السن : 30 سن الشريك : 40

عدد سنوات الزواج :10

عدد الابناء إن وجد :2


هل تفضل تغيير الاوضاع ؟

ايوه طبعا افضل جدا



هل شريكك يوافقك على اختيارك ؟

نعم يوافق



ماهو اكثر الوضعيات توافقا معك ؟
كل الاوضاع تمام و باحب وضع الفارسه


ماهو اكثر وضع تتوق اليه وما الذي منعك منه؟
مافيش حاجه جت على بالنا ولا تنفع تتعمل ما جربنهاش
الا الاوضاع الى ما تنفعش بسبب طبيعة الجسم مثلا

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟

لا خالص خالص حتى من غير ما اقول احنا بنفذ على طول

غير معرف يقول...

متزوج
النوع : ذكر
السن :80 سن الشريك : 75
عدد سنوات الزواج : 45عدد الابناء إن وجد :7

هل تفضل تغيير الاوضاع ؟ااااحيبها جدا جدا

هل شريكك يوافقك على اختيارك ؟ طبعا

ماهو اكثر الوضعيات توافقا معك ؟الفرنساوى

ماهو اكثر وضع تتوق اليه وما الذي منعك منه؟
مفيش حاجه ما جربنهاش

هل تجد مشكله في مصارحة الطرف الاخر


تجاه ما تتمنى تغييره فى العلاقه الجنسية ؟

نو بروبلم

غير معرف يقول...

واحد مفروس

عايز اهم يعنى ايه الوضعى الخلفى وضع حيوانى

لعلمكم الوضع الخلفى او الفرنساوى هو الوضع الذى كان يفضله اهل المدينة والذى استنكره عليهم المهاجرين ونزلت ايه نسائكم حرث لكم للأقرار هذا الوضع

لعلمكم ايضا الحيوانات الذكور تحترم الاناث جدا ولا تحدث اى علاقة جنسية بدون رضاءها

لايوجد اغتصاب فى عالم الحيوانات يعنى بالعربى ياريت نبقى عندنا احساس زى الحيوانات

اعتقد ان الوضع الخلفى تعتبره المراة مهين لأنها لاتجيد التعامل معه

فهى تعتبر نفسها فيه سلبية وهذا عكس ما يجب ان يحدث

وكما كتبت الاخت بعبعه فالوضع يتيح قدرة اكبر للزوج لمداعبة جسد الزوجة

متفق مع الاخت التى تكلمت عن اهمية ان يجيد الرجل التعامل مع المراة اثناء وبعد العلاقة الزوجية

بس علشان خاطر ربنا بلاش النصايح إلى بتودى فى داهية إلى بتقولها سيدات متزوجات فاشلين فى علاقتهم الزوجية لعرايس جداد علشان يتأكدوا انهم يفشلوا زيهم

شكرا

بعبعه يقول...

فاتيما

منوره يا فاتيما والله انا باحبك ومتبعاكي

بالنسبه لرايك فى الوضع الخلفي انتى والاخت الى فوق دي

انا مش موافقاكم خالص انتم فاهمين الموضوع غلط انا شكلي هافرد بوست كامل للوضع ده

لكن عشان تعرفي فى دراسه بتقول ان الوضع الخلفي هو اصل العلاقه او هو ما كان عليه الامر مع الانسان الاول

وبصراحه انا ما باحبش اسميه وضع حيواني

ان شاء الله هاتكلم عنه مره مستقله بشكل افضل من كده

ونصائح المتزوجات سابقا ياريت يتنيلوا يخلوهم فى حالهم

مادام هايعكوا كده

بعبعه يقول...

واحد مفروس

على فكره وانا باقرا الرد بتاعك كنت هاموت من الضحك
ههههههههههههههههههههههههههههههههههههههههههههههههههههههههه

بجد بجد حاسه بيك يا اخويا منهم لله الستات الى دماغتهم فيها جاز

بس صدقني مش ذنبهم لواحدهم احنا مجتمعنا ظالم جدا وبوظ افكارهم ودماغهم وادينا بنحاول نصلحها

انا اول مره اسمع عن موضوع اهل المدينه

لكن انا اعرف كويس ان سبب نزول الايه هى السؤال عن شرعية الوضع الخلفي

وعلى فكره الوضع ده مهم جدا وانا هاتكلم مع الدكتور عباس واشوف لو نعمل بوست نتكلم عنه شويه

تحياتي لك وربنا يوفقك ان شاء الله

غير معرف يقول...

موضوع مفيد

ودى اجاباتى

متزوجة

النوع : انثى

السن :35

سن الشريك :37

عدد سنوات الزواج :9

عدد الابناء إن وجد :2

هل تفضل تغيير الاوضاع ؟ اكيد



هل شريكك يوافقك على اختيارك ؟

طبعا بيوافق وانا بوافق على اختياره



ماهو اكثر الوضعيات توافقا معك ؟

كل الاوضاع تقريبا بس الوضع الجانبي اكثرهم توافقا



ماهو اكثر وضع تتوق اليه وما الذي منعك منه؟
لا يوجد وضع اتوق اليه

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟

لا لاتوجد مشكلة بس غالبا بتكون المصارحة بالتلميح وليست بشكل مباشر

mahasen saber يقول...

انا جيت اهه بنائا على الدعوه الكريمه بس ده يا شيخه استطلاع ااقدر افيدك فيه برضه

هو اكيد ممكن اجاوب بس ده لو كنت حاسه انى ااقدر اجاوب وممكن افيدك فيه بس ده ميمنعش ان الموضوع مفيد جدا جدا وعن نفسى هخلى اختى وصحباتى المتجوزيين يقروه ومئلكيش لو قريته قبل ااربع خمس سنيين كان اكيد هيفيدنى

بحييكى انتى واستاذ عمرو واعترافات هانم ود\ عباس على المواضيع المفيده والمدونه القيمه دى

وسلامى لاستاذ عمرو بدر ويا ريت يطمنا عليه ويرجع يكتب فى مدونته الراقيه

غير معرف يقول...

Ok b3b3a I’m anonymous but you know who am i? .hahah
Any way I thought my answers won’t help you so much because my wife not Egyptian but also that might be helpful
Answers


النوع : male

السن : سن الشريك : 31-26

عدد سنوات الزواج : عدد الابناء إن وجد :4-no kids

هل تفضل تغيير الاوضاع ؟absuloutly


هل شريكك يوافقك على اختيارك ؟the one who start it drive it.


ماهو اكثر الوضعيات توافقا معك ؟hahah m lazy'woman on top because i


ماهو اكثر وضع تتوق اليه وما الذي منعك منه؟surprise the doggie which you named ALFARSA and why because i like to see her face and i feel like that i put her down and abuse her

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسيةnot at all

فاتيما يقول...
أزال المؤلف هذا التعليق.
بعبعه يقول...

محاسن صابر

اهلا يا جميل نورتي بس ما يمنعش اننا نسمع رايك انتى المفروض تكوني عارفه احنا بنتكلم على ايه

جاوبي برضه يا محاسن من فضلك

بعبعه يقول...

الغير معرف الى كاتب بالانجلش والى طبعا عارفاه

والى دبسني وقعد يتفرج هو بقى هههههههههههههههههههه

منور

ليه بتقول ان مش هاتفدنا عشان متجوز مش مصريه
ماهو احنا مش يهمنا الزوجه بس حضرتك يهمنا عموما كل واحد فى دماغه ايه


بالنسبه لردك انا مش متاكده اوي لكن اعتقد ان doggie مش هو وضع الفارسه وانما احد اشكال الوضع الخلفي

هاراجع كده اسامي الاوضاع بالانجلش واقولك انا اساسا بالعافيه حفظتهم عربي هههههههههههههههه

وتابع معانا بقى عشان تعرف نتيجة الاستطلاع
بس لازم يكون العدد اكبر من كده شويه ربنا يسهل

نورت يا باشا

بعبعه يقول...

فاتيما

لو الراجل هايفكر كده يا فاتيما يبقى مريض نفسي او على الاقل متخلف عقليا وما نعبروش بقى وما نعملوش هو المقياس

لان الطبيعى انه يكون راجل طبيعى ويتقبل الامر بشكل طبيعى

اما النصيحه المهببه الى حضرتك قولتيها والى بتقولي ان المتزوجات بيقلولها للمقبلين على الزواج

فالنصيحه دي هى سبب كل البلاوي يافاتيما

حرام عليكم تعملوا كده فى الرجاله وفى الستات كمان

انتم بتحرموهم من حلالهم ومتعتهم ليه كده مش عارفه

وبعدين انا اهو من نفس المجتمع ده وعمري ما سمعت حد بينصح كده

وايه مش بس ما تطلبيش او تقترحي اوضاع لا ده اصلا ترفضي الجديد

لا طبعا الوضع الطبيعى هو تغيير الاوضاع زي بالظبط ما بنغير الاكل انما الى مش طبيعى ابدا اننا نعتبر اي معلومه عند الزوجه اتهام لها

واي راجل بيفكر كده يبقى مخه تعبان بقى وهاتيهولنا هنا الدكتور عباس يعالجه ولو مش اتعالج هانريحه من متاعب الدنيا خالص( ضحكه شريره مدويه )


بالنسبه ليا انا بقى

ماهو انا مدونه اهو وعندي مدونه واسمها بعبعه ههههههه

ما تشغليش بالك بيا بودي نتعرف اكتر من كده بس لاسباب خاصه ما ينفعش

وارجوا انكم جميعا تحترموا الموقف ده وتبطلوا تحتاروا انا مين

ركزوا في الكلام الى بنقوله

منوره دايما يا فاتيما وشكرا ليكى

اميره يقول...

الحقيقه انا بستفيد من البلوجر ده جامد بس كنت عايزه اسأل ازاى الست تطلب من جوزها حاجه معينه من غير ما يقول عليها انها مش كويسه او مش محترمه
وتطلب ده منه ازاى من غير ما يكون فى كسوف او خجل
على فكره انا مخطوبه بس متخوفه من العلاقه دى او من التعامل فيما يخص الموضوع ده رغم انى ممكن ارضى بتغيير الاوضاع لانه جوزى بس ده لو هو طلب منى
واكتر من كده حاسه انى مش هعرف اطلب
ارجو تعملى بوست للمخطوبين للتعارف على كيفية التعامل فى بداية الزواج وفى الحياه ككل
وشكرا على معلوماتك القيمه والعلميه

MADO يقول...
أزال المؤلف هذا التعليق.
غير معرف يقول...

opps sorry you are right doggie is the one known as french.

بعبعه يقول...

اميره

لا دي مش عايزه بوست دي عايزه مجموعة جلسات

عموما تابعي معانا وان شاء الله هاحاول

ولو زنقت معاكي قبل الفرح راسلينى على الاميل هاتصرف معاكي

نورتي يا اميره

بعبعه يقول...

عمده

شوف ياعم عشان تعرف ان احنا ناس صاحيالكم بس

انا روحت والله دورت عليها ولقيتنى صح فعلا

اصحوا بقى
هههههههههههههههههههه

نورت

غير معرف يقول...

متزوج -
النوع : ذكر
السن : 51 سن
الشريك : 45
عدد سنوات الزواج :21
عدد الابناء إن وجد : 2

هل تفضل تغيير الاوضاع ؟ نعم

هل شريكك يوافقك على اختيارك ؟احيانا

ماهو اكثر الوضعيات توافقا معك ؟
الاوضاع التي لاتحتاج للياقه بدنيه و تناسب جسم المراة المصريه البدينه

ماهو اكثر وضع تتوق اليه وما الذي منعك منه؟
الفرنسي - البدانه عائق

هل تجد مشكله في مصارحة الطرف الاخر
تجاه ما تتمنى تغييره فى العلاقه الجنسية ؟
اكيد - لثقافة المراة المصريه و خجلها و تفضيلها للوضع الاسهل

ذو الوجه المبتسم يقول...

السلام عليكم
كل سنة وانتم بخير

انا قريت الموضوع وقريت التعليقات

بصراحة الموضوع مفيد والاثارة اللى فيه هى الاسئلة

الناس ما بتصدق تخرج اللى جواها
ولا ايه رايك يا بعبعة


انا جاوبت بس مش هنا

بعبعه يقول...

ذو الوجه المبتسم

يا اهلا حمد الله على السلامه

ياريت الناس يبعبعوا دايما ويستريحوا
امال احنا هنا ليه

شكرا يا باشا ونورت

KH يقول...

ههههههههههههههههه

طبعا أنا ميت على نفسى من الضحك بس بجد مش من الموضوع أو من حد أنا ميت من الضحك من الردود إللى عمال أقراها
و من حكاية الفرنساوى لإنى إفتكرت عادل إمام و هوا بيسأل يسرا فى فيلم طيور الظلام بتعرفى فرنساوى .. ههههههههههههههه

طبعا أنا متأكد إن الهدف من البوست و المدونة بشكل عام هوا ثقافة جنسية بحتة وليست للإستثارة الغرائز ..
علشان كدة أنا حاشترك بخبرتى المتواضعة و أرجو إنى ماتفهمش غلط لو صدر منى كلمة كدة ولا كدة .. فكل ما سأروية لا يحدث إلا فى الإطار الشرعى ...

انا 40 ذكر و أعول

العلاقة الجنسية فى حد ذاتها بين الزوجين لا يعوقها أبداً إلا شىء واحد ( طبعاً عدا مرض أحد الطرفين ) هو عدم التوافق النفسى .. يعنى أية .. ؟؟
علشان العلاقة دى بين الزوجين تصل إلى حد الزروة و الإشباع فى كل مرة و توصف بإنها علاقة ناجحة لازم يكون الزوجين متفاهمين جداً أو على الأقل من خلال التعايش المستمر يتفهم كل طرف الطرف الأخر و أحتياجاتة النفسية و الحسية و الجسدية أيضاً .. و يكون ذلك على المرأة و الرجل أيضاً و ليس أحدهما

أولاً
التزين .. أو التجهيز ..
أخطر ماتقع فية المرأة و الرجل من خطأ هو أن تتكاسل أو يتكاسل عن التزين و أن تكون فى عين زوجها جميلة وقت حدوث الجماع ..
الروائح و ما أدراكم و أهمية تجنبها ..
التنوع فى الملابس المثيرة .. عدم الرغى فى المشاكل و الطلبات .. و حاجات تانية كتير كفيلة بإنها تخلى الموود زى الزفت و ساعتها ولا قرصين فياجرا 100 ملى جرام حاينفعوا ....
المووود يا جماعة مهم جداً و هوا إللى حايخلق التنوع و الإشباع ..

ثانياً

الحرج أو الكسوف
مش لازم أبداً يكون فى حرج بين الزوج و زوجتة فى طلب نوع معين من الأوضاع أو لمس جزء من الجسد أو أو على تنوعها من مطالب .. دى حاجة مهمة جداً

ثالثا
التنوع .. يعنى الأوضاع و عدم الإستمرار على وضع معين من شأنة خلق نوع من الرتابة و الملل و يجيب برود و ضعف .. أنا شخصياً أتقن لا يقل عن عشرين وضعية مختلفة قابلة للتنفيذ دون حدوث أضرار و ترضى الطرفين و من غير التنوع دة بتكون العلاقة مملة ..
طبعاً دة بيكون برضا الطرف الأخر و لا يجب أبداً إجبارة على شىء لا يحبة بل بالعكس يكون البحث عن أوضاع أو أماكن أو أشياء لا أستطيع ذكرها تثيرة و تحمية فيعود ذلك على الطرف الأخر ..

الخلاصة هى أن يتفنن كل طرف فى إرضاء الطرف الأخر و أن يتفهم إحتياجاتة كى تتم العلاقة الحميمة بنجاح ..

أغلب حالات الطلاق تكون بسقوط تلك العلاقة و بسبب عدم التوافق النفسى ..

أعتقد انى كدة جاوبت على الإستفتاء

KH

بعبعه يقول...

kh

ايوه تمام انا هابيض اجابتك وانزلها ضمن الاجابات الباقيه عندي


بس احب اقولك أنا بقى رايي فى كلامك بعد اذن

اولا التزين مهم اه واللبس المثير مهم اه
بس مش هو اهم حاجه عشان انا لاحظت الستات بيعملوا ده كمان بشكل اهبل اوي
نظام صباع الروج تحت المخده ما بيطلعش غير ليلة الخميس والحركات دي

ثانيا
مش المفروض ان عشان العلاقه الجنسيه تبقى ناجحه انها ما تكلموش فى مشاكل الولاد وتطبطب على نفسياته يومين قبل وبعد العلاقه

لا عادي لكن طبعا اكيد مش اثناء العلاقه تقوله ان الواد سقط


وبعدين لعلمك انا كمان كل ما اقرا كلمة الوضع الفرنسي بافتكر يسرا واضحك برضه


شكرااااااااا على التفاعل معانا

kh يقول...

بعبة


هههههههههه
تبيضى إجابتى يعنى أية تدهنيها بلون أبيض يعنى ..

تعقيب بسيط على ردك

انا ماقصدتش بالتزين حكاية صباع الروج إللى تحت المخدة ..
فى مثل بيقول الحلو حلو و لو قام من النوم .........
أنا أقصد أن على الطرفين الإلتزام بالنظافة الشخصية و المظهر الطيب على الدوام مش أثناء العلاقة .......


موضوع تطبب بقة دة فى كلام ...
أنا ماقصدتش كدة برضة أنا أقصد بلاش المواضيع إللى تخرج الراجل من الموود لإن دة كفيل بفشل العلاقة ...
و معلومة مهمة لكلا الجنسين و معروفة برضة من زمان بي مش لكل الناس ..

العملية الجنسية تتم بإلتقاء طرفين .. طرف إيجابى و هو الرجل و طرف سلبى و هى المرأة بمعنى ...
لو تم إحباط الطرف الإيجابى نفسيا أو فكريا و دة المصيبة إللى ممكن أى زوجة تقع فيها .. حاتتم العلاقة إزاى ..؟؟؟؟

العملية الجنسية و عمل الجهاز التناسلى للرجل و صحة إنتصابة بتنبع من خلال إشارات يتم إرسالها من المخ
مرتبطة ارتباط و ثيق بالجهاز العصبى .. بمعنى
لو أنا شخصياً مقبل على العملية الجنسية و كل حاجة متظبطة و الدنيا فل .. و فجأة و أثناء فترة هدوء ماقبل العاصفة و أثناء المداعبات و خلافة يصدر من الطرف الأخر مثلاً مثلاً تذكير بإن هناك مبالغ معينة يجب دفعها فى المكان الفلانى كفواتير مثلاً أو أو ..
قوم أية الجهاز العصبى و المخ بدل ما يبعتوا إشارات لتنبية الجهاز التناسلى .. يبعتوا إشارات قاتلة لكل ماهوا مستقيم .. لية لإن المخ إنشغل .. بالتفكير فى (( أجيبلوكوا منين ياولاد ال... أسرق يعنى ))

على فكرة الكلام دة مهم جداً وكتير من الستات مابتاخدش بالها منها

*********

بعبعه يقول...

kh

انا مش مختلفه معاك فى الراي بالنسبه للتزيين انا بس باوضح الفكره عشان الناس تفهم اكتر


بالنسبه لموضوع التكدير ده

انا بارفض وصف المرأه بالعامل السلبي وشايفه ان ده من سمات العلاقه الفاشله

العلاقه والمتعه مش عباره عن قضيب منتصب ابدا

هى كمان ممكن تركيزها يضيع ومودها يتغير وفى الحاله دي العلاقه بالنسبه لهاهاتبقى فاشله وبالنسبه له على المدى البعيد مسيرها تبقى فاشله برضه

لكن

السؤال هل فى ممكن حد توصل حموريته ان اثناء مرحلة التمهيد والمداعبه يتكلم فى اي حاجه اصلا ؟؟؟!!!

هو لو في حد ممكن يوصل للحموريه دي يبقى اعتقد بلاش منه ياعم بلاش وجع قلب

وبالنسبه للاجابه هاخدها وش بلاستك اخر حاجه ما تقلقش

نورت وسعيده بمناقشتك معانا

نفسى اكون يقول...

متزوج

النوع : ذكر

السن : 41 سن الشريك : ونصف 40

عدد سنوات الزواج 14

عدد الابناء إن وجد :2


هل تفضل تغيير الاوضاع ؟

ايوه طبعا افضل جدا



هل شريكك يوافقك على اختيارك ؟

نعم يوافق



ماهو اكثر الوضعيات توافقا معك ؟
باحب الوضع الفرنسى


ماهو اكثر وضع تتوق اليه وما الذي منعك منه؟
فى وضعين تحيديدا الوضع واقفا ووضع اخر صعب شرحة للانةممكن يكون فية اثارة للقارىء

المانع: طبيعة الجسم

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟

باعتبار ان الحياة الجنسية هى حياة بحد ذاتها باعتقد ان الصراحة لابد منها

وفى اضافة بسيطة وبدون فزلكة على راى واحد صحبى

وارجو ان يتم اخذ معنى الكلام مش اللفظ انا هستخدم لفظ عشيق وهو مجرد لفظ يمكن كان فى غيرة بس انا معرفوش

لو الزوج تعامل مع زوجنة على انها عشيقتة وبالتالى يفعل ما يشاء ويطلب ما يشاء بدون خجل وبدون تفكير
والزوجة تعاملت مع زوجها على انة عشيقها تفعل ماتشاء وتطلب ما تشاءوتقولماتتمنى بدون اى حسابات

اعتقد العلاقة الجنسية الى برضة انا هسميها حياة اعتقد هتكون على افضل ما يكون

بشرط: لا الزوج دماغة تروح هنا ولا هنا ولا الزوجة كمان دمخها تروح هنا ولا هناوفى حدود الشرع
يعنى مش بعد ما يتمتع يسال هى عرفت الوضع الىطلبتة منين هى شافتة فين ولا هى تقول جربة مع مين والكلام الى بدل ما يسعد بالعكس يفشل اى علاقة

عفوا للاطالة بس حبيت اقول راىء

غير معرف يقول...

أحب أشارك فى الإستبيان ده

النوع: أنثى
السن: 37
الحالة الإجتماعية: مرتبطة بقالى سنتين و كنت أرملة
سن خطيبى 46
دام زواجى السابق 16 سنة
عدد الأبناء: 2
طبعا أفضل تغيير الأوضاع و بتكلم مع شريكى الحالى فى كل حاجةو إحنا الحمد لله متوافقين جدا
أكتر وضع أفضله: من الخلف أثناء الوقوف و الفارسة
شريكى يتمتع بروح المغامرة ويكره الملل لذا فهو طبعا ما يمانعش أبدا إننا نستمتع بشتى الطرق مع بعض

مع العلم أننى لم أكن سعيدة فى الزواج السابق و ذلك لعدم توافقى و تفاهمى مع الشريك السابق و عدم مصارحتى له بما أحب وأفضل

تحياتى و شكرا للمواضيع الهامة التى تطرحينها

هدى

يادي النيلة بستحي يقول...

يالهوي لازم نجاوب علشان الأصوات
ياختي بستحي
امري لله
مش علشاني ده علشان الإستبيان
بس لو علقتي على التعليق ها اشنقك
انا بستحي فخدي النتائج من غير ما اسمع حسك
آه طبعا مؤكد بيننا علاقات امال بستعبط انا يعني
ها اجيبك لو علقتي
ومش ها تلحقي تعضيني لأني ها اعضك الأول :)


الحالة الإجتماعية: متزوجة
النوع: أنثى
سن الطرفين: سني 36 وزوجي 48
عدد سنوات زواجنا: 15 سنة زواج
عدد الأبناء: 4
هل تفضل تغيير الأوضاع: لو بنشتغل بذمة وضمير أه بنغير
ولو بناخد فاصل بين ماتشات الحياة مش بتفرق معانا
وده مش معناه اننا مش بنستمتع
لأ بنستمتع جدا في الحالتين
احنا عايشين بنعبد ربنا ونشتغل ونربي العيال ونستمتع بسسسسسسسسس
هل شريكك يوافقك على إختيارك: هو بيوافقني وانا بوافقه ولله الحمد
ماهو أكثر الوضعيات توافقا معك: التقليدي لو بين الماتشات
والفارسة لو بنشتغل بذمة علشان هو عنده سرعة قذف والوضع ده بيطيل المدة
واكره الفرنسي جدا بس مش علشان اي سبب من بتوع التربية والكلام ده
علشان مزاجي كده
انا ست مزاجية ومش مفترض احب شيء بعد ما جربته كذا مرة لمجرد ان حد بيقول لي ده حلو بس انتي مش واخدة بالك
وده مش معناه اني مش بادي حبيبي حقه في الإستمتاع بيه ومن غير ما يحس اني عاوزة ادور ألطشه قلمين
ببقى زهقانة وعليه ده الوضع الوحيد النادر جدا
ماهو اكثر وضع تتوق اليه وما الذي منعك منه؟هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟
اللي بعرفه بطبقه فورا وهو كذلك
ومش بنتكلم خالص عن ما نتمنى تغييره
بنغيره وبدون اي اعتراض فيما بيننا
وعلى رأي مبارك نحن رجال افعال لا اقوال
احنا لسه ها نناقش؟

الجميل اننا تزوجنا بعض ابكار
مش انا بس
لأ هو كمان معرفش حرام قبلي
علشان كده تحسي اننا راضيين قوي
مش حاسين بأي مشكلة في أي وضع أو أي طريقة
مش فارق معانا طول المدة أو قصرها
مش فارق معانا العدد والغباء اللي الناس محترفاه ده
من الآخر
مفيش قصة سخط على الطرف الآخر
لأننا مشفناش غير بعض ومعرفناش غير الحلال
ده غير اننا ولله الحمد الإتنين نعشق النضافة
وعليه بزينه من كلينا أو بدون دايما بنحب نقرب من بعض

B.S.Y يقول...

(يادي النيلة بنستحي)
ماشاء الله لا قوة إلا بالله

و الله فرحانلكم و حسيت فى تعليقك بإنشراح و سعادة

ربنا يسعدكم و يديمها عليكم نعمة
و يجمعك بزوجك فى جنة الخلد إن شاء الله

الحلال مفيش احسن منة

غير معرف يقول...

لزيز البوست
انا سمعت ان ممكن العزاب يشاركو
بس على الله محدش يعترض عالسن هههههه
عموما هنشارك واللى يحصل يحصل
هى ديتها ايه يعنى
:)

الحالة : اعزب ونقدر نقول مرتبط

النوع : ذكر

السن : 18 ونص /سن الشريك : 18 ونص

عدد سنوات الزواج: لسة متجوزناش

عدد الابناء إن وجد :4 فما فوق (يارب)


هل تفضل تغيير الاوضاع ؟

افضل جدا(باعتبار ماسيكون)


هل شريكك يوافقك على اختيارك ؟

اعتقد نعم
احنا متفاهمين اووووى فى كل حاجة


ماهو اكثر الوضعيات توافقا معك ؟
مممممم اعتقد كله مناسب من حيث اللياقة الحمدلله لياقتنا عالية :)

ماهو اكثر وضع تتوق اليه وما الذي منعك منه؟
كتير الحقيقة :) ممكن نقول الوضع واقفا والفارسة والوضع العادى
عموما انا ناوى اجرب كل الاوضاع يعنى
مش بعيد اخترعلى وضع
المانع: معتقدش فيه موانع

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟

لا اعتقد ان فيه مشكلة
بما ان فيه تفاهم يبقى بإذن الله كله هيبقى تمام

mr. v يقول...

لزيز البوست
انا سمعت ان ممكن العزاب يشاركو
بس على الله محدش يعترض عالسن هههههه
عموما هنشارك واللى يحصل يحصل
هى ديتها ايه يعنى
:)

الحالة : اعزب ونقدر نقول مرتبط

النوع : ذكر

السن : 18 ونص /سن الشريك : 18 ونص

عدد سنوات الزواج: لسة متجوزناش

عدد الابناء إن وجد :4 فما فوق (يارب)


هل تفضل تغيير الاوضاع ؟

افضل جدا(باعتبار ماسيكون)


هل شريكك يوافقك على اختيارك ؟

اعتقد نعم
احنا متفاهمين اووووى فى كل حاجة


ماهو اكثر الوضعيات توافقا معك ؟
مممممم اعتقد كله مناسب من حيث اللياقة الحمدلله لياقتنا عالية :)

ماهو اكثر وضع تتوق اليه وما الذي منعك منه؟
كتير الحقيقة :) ممكن نقول الوضع واقفا والفارسة والوضع العادى
عموما انا ناوى اجرب كل الاوضاع يعنى
مش بعيد اخترعلى وضع
المانع: معتقدش فيه موانع

هل تجد مشكله في مصارحة الطرف الاخر تجاه ما تتمنى تغييره فى العلاقه الجنسية ؟

لا اعتقد ان فيه مشكلة
بما ان فيه تفاهم يبقى بإذن الله كله هيبقى تمام

mr. v يقول...

أسف على الرد المكركر منى
يلا فى الاعادة استفادة
:)

hasona يقول...
أزال المؤلف هذا التعليق.
غير معرف يقول...

عازب
طبعا مفيش اولاد لاني عازب
افضل الاوضاع التقليدي
ما اتخيله هو الفرسه
اعتقد ان بالتفاهم ممكن توافق
السن 28 سنه