الاثنين، 25 مايو 2009

تجربتى .... من خالد



الحقيقه يا جماحه انا جالي رساله حلوه وحبيت انكم تقروها معايا




الرساله دي من الاخ خالد الى حب يشاركم تجربته




اتفضلوا الاول نقرا الرساله وبعدين انا هاعقب عليها










السلام عليكم




أحب أولا أهنيكي عالمدونة الجميلة دي




واتمنى انها تفيد كل الناس بالتجارب المفيدة الموجودة فيهاوأنا نفسي أحكي تجربتي الشخصية ..


يمكن حد يستفيد منهاأنا هحكيها لأني مؤمن ان تجربتي دي مش مجرد صدفة سعيدة




أنا مؤمن تماماً ان مفيش صدف في الحياة((ما أصابك لم يكن ليخطئك , وما أخطأك لم يكن ليصيبك )) صدق الرسول الكريم صلى الله عليه وسلم




تجربتي بدأت لما التقيت بفتاة أحلامي في الجامعةاعجبنا ببعض .. والاعجاب تطور الى حب عميق جداًتفاهم ملوش حدود , وسعادة غامرة عشناها لما كنا بنبقى مع بعض




إلا ان كان فيه حاجة بتميز علاقتنا عن علاقة كل (الحبيبة) اللي معانا في الجامعةوهي الحدود الصارمة اللي حطيناها لنفسنا ولعلاقتناعلى الرغم من المشاعر الفياضة اللي كنا بنحس بيها لبعض




,الا اننا كنا بنعبر عنها بتحفظمكناش بنخرج مع بعض ..مكناش بنقعد نرغي ونحب في التليفون بالساعات ..لم أسمح لعيني (على ما أتذكر ) بأن تتجاوز وجه حبيبتي الجميل إلى ما دونه ..طوال فترة الجامعة وحتى التخرج ( 6 سنوات ) لم ألمس حبيبتي .. نعم .. لم ألمس حتى يدها




كنا نعين ونشجع بعضنا على مختلف الطاعات والعبادات




كنا مثار اعجاب وحسد كل من حولنا .. حتى الدكاترة والمعيدين بالجامعة




كان الجميع يرى فينا النموذج الطاهر النقي للحب , واللهفة الشديدة في عيننا عندما نكون بعيدين عن بعض




وكنا مثار سخرية من البعض , مثلاً عندما نكون مع بعض في الجامعة ثم يؤذن للصلاة , فنقوم ونصلي , ونعود لنكمل حديثنا




نعم , لم نكن ملائكة , ولم نكن معصومين من الخطأكانت هناك بعض التجاوزات , ولكنها كانت بسيطة (نسأل الله المغفرة )




و لكننا نجحنا في اجتياز اصعب اختبارات الشيطان


مررنا بجميع الفرص للزلل والخطيئة التي وضعتنا فيها الظروف




واجتزناها بنجاح والحمد لله




أعلم جيداً ان علاقتنا كانت قد تبدو للبعض أنها تجاوزات غير مقبولة من اناس ملتزمين , مع أن الغالبية العظمى من الناس ترى التحفظات اللتي وضعناها تشدداً و تحفظاً زائداً لا داعي لهالا اننا كنا نحاول .. ونجتهد




, لنرضي الله نصيب ونخصئ .. ولكننا لم نستسلم




وتخرجنا من الجامعة بعد مصاعب عديدة , وخطبت حبيبتي


واستمر مسلسل التحفظات بيننا , حتى بعد الخطوبة


لم نكن نطيل في محادثات الهاتف , و منعنا على أنفسنا أن نتكلم في الهاتف بعد منتصف الليل




واكتفينا بالزيارات الرسمية من الخاطب لخطيبته في بيتها


وجاء موعد فرحنا


وضعنا كل الاحتياطات والترتيبات لعدم حدوث ما يغضب الله في حفل الزفاف لم نحضر راقصين أو مغنيين .. و نبهنا على كل المعازيم عدم الرقص .. واكتفينا بموسيقى هادئة طوال الحفل وارتدت حبيبتي فستاناً جميلاً محتشماً لا يظهر أيً من مفاتن جسمها وانتهى الحفل , وودعنا أهلنا , وتوجهنا الى عشنا الجميل .


وجاء موعد قطف الثمار ....لا أجد ما أصف به المرحلة القادمة


الا انه يمكنني أن أقول اني أحسست ببركة الله سبحانه وتعالى تنير لنا كل ما حولنا




واحسست بمعنى قوله صلى الله عليه وسلم (( من ترك شيئاً لله عوضه الله خيراً منه ))




لا أعتقد ان أحداً من الازواج بدأ حياته الجنسية بتجربة بديعة استمرت ما يقارب الخمس ساعات , كما حدث معنا ! .
ولا اسمع ان أحداً من الازواج قد مارس ما لم يمارسه أزواج اخرون طوال حياتهم من فنون الجنس , في ليلة لدخل


نسينا حرمان الست سنوات في ليلة واحدة!




سعادة أسأل الله أن يديمها




و حلم جميل بدأ منذ ليلة الدخلة ولم نفيق منه حتى الان بعد مرور سنة على زواجنا




كل يوم فيه اجمل من اللي قبله


نعيش حياة سعيدة مليئة بالحب والرضا والبركةنتبادل الاحضان والقبلات أكثر من مائة مرة في اليوم




نشتاق لبعضنا البعض حتى ان غبنا بضع ساعات


اجتهدنا لرضاء الله , فأرضانا الله


أسأل الله العفة لجميع المسلمين


تحياتي




خالد






احم احم


امسكوا الخشب يا جودعان وبلاش الحقد الى بيفط من عنيكم ده وانت يا ابنى روح بخر نفسك انت والمدام والمعوذتين الصبح وبليل ايوه العيال دي عينها وحشه وانا عارفاهم كويس




انا كمان مؤمنه جدا جدا جدا بالمبدأ ده ان الى بيسيب حاجه نفسه فيها مرضاة لله والى بيعف عن الحرام طول عمره ربنا بيعوضه باجمل حلال فى الدنيا




والحديث الى انت ذكرته برضه رائع الحمد لله




بس هى فى حاجه مهمه عايزه انبه لها




خالد ومراته يا جودعان حاله خاصه ما حدش يعمل فيها شجيع السيما ويعمل كده مع مراته يوم الدخله يا شباب




لان ده فعلا مش صح فى حالات بتكون البنت عندها الغشاء قوي وفضه بيعمل جرح ممكن يكون قوي ولو استمرت العلاقه ساعات كده يا فالح البت هايجيلها نزيف وتموت منك




فلو سمحتم ما حدش يعمل زي خالد




فوق ان لو واحده من البنات الى انا حكيت عنهم فى اسرار البنات عملت طلبت منها وضع 69 ده بالصلاه على النبى هاتبلغ عنك الانتربول




وطبعا يا اخ خالد بنتمنالك سعاده وهنا ميت سنه قدام بس ما تنساش بقى الى قلتلك عليه وربنا هايحسدوك انا عارفاااااااهم




ويارب يسعدكم كلكم اميييييييييييين

هناك 40 تعليقًا:

غير معرف يقول...

يا عالم حرام عليكم احنا ناس مش متجوزين و خلاص حنطق من جنابنا فى المدونه دى :)) 69 كمان يا ناس!!
يا ناس الرحمه حلوه

غير معرف يقول...

ايه خمس سعات
انت ف موقعه حربيه
ده حتى عكا كانت اسهل من كده

بعدين يا ريت شرح و تلخيص ال 69 وضع ده

اللى نعرفه 30 وضع بس
يا ر يت الاجابه ف اسرع وقت

غير معرف يقول...

بصراحة انا م شايف أى داعى لذكر وضع ال 69 كوضع قائم بذاته يعنى الا يعنى فتح باب الخيال والتساؤلات من كل اللى حيقراه فمكنش ليه لازمة يعنى من الاصل ذكرة

أه انا مع الحديث عن المسكوت عنه في المجتمع المصري ومع تدريس الثقافة الجنسية في المدارس علشان موضوع البوست اللى فات ما يتكررش تانى مع حد والخاص باسئلة البنات بس كدة احنا دخلنا في حصة بورنو مش بعبة

بعبعه يقول...

ايه الحلاوه دي كلكم غير معرفين
طيب نرقمهم ونرد


غير معرف نمبر وان :

معلش يا ضنايا روح اتجوز او بطل تدخل المدنه

انا مش قلت للكبار فقط ؟

عاوزه اتجوز بقى يقول...

وضع ال 69 هو تبادل الجنس بالفم بين الولد و البنت فى نفس الوقت عاااااااا

بعبعه يقول...

غير معرف نمبر تو

ما قلنا بقىىىى ما حدش يعمل كده

والشرح مش عندي بقى روح دور فى مكان تاني او خالد صاحب الرساله يرد عليكم

بس المقصود هنا الوضع نفسه اسمه 69
مش عدد الاوضاع

بعبعه يقول...

غير معرف نمبر ثري

اوك انا معاك بصراحه فى حكايه انه مش وضع بذاته

انما حضرتك انا نشرت الرساله زي ما جاتني

وان كنت فكرت فى حذف الجزء ده وبعدين قلت مش هانحط ادينا على بؤ الناس فى كل حاجه

ويعنى ايه بورنو دي يا اخويا ؟؟

بعبعه يقول...

عاوزه تتجوز بقى

فى واحد اهو فوق غلبان ومش عارف يتجوز جو اون اتجوزوا بعض وخلصونا

غير معرف يقول...

أنا خالد , صاحب الموضوع

أنا اسف اذا كانت التفاصيل دي جرحت البعض

انا أرسلت ايميل للمدونة , برجاء تفقده

شكراً لكم

عمرو يقول...

صباح الخير
يبدو أنى جيت متأخر شويه :)
ربنا سعدك بعروستك يا سيد خالد و فعلا ربنا سبحانه و تعالى بيجازى عبده المتمسك بالحلال خير جزاء ..
بس كده أنتم حتتحسدوا الحقيقه خاصة أن أغلب البلوجريه عينهم مدوره دى بعبعه اللى بتقول :)
و بالذان أنت بقى حتتحسد على ال 5 ساعات من العمل المتواصل و هو عمل لا يقدر عليه سوى أعتى العتاه من الطرفين !!
بس مادام قلت 5 يبقى اٍن شاء الله مش حتتحسدوا :))

عمرو يقول...

بالنسبه لوضع ال 69 فمش مجال شرحه هنا لكن هو بيعتبر من المقدمات للممارسه الجنسيه ..
بس أغلب الرجال و ربما معظمهم بيكونوا أنانيين فى اٍعطاء الجنس الفموى لأنثاهم مقابل تلقيه منهن .. و المشاهدات أثبتت أن هؤلاء الرجال الرافضين لفكرة الاٍتصال بالفم لعضو التناسل الأنثوى بيأنفوا للغايه حتى لو كانت معه ملكة جمال الدنيا بل و أنظف سيده فى المجره و الحقيقه أن هذه الممارسه بالذات بتتطلب قدرا كبيرا من الحب و الموده بين الطرفين و خاصة من ناحية الزوج ..
و مش من المستحب الاٍكثار منها فى حالة حدوثها حتى لا تصل الزوجه لمرحلة النشوه و بتكرارها ستجد فيها بديلا أسرع و أسهل من الممارسه الطبيعيه و فى الحاله دى سيعانى الزوج الأمرين للوصول بها للذروه عن طريق الشكل الطبيعى للممارسه ..

غير معرف يقول...

يا عم هيركليز
ايه الفشر ده

اكيد الصراحه بعد لحرمان لازمن تعمل كده
بس مش لازم تعلن ده على الملاء

عمرو يقول...

بعبعه
بأقترح وضع تنبيه فى الصفحه اللى بتدخل على المدونه فيه أن هذه المدونه بتحتوى على محتوى للبالغين و الخاصيه دى حتلاقيها فى صفحة الاٍعدادت على ما أظن ..

خالد (صاحب الموضوع ) يقول...

مازلت في انتظار الرد على ايميلي :)
برجاء سرعة الرد

بالنسبة للاخوة المعلقين ,
انا مش هستفيد حاجة من الفشخرة , أساساً نحدش فيكم يعرفني عشان اتفشخر عليه
أنا كتبت الجزء ده عشان أعرفكم ان اللي حصل معايا ده شيء مش طبيعي , وكان فيه بركة كبيرة جداً من ربنا .
وعامة , ليه الناس كلها فاكرة ان 5 ساعات من العلاقة الحميمة معناها 5 ساعات من الانتركورس ؟
أكيد فيه فترات راحة , واكيد فيه حاجات كتير بتتعمل غير الانتركورس تحديداً.
المقصد العام انها كانت تجربة جميلة ومش أي حد بتتاحله الفرصة دي .

اسف مرة تانية اذا كان كلامي سبب الايذاء لأي حد , واتمنى من الاستاذة الكريمة بعبعة حذف الجزء اللي ارسلته بالايميل في أسرع وقت .
شكراً

بعبعه يقول...

ايه الدوشه دي

الواحد ما يعرفش يروح مشوار ويرجع


هاعدل حاجه فى الموضوع بناءا على طلب خالد وارجعلكم

غير معروف نمبر ثري يقول...

والله يا اخت بعبة انا مش طالب ولا مراهق ولا طلبت تفسير لوضعية 69
لانها معروفة تماما هي خاصة بما يعرف بأسم الاوريل سكس او الجنس الفمي المتبادل بين شريكي العملية الجنسية والبعض بيستخدمها كمقدمة للعملية ذاتها بمعنى تمهيد ليها والبعض بيستخدمها كعملية قائمة بذاتها للوصول للنشوة الجنسية كأحد طرق ممارسة الجنس واشهر مرة زكرت فيها الطريقة دي ايان فضيحة مونيكا / كلينتون انا ما طلبتش معلومات عنها لانها أصلا طريقة غير منتشرة في مصر او دول الشرق ألاوسط لقناعات بعضها تتعلق بنظافة عضو الانثي والبعض الاخر لاعتبارات دينيه لانى البعض بيقول انها حرام ولكن الدكتور يوسف القرضاوي افتي فيما سبق انها حلال ما لم تكن بقصد الانزال وظلت فى هدف الاستثارة فقط للطرفين


انا كل اللى أتكلمت عليه في تعليقي ( انا انيموس نمبر 3 زي ما انتى قولتى علية ) انى ذكر الوضع مكنش لية اي لزوم من الاصل مكنش حيتخل مضمون القصة أصلا ولا حيبوظ الهدف منها وبدل ما حتبقي بعبة حتبقي عبارة عن حصة بورنو وادب أيروسي

دة اللى كنت ااقصده

خالد (صاحب الموضوع ) يقول...

الاستاذة بعبعة

أرجوكي احذفي الجزء الخاص بـ 69 وكل مايتعلق به من كومنتس أرجوكي ,
الناس كلها سابت الموضوع كله ومسكت فيه , وده مش الهدف اللي انا بعت رسالتي له أصلاً .

انا عارف اني ازعجتك كتير
شكراً لتفهمك

Remas يقول...

بعبعة والله انتى زى العسل

وعاجبنى جدا شجاعتك واصرارك على الرغم من عدم فهم البعض

صاحب الرسالة كان كل هدفه يبين للناس ان من يستعفف بيجازيه الله بالخير

وبيستمتع اكتر من واحد جرب ولم يعف نفسه

مش شايفه خالص ان رسالة الاخ خالد ولا تعقيب بعبعة كان هدفه اثارة او الدخول في اى حاجة تانية

مش عارفه انا اتكلمت في حاجة تانية بس حسيت ان النقاشراح لنقطة تانية غير المقصودة من تجربة الاخ خالد

على فكرة بعبعة بيعجبنى اوي قدرتك

على الرد على كل الاراء بهدوء واتزان

ما شاء الله عليكى

اعترافات هانم يقول...

كان محمود المصري بيقو ان اي تجاوز بين الاتنين قبل كتب الكتاب بيكون سبب في فشل العلاقة القائمه ان اجلا او عاجلا

لازم الحدود تكون موجوده عشان ربنا يبارك في الصح

الحرام بين والحلال بين

ربنا يبارك للجميع في حياتهم

بعبعه يقول...

يا غير معرف نمبر ثري

يا حبيبى انت قريت ردي على التعليق الى فوفيك

انا رديت عليك فعلا وقلت

اوك انا معاك بصراحه فى حكايه انه مش وضع بذاته

انما حضرتك انا نشرت الرساله زي ما جاتني

وان كنت فكرت فى حذف الجزء ده وبعدين قلت مش هانحط ادينا على بؤ الناس فى كل حاجه

ويعنى ايه بورنو دي يا اخويا ؟؟


ركز يا باشا معايا


ما جبتش سيره لك انك انت الى عايز شرح ده كان ردي على نمبر تو يا ضنايا




ثانيا قلتلكم وانا مااااالي

حتى خالد رجع فى كلامه ولو انى ما كنتش عايزه اشيلها

وايه يعنى لما نقول الحقيقه وايه يعنى لما نتكلم عن حاجه ماحدي يعرفها

وايه يعنى ياسيدى لما تكون مش منتشره اهو نعرفها وبس

العلم بالشيء دايما افضل من الجهل به

وراي القرضاوي طبعا ابصم عليه يا معلم هو عين العقل

بعبعه يقول...

خالد

خلاص يا سيدى شلته من زمان

لكن التعليقات لا مش شايلاها

مدونتى بقى واناحره فيها
هههههههههههههههه

بعبعه يقول...

ريم


يا حياتي انتى كلك على بعضك عجباني

كلك على بعضك حلو
ههههههههههه

هما كلهم سابوا الرساله وركزوا فى ال69

تقريبا حلم الجعان عيش

بعبعه يقول...

اعترفات

احبك وانت راسي

ههههههههههههههههههه

خالد (صاحب الموضوع) يقول...

أستاذة بعبعة

لو سمحتي تشيلي الاجزاء اللي أشرتلك لها في الايمل وكذلك الكومنتات
لاحظي ان الكومنتات دي بتتكلم عني
وأنا مش عايز تجربتي تبقى مصدر لاثارة الناس أو للفتن دي , ومش عايزها نكتة كل واحد عمال يستهزأ بيها

أنا نشرت قصتي دي لفايدة معينة , لو مش هيتحقق لو سمحتي امسحي الموضوع كله .

شكراً

ذو الوجه المبتسم يقول...

السلام عليكم
جميلة جدا القصة
بالرغم انها قد تكون من تأليف المؤلف نفسه هههههههه
بس قد تكون حقيقية
المهم

الالتزام الدينى لا يمنع ان هناك اثارة جنسية قبل او اثناء او بعد الخطوبة
ثانيا القصة طبيعية جدا وبتحصل كتير
حتى موضوع الخمس ساعات
عادى جدا ومش مبالغ فيه

ماهو الناس الحلوين لو بيفكرو كانو عرفة ان الخمس ساعات ممكن تصفصف على اقل من كده مش لازم احسبها يعنى ههههه
مش الخمس ساعات شغل على ودنه

ثانيا موضوع ذكر الاوضاع الجنسية لكيفية الممارسة ياريت نخليها بوست منفصل ويكون فيه معلومات مفيدة

عندى سؤال
ياترى الاخ خالد عمل لنفسه مدونة بعد ارساله للاميل ولا قبلها ؟؟؟؟

فيه معلومة
عندما يكون الحب هو اول طريق للحياة الزوجية او الجنسية تكون الحياة مختلفة بمعنى هيكون كل شئ جميل وله مميزات
اللى مجرب الحب الحقيقي اكيد يعرف كلامى

تعالو نحب حب حقيقي

تقبلى تحياتى بعبة صاحبة المدونة المفيدة

الفراشة الصغيرة يقول...

خالد

الموضع جميل جدا ومفهش اى تجاوزات
اللى حاصل ده كله

اسمه حقد يا بنى
لانهم معندهمش نص العفه والطهار اللى كانت موجوده عندك
وانت كنت بتقول ان محل نقض فى الجامعه
فمعلش استحملتهم فى الجامعه
استحمل بقى الفئه الموجوده هى كمان

لان اكيد فى ناس دماغها كبير وهتفهم الموضوع وتعرف ايه الغايه منه

وتعرف قد ايه ان الانسان لما بيعف نفسه ربنا بيدله اكثر مما يتوقع

بعبعه يقول...

خالد

مش فاهمه انت عايز ايه

انا شلت فعلا الجزء الى انت اشرت له

انما التعليقات ما دام مافيش فيها كلام خارج انا مش هاشيلها دي ملك لاصحابها مش لك


وبعدين انت هاترجع فى كلامك

هو انا الى قلت انشري ؟؟

حبل غسيل هو حطي موضوع لا والنبى شليه ؟؟

يا سيدى الفاضل ولا اثاره ولا نيله

هاعمل المدونه للكبار فقط

والى هايفتحه بؤه بعد كده معايا مش هاحصله كويس

ايه بثير الناس

خلاص يعنى الكلام الى المفروض الناس تستفيد منه هو الى بقى مثير

والنبى تتوكسوا بلا هم


انت يا ابنى منزل البوست عشان الناس تستفيد منه ولا عشان تكتب حاجه ترضي الناس

خلاص اقولك على حاجه عشان الى مش متجوزين ما يزعلوش ولا يثاروش

احنا نلعن ابو الجواز وسنين هوايامه السوده دايما واوعاك حد يقول الجواز حلو

كده يبقى كويس ؟؟؟؟!!!!!!!

مش هو ده الى بيحصل

مش هاشيل الموضوع والى مش عاجبه ما يقراهوش وما يجيش المدونه تاني

مش انا قلتلكم قبل كده انا بت بطاله

صداااااااااع

بعبعه يقول...

ذو الوجه المبتسم

من فضل بلاش نرمي الناس بالكذب والتاليف

الراجل ما قالش انه مولود سبع عنين فى وشه ولا حاجه

ولو ان ربك قادر على كل شيء


وبعدين برضه هو فى ايه ؟؟!!

هو انا باكلم اطفال ؟؟؟

اي حد يعرف يعنى ايه علاقه جنسيه يعرف يعنى ايه وازاي ممكن تستمر خمس ساعات

فمالوش لازمه التهييص

وبالنسبه للاوضاع حضرتك اعملنا البوست ده ونزله عندك فى مدونتك

بعبعه يقول...

الفراشه الصغيره


انا رقيتك من النهارده

بقيتى الفراشه الكبيره


عقبال الباقيين لما يكبروا

ذو الوجه المبتسم يقول...

ذو الوجه المبتسم
من فضل بلاش نرمي الناس بالكذب والتاليف
الراجل ما قالش انه مولود سبع عنين فى وشه ولا حاجه
ولو ان ربك قادر على كل شيء
وبعدين برضه هو فى ايه ؟؟!!
هو انا باكلم اطفال ؟؟؟

انا اسف
يبدو انى لسة موصلتش لدرجة النضوج
اكيد لما اوصل هابقي اجي اعلق
وشكرا على ردك

ستيتة يقول...

كنت ها أعلق الصبح
اخدتني بلاد وحطيتني بلاد لقيت 30 تعليق

ما علينا

أولا استاذ خالد يا صاحب الموضوع
علي النعمة انت راجل جدع
انت زعلان ليه من التعليقات؟
مش عارف إننا شعب تعبان عرض مستمر؟

مجموعة البشوات اللي علقوا سابوا قمة الأهمية في الموضوع وهو أن العفيف يحصل على متعة أكتر من سي مقطع السمكة وديلها
وبالمناسبة سي المقطع ده لا مقطع ولا بيعرف يقطع هو بس كله بيهجص وبيفتح صدره في الكلام وفي النهاية اغلبنا اجهل من دابة في الثقافة الجنسية وكيف تسعد شريك حياتك وتسعد نفسك انت كمان

مفروض كونك نشرت شيء للفائدة وهو فعلا مفيد جدا تسيب القصة للي ها يستفيد بيها

اما الغلبان بتاع الأفلام فربنا معاه بكره يكبر ويروح المدرسة وممكن ميعرفش حاجة وينجح برضه

يعني هو حد ها يروح يشوف النتيجة؟

السيدة بعبعة ونعم النساء حقيقي

هو انا ليه حاسة اني عرفاك تمام التمام؟
انا خايفة اقول انك مدونة صديقتي لأن اسلوبك نفس اسلوبها

لو طلعتي هي ابقى انا معلمة حقيقي

بعبعه يقول...

ذو الوجه المبتسم

سوري سوري سوري

مش انت المقصود بالطوبه دي

انا باتكلم عن الى بيقولوا ما يصحك وعيب ومالوش لازمه واحنا مش متجوزين ياابله خفي علينا



معلش انا كنت متعصبه وانا بارد

وضايقنى التريقه بتاعة الناس

هاروح اجيب من بيتكم تعلق مش بمزاجك


حقيقى اسفه

بعبعه يقول...

ستيته حسب الله الحمش


شايفين الست الكمل العاقله الكامله دي


هاتي بوسه يا ستيته



لو خمنتى تاني انا مين يا ستيته هاعضك

ممنوع التخمين يا ستيته يا وحشه انتى

ههههههههههههههههههههه

بس مافيش شك انك معلمه حتى لو مش انا الى انتى تقصديها

KHALED يقول...

أنا عايز أقول رأى فى المدونة

فكرة المدونة بشكل عام .. فكرة حلوة خصوصا للناس إللى نفسها تتكلم و تعرض تجاربها أو مشاكلها و بتبقى خايفة لإنها معروفة ..
أعتقد إن التعليق أو عرض المشكلة تحت عنوان غير معروف حل المشكلة دى ..

على الرغم من إنى باختلف مع ناس كتير بتصر إنها تكون جزء من عالم النت الإفتراضى .. تتكلم و تقول و تغنى و الناس مش عارفاهم ولا حايعرفوهم
انا شخصيا مقتنع تماما بقول
لو قلت ماتخفش و لو خفت ماتقولش

ماعلينا و مش موضوعنا .. نرجع بقة للمدونة نفسها
أنا شايفها مدونة إيجابية لو حافظت على الأسلوب العلمى و المتأدب فى عرض المواضيع و حلها و خصوصا المعلقين فأنا شايف إن بعبعة لازم تعمل إشراف للتعليقات علشان الائق و الغير ..

و ياريت يابشر تخليكوا موضوعيين وبلاش تمسكوا فى الهايفة و تسيبوا المهم
إلا يعنى إية 69 ..

ههههههههههههههه

KHALED يقول...

المرة دى بقة لخالد صاحب الموضوع ..

أنا فاهم تماما قصدك من نشر الموضوع وإللى فية بتحاول تبلغ الشباب إنهم بالعفة ربنا أكيد حايجازيهم ..
لكن أنا مش فاهم لية إنتا أصريت تخنق الموضوع فى الناحية الجنسية المادية بس .. على الرغم من إنها حياة كاملة بيعيشها أتنين جزء منها هوا الجنس و إللى خلقة ربنا علشان تتم المودة و الرحمة ..
الجواز مؤسسة كاملة بيديبرها أتنين واحد فيهم الزعيم و التانى نائب الزعيم أحيانا بتكون الست هيا الزعيم من ورا الستارة بس دى مش مشكلتنا .. المهم عايز أقولك إن الجنس فى حد ذاتة هما شوية السكر إللى بتستطعمهم فى بداية ندغك اللبانة و بعد مابيخلصوا مابيفضلكش غير اللبانة من غير طعم و مفروض عليك تندغها غصب عنك حتى ولو عاملالك صداع ...
دة مش معناة إن الجواز وحش .. لأ طبعا بس مش كلة سكر ..

ربنا يوفقك إنتا و عروستك

بعبعه يقول...

خالد

انا ما قلتش اننا نعلق من غير اسامينا عشان احنا خايفيين نقول

لا

لكن لان احنا كمدونين بقينا معروفين لبعض شخصيا

ويمكن نلاقي فعلا احراج اننا نتكلم عن مشاكلنا بشكل مفتوح وحريه فى الكلام

وطبعا هانحافظ على شكل المدونه بشكل محترم
طول ما انا الادمن بتاعها وعلى قيد الحياه

اما حكاية الموديرشن فمش هاعمله عشان برضه مش عايزه اعرف مين بيقول ايه

لكن انا تقريبا كل يوم على المدونه انا واعترافات بمجرد ما هنلاقي حاجه مش تمام بنشيلها



اما بالنسبه لردك على خالد


طب وليه نخليها لبانه مالها البومبانيه الى مش بتخلص ابدا ؟
دايما مسكره

الحياه الزوجيه مش هى الجنس بس

سكنى وموده ورحمه ده وصف القرأن لها


انما الجنس هو جانب اساسي و كبير من نجاح الحياه الزوجيه

وخالد اتكلم من الناحيه الجنسيه لانه بيتكلم عن العفه قبل الجواز عن اي حاجه حرام

ولان الموضوعين الى قبل كده كنا بنتكلم تقريبا بشكل مباشر عن الى بيدور عن الجنس فى عقول البنات والرجال

وبعد ما نشرتهم جالي اميلات تانيه وناس بتقول مشاكل تانيه


ليه احنا بناقش المشاكل دي ؟؟

ليه انا فى بعبعه على راي واحد عبيط مش باتكلم الا فى الجنس

مع ان ده مش حقيقى طبعا


لان انا لما قلت الى عايز يقول حاجه ومحرج منها يجي يقولها هنا

تفتكروا يعنى هذا المجتمع الذي يحمل هسهس عريض من الجنس والحياه الجنسيه هاتكون اسراره الى بتسببله الاحراج ايه ؟؟

طبيعى الحديث على بعبعه ياخد المسار ده

انا مش باتملص من الكلام فى الجنس واقول لا انا مش باتكلم فى الجنس بس

لان اساسا الكلام فى الجنس مش عيب ولا حرام

بس بضوابط طبعا

لكن لانى فعلا المدونه مش مدونه بتتكلم عن العلاقه الجنسيه فقط

انا باكتب من خلال اميلاتكم

اعمل انا ايه يعنى ان كان انتم مشاكلكم اغلبها كده ؟؟؟


شرفتنا يا خالد


مش هو ده خالد صاحب البوست يا جماعه اهاااااا بلاش لخبطه

Emad_harrisburg يقول...

First time to check your blog out.very good concept but with big problem such like that your readers gonna sk you about solution maybe you weren't think about that but here you go you are responsable now at least think about any act in solution.I don't know but maybe a monthly meetup with girls give them some information or something just think about it.thanks

بعبعه يقول...

عماد

شوف يا عماد انا فى الاساس المفروض فكرة المدون انى هانشر كلامكم انتم وانتم كمان الى هاتردوا عليه وتقولوا رايكم

حتى انا في بعض الموضوعات نزلت رديت معاكم تحت فى الردود على صاحب المشكله


وعايزنيا اعرض حلول للمشكله قلة الثقافه الجنسيه

وحل للمشاكل المتعلقه بالعلاقه الجنسيه بين الزوجين ؟

اوك ما عنديش مانع

بس صدقنى اول حل اننا نعرف المشكله جايه منين ونفهمها

ده هو اول خطوه فى العلاج نفهههههههههههههههههههههههههههههههم



تحياتي لك وهافكر فىموضوع الحلول دي


ايه ده انا خلفتكم ونسيتكم ولا ايه

Emad_Harrisburg يقول...

Hi again and thanks for your fast respond.here is my point many people males and females know there is a problem so talking about it is first step but then who gonna try to recover it???? i hope you don't think about government education system not because government doesn'r care abou people but because that is long way we need to walk through and let me remind you first individuals always did changes in thier nations so i think its long way and i believe you are brave enough to walk into it.
I think the first step that is to remove that idea SEX IS SHAME from minds and culture that is very important before any thing happen.and one more time if you decide you will take thise step it will be long way and you can'tgive up in midle of the way because that will destroy more than you built.I apologize about my long comment .

بعبعه يقول...

عماد

شوف انا فى الحقيقه ما كانش هدفي ابدا من المدونه انها تكون لتنمية الثقافه الجنسيه
ومش عارفه انا عندي اصلا القدره على كده فعلا ولا لا علميا يعنى واعتقد انه لا

بالنسبه للمناهج المدرسيه انسىىىىى

عمري ما فكرت فيها كحل ده لو حصل هاتبقى مهزله انسانيه وما حدش هايستفيد منها تماما لاسباب كتير

من وجهة نظري الحل هى التربيه الجنسيه الصحيحه فى البيت بايد الام والاب اولا
الى هما للاسف حاليا عايزين دروس فى الثقافه الجنسيه


اه وعلى فكره انا عرضت مشاكل ناس هما بيتكلموا عنها عشان عرفوا ان عندهم مشاكل

اؤكد لحضرتك ان فى مليون واحد لا ملااااين عندهم مشاكل من نفس النوع ومش عارفين يحددوا فعلا فين المشكله

وده الى خلاني اعرض المشكله عشان الى عايشها ومش حاسس جايز يحسها

وانا معاك فعلااااااااا فى ان احنا محتاجين اولا اننا نلغي فكرة ان الجنس ده عيب وقلة ادب

وحاااااااااااضر هاعمل بوست اتكلم فيه شويه عن العلاقه الجنسيه وامري لله وحده

ممكن اقعد فى جنب المدونه اعيط شويه ؟؟

شرفتنا يا عماد وطول براحتك ياعم مش هاندفعك فلوس زياده