وردة على جسدي .... بقلم عن العشق والهوى

تحديث هاااااام

البوست ده للكبار فقط فوق ال 18 سنه

حلو كده ؟؟؟

امخاخ غريبه فى ا لعالم ده الى مش عاجبه ما يكملش وما يقراش

انا ما باتكلمش الا فى الجنس يا ولاد اللالي ؟؟ طب حتى لو كان كده وايه المشكله ؟؟

خلاص هابقى اوزع مع البوستات الى زي دي منخل هديه عشان الى يتكسف يبقى يحط على وشه منخل

على راي صديقى العزيز (مش عايزه اقول ابويا احسن يضربني ) عقول مريضه

اقروا وانتم ساكتي بقى

الحقيقه يا جماعه انا ترددت فى نشر الموضوع ده جدا

الا انى رجعت تانى لبروتكول المدونه

وهو ان هنا تقدر تنشر الى مش عايز اومش قادر تنشره فى مدونتك

لكن طبعا من غير اباحيه ولا الفاظ خارجه ولا شتيمه

وعملت اميل مخصوص للمدونه للمراسله بس وباكرر ذلك

المهم جالي من : عن العشق والهوى

وصاحبته بتقول انها لها كتابات ما بتحبش تنشرها

وانها شايفه انه تعتبر كتابات تعد من وجهة نظرها قد تكون مفيده لبعض الناس

خصوصا وانها تشهد مشاكل زوجيه وحالات من الملل والشكوى المستمره من الطرفين

فقالت يمكن بعض كتابتها دي تكون ملهمه للناس دي

اتفضلوا معانا

ومع العشق والهوى :

ورده على جسدي

فى حياة كل منا يوما لا ينساه

يوما قد يكون غير مجرى حياته او طبع بخاتم من ذهب او حديد على نفسه فشكلها ببريق الذهب او قساوة الحديد

وهذا يوما لا انسى ذكراه ابدا

كنت احيا

فقط احيا

احب حياتي؟

لا اعلم ولكنى لم اكرهها

اشعر بمن حولي؟

نعم ولكني لا اجيد التعبير لهم عن شعوري حلوه ومره

حتى انني لم اكن اعلم شعورهم الحقيقى نحوي ولا استطيع ان اسألهم ايضا

يوما دخل على زوجي ويحمل شيئا فى يده

ولما سأله الاولاد

قال : انه شيء يخص العمل

وتعجبت فلم يكون شكل ما يحمله ملفات او ما شابه

وبعد ان انتهى اليوم وانتهيت انا كالعاده وهو ايضا فنحن ندور فى دوامة الحياه

ذهبت الى سريري منهكه ابحث عن النوم

فنظرت الى زوجي الجالس على السرير مبتسما

ماذا بك أ لن تنام ؟

فقال : بلى سأنام

ولكن تعالى اريد ان اقول لكي شيئا مهما

خيرا يا زوجي الغالي

فجاء بصندوق للهدايا جميل وقال لي : هذا لك

بحثت فى عقلي سريعا عن المناسبه قد اكون نسيت شيئا

ولكنى لم اجد

لي أنا ؟ ما هذا ؟ هديه ؟؟ لما وما المناسبه ؟؟

فقال لي بحنان بالغ : لانى احبك

فقلت باستنكار : او لو تك تعلم انك تحبنى الا اليوم ؟؟!!

فقال حبيبى : بلى يا حبيبتى ولكنى اكتشفت انى احبك اكثر مما كنت اعتقد

فتظاهرت الرضا ولكنى لما اقتنع

وفتحت الصندوق

فاذا به اولا وردة حمراء بديعه ذات رائحه فواحه

والورده ربطت بشريط احمر مخملي رائع

فامسكت بها

وقربتها من انفي استنشق عبيرها ونظرت له فى خجلمن نفسي لاستنكاري قوله

وقلت له رائعه يا زوجي

ونظرت فى الصندوق فوجدت ايضا قميص نوم بلون احمر خاطف ففتحته ورأيته

وكم اعجبنى ولكن لساني لا ينطق دائما بما تهواه نفسي

فقلت: انت تعلم انى لا احب هذه الموديلات فاين سارتديها امام اولادنا ؟؟!!

فقال لي : حبيبتى عدينى أنك لساعه واحده ان تفعلي ما احبه انا واوعدك انك لن تندمين

اتعدينى ؟؟

انا : امممممممممم نعم اعدك

وفعلت كل ما قاله لي

ارتديت هديته

فى غرفتنا بالطبع وباحتياطات امنيه

وجلست الى جواره فاخذ مني الورده التى يعلم انى مفتونه بها وبالورد عموما

وفك الشريط الذي ربطت به

وقال لي : لا تنسين وعدك

قلت لم انسى

فقال اغمضي عينيكى

ورب على عيني الشريط الاحمر الناعم

وقالي : اريدك ان تضعي كل تركيزك مع هذه الورده الجميله والتى انت اجمل منها

اغمضت عينى فشعرت بالورده بقرب انفي فتنشقت هواها بكل ما املك من صدر

ورايتها بعقلي

وحضتنها بقلبي

وبعد لحظات حرك الورده على خدي ووجهي كله وشعرت بنعومتها ونداها على جلدي

وبعد لحظات شعرت انى احلق فى سماء مع الورده الجميله

التلى التصقت بجلدي وبعد لحظات اكتشفت ان معها اصابعه التى يمسك بها الورده تتلمسني بدفء يضاهي جماله جمال ندى وردته الرائعه

وفى لحظات وجدتنى اذوب بجسدي مع وردته واصابعه الاتى تلمساني بحنان وحب ورغبه

شعور غريب تملكني

لا ادري ما هو ولا كيف انا عليه

ولم اشعر بما حولي

غير ان عبير وردته التى تلمست معه انحاء جسدي حتى اطراف اصابعي

وبعد ما عدت ادري هل ما اشعر بنداه على جسدي هو ندى وردته
ام ندى شفتاه

هل هو رحيق وردته
ام رحقيق قبلاته ما ارتشفه

اذاب روحي فى هواه

وتفجر بداخلي بركان حب

بركان شوق له

بركان رغبة فيه

وكان لقائنا فى هذه الليله لقاء عاشقين

كانت هذه الليله نقر فى جدار الملل في حياتي

اتبعناها بحبنا بنقرات عدة فتصدع الجدار وانهار

وبنينا مكانه روابط الوصال والحب

وبنينا فى نفوسنا قصور حب من ذهب

كانت يوما اطلالا او شبه اطلال

أنا ما ليش جيرل فريند .. انا كده طبيعى ؟؟؟

ذهلت بصراحه يا جماعه لا لا صعقت لالا هو انا اذبهليت بالفعل لما واحد على خلق ومحترم وعاقل ده انطباعي عنه

ومتدين كمان ووجه ليا السؤال ده

وقال الكلام ده :

انا بابص حوالي الاقي كل الشباب وكل اصحابي الى مصاحب بنت والى بيحب واحده قريبته والى خاطب اصلا وانا الوحيد الى واقف لوحدي كده اسمع كل الحواديت دي !!!!!

طب يعنى انا فى يوم من الايام هاتجوز ولا انا مش نافع معايا حب ولا مش هاعرف احب ولا ايه ؟؟؟

فى منهم قالوا احنا دورنا الحب عشان يطري علينا الحياه اصلها ناشفه ومقندله

وفى منهم لبسولي وش عبد الحليم وقالولي ابدا هو الحب كده جه لواحده من غير مواعيد ولقينا نفسنا بنحب

طيب انا مش عارف ازاي الناس بتدور على الحب ولا فين

ولا الحب لطش فيا وانا ماشي فى خلال سنينى ال 25 الى فاتوا دول

لا انا مش قرد يعنى . لكن برضه مش حسين فهمي فى زمانه انا عادي يعنى شاب عادي .

انا مش قادر اتقبل بعقلي المحافظ ودينى انى اعرف بنت من غير خطوبه ولا جواز ولا اي حاجه لمجرد انى داخل احب واجرب هاتمشي الليله ولا لا .

وفى نفس الوقت انا كمان مش ساعات باحس انى متخلف او عندي عاهه او ناقصني حاجه

انا نفسي اتجوز بس حاليا ظروفي مش سامحه وكمان قبل النهارده انا كنت حاسس انى لسه صغير ومحتاج امشي فى الدنيا اكتر واتعلم عشان اقدر اثق فى اختياري لشريكة حياتي .

انا حاليا عندي استعداد اخطب واول ما ارجع مصر هادور على عروسه فعلا

ايوه انا مش بتاع لف فى الكافيهات ولا فى الشوارع ولا اكتر من كده ولا اقل حتى

انا صعيدى وعندي اخوات بنات ولما احب اتجوز هادخل دوغري واتجوز

بس برضه يبقى السؤال انا كده طبيعى ؟؟؟؟

انا ساعات باحس انى كائن فضائي يا رجاله ....

ولحد هنا وساعتها رديت عليه وقلتله عاش الرجال يا بوي انت زين الرجال وعين العقل وسلام شحط محط صعيدى لرجالة هواره يا جدعان

شوفتوا اد ايه الحقايق بقت مغلوطه ؟؟؟

واد ايه الى ماشي صح وعاقل وتمام بقى حاسس نفسه غريب ؟؟؟

طوبى للغربااااااااااااء

اظن ده النقيض من الشخص الى فات

والله يا بت يا بعبعه انى شوفتي خلايق ما لهمش وصف ولا زي

سمعوني احلى كلام للجدع ده والى زيه

خايف اتجوز

ازيكم ايها البلوجاريه الكرام

كده يعنى اغيب اغيييييييب ما حدش يقولي يا بعبعه يا حبيبتنا يا سامعه اوجاعنا ا لى خايفين نتكلم فيها تعالى روحتي فين وسبتينا

مااااااااشي

هانتكلم النهارده عن مشكله وصلت لبريد المدونه بؤيئي مش فى اميل

وصاحب المشكله بيقول ان عمره 32 سنه

وانه ماديا مرتاح . شغله كويس واهله بيساعدوه

ومامته نفسها تفرح بجماله وهو عريس

بس هو عنده مشكله فى نفسوياته الداخليه

وهو اكتشف المشكله دي

بعد ما بقاله سنتين كل ما ماماته تجيبله عروسه يطلع فيها القطط الفاطسه ويرجع فى كلامه على اخر لحظه احيانا

وحتى لما قلت اتجوز عن حب كل ما ادخل فى  علاقه مش باكملها 

اكتشفت انى خايف

اه انا خايف اتجوز

انا بصراحه كده عكيت كتير وانا شاب صغير

وما زلت باعك بصراحه اكتر

وشوفت بلاوي كتير

الى بستغفل ابوها 

والى بتستغفل اخوها

وكله كوووووم والى بتستغفل جوزها كووووووم تاني

ياااااااما ستات كلموني واجوازتهم قاعدين جنبهم زي شوال الرز الفلبينى

وياما دخلت بيوت رجالتها مش فيها

وكنت ساعات اقابل الواحده فيهم صدفه مع جوزها وهى بكل بجاحه تبصلي واحيانا تقف تكلمنى وكنت ابقى حاسس ان جوزها زي ما يكون عارف الى بينا وساكت

ماهو مش معقول مغفل اوي  كده

وكل الستات دول موجودين بين الناس ما تعرفش تفرق بينهم وبين الناس

ومنهم منقبات ومحجبات ومش محجبات

يعنى ما تعرفش تفرق على اساس الشكل ابدا

وعلى كل المستويات الاجتماعيه فى قرف

اضمن منين انا انى اتجوز واحده وبعدين تستغفلني زي ما انا استغفلت رجاله كتير

ده غير طبعا ان شكلها ما عادش في حاجه على الزيرو بعد ما شرف البنت بقى زي عمود النور مش زي عود الكبريت

يعنى ممكن اخد واحده وتطلع فى الاخر عاكه لما قايله بس قبل الجواز

وجايز كانت ضاربه ورقه عرفي كمان 

 مش عاااارف انا بقيت ساعات اقعد ابص للناس فى الشارع واقول  يا ترى الى ماشيه دي شكلها عامل زي الحمل الوديع ووشها بريء ولابسه حجاب ولا اسدال

يا ترى هى فعلا كده ولا زيها زي اي واحده من الى عرفتهم

لانهم كانوا بيبقوا كده فى الاول

انا بقيت لما اقابل واحده تتمنع مني ولا ترفض علاقه غلط

اقول على راي عمرو دياب

كلهم بيقولوا كده فى الاوووووول

مش عارف اثق فى واحده

وخااااااااااايف اتجوز

تفتكروا انا ممكن ابقى زي شوال الرز الفلبينى ؟

...............................

كما عودناكم انا هانزل فى صفوف الجماهير تحت معاكم وارد عليه

انا مش عارفه هو بيدخل المدونه هنا ولا لا صاحب الكلام

بس مش ممممممهم انا باعرض المشكله

عشان ننقاشها ونستفيد منها احنا

مش مهم هو يستفيد بقى

انا مخنوقه منه اصلا  

موضوع شائك جدا

ايه ده يا اعترافات مش البلوج ده انا سبتهولك على ما افضاله ولا ايه كده بتنفضي للبلوج وتنفضيلى طيييييييب مخصوم منك يومين يا اعترافات ههههههههههههههههه

مش معقول كده نقفل باب البعبعه ونقعد بقى وبلاها بعبعه لا طبعا كلا البت

شوفوا بقى يا جماعه هاندخل فى الموضوع على طول لانه موضوع شائك جدا جدا جدا

واي حد هايقولي بم فى التعليقات هاقفل التعليقات واسيبكم كده من متغاظين ومش عارفه تبعبعوا

واقعد انا لوحدي بقى ابعبع براحتي .

المهم طبعا حيث ان احنا مدونة البعبعه الاولى فى التاريخ وحيث اننا شعب شرقي متحفظ جدا فى ناحيه ما حدش بيحب يتكلم فيها وحتى ولا احيانا ولا يفكر فيها

وهى الحياه الجنسيه

طبعا مش ه اكذب عليكم واقولكم جالي خمسين اميل ولا حاجه لا هما عشرين بس هههههههههههههههه

لا لا اصلا تقريبا ما حدش بيفتكر موضوع الاميل بتاع بعبعه الى فيما ندر وانا كمان بصراحه مشغوله بافتحه بالعافيه

ام هند يعنى جالي اميلين كده من فتره مش عارفه يضحكوا ولا يبكوا

على كمان كام شكوى كده بؤيؤي من الذاكره يعنى لها صله بالموضوع برضه يلا بقى عشان نسمع البعبعه

اولا صديق البرنامج نمبر وان بيقول

انا بقالي 4 سنين متجوز مش عارف دول كتير ولا قليل لكن بصراحه انا مش سعيد مراتي طيبه وحنيه وست بيت وام وانا حاسس انها بتحبني وانا كمان والله باحبها بسسسسسسسسسس

مش عارف ما باحسش معاها باي حاجه اثناء العلاقه الزوجيه الخاصه . انا نفسي تتفاعل معايا احس انها مستمتعه وعايزاني زي ما انا عايزها محتجالي زي ما انا محتاجها .

انا مره جربت ابعد عنها فتره طويله وقلت يمكن اوحشها لكن برضه ولا فرق يمكن هى مريضه وعايزه تتعالج ؟؟

يمكن مش بتحبني وانا الى مش فاهم ؟؟

وساعات لما اطلب منها حاجه او اعمل حاجه جديده باحس منها بنفور جامد او هروب مش عارف .

انا تعبان ومضايق وحاسس انى عجزت

مشاعري واحساسي عجزوا

بقيت حاسس انى باقضي واجب او باتخلص من حمل وبس

تفتكروا هى الحياه كده اصلا وان بعد اول سنه جواز خلاص المتعه بتخلص زي ما ناس قالولي قبل كده ؟؟

بس لا اكيد لا .

اعمل ايه انا مش عايز اسيبها ولا اظلمها ولا اسيب ولادي

ياريت حد يقدر يفيدنى .

الحكايه التانيه بقى من ذاكرتي بس عشان تعرفوا الجانب الاخر للموضوع :

صاحبة الشكوى الى هي صديقة البرنامج نمبر تو بتقول :

أنا متجوزه من 7 سنين . خلفت وحياتي مستقره بس انا حاسه ان جوزي بيبعد عني او انا بقيت حاجه مش مهم فى حياته زيي زي اي حاجه فى البيت ممكن يستغنى عنها .

مش عارفه ليه؟؟؟ انا باحبه اه بس كمان انا حاسه انى حياتي بقت ممله ومش عارفه اغير الاحساس ده ازاي .

يمكن الناس كلها عايشين كده لكن ساعات باحس انه هو كمان مش راضي عن حياته ولا عني

ومره قالي انتى بقيتى زي الطبيخ البايت مالكيش طعم . هو كان بيهزر بس انا حسيتها طالعه من قلبه

مش عارفه اعمل ايه

ساعات يتهيئلي نفسي اجري اجري اجري والعب زي العيال بس مش عارفه اعمل كده برضه

ولما سألتها عن العلاقه الزوجيه قالت :

عاديه . انا بصراحه كنت فاكره انها حاجه اجمل من كده . لكن انا تقريبا مش باحس بحاجه اوي خلال العلاقه نفسها يمكن الي قبلها بيعجبني اكتر . لكن حتى دي بقيت احس انه بيعملها من غير نفس .

تصوري انا ساعات باشك انه متجوز عليا ؟؟؟ والشيطان بقى يلعب بدماغي وفىالغالب باصطادله اي حاجه وتبقى خناقه ويترجمها هو انها غيره مجنونه .

بس تعرفي انا زمان كنت باتحرج اوي من العلاقه الخاصه دي وكنت كمان باهرب منها من كتر ا لاحراج ولحد الان انا ما باقدرش اتكلم معاه فى كل حاجه حتى ولا قادره اتكلم معاكي دلوقتي

بس هو كان له حاجات غريبه . عارفه اول الجواز كان هايموت عشان اقعد على رجله بس انا ما كنتش بارضى . كنت باتكسف

مش عارفه تفتكري انا السبب انه بعد عني ؟؟؟ اعمل ايه ؟؟ انا حاسه ان انا كبرت وعمري هايخلص مني وانا عايشه فى خنقه وكتمة نفس

نفسي اصرخ اضحك اجري اعمل اي حااااااااااااجه اعمل ايه ؟؟؟

طبعا انا هاسيب الموضوع من غير تعليق مني لكن هاعلق معاكم تحت فى الردود عشان يمكن استخبى وانا باتكلم هههههههههههههههههههههههههه

اي هبل وابتذال وسخافه ممنوع

الاسم حب والفعل امشيييييير

في البدايه ده اول بوست انزله هنا في المدونه وهو مشكله اتبعتت ليا

الكتكوت :بحبك اوي ياحياتي

الكتكوته :وانت قلبي وحب عمري

الكتكوت :مش باين

الكتكوته: ازاي ياحبي

الكتكوت :لو كنتي بتحبيني كنتي وافقتي تقابليني

الكتكوته: بحبك اد حبات الندي بس الظروف مش بعرف اقابلك

الكتكوت :منا حلتهالك

الكتكوته: طب حبيبي نسبها للظروف

الكتكوت : انا مشتقالك اوي ياحياتي

الكتكوته: وانا كمان ياعمري

الكتكوت :طب تعالي في حضني نفسي اضمك

الكتكوته: وانا نفسي اضمك

الكتكوت :لما نتجوز هنعمل والرقابه تقص

الكتكوته: سكوووووت

الكتكوت :انتي مش معايا

الكتكوته: معاك ياحبي بسمعك

الكتكوت :جتلي فكره ايه رايك نتقابل في شقتي مش فيها حد وهنبقي براحتنا ومش نخاف ان حد يشوفنا

الكتكوته: هي سكوووووووووووووت

الكتكوت :مش بتردي ليه ده انا احافظ عليكي برموشي انتي خايفه مني

الكتكوته: لا ياحبيبي انا اخاف من العالم الا انت

الكتكوت :خلاص نتقابل امتي

الكتكوته: وهي سكووووووووت برده

الحوار ده فحواه حصل بالفعل واتبعتلي علي اساس اني هقول رايي

هي خايفه تعمل اي تصرف تخسره وده حبيب عمرها زي مابتقول

ومش تقدر تعيش من غيره

رايي انا هقوله زي زيكم في التعليقات

حد هايصدقنى؟؟ ..... مراته بتضربه

تحدييييييييث هام

عيب اوي اوي كده

احترموا بعض فى الردود

وما تتريقوش على بعض

واحترموا كلام بعض

واحترموا مشاعر ومشاكل الاخرين

واحترموا المدونه وصاحبتها الى مستضيفه مشاكلكم

قال الله تعالى:

لا يسخر قوم من قوم عسى ان يكونوا خيرا منهم..... صدق الله العظيم

اتقوا الله فى بعض

جننتووووووووووووووووووووووني

اقفلهااااااااا؟؟؟

ولا اقفل الردود ؟؟؟؟؟؟ وارد انا بس ؟؟؟؟؟؟؟؟؟؟

احكموا انتم اعمل فيكم ايه ؟؟؟؟؟؟

جالي رد فى موضوع الضرب ا لى فات يا جماعه

وحبيت انشره فى بوست عشان اعرف رايكم فيه

ده كان الرد الى جاني من الاخ.. حد هايصدقنى ؟

أنا بقى حالتي العكس خالص أنا الزوج المضروب بس مش عن ضعف و الله

الحكاية إني متجوز بنت خالتي و خالاتي دول أنا باعتبرهم زي امي بالظبط و جوز خالتي ده صاحب فضل علي في تشكيل طريقة تفكيري حتي قبل ما يموت وصى ليا بمكتبته

المهم مراتي عارفه كويس إني عمري ماهمد إيدي عليها أو حتى اشتمها ده أنا عمري ما شتمت حد الا في ثالتة ابتدائي و لحد دلوقت مش مسامح نفسي عليها

حتى الطلاق ما أقدرش عليه لانها حاتتبهدل بالعيال خصوصا هي بتشوط في عيلتها برده.

اوعوا تفتكروا ان مراتي شريرة هي بس عصبية و محبطة و اذا غلطت في أي حاجة يبقي اللي ادامها السبب

يعني اذا الواد بيسمع كلامي و هي لا يبقى أنا السبب و تضرب الواد للأسف و تغلط فيا وقدامة.

و كل اللي اقدر أعمله اني امسك ايديها او احضنها بقوة علشان ما يحصلش خساير.

موخرا بقيت اقلل من الهزار و اللعب مع الولاد عشان ماستفزهاش.

نسيت أقولكم ان احنا اطلقنا قبل كده مرة بعد اهانة ماقدرتش استحملها.

و خليتها تقعد في البيت زي الشرع ما بيقول لحد العدة ما تخلص. المهم اعتذرت و اتصالحنا و رجعنا لبعض لكن رجعت ريمة.

معلش أنا قلبت البوست لحلئة همسة عتاب

وده كان ردي عليه ده

لا لا ابدا انت شرفتنا

بس اعذرني انت غلطان

هى بتغلط فى عيلتها او بتنطح معاهم لكن ما بتضربهمش ليه ؟؟؟

انت لازم تكون شديد شويه معاها وكمان لازم تخليها تحبك زي ما انت بتحبها

انت طيب اوي وابن حلال وطامر فيك العشره بس برضه لازم تفهم مراتك ان الى بتعمله ده غلط ولازم تكون شديد معاها شويه مش انك تضربها لا طبع

الكن انت راجل افتكر بنيتك تسمحلك انك تمنعها انها تضربك وحلو انك تمتص غضبها وما تخليهاش تتهور

وكمان حكاية اهانتك قدام ابنك دي هاتعمل مشكله لابنك نفسه

الموضوع مش لازم يفضل كده

ابوها وعيلتك على عينا وراسن

احبك كمان علىالعين والراس

لكن لازم من الاصلاح

ونورتنا وياريت الناس اسمع رايهم على كلامك الى ما خدتش بالي منه الا دلوقتي اسفه اوي

ودلوقتي عايزه اعرف رايكم فى الكلام ده ايه

وكمان اوجه لكم سؤال مهم

هل لو ان الزوج بدأ بالضرب لو الزوج كمان ضربته !!! رايكم ايه فى الموقف ده يا ترى هما الاثنين غلطانين اد بعض ولا الزوج غلطان اكتر عشان هو الى بدأ ولا الست غلطانه اكتر عشان ردت على جوزها بالضرب ؟؟؟

وكذلك الحال طبعا فى الشتيمه يعنى لو واحده جوزها شتمها وهى ردتله الشتمه يبقى ايه الموقف ؟؟

منتظره اراءكم

تحديث تاااااااااني : تم غلق التعليقات على الموضوع بناءا على رغبة حد هايصدقنى فى غلب باب النقاش

ترحيب باعترافات هانم .....وطالب تحكيم

باديء ذي بدء نحب نرحب بالاخت اعترفات هانم والى انضمت ليا فى المدونه دي وشرفتني واعترافات الله يسترها وافقت تنضم ليا وتساعدني فى المدونه شويه عشان انا مش فاضيه ومش عاطياها حقها بصراحه المدونه بس غصب عني
ويااااااااارب تفضل معانا اعترفات هانم بكل خير وحب
ونفضل نبعبع ونعرفت لحد لما نرتاح تماما من العقد والشراشيب الى عملها الزمن

أما الان سيداتي آنساتي سادتي اعضاء البولجر العظماء معانا اول مشكله وصلت لبعبعه من قنوات خاصه جدا ولنا الاحتفاظ طبعا بسرية مصادرنا وهاسيبكم تقروا كلام الاخ طالب تحكيم (كما اطلق على نفسه)

السلام عليكم
اكتب لكم موقف حدث بينى وبين زوجتى وارجو منكم الحكم الواضح فى الموقف ده

فى احدى الليالى بعد نوم الاولاد تمت محادثه بسيطه بيننا وكنا نجلس معا اما م التليفزيون وبيننا مسافة مترين تقريبا
وبصراحه الكلام كان مش على هوايا وعلشان كده غيرت اتجاه نظرى للتليفزيون محاول الطناش وقفل الموضوع فتم الاتى :

الزوجه : قذفت قذيفه موجهه الى راس الزوج بمخده صغيره بتاعت الانتريه ( هزار )
الزوج : (ماسك راسه وهوه دايخ من الخبطه وعينه مزغلله) غبيه
الزوجه : انت بتشتمنى ...... وقامت القيامه
الزوج : (بعد ما هدى من الخبطه ) قام بالاسف الشديد محاولا امتصاص الخطأ وتداركه فى نفس الليله حتى لا يكبر الموضوع ويكون فيه زعل يبات لليوم التالى ( حسب اتفاق الزوجين طول فترة الزواج تصفية اى خلاف فى نفس اليوم ولانوم قبل الصفاء الكامل) .... تم القسم والحلف للزوجه بان الخبطه كانت جامده جدا وان راسى لفت وعينى زغللت والشتمه خطأ غير مقصود نتيجة رد الفعل للخبطه مع الاسف الشديد و الوعد بعدم العود مرة اخرى ..... ولكن هيهات البكاء والزعل وعدم قبول الاسف.....

والان بعد يومين من الزعل ( على فكره الزعل فى الخفاء لايخرج ولا يعرف عنه اى شخص حسب اتفاق الزواج الاساسيه)يعنى بنتكلم عادى والزعل مدفون بالقلب

تم الصلح ولكن...
الزوج يطالب بحقه من الاسف هوه الاخر والزوجه ترى انه لا اساس لطلب الزوج
الزوج يبلع طلبه ولكن على اساس اخذ حقه بيده( ضربه مماثله لضربة زوجته بنفس المخده الصغيره) او الاسف من الزوجه

رجاء مناقشة الموضوع وابداء الراى بموضوعيه وهل للزوج الحق او للزوجه الحق فى فعله

ملاحظه : لاتحسبوا الموضوع هزار ولا انه هيافه فيه بيوت بتتقفل لاسباب اقل من ذلك مع تصغير عقل الازواج
فترة زواج قاربت عدد اصابع اليدين ويوجد اطفال منورين البيت

ولكم جزيل الشكر
أخوكم طالب تحكيم

وطبعا احنا هنا كبلوجاريه شكلنا فاضي ومش لاقيين حاجه نعملها عشان كده هناقش مخدة الانتريه بس زي بعضه الاخ طالب تحكيم بيقول انها عملت مشكله كام يوم وان ممكن البيوت تتقفل عشان مخدة الانتريه الصغيره الى اتزقلت

وطبعا هاقول رايي بعد ما اسمع رأيكم

يلا بسرعه الصبح الاقي هنا كل واحد فيكم قايل رايه

واعترافات هانم منورنا فى القاعده تملي